دلوقتي لو انا لما دخلت ثانوي كنت عارفه كويسه ان مفيش حب ولا كلام من ده و كنت من النوع الي يعتبر بارد شويه الي مبيحبش حد من الاخر مش بتعشم ف حد ف المهم كنت دايما ماشيه علي مبدأ ان أي حد يتعوض حتي انا
ده الي كنت بقوله يعني لما يكون عندي صاحبه و ابعد عنها عشان واحده حسيتها شبهي اکثر و من واحده لواحده و كده و عادي م هما هيصاحبوا غيري برده يعني الموضوع مكنش اوي ف بالي ف المهم لما دخلت ثانوي كان في واحد بيفضل يبص لي و انا كنت ببص له بس بعدين اكتشفت انه بيحب واحده معانا ف الفصل ف عشان عيني كانت بتروح له تلقائي لأني كنت اتعودت ابص له ف قولت عشان میفکرش اني معجبه بيه ولا حاجه ف حاولت اركز انتباهي علي حد تاني
الحد الثاني ده كنت بحسه طفولي ف نفسه بيغلط و بيقع كتير و طول الوقت بيقول نكت رخمه بس معرفش بصيت له و هو كان بيبص لي و بدأ يضحك لي و بعد المدرسه و ف اي مكان يشوفني ف المهم بعد ثلاث شهور حسيت اني فوقت لشويه لنفسي و قولت هو انا عايزاه يكلمني ؟
ف
قولت لا عشان حرام و لو بعت لي مثلا و عملت له بلوك هبان هبله قدامه ف بطلت ابص هو كان يقف قدام السبورة بالدقايق عشان ابص له و تصرفاته و كلامه زي انه يقول كلام ف الفصل و هو قاعد لوحده زي بحبك كده مرة واحده ف الفصل و يبص لي بطرف عينيه انا فضلت بحاول مبصش شهور حاولت و قولت مع الوقت هيستسلم و يشوف غيري بس للاسف اتعلقت بيه
انا شوفت فيه عناد و اصرار و غیره و حنيه و المهم كان يقعد ينزل ريبوستات عن ازاي بيحب واحده و هي م فارق معاها ف نزلت ریبوست و انا اصلا وقتها مكنتش اعرف انه يعرف الاكونت بس قولت يمكن ان انا م عايزه کلام عشان حرام قولت يمكن يبعد لقيته و مس الفلسفه بتتكلم بيقول لها مس مش هو الارتباط حرام؟
قالت له طبعا ف قال لها بس اني ابص لها عادي قالت له لا حرام برده راح مشوح بإيديه و عمل نفسه مسمعش بس هو على اساس وصل لي انه فهم رجعت ابص له شويه بس ف يوم لقيته واقف مع صاحبه ف صاحبه بيقول له اقول ف هو بيقوله قول انا هخاف ف صاحبه راح قال بصوت عالي (اسمه كاتب على الانستا بحبك يا (اسمي و قالها اربع مرات
حرفيا اليوم الي بعده هو مكنش عايز يدخل بس دخل و كنت بعدت و فضلت ارجع ابص له لانه حرفيا كان بجد بيحاول و بيقف لو بالنص ساعه يبص لي و لو عينى اجت في عينيه يدمع لى و كنت برجع ابص بس
بعدين هو يعني كان بيتابع بنات كتير علي الانستا و كده ف ده اصلا سبب من اني كنت بحاول ابعد بس هو كان معايا ف الفصل يعني لدرجه اني كنت بروح المدرسه متأخر عشان بيتي بعيد و بركب موصلات و بفضل واقفة كتير علي الطريق يعني حرفيا الطابور يطلع و الحصه تبدأ و انا لسه موصلتش و هو بيته جمب المدرسه
كنت انزل من العربيه الاقيه واقف يستني برا المدرسه و مكنش يمشي غير لما يشوفني ف يضحك لي و يمشي قدامي و لو دخل المدرسه يقعد برا لما يشوفني يدخل ورايا الفصل و لما اجت ورقه علمي و ادبي راح شاف انا اخترت ايه و دخل ورايا و صاحبه مسكو ف الفصل و قعدوا يقولوا والله كنا عارفين هتغير ليه
و انا لما روحت تشوف الورقه عرفت انت رايح تشوف ايه و المهم راح غير و بقي زيهم و لما تانيه بدأت لقيته معايا ف الفصل و طلع بعد مغيرها مع اصحابه راح اجي ف الاجازه كتبها زيي بس انا برده كنت بحاول اتجاهل اصل انا مش وحشه انا كنت بموت كل يوم و شايفة نفسي وحشه بس انا عارفه ان لو فضلنا معلقين و بعض و بنضحك لبعض الناس هتاخد فكرة وحشه عني وغير كده هعلق نفسي و انا عارفه اني مش بشوفه غير ف المدرسه بس
المهم ف ثانيه لقيته بدا ينزل ريبوست زي حرفي و حرفه و always forever و قريب الروح بعيد المسافات و حتي لو متكلمناش هفضل افكر فيك ف كده ف كنت بموت كل يوم و بفضل اصلی و انا بعيط و نفسی
اقسم بالله مكنش بيبعد كان بيفضل يحاول و يقرب لو شافني واقفه ف مكان ويبص و يتكلم و حتي كنت صدفه كنت ماشيه ف هو كان ماشيه مع اخته ف لقتها ضحكت لي اخته دي مجوزة ف كل م كنت ابعد كان حاجه تعشمني ان ممكن ظلماه
بس بعد الي صحبتي قالته لي حسيت ان واحده عاديه لمكان معين بس او م عارفه بس حسيت اني شكلي كان اهبل و هو عايش حياته و انا موقفه حياتي و صحتي باظت بسبب العيط بتاع كل يوم و الزعل و جلد الذات الي كنت عايشه فيه بسبب قد ايه كنت شايفه نفسي قاسيه عليه
و بدأت اخد بالي زي حتي بعد م كنت بعيط قدامه كذا مرة عمرهم غير من اي حاجه تضايقني حتي انه
يخفيها و ميقولهاش لصحابه قدامي لا كان بيقولها عادي و يشوفني بعيط و هو عارف ليه عشان مش مره واحده الي كنت فيها بسببه و هو متاكد اني بحبه
و اليوم الثاني الاقيه بيبص لي لما يشوفني و يضحك لي عادي و كأن محصلش حاجه خالص اليوم الي قبله و لو مضحكتش يلف وشه و ميبصش لي اليوم كله ساعات مبفهمش بجد طب ليه لو انت مش بتحبني
مبعدتش من الاول لما انا اتجاهلتك ده حتي مكنش بينا كلام يعني يكون عشمتك بحاجه ده انا محاولتش اثيت حبي غير بعد شهور من محولاته و اني صدقت انه بيحبني ؟
بس ساعات كنت بحسه عايز يفضل يحاول لوحده يفضل يحاول و يوري اصحابه قد ايه هو بيحب واحده مش بتحبه و ينزل ف ريبوستات مع اني كنت احاول ابين اني بحبه بس ولا كان يدي رد فعل ولا كأنه شاف الرساله الوحيده الي بعتها لي ف كانت ف اخر ثانيه ثانوي كانت "موحشتكيش ؟"
و بعدها اصلا زي مهو بتصرفاته و طريقته و برده فضلت مختاره البعد يعني هو مختار المكان ده حتي لو عشمني ف الاول و صدقته خلاص انا فهمت انه ف الحقيقه مش عايزني او تعبت معدتش فاهمه اعمل ايه
بس هو عمره م حبنيي خالص ؟ اومال ايه الدموع لما اتجاهله و الغيرة والفرحه و لمعه عينيه لما اضحك له معدتش فاهمه حاجه و م قادره اتخطي
السلام عليكم، بصي حبيبتي، أنتِ صغيرة واللي مريت به حصل مع بنات كتير غيرك في المرحلة دي. الحوارات دي بتحصل كتير والنظرات والإعجاب وقصص الحب من طرف واحد، مرحلة طبيعي يحصل فيها انجذاب وتفكير في الجنس الآخر. بعد كذا سنة صدقيني هتضحكي لما تفتكريها. سواء هو أحبك أو كان مبسوط بالفكرة أو كانت مشاعر إعجاب فحاول يلفت نظرك ولا حتى كان بيتسلى، دي كلها مشاعر مؤقتة والإنسان خاصة في المرحلة دي بيتغير وبينضج ومشاعره كمان بتتغير وتنضج، فمتعتمديش على اللي حصل والأحداث اللي فاتت وتقعدي تفكري وتحللي كتير فيها وركزي على اللي جاي. *** هل فيه فائدة حاليا من سؤال هل احبك أو لأ؟ هل فيه امل للعلاقة دي حاليا لو هو كان فعلا بيحبك؟ إيه المسار اللي تتوقعيه في حالة كان بيحبك؟ أنتم صغيرين فمعنى ده إن الطريق الوحيد الحلال بالنسبة لكم هو الزواج مش متاح حاليا، ومين عارف لما تكبروا المشاعر هتكون عاملة إزاي ساعتها. *** بالمناسبة، لو مكانك وهختار حد أفكر فيه أكيد مش هفكر في شخص بيتابع بنات على السوشيال ميديا. أخيرا، الحب على فكرة مش بالنظرات ولا حتى بالكلام والريبوستات ولا الاعترافات الجريئة قدام الأصحاب. الحب أكبر من كل اللي فات ده والزمن والعشرة هما اللي بيثبتوه ويقووه او كان صادق، وله طريق واحد حلال هو الزواج. فركزي السنين دي على نفسك وطوري شخصيتك وافهمي الحياة والعلاقات السوية وحقوقك وواجباتك فيها ولما ربنا يأذن ساعتها هتعرفي تختاري الشخص الصح واللي يستحق فعلا يكون شريك حياة. بالتوفيق دايما.💚💚
تم النشر السبت، ١٧ أكتوبر ٢٠٢٦
أول حاجة، أنا فاهمة إنك بتمري بفترة صعبة جدًا ومشاعرك مختلطة ومؤلمة، وده طبيعي لما الإنسان يحاول يبعد عن حد كان بيحس إنه بيحبه بس في نفس الوقت بيحاول يلتزم بمبادئه. أنتِ عملتِ اللي تقدري عليه عشان تحافظي على نفسك وتبعدي عن الحرام، وده شيء يستحق التقدير، حتى لو كان صعب عليكِ. اللي حصل مع الولد ده يبدو إنه كان بيحب يجرب يقرب ويجذب انتباهك، وكان بيظهر إصرار وغيرة ودموع، لكن في نفس الوقت كان بيتابع بنات كتير ويتصرف بطريقة مش واضحة ومش ملتزمة. ده بيخلي الإشارات مختلطة، وغالباً كان بيستمتع بالمطاردة أو بالشعور إنه بيحب واحدة مش بترد عليه بنفس القوة، مش بالضرورة إنه كان بيحبك حب حقيقي يؤدي لشيء حلال. أنتِ حاولتِ تبعدي مرات كتير، وهو كان بيرجع يحاول، لكن في النهاية التصرفات دي خلّتكِ تحسي إنكِ موقفة حياتك وصحتك بتتأثر، وده دليل إن العلاقة دي كانت بتأذيكِ أكتر ما بتفيدكِ. عشان تتخطي، حاولي تركزي على نفسك دلوقتي: اكتبي كل اللي حصل في مذكراتك عشان تفهمي المشاعر وتطلعيها برا دماغك، وخصصي وقت يومي لنشاط بتحبيه زي القراءة أو الرياضة أو تعلم مهارة جديدة. ادعي ربنا كتير إنه يشفي قلبك ويبعد عنكِ أي حد مش مناسب، وتذكري إن الحب الحقيقي في الإسلام بييجي من خلال الزواج الحلال مش من النظر والكلام. أنتِ مش وحشة ولا قاسية، أنتِ بنت قوية حاولتِ تحمي نفسها. لو عايزة تفهمي أكتر أو تسمعي تجارب مشابهة، ابحثي عن أسئلة مشابهة على فدني عشان تشوفي وجهات نظر تانية. خدي وقتك وهتعدي الفترة دي بإذن الله.
تم النشر السبت، ١٧ أكتوبر ٢٠٢٦
لعرض السؤال في فدني اضغط هنا