انا شخص غيور جدا على خطيبتي و انا محرج عليها متتكلمش مع ابن خالتها لانه شخص كان بيحبها . وهي كانت بتقولي حاضر و في نفس الوقت كان بيحصل مواقف مبينهم زي انها دخلته الشقة و هي لوحدها مع اختها و اختها نايمة و كانت بلبس البيت و بشعرها عادي و كان مبررها ان امها غصبتها تدخله عشان تأكله .
و تاني موقف لما اتحجبت فضل يهزر معاها و كان عايز يشيل الحجاب و قالها انا بحب شعرك اكتر . و بعدين قالتلي في مرة انها رايحة مع اهلها لحفلة تخرج اختها و انا بسبب ظروف شغلي معرفتش احضر معاها و فضلت قافلة التليفون بتاعها طول اليوم و لما روحت أكدت عليا ان هو مكنش معاهم ولكن بعد اسبوع من الموقف ده قالتلي انه كان معاهم و انها خبت عليا عشان مش عايزة مشاكل .
و حصل خناقة و قالتلي انها كلمته عشان تشوف هتصور أختها ازاي و انهم اتكلموا في العربية سوا عشان يختاروا الاغنية الي هيشغلوها. انا فضلت اعدي لها كتير و لكن آخر موقف ده انا مبقتش قادر اتحمل وهي مش عايزة تحترم غيرتي ولا اني بقولها متكلميهوش. و كل ما يحصل خناقة بسببه بتقلب الترابيزة و بتهددني بوجودها وانا للأسف لسة بحبها و متعلق بوجودها وشايف بعدها عني مستحيل . انصحوني اعمل اي؟
السلام عليكم، الخطوبة فترة تعارف وإنك تحدد هل البنت دي تَّصلُح تكون زوجة وأم لأبنائك في المستقبل؟ ورفيقة درب مدى الحياة؟ أنت زهقت في فترة الخطوبة ما بالك الزواج؟ جزئية الحب دي اركنها على جنب حاليًا مش هتفيدك بأي حاجة لأن الخطوبة تعارف مش حب وتعلق، مرحلة الإختيار.. الحاجة الأخيرة... نصيحة بلاش تتزوج بنت منتظرة حد يقولها خافي على نفسك دا غلط ودا صح! لازم هي ذات نفسها يكون عندها غيرة على نفسها..تتعامل مع غير المحارم بحدود.. أنت مش هتقدر تغيرها بعد الزواج ولا في فترة الخطوبة التغير دا لازم يكون نابع من النفس ومن الإنسان ذات نفسه.... أما جزئية إنها بتهددك بوجودها فعايزة أقولك أنت السبب عشان عرفتها إنك بتحبها ودي خطوبة مش زواج يعني التصريح بالمشاعر لا يجوز... ركز، حلل، استخر كتير، خذ قرار بعقلك حاليًا مش قلبك، خلي قراراتك صارمة بدون أي تردد وتراجع.. الجزئية الأهم فقه نفسك في الزواج وبناء البيت المسلم..
تم النشر الجمعة، ١١ سبتمبر ٢٠٢٦
هو معلش اي مصبرك انت ع المواقف دي الواضح أن ابن خالتها في تعامل بينهم وفي زيارات داخله وخارجه انت نبهت عليها هي محترمتش دا وكمان بتهددك بوجودها طب انت عايز اي تاني وعلى فكرة المفروض ميبقاش في كلام بينكم أصلا انت خطيبها وهي خطيبتك ف اي وقت ممكن تسيب بعض فالتزم الله يخليك بالضوابط حد ماتعرفو نفسكم هتكملو مع بعض ولا اي الحال +المفروض من نفسها ابن خالتي يجي البيت تقعد بحجابها دي حاجات من حالها مفروض بس غالبا بيئتهم عادي أو مش بدققو ما علينا اتكلم بجديه معاها قلها بصي يبت الناس تعامل مع ابن خالتك لاء وبناء ع الكلام والمواقف اللي حكتهالك قلها انتي عايزاه اهو موجود بس انا مش هنفع الوضع دا هددتك انها تتركك خلاص الله المستعان وربنا هيعوضك الخطوبة اتعملت عشان اعرف اللي قدامي هتنفع معايا أو لاء زي حبل وصال مش اكتر متعملتش عشان نحب في الفون وكل واحد يجي ع نفسه عشان خاطر التاني يعني معلش افترض اتزوجتو هل بعد الزواج مش معرضه تزور اهلها وتشوف للشخص دا ف معلش حكم عقلك ف الحته دي
تم النشر السبت، ١٢ سبتمبر ٢٠٢٦
أخي زياد، أفهم تمامًا مدى الغيرة والألم اللي بتحسه، خاصة إن المواقف اللي وصفتها فيها تجاوزات واضحة للحدود اللي حطيتها، وكمان كذب وتهديد بالانفصال. الغيرة في الإسلام أمر طبيعي إذا كانت لحماية العلاقة، لكنها لما تتحول لصراع مستمر وتهديدات، بتصير عبئًا على الطرفين. أنت دلوقتي بتواجه موقف صعب لأنك متعلق بيها بشدة، وده طبيعي في الخطوبة، لكن التعلق ده مش هيحمي العلاقة لو ما فيش احترام متبادل. أول خطوة عملية: اجلس معاها في وقت هادئ بعيد عن الخناق، وعبر عن مشاعرك بطريقة واضحة وهادئة بدون اتهام. قلها إنك بتحبها وبتثق فيها، لكن سلوكها مع ابن خالتها بيخليك تشعر بعدم الأمان، وإن الكذب والتهديد بيدمروا الثقة. اسألها مباشرة: هل هي مستعدة تحترم طلبك وتقطع التواصل معاه تمامًا، ولا هتستمر في المواقف دي؟ لو رفضت أو حاولت تقلب الموضوع عليك، فده إشارة قوية إنها مش شايفة غيرتك كحاجة تستاهل الاحترام. ثانيًا، ركز على نفسك دلوقتي. التعلق الشديد ده بيخليك تقبل أمور بتؤذيك، فابدأ تبني استقلاليتك العاطفية شوية شوية. مارس هواياتك، اقضي وقت مع أصحابك أو عائلتك، وفكر في أهدافك الشخصية. ده هيساعدك تشوف الصورة بوضوح أكتر: هل العلاقة دي بتضيف لك سعادة وأمان، ولا بتسبب لك توتر مستمر؟ لو استمرت الخناقات بسبب نفس الشخص، فكر بجدية في إنك تأجل الزواج لحد ما تتأكد إن فيه احترام حقيقي لحدودك. أخيرًا، لو حصل موقف مشابه تاني، خليك واضح إنك مش هتقبل الكذب أو التجاوز، وخد قرار بناءً على أفعالها مش كلامها. أنت تستاهل شريكة تحترم غيرتك وتحمي العلاقة معاك، مش تهدد بتركها. لو حسيت إن الموضوع بيأثر على صحتك النفسية، ابحث عن أسئلة مشابهة على فدني عشان تشوف تجارب الآخرين. أنت قادر تتجاوز ده، ولو العلاقة ما نفعتش، هتكون فرصة تبني واحدة أقوى.
تم النشر الجمعة، ١١ سبتمبر ٢٠٢٦
هي بتستغل تعلقك بيها وبتعمل دا بشكل متعمد لأنها عارفه أخرك وانك مش هتسيبها ، شوف انت بقا يا حبيبنا، الدنيا واسعه يعني والصالحات كثير دور انت بس ، ربنا معاك ياحبيبنا
تم النشر الجمعة، ١١ سبتمبر ٢٠٢٦
هو عامة الخطوبة وجودها عشان نشوف مناسبين لبعض ولا لا .. ف شوف الوضع ده مريح معاك او هتقدر تتعامل معاه بعدين ولا لا وبناء عليه خد قرار
تم النشر الجمعة، ١١ سبتمبر ٢٠٢٦
لعرض السؤال في فدني اضغط هنا