يعني انا تقريبا شخصية انطوائية رغم اني بشتغل وبخرج يعني وكدا لكن بتكسف من كل حاجه عموما يعني لما اخرج لفرح بخاف وبتكسف ادخل والتجمعات الكتير يعني مش بعرف ادخل في نقاشات اوي
السلام عليكم، عادي، اختلاف طبائع بشرية مش أكتر، ومش محتاجة تجبري نفسك تكوني اجتماعية أو متفاعلة بطريقة معينة مع الناس زي أشخاص تانيين اجتماعيين أكتر بطبيعتهم. المهم إن الخجل والانطوائية ميكونوش بطريقة زائدة عن اللزوم ومؤثرة بطريقة سلبية على حياتك وشغلك وبيضيع عليكِ فرص أو بيمنعك تسألي عن حاجات ضرورية أو تواجهي مواقف مهمة في حياتك وشغلك. لو عامل لك مشاكل ساعتها نشوف إيه الطرق اللي نقلل بها الخجل المفرط ونطور ثقتنا في نفسنا وفي القدرة على التعامل مع الناس. وعامة مهارات التواصل بتتطور بالتدرب عليها واحدة واحدة، ومش محتاجة تكوني مثالية من أول مرة. بالتوفيق.
تم النشر الخميس، ٢٧ أغسطس ٢٠٢٦
أول حاجة، شعورك بالخجل والانطوائية ده شيء طبيعي جدًا، ومش عيب فيكِ على الإطلاق. كتير من البنات بيحسوا بنفس الشيء، خاصة لما بيبقى في تجمعات كبيرة زي الأفراح. الثقة بالنفس مش بتيجي فجأة، لكنها بتتبنى بخطوات صغيرة ومستمرة، وأنتِ قادرة عليها تمامًا. ابدئي بخطوات عملية بسيطة: جربي تدخلي أي تجمع صغير أولًا، حتى لو مجرد سلام وابتسامة، وبعدين تزودي تدريجيًا. قبل ما تخرجي، حضري موضوعين خفيفين ممكن تتكلمي فيهم (زي الطقس أو حدث حالي)، ده هيخليكِ تحسي إنكِ مستعدة. كمان، ركزي على نقاط قوتك اليومية، زي إنكِ بتشتغلي وبتخرجي، وكل يوم اكتبي حاجة إيجابية عن نفسكِ عشان تدربي عقلكِ على التركيز على الإيجابيات بدل الخوف. في الأفراح تحديدًا، ادخلي بهدوء واختاري مكان مريح في البداية، ولو حسيتِ بالخجل قولي لنفسكِ "أنا هنا عشان أستمتع مش عشان أكون مثالية". مع الوقت هتتحسني، ولو عايزة أفكار أكتر ابحثي عن أسئلة مشابهة على فدني عشان تشوفي تجارب الآخرين. أنتِ قوية وبتتقدمي خطوة بخطوة، وأنا هنا لو عايزة تكملي الحديث.
تم النشر الخميس، ٢٧ أغسطس ٢٠٢٦
اه اتعامل بشخصيتي ومليش دعوة بحد
تم النشر الخميس، ٢٧ أغسطس ٢٠٢٦
فعلا شكرا
تم النشر الخميس، ٢٧ أغسطس ٢٠٢٦
خليك ع طبيعتك طالما الموضوع مش مؤذى ليك او لغيرك .. وطبيعى الناس تكون مختلفة مش لازم كلنا نبقى اجتماعيين او بنتكلم كتير او غيره
تم النشر الخميس، ٢٧ أغسطس ٢٠٢٦
ايوا عادي ملكيش دعوة بكلام غيرك بس ويقعدوا يقولولك متبقيش انطوائيه ومش عارفة اي متحطيش في بالك هما اللي فهمهم علي قدهم.
تم النشر الخميس، ٢٧ أغسطس ٢٠٢٦
ممكن انا بحب الافراح عادي بس ممكن مش بعرف اندمج اوي فعادي
تم النشر الخميس، ٢٧ أغسطس ٢٠٢٦
غيرك بيحب الأفراح والتجمعات لإن دا شخصيته في الجو دا فعادي
تم النشر الخميس، ٢٧ أغسطس ٢٠٢٦
حاجه عادية ي حبيبتي أي وحده بيكون ليها شخصية غير التانية .
تم النشر الخميس، ٢٧ أغسطس ٢٠٢٦
انا بقول حاجه عاديه انا متعرضتش لحاجه وشغلي بتعامل معاه عادي مع الزبون وكدا
تم النشر الخميس، ٢٧ أغسطس ٢٠٢٦
حاجة عادية ، انا كمان مبحبش التجمعات والأفراح
تم النشر الخميس، ٢٧ أغسطس ٢٠٢٦
بشوف دا عادي يمكن دي طبيعة شخصيتك انك انطوائيه..يعني أنتِ عايزه تغيّري شخصيتك؟.. هل بتبقي خايفه تغلطي مثلا ف حاجه او خايفه من تعليقات الناس مثلا؟ او يمكن تعرضتي لتنمر قبل كدا ف دا اللي مخليكي مش واثقه ف نفسك! هوا لو مش مأثر عليكي اوي ف شغلك و كدا ف عادي أنتِ د نوع شخصيتك و مش لازم تبقي بتدخلي ف كل نقاش مثلا..
تم النشر الخميس، ٢٧ أغسطس ٢٠٢٦
لعرض السؤال في فدني اضغط هنا