انا عندي ٢٧ سنة وشغال في شركة في السعودية، اتعرفت على بنت مصرية من منطقة جمب المنطقة اللي انا ساكن فيها في مصر، هي منفصلة بقالها ٤ سنوات عن جوزها وشغاله في السعودية، بقالها ٤ سنين في السعودية شغاله في المجال الطبي وبتنزل اجازة كل سنة او سنتين لأهلها، هي معاها بنت قاعده مع بباها في مصر لانه اتجوز وعنده ولاد من التانية و بنته عايشه معاه، هو للامانة كان مبهدلها وكان بيشرب حشيش وبتاع نسوان ومش فارق معاه حد وكان بيضربها كتير وبيبهدلها فهي اطلقت وسافرت للعمل في السعودية، انا كنت اعرفها في مصر بس مفيش اي كلام ولا سلام بينا، ويشاء القدر والظروف اننا نتكلم هنا فضلنا نتكلم ٦ شهور تقريبا نتكلم مكالمات وفيديو واتفقنا على الجواز وكدا، بس للأمانة انا كنت قلقان خصوصا انها بقالها ٤ سنين في السعودية وبتقعد ب السنتين متنزلش، انا مش شيخ ولا ملاك علشان استاهل ملاك بس انا فعلا قلقان خصوصا انها مرت بتجربة فاشلة بمعني الكلمة واتنازلت عن كل حقوقها علشان تطلق ومعاها بنت وشغاله وعايشه حيتها في بلد لوحدها واثناء المكالمات كان فيه مكالمات فيديو اكيد فاهمين قصدي، المهم انا اتفقت معاها اننا نتجوز ونستقر مع بعض سنة او اتنين هنا في السعودية وبعدين هي تنزل مصر وانا انزل ليها وهي تيجي ليا بس متشتغلش خصوصا ان شغلها الطبي في اختلاط كبير وانا تاني انا مش شيخ ولا ملاك ولا بصلي ع السجادة، المهم قعدت اسبوع كدا وراحت قاطعه الكلام لمدة تقريبا ١٥ او ٢٠ يوم ورجعت العلاقة والكلام بعد كدا معدش زي الأول، وفضلنا نتكلم كل فين وفين بس انا بأمانة كنت ناوي خير مع اني مش وحش ولا محتاج بس قولت هكمل واوفي بعودي وهتقدم ليها رسمي مع ان هي اللي فبدأت وفتحت في موضوع الإرتباط دا مش انا وفعلا حبتها واتعلاقت بيها، وبعد ما الكلام قل هي اختفت وعملت بلوكات، للي هيجاوب مكنش فيه بينا مقابلات وهي في مدينة وانا في مدينة ولا كان فيه بينا فلوس وتحويلات ولا الكلام الفاضي دا،انا لسه في بداية حياتي ودا اول تجربة وعلاقة ليا، حاولت اتواصل معاها واتكلم معاها بس هي اللي على لسانها انا مش هتجوز تاني وهفضل بدون زواج، تنصحوني باايه أكمل لاني فعلا حبتها مع انها مش حلوه ولا جميلة بس القرد في عين امه غزال زي ما بيقوله ولا اكتفي بكدا وخلاص، اللي يرد يرد بأدب وإحترام، احنا بشر مش ملايكة وانتقد الذنب او المعصية ما تنتقدش المذنب او العاصي، كلنا ماشين بالستر، فأسل الله الهادية لينا جميعا والستر والعفاف.
يا أخي، أقدر تمامًا اللي بتمر بيه، خاصة إن دي أول تجربة ليك وكنت ناوي خير ومخلص في نيتك. اللي حصل طبيعي يخلّي الواحد يحس بالحيرة والألم، لأنك تعلقت وكنت شايف فيها فرصة لبناء حياة مستقرة. لكن خلينا ننظر للأمور بوضوح ومن منظور عملي وإسلامي في نفس الوقت. هي اللي بدأت الكلام ثم اختارت تقطعه وتعمل بلوك، وده قرارها. حتى لو كنت حابب تكمل، لازم تحترم إنها مش عايزة تكمل. الإصرار بعد الرفض الواضح ده ممكن يزود الأمور تعقيدًا ويخلّيك تتعب نفسيًا أكتر. في الإسلام، الزواج قائم على الرضا المتبادل، ولو هي مش مستعدة دلوقتي، فالأفضل تترك الأمر لله وتدعو له بالهداية والستر ليكم الاتنين. جرب تستخير ربنا لو لسه في بالك تتواصل بطريقة محترمة وشرعية (مثل إنك تبعت رسالة واضحة ومحترمة مرة واحدة بدون إلحاح)، لكن لو ما ردتش، خلّص الأمر وامشِ. ركز دلوقتي على نفسك يا صاحبي. أنت في بداية حياتك، شغال في السعودية، ولسه قدامك فرص كتير تبني فيها مستقبلك. استخدم الوقت ده عشان تطور مهاراتك، تقوي علاقتك بربنا، وتكون جاهز لعلاقة حلال لما يجي الوقت المناسب. الحب مش دايمًا يكفي لوحده، والتجربة السابقة ليها بتأثر على قرارات الناس، فممكن تكون هي محتاجة وقت أو مش مستعدة. لو عايز آراء إضافية، ابحث عن أسئلة مشابهة على فدني عشان تشوف تجارب ناس تانية. ربنا يهديك وييسر لك الخير ويبعد عنك كل ما يضرك.
تم النشر الثلاثاء، ١٨ أغسطس ٢٠٢٦
لعرض السؤال في فدني اضغط هنا