انا عندي 15 سنه تانيه ثانوي اتكلمت مع ولد عندو 22 سنه حبيتو اوي انا اصلا بتعلق جامد بالأشخاص خصوصا اي حنيه الاقيها انا والدي متوفي وفاقده حنيه الاب الولد دا قالي انو حاسس بحاجه من ناحيتي وانا وافقتو بكدا وقولتلو وانا كمان بس فجأة عرفت بنت عمتي و اللي هيا اقرب واحده ليا ومن ساعتها وهيا بتقولي سيبيه وانتي صغيره وبتوقع م بينا هي نيتها مش وحشه هي شايفه ان الارتباط حرام وهو قالي انو ملحقش يتعلق بيا (بقالنا اسبوع ونص بنتكلم مثلا ك ارتباط) انا مش عارفه هل فعلا اسبيو و لا اكلمو ومعرفش بنت عمتي وافضل معاه
ياريت تفيدوني بجد
السلام عليكم، بصي يا قمر، بنت عمتك معها حق... الارتباط فعلا حرام. طبيعي في عمرك تحسي بالمشاعر دي وده مش حرام في حد ذاته، الحرام إنك تخلي المشاعر دي تاخدك لطريق مش صح. مفيش حاجة اسمها ارتباط بين ولد وبنت وصحوبية وكل الكلام اللي ماشي دلوقتي، المفروض فيه حدود في التعامل والاختلاط بين الأولاد والبنات وربنا وضع الحدود دي عشان تحمينا. ** ثانيا، في حالتك أنتِ لسه صغيرة قوي. عمرك ده عمر حساس جدا والمشاعر فيها لسه خضراء ولسه بتتعرفي على الدنيا ومعندكيش خبرة وممكن متعرفيش قد إيه فيه ناس مخادعة ومعندهاش ضمير ويعملوا أي حاجة عشان يتسلوا ببنات الناس، كمان أنتِ مفتقدة حنان الأب وبتتعلقي بسرعة، فهتلاقي نفسك بتخلطي بين الحب الصح (اللي مش حرام) والتعلق المرضي وسهل تصدقي أي شخص يظهر لك حنان ولا يقول لك كلمتين حلوين. **** الشخص ده أولا أكبر منك بكتير وتجاوز فترة المراهقة وكبر وعارف كويس هو بيعمل إيه، واللي زيه لما بيقربوا من بنت صغيرة بيكونوا بيستغلوا عدم نضجها وصغر سنها وافتقادها للحنان والعاطفة فيلعبوا على مشاعرها ويتسلوا شوية لحد ما يزهقوا. بعد كده يكسروا قلبها عادي ويروحوا يشوفوا صيد جديد. *** بنت عمتك عندها حق وهي خايفة عليكِ، اسمعي كلامها. لو خايفة أنتِ كمان على نفسك وعاوزة مصلحتك ابعدي تماما وأنتِ لسه على البر (بتقولي لسه من أسبوع) لو كملتِ أكتر هتتعلقي زيادة وقلبك هينكسر في الآخر. اللي أنتِ فيه أولا مش حب، ده تعلق لسه في أوله فمتخليش التعلق يزيد ومتقدريش تتخلصي منه بسهولة. اقطعي علاقتك به واعملي بلوك ومتغضبيش ربنا عشانه. *** وأنصحك تبحثي على فدني وشوفي قد إيه مشاكل البنات كاتباها هنا عن اللي حصل معها بعد ارتباط حرام وكسرة قلبها وإزاي مش قادرة تتخطى. ربنا معك.💚
تم النشر الخميس، ٢٠ أغسطس ٢٠٢٦
نعم، الارتباط بالمعنى اللي بتتكلمي عنه (كلام ومشاعر خارج إطار الزواج) حرام في الإسلام، لأنه يفتح باب الفتنة والتعلق بدون ضمانات شرعية. ده مش حكم شخصي، ده من القيم الإسلامية اللي بتحمي الشباب والشابات من الندم والمشاكل النفسية. أنا فاهمة إنك بتمري بظروف صعبة بعد وفاة والدك، وإنك بتتعلقي بسرعة لما تلاقي حنان. ده شعور طبيعي، لكنه بيخليكِ أكثر عرضة للارتباط السريع اللي ممكن يجرحك بعدين. الولد عنده 22 سنة وأنتِ 15، الفرق ده كبير جدًا في المرحلة دي، وهو نفسه قال إنه ما تعلقش بعد، يعني الموضوع لسه سطحي وممكن ينتهي بسهولة. نصيحتي العملية: أوقفي الكلام معاه دلوقتي. هتكوني أقوى لو ركزتِ على دراستكِ وتطوير نفسكِ، ولو حابة تتكلمي مع حد، بنت عمتكِ نيتها واضحة إنها بتحميكِ. لو حسيتِ بالوحدة، حاولي تملي وقتكِ بأنشطة مفيدة زي القراءة أو الرياضة أو هوايات جديدة. الزواج الحلال لما تكوني جاهزة هيبقى أجمل وأأمن بكتير. لو عايزة تتكلمي أكتر عن مشاعركِ، أنا هنا.
تم النشر الخميس، ٢٠ أغسطس ٢٠٢٦
هوا نصيحة مني بجد انا كنت نفس دا خصوصا أن أهلي مكانوش فاضيين ليه ومكنش فيه مشاعر وكده دا من صغري يعني وارتبط مرتين وتلاته ، الخلاصة عايزة تدمري حياتك ارتبطي هتتدمري من كل ناحية مستقبلك مشاعرك علاقاتك بالناس أو حتى علاقتك بربنا كل دا هيتدمر ، بلاش تقربي للطريق دا حتى .
تم النشر الخميس، ٢٠ أغسطس ٢٠٢٦
يعني كفاية انك قلتي حرام عايزة ايه تاني .. ابعدي وقربي من ربنا وقربي من بنت عمتك دي اكتر . وانتِ الوقتي بقيتي عارفة الحرام والحلال والصح والغلط .. تخيلي مثلا والدك كان عايش كان ايه هتبقى ردة فعله أو والدتك تخيلي مثلا توفيتي وانتِ بتعملي كدا !! ولو هو فعلا بيحبك مش هيكلمك في خارج الحدود اللي تعملك قيمة كبنت 💗
تم النشر الخميس، ٢٠ أغسطس ٢٠٢٦
لعرض السؤال في فدني اضغط هنا