جماعه انا كنت مرتبطه وعرفت انه غلط وصليت ودعيت ربنا ان مش هعرف ابعد وانه يشيل حبه من قلبي لاني مش عايزه اضعف وارجع و بالفعل والله اسبوع واحد ومبقتش طايقه كلمه منه ومهما يعمل عشان يفرحني مش قابله حاجه وقلتلو نبعد بس هو رفض وبقي يهدد فيا يكلم أخويا يقوله اني بيحبني واني لو مفضلتش برضايا هفضل بالغصب ولو بعدت ووجعته هيوجعني اضعاف ويقهرني ويكسرني ولو مش لي هبقى لربنا بيدعي لي اموت ولا ابقى لغيره انا كنت بعتالوا صور بحجابي كامل والله ولبس خروج عمرها ما زادت عن كدا هو مهددنيش بالصور هددني بس يقول لاخويا انو بيحبني وعايزني بس برضو خايفه ع صوري منه وخايفه يعمل فضيحه لاهلي واهلي لو عرفو هيموتوني انا مش عارفه اعمل اي ومش عايزه ارجع للذنب دا مستحيل ارجع تاني بس خايفه اوي ومش عارفة اعمل اي معاه اكيد ربنا مش هيسيبني كدا هو سمعني وشال حبه عشان اقربله اكتر بس ليه بيحصل كدا والله منهاره حرفيا مش بنام من الخوف ولا باكل اعمل اي بجد
أختي العزيزة، أولاً أحييكِ على قوتكِ في الرجوع عن الذنب ودعائكِ الصادق لله أن يشيل هذا الارتباط من قلبكِ. هذا دليل على توبتكِ الصادقة، وربنا سبحانه وتعالى يقبل التوبة ويغير القلوب كما تشاء، وهو الذي استجاب لكِ وأزال المشاعر في أسبوع واحد فقط. استمري في الصلاة والدعاء والاستغفار، فهذا يقوي قلبكِ ويحميكِ. بالنسبة للتهديدات التي يوجهها لكِ، هذا سلوك غير مقبول ويجب التعامل معه بحذر. أول خطوة عملية: اقطعي كل وسائل التواصل معه فوراً، احذفي رقمه وحظريه على كل التطبيقات، ولا تردي على أي رسالة حتى لو هدد. لا تفتحي أي نقاش معه لأن ذلك قد يشجعه. إذا استمر في التهديد بإخبار أخيكِ أو إثارة فضيحة، فكري في حفظ الرسائل أو التسجيلات كدليل إذا احتجتِ للأمر لاحقاً، لكن دون أن تتواصلي معه. أما مخاوفكِ من الصور، فهي مفهومة، لكن تذكري أن الله معكِ وهو الذي يحمي، وأنتِ لم ترسلي شيئاً محرماً خارج الحجاب. إذا شعرتِ بالخطر الشديد على سمعتكِ أو سلامتكِ، فكري في استشارة شخص موثوق من العائلة بشكل غير مباشر أو البحث عن حلول قانونية مناسبة في بلدكِ دون تعريض نفسكِ للخطر. ربنا لن يترككِ، وهو الذي سمع دعاءكِ وأعانكِ على الابتعاد. ابحثي عن أسئلة مشابهة على فدني للحصول على آراء إضافية، واستمري في التركيز على تقوية نفسكِ بالقرآن والذكر. أنتِ قادرة على تجاوز هذا، وستجدين السلام إن شاء الله.
تم النشر الثلاثاء، ١ سبتمبر ٢٠٢٦
@مجهولة . ان شاءلله ادعيلي 💗
تم النشر الثلاثاء، ١ سبتمبر ٢٠٢٦
@Amoura Al-Rifai يتقدملها اي يا بنتي دا هيدمرها وهتطلق ويرميها ، دا بني آدم بتاع بنات مش هيملي عينه حد طول مهو في الطريق دا .
تم النشر الثلاثاء، ١ سبتمبر ٢٠٢٦
@مجهولة . برافو عليكي والله انا بعمل نفس الشيء بس عندي خوف شوية
تم النشر الثلاثاء، ١ سبتمبر ٢٠٢٦
شكراً تسلميلي بجد
تم النشر الثلاثاء، ١ سبتمبر ٢٠٢٦
ابعدي عنه ملكيش دعوة بيه ينجح مينجحش دا مستقبله مش مستقبلك ، خليكي في بيتك معززة مكرمة واستني واحد صالح يتقي ربنا فيكي
تم النشر الثلاثاء، ١ سبتمبر ٢٠٢٦
@Amoura Al-Rifai عايز يقعدني معاه سنتين لحد مايخطبني قلتلو موافقه بس افضل بعيد عشان كدا حرام مش راضي عايزني نفضل نتكلم وافضل موجودة وهو اصلا لسه بيدرس معندوش اي حاجه من سنه قالي استني عليا سنتين عدت سنه وهو لسه معملش حاجه بيقولي ليا ف زمتك سنه تاني ومش مسامحك وذنبي ف رقبتك طب خد السنه من بعيد مش موافق خالص ولسه قدامه سنتين دراسه تاني وبيقولي قدامي اتنين اخواتي اكبر مني مينفعش اخطب قبل منهم
تم النشر الثلاثاء، ١ سبتمبر ٢٠٢٦
مدام مش عايز يسيبك ليه ما تقوليش ليه يجي يتقدم لك
تم النشر الثلاثاء، ١ سبتمبر ٢٠٢٦
استعيني بالله واصبري ، دا ابتلاء ، واصلا احيانا تهديدات الشباب بتكون كلام وخلاص عشان يخوف الواحده ، انا فاكرة إن حصل معايا موقف مشابه ، لقيت واحد كدا داخلي خاص فبيقولي نتعرف وكدا قولتلوا مين قال ولد فقلتله مبتعرفش علي شباب ، المهم قعد يخترعلك شوية حاجات وكدا عاوز يحلل الكلام وانه مش حرام ، رحت عملت بلوك انا مالي يحلل ولا يحرم هو حر ، لقيته داخل من رقم تاني بيقول لو متعرفناش ههكر فونك قلتله هكَّر ، اعملك اي يعني ، قالي والله مبهزر طب استني هتلاقي رقم هيدخلك دلوقتي و وههكرلك تلفونك ، قولتلوا ، العب مع اللي قدك واعمل اللي تعمله وعملت إبلاغ للرقم .
تم النشر الثلاثاء، ١ سبتمبر ٢٠٢٦
انا مطمنه ان ربنا معايا بس ف نفس الوقت بخاف ع اهلي وسمعتهم لو حصل حاجة
تم النشر الثلاثاء، ١ سبتمبر ٢٠٢٦
دلوقتي الAi تطور يعني في طرق كتير هتلاقي المنظمات عارفاها فمتقلقيش .
تم النشر الثلاثاء، ١ سبتمبر ٢٠٢٦
موضوع الصور دا علي المباحث لما تكلميهم هما هيتصرفوا بأي طريقة منكم يعملوا هكر لتلفونه أو يعملوا أي حاجة ومتقلقيش هيتصرفوا إن شاء الله
تم النشر الثلاثاء، ١ سبتمبر ٢٠٢٦
طب لو وافق ع البعد مفيش طريقه امسح بيها صوري لان لو كلمتهم لازم يكون ف تهديد هو ممكن يوافقني عشان يطلع نفسه برا الموضوع ويعمل بيها حاجة بعدين ويقول مش انا فهماني؟
تم النشر الثلاثاء، ١ سبتمبر ٢٠٢٦
استمري علي موقفك وابعدي عنه حتي لو عاوز يصيبك بضرر ف مش هيضرك إلا إن شاء الله بصي منكم تتواصلي مع رقم مباحث الإنترنت دا ( 108 ) وهما هيتواصلوا معاكِ في سرية تامة وهتعطيلهم رقم الشاب دا بعد متحكيلهم وهتروح الشرطة متصلة علي رقمه وهتكلمه ولو رفض يستجيب ويحذف الصور وأي حاجه متعلقة بيكي معاه هيتم استدعاؤه لمركز الشرطة وطبعا هو مش غبي عشان يرفض لإن هو عارف إن الموضوع هيبقي فيه سجن لإن عقوبة الإبتزاز السجن ، وهيبعد من حياتك بعدها .
تم النشر الثلاثاء، ١ سبتمبر ٢٠٢٦
لعرض السؤال في فدني اضغط هنا