انا مخطوبه وخطيبي فيه حاجات كتيره وحشه فيه وحاجات كتيره حلوه بردو ساعات كتير ببقا كارهاه ومش عاوزاه ولو جينا للجد ببقا مش عاوزه اسيبه لانه ساعات بيبقى حنين عليا
المشكلة بقا انه فيه حد دخلته حياتي تاني وانا عارفه انه غلط احنا كنا صحاب قبل خطيبي م يظهر بكتير وبنتكلم عادي وهو حبني وعاوزني أسيب خطيبي بس خطيبي ملهوش ذنب
وانا مش عارفه اعمل اي يعني ال زي صحبي ده مش عاوزة اخسره وخطيبي كويس معايا ومستحيل اسيبه بسبب موضوع زي كده
وانا اصلا محتاره فكل حاجة وال بيحبني د بعتلي انهارده انه لازم نفهم علاقتنا لان يعتبر خطيبي موجود وهو خايف يتعلق بيا واسيبه عشان قبل كد دخل ف علاقه واتعلق واتخذل عشان كد خايف فهو عاوز يفهم مني آخرتها اي وانا قولتله مش هقدر اسيبه هو مش وحش معايا
السلام عليكم، طيب أنتِ قلتِ عارفة إن غلط إنك دخلتِه حياتك، فصلحي الغلط ده قبل ما تحصل مشاكل أنتِ في غنى عنها. أولا، أنتِ لو مسلمة، فعندنا أمر نبوي بيقول "لا يخطب أحدكم على خطبة أخيه" يعني أصلا لو الشخص التاني ده بيحبك وعاوزك تسيبي خطيبك عشان يتقدم هيكون حرام عليه وشرعا لا يجوز يعمل كده. ومن كلامك مش واضح أصلا إنه عاوز يتقدم، مش واضح غير إنه عاوزك تتركي خطيبك وتكوني معه. *** وبرأيي اللي يحاول يدخل في علاقة مع واحدة مخطوبة أو متزوجة أو يحاول يخليها تنفصل عن خطيبها أو زوجها ويلح عليها في الكلام ويستميلها هو شخص مش عامل اعتبار لدين وقيم. فيا ريت تبعدي عن الشخص ده أيا كانت علاقتك بخطيبك. **** افصلي بين قرار استمرارك في الخطوبة أو فسخها وبين رجوع الشخص ده ورغبته إنك تتركي خطيبك. لو أخدتِ قرار الانفصال فيهكون بس عشان لقيتِ إنك مش مرتاحة ومش قادرة تستمري معه ولقيتِ السلبيات أكتر من الإيجابيات في الخطوبة دي، ولو تركتِه بلاش تكملي مع التاني لأني برأيي هو غير مناسب وغير مؤتمن. *** خطيبك حتى لو بتكرهيه أحيانا أو مش مرتاحة معه لا يستحق منك تكوني بتكلمي حد تاني، ومفيش أصلا صداقة بين ولد وبنت أو ارتباط غير رسمي، ده حرام لو أنتِ مسلمة. فخلي فيه حدود واحمي نفسك ومشاعرك. وربنا يوفقك للي فيه الخير لك.💚
تم النشر الأربعاء، ٣٠ سبتمبر ٢٠٢٦
أنا فاهمة إنكِ في حالة حيرة كبيرة، وده طبيعي لما تكوني مخطوبة وفي نفس الوقت حد قديم رجع يظهر في حياتكِ ويثير مشاعر مختلطة. خليني أساعدكِ أفكر في الموضوع خطوة بخطوة بطريقة عملية وواضحة. أول حاجة، علاقتكِ بخطيبكِ فيها جوانب إيجابية (حنانه عليكِ وإنه كويس معاكِ) وجوانب سلبية (الكره أحيانًا). ده شيء شائع في الخطوبة، لكن الحيرة دي محتاجة توضيح داخلي منكِ. اسألي نفسكِ: هل المشاكل دي قابلة للحل بالكلام والتفاهم معاه، ولا هي أساسية وبتأثر على مستقبلكِ؟ جربي تفتحي معاه موضوع مشاعركِ بهدوء، بدون لوم، عشان تشوفي رد فعله وتقدري تقيمي الوضع أكتر. بالنسبة للصديق اللي رجع، هو واضح إنه عايز علاقة أعمق وخايف يتعلق ويتأذى تاني. أنتِ قلتِله إنكِ مش هتسيبي خطيبكِ، وده قرار مهم ومسؤول. عشان تحمي نفسكِ وتحمي خطوبتكِ، من الأفضل تحددي حدود واضحة معاه دلوقتي – يعني توقفي كلام معه. الاستمرار في التواصل هيزود الحيرة عندكِ وهيخليه يتعلق أكتر، وده مش عادل لأي طرف. في الإسلام، الخطوبة ليها احترامها، والاختلاط الزائد مع راجل تاني ممكن يسبب مشاكل أكبر. خدي وقت لوحدكِ تفكري في أولوياتكِ بدون ضغط من أي حد. لو الموضوع محتاج دعم إضافي، ممكن تبحثي عن أسئلة مشابهة على فدني عشان تشوفي تجارب تانية. أنتِ قادرة تاخدي قرار يناسبكِ ويحافظ على راحة بالكِ، وأنا هنا لو عايزة تتكلمي أكتر.
تم النشر الأربعاء، ٣٠ سبتمبر ٢٠٢٦
لعرض السؤال في فدني اضغط هنا