دلوقتي انا مسلمه وفي رجل مسيحي انا بحبه اوي وهو احن حد عليا وطيب ومحترم وبيحبني وواثقه من دا واختبرته كذا مره وحطيته ف مواقف صعبه ودلوقت اتعلقنا بععض وهو حاطط موضوع انو م هيسيبني طول حياته وانا حاسه انه هيسلم وهو كان بيلمح وبعدين حسيته تراجع مجابليش سيره الإسلام حاسه متشتت خايف ياخد الخطوه ومش عارفه ابعد نفسي عنه اكنه جزء مني وكمان هو زميلي ف الشغل ف هكون شيفاه طول الوقت انا قريبه من ربنا الحمدلله وكويسه واخلاقي بيتحلف ف كل حته انصحونى اقوله حاجه مثلا من غير ما ازعله
السلام عليكم، الحب مش دائم وناس كتير تزوجوا عن حب وانفصلوا أو كرهوا بعض بعد الزواج... ده وهم أصلا من نفس الديانة فما بالك لو ديانتين مختلفتين. فبلاش تاخدي أي قرار مصيري بناء على مشاعر متغيرة وغير مضمونة. خلي دايما ربنا ودينك هم الخيار الأول مهما كان حبك ودرجة تعلقك باللي قُدامك. ** دلوقتي أنتم بتفكروا بمشاعر مندفعة وحلاوة البدايات والكلام ده.. بعد كده هيكون وضع تاني لما تخفت مشاعر البدايات والهالة الوردية والحب المستحيل اللي بيتحدى حاجز الأديان والفروقات. ** عارفة لو قلتِ إنه أسلم من قبل ما يعرفك كنت قلت عادي، شخص واختار الإسلام عن قناعة فمش مشكلة تصلي استخارة وتقبليه، لكن هو مش مسلم ولو فكر حاليا فعشان بس يتزوجك، وبعدين؟ هيكون مسلم اسما وممكن أصلا يسلم ظاهريا لكن قلبه على دينه الأصلي فهيكون حالك إيه ساعتها؟ فيه احتمال يرجع لدينه بعد كده... أولادك هتقبلي إن يكونوا على دين تاني؟ *** فيه قصص كتير لبنات خاطروا وتزوجوا من أشخاص من ديانات تانية أسلموا ظاهريا عشان الزواج والقصص انتهت بطريقة مأسوية وكتير منهم رجعوا لديانتهم وأخدوا الأطفال والبنت اللي طلعت خسرانة كل حاجة. *** حاولي تضعي بينكم حدود في الشغل وابعدي بهدوء ولو كلمك عرفيه إنك فكرتِ كتير وراجعتِ نفسك، وشايفة الموضوع ده مستحيل ومفيش منه أمل ولا أنتِ هتقدري تتركي دينك عشانه ولا هتقبلي إنه يسلم بلسانه بس عشان يتزوجك وإن الأفضل لك وله تنهوا الموضوع. واشغلي نفسك بعد كده في شغلك وحياتك واملي يومك بنشاطات وأهداف ومع الوقت هيقل تفكيرك فيه وتعلقك لحد ما يختفي بإذن الله، والأهم استعيني بربنا وادعيه كتير يختار لك اللي فيه الخير ويبعد عنك أي تعلق او مشاعر هيكون فيها ضررك أو فساد دينك ودنياك. ربنا معك.💚💚
تم النشر الثلاثاء، ١٨ أغسطس ٢٠٢٦
أختي الكريمة، أقدر تمامًا اللي بتمرّي بيه، والتعلق ده طبيعي لما الشخص يكون طيب ومحترم ويحسسك بالأمان. لكن كمسلمة قريبة من ربنا زي ما قلتِ، لازم نفكر في الأمر من منظور ديننا اللي بيحمينا ويحفظ قلوبنا. العلاقة دي حاليًا خارج إطار الزواج، وفي الإسلام المرأة المسلمة لا يجوز لها الارتباط برجل غير مسلم. حتى لو كان فيه تلميحات عن الإسلام، فالأمر مش مضمون، والتعلق بيخلي القرار أصعب. أفضل خطوة دلوقتي هي إنكِ تبعدي عاطفيًا بهدوء، بدون ما تجرحيه أو تخلّي الموضوع يبقى دراما في الشغل. يمكنكِ تقولي له كلام هادئ وواضح زي: "أنا بقدر جدًا اللي بينا، وأنتِ إنسان محترم وطيب، لكن أنا ملتزمة بديني وبشوفه إن استمرار الكلام ده مش مناسب ليا، فأفضل إننا نرجع علاقتنا مهنية فقط." قوليها بلباقة وثقة، وما تدخليش في نقاشات طويلة عن الإسلام أو التحول، عشان ما يحصلش ضغط أو توقعات. في الشغل، حافظي على مسافة مهنية واضحة: ردي على الرسائل الضرورية فقط، وما تفتحيش مواضيع شخصية. واستغلي الوقت ده في تقوية علاقتكِ بربنا، الصلاة والدعاء هيساعدوكِ تتجاوزي التعلق ده بإذن الله. أنتِ قادرة، واختياركِ الصح هيخلّيكِ أقوى. لو عايزة تتكلمي أكتر، أنا هنا.
تم النشر الثلاثاء، ١٨ أغسطس ٢٠٢٦
لن يكون الخير ابدا في شيء يبغضه الله وحرمه وهذا الذي انتي فيه اسمه تعلق وليس حب وأنتي عينك لا تري ما بعد الزواج والمشاكل لو استمر علي دينه لأن أولادكم سيتبعون دينه
تم النشر الثلاثاء، ١٨ أغسطس ٢٠٢٦
من كانت هجرته إلى الله ورسوله، فهجرته إلى الله ورسوله، ومن كانت هجرته لدنيا يصيبها أو امرأة ينكحها، فهجرته إلى ما هاجر إليه.
تم النشر الثلاثاء، ١٨ أغسطس ٢٠٢٦
لعرض السؤال في فدني اضغط هنا