انا بنت عندي18 سنه... أسالكم بالله ان تقراو مشكلتي علشان انا حرفيا في ورطه ومش لاقيه حد يساعدني....
بصوا انا مع واحد بقالنا حوالي تلات سنين... بنتكلم اونلاين بس لكن عمرنا متقابلنا.. المهم اتعرفنا عن طريق النت وفضلنا نتكلم لحد محبيتو بعدها ابتدا الموضوع بمره عايز اشوفك ب هدوم داخليه والكلام داا. وانا من حبي الشديد ليه للاسف الشديد عملت كدا😔 مع العلم انا عمري معملت حاجه زي كدا او مشيت مع حد ف الحرام اصلا...
المهم بعدها بقى علطول بيشوفني كدا وانا مش عارفه اعمل اي وهوا قالي كتير جدا لو عايزه تبعدي براحتك وهوا مستحيل يعمل حاجه تضرني لانو لو كان عايز يعمل حاجه تضرني لا قدر الله كان عمل من زمان بس انا واثقه فيه جدااااا لإبعد حد..
المهم انا خايفه قوي لما أقابل ربنا مش عاࢪفه اعمل اي واهلي اللي خونت ثقتهم فيا مش عارفه واحنا الاتنين فرق السن مبينا كبير شويه ودايما يقولي انا خايف اتقدملك اهلك يرفضوني هوا عموما مش هنا لسه هوا بعيد...
ودايما اقولو اتقدم واعمل اللي عليك يحلف ويقولي والله هعمل كل حاجه ومش هسيبك ولا هتخلى عنك ...
بصراحه عمري مطلبت منو حاجه ورفض بالعكس دا دايما بيقف جنبي في كل حاجه في الفلوس في جدعنه في كل حاجه والله.. وهوا دا اللي مخليني مستمره معاه لاني انا عايزاه برضووو جداااا بس عايزاه في الحلال ومش عايزه يحصل مبينا اي تجاوزات اكتر من كدا بقى وف نفس الوقت خايفه افضل استمر في علاقه حرام لا هترضيني في الاخر ولا هترضي ربنا.. وانا مش قادره ابعد والله نهائي
قولولي اعمل اي وارجو الرد باحترام جزاكم الله خيرا
أنتِ بنت 18 سنة وليكِ 3 سنوات في العلاقة يعني دخلتي العلاقة دي وأنتِ 15 سنة؟؟ متقوليش أنا بحب لأن أنتِ متعرفيش يعني أي حب أصلًا!! وأنا آسفة أنا هكون قاسية عليكِ عشان تفوقي لنفسك! أولًا هو مش راجل هو عيل مراهق ثانيًا ولا هيتقدم ولا هيقبل بيكِ تكوني زوجة ليه وأنا آسفة إني بقولك كدااا بس أنتِ أخترتي طريق رخيص رخيص جدًا جدًا جدًا جدًا وهو عرف يستغلك جدًا جدًا!! بعيدًا عن الكلام حرفيًا أنتِ لأزم تقطعي العلاقة فورًا بلا حب لا تعلق، أنتِ متعلقة مش أكتر أول ما تكبري وتنضجي هتعرفي يعني إيه حب أصلًا!! الجزئية الأهم أنتِ بتقولي أنا زعلانة عشان حاسة إنك خونتي أهلك وربنا؟؟ وفي نفس الوقت بتقولي مش قادرة يبقى أنتِ مش صادقة أصلًا خافي ربك وسيبي العلاقة فورًا ولو هو نصيبك هيجي من سابع سماء!! الحاجة الأخيرة: أطلبي منه يحذف كل الصور وكل حاجة ما بينكم وبلاش كلمة أنا واثقة فيه ديه عشان هو أصلًا لو واثق في نفسه كان أتقدملك بدال لعب العيال دا!! وعايزة أقولك حاجة كمان دوسي على قلبك واوعي ترجعي واوعي ترخصي نفسك أنتِ غالية!! ربنا ساترك بس للأسف الستر دا في يوم هيتشال عنك والذنب هيتكشف لو فضلتي مستمرة فيه من دالوقتي خليكِ إنسانة صادقة جدًا مع نفسك وأقطعي أي طريق رخيص هيقلل منك وأنتِ مش ضامنة عمرك! وأنتِ بنفسك ذنب معيشك في رعب؟ ليه تعيشي في رعب باختيارك بحجة الحب ودا مش حب أصلًا متثقيش في حد أي حد على الإنترنت توبي من دالوقتي أوعي تأجلي أعرف إن هتاخديه من غير معصية اصبري اصبري اصبري أوعي تضعفي
تم النشر الأحد، ٢٧ سبتمبر ٢٠٢٦
أختي العزيزة، أولاً أحب أقولك إني فاهمة تمامًا اللي بتمرّي بيه، والشعور بالضياع والخوف من الله والندم على اللي حصل ده طبيعي جدًا، وده دليل إن قلبك لسه بيحب الخير وخايف من الغلط. أنتِ بنت صغيرة ولسه عندك 18 سنة، ودخلتِ في علاقة طويلة بدون ما تقابليه، والموضوع تطور لصور خاصة، وده خلّاكِ تحسّي بالذنب الشديد تجاه ربنا وأهلك. ده موقف صعب، وأنا مش هحكم عليكِ، لكن هساعدكِ تفكّري بطريقة عملية وإسلامية. الأهم دلوقتي إنكِ توقفي أي تجاوز فورًا، يعني متشاركيش أي صور أو كلام خاص زيادة، لأن ده بيزود الذنب ومش هيحل المشكلة. قوليله بوضوح إنكِ عايزة العلاقة تكون في الحلال بس، واطلبي منه جدول زمني واضح للتقدم (مثلًا خلال شهور معينة يتواصل مع أهلك أو يبدأ الخطوات الرسمية). لو هو فعلاً بيحبكِ وبيقف جنبكِ زي ما قلتِ، لازم يثبت ده بالفعل مش بالكلام بس. لو رفض أو ماطل، يبقى ده إشارة إن العلاقة مش هتكمل في الاتجاه الصح. أنتِ مش قادرة تبعدي دلوقتي، وده مفهوم بسبب الحب والدعم اللي بتاخديه منه، لكن استمرار العلاقة الحرام هيخلّيكِ أكتر تعاسة مع الوقت وهيأثر على علاقتكِ بربنا. جربي تعملي استخارة وتدعي ربنا يهديكِ ويبعد عنكِ الشر، وابدئي تقوّي نفسكِ بالصلاة والقرآن عشان تقدري تاخدي قرار أقوى. لو لقيتِ صعوبة، ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ قادرة تتجاوزي ده، ولو قررتِ تبعدي هتكوني أقوى وأكثر راحة مع نفسكِ وربنا. خدي خطوة صغيرة دلوقتي وادعي الله يسهّل أمركِ.
تم النشر الأحد، ٢٧ سبتمبر ٢٠٢٦
لعرض السؤال في فدني اضغط هنا