انا واحده عندي 15 سنه وحبيت واحد عنده 17 سنه وقعدت سنه احبه من غير ما هوا يعرف وهوا شغال ف محل كنا بنجيب من عنده أكل وكدا بس بعد سنه هوا عرف ان أنا بحبه بس هوا قمر يعني وكل البنات بتحبه وكان بيكلم بس كلمني وبتاع وقالي ان هوا ببحبني وكدا وكلمته شهرين ونص بس خالي عرف وقالي لو مسبتهوش هقول لامك فأنا بقوله م هينفع اكلمك وكدا راح باعني ف ثانيه وقالي لو دا هيحل المشكله فعادي هوا ليه كل الولااد بياعه كده وبيحبو لمة البنمات وبيعلقوهم بيهم وبعد كده يبيعوهم وهوا ليه محاواش عامة انا حكيت قصه حيااتي بس انا كنت مخنوقه اووي وحبيت اتكلم حد ينصحني بقا وكدا
قبل أي شيء أنا متفهم جداً قد إى الموضوع مؤلم جداً خصوصاً أنك كنتي متوقعة أنه مثلاً ممكن يتمسك بيكي شوية أو يحاول على الأقل يكلم خالك يفتحله كلام مثلاً و يقوله إى حاجة تثبت أنه راجل على الأقل و هيكمل للآخر، و لكن هو معملش جداً و اختار الطريق السهل، فعلا الموضوع موجع. بصي قبل أي شيء باين عليكي بنت طيبه و جميلة و تتحب، فأنا عايز اسألك سؤالين فكري فيهم و جاوبي على نفسك بيهم بعد ما تخلصي قراءة، اتفقنا ياباشا؟ اتفقنا. تفتكري ليه خالك مراحش قال لبابا و ماما على طول؟ و ليه أنت خوفتي ليقولهم؟ تفتكري ليه أصلاً خالك لما شاف أنك بتكلمي شاب هددك بانه هيقول لماما و بابا لو مسبتهوش و اداكي فرصة تسيبيه؟ نيجي بقى للمهم، قبل أي شيء عايز اتفق معاكي على حاجة مفيش حاجة اسمها صحوبية ولا ارتباط قبل الخطوبة، و الحب مش حرام ولكن في الحلال فقط (الحب اللي بيجي من العلاقة الحلال، و اللي هي الخطوبة بعدها الجواز)، يعني إيه؟ يعني أي حاجة غير اللي فاتوا دول غلط و مينفعش مش علشان أنا ولا ماما ولا بابا ولا خالك ولا شيخ الجامع قال كده لأ علشان ربنا سبحانه و تعالى قالنا كده، فلازم تاخدي بالك كويس جداً. -- و برضوا عايز اقولك نقطة مهمة، الشاب اللي مهتم بيكي و بيحبك هيجيلك من باب بيتك على طول يدخل يكلم والدك و ساعتها هيكلمك قدام الكل مش ياخد رقمك أو يكلمك من تحت لتحت، ده مينفعش بتاتا. -- و نقطة أخيرة مهمة جداً مفيش حاجة اسمها، ليه كل الولاد كده، متحكميش على الكل من الفرد ولا على الفرد من الكل، لأنك كده ظلمتي ملايين، و أنا لو هحكم عليكي مثلاً بناء على اللي أنا بشوفه كل يوم من البنات معايا في الشغل هقول عليكي كلام مش حلو 😅، و طبعاً مش هيبقى صح فلازم تعملي حساب للنقطة دي. -- و حاجة كمان أنصحك تبعدي عن صحابك اللي كانوا قابلين الفكره دي لأن دول مش صحاب خير نهائي و مش هيجي منهم خير، و أنصحك تختاري صحابك صح لأن الصاحب ساحب. -- أخيرا، بلاش تكلمي الشخص ده تاني ولا حتى تروحي للمطعم ده تاني و لو مثلاً أكلهم حلو بكل بساطة اقفي بعيد و خلي حد من صحباتك يجيب الأكل مكانك، و بلاش تنزلي بقيمة نفسك الأرض (بلاش، أنتي غالية و جوهرة نفيسة كله يتمناها و الناس كتير وحشين و قليل حلوين فخلي بالك و خليكي واعية لأن خطوة زي دي كان ممكن تودي بيكي لمصيبة بعدين. وبس أتمنى يكون في إفادة..
تم النشر الثلاثاء، ٣ نوفمبر ٢٠٢٦
ي حبيبتى عشان اصلا دى فتره بتصدقى فيها اى مشاعر و خلاص بجد هى دى فترة المراهقة كدا تحسى بافورة ومشاعر زياده الكلام دا بس الغلط انك تكلميه المفروض تقربى من ربنا تغضى بصرك عنه عشان متنجرفيش ورا مشاعرك إلى هيا اصلا غالبا هتكون بسبب ان شكله حلو زى م بتقولى وبعد فتره طويلة لما هتزهقى اقسم بالله حتى انتى نفسك مش هتردى تبصى عليه او تفكرى فيه لان دلوقتي حرفيا كدا كدا مشاعرك زايده لكن قوليلى جواكى هترضى مثلا بيه يبقى شخص فى حياتك بيكلم بنات وكلو معجب بيه دى عادى لكن دى فتره كدا هو بيتسلى وانتى ورا مشاعرك ودا كله غلط اقسم بالله انتى مش يهمك خالك انه عرف دا اكيد رساله من ربنا بعتهالك قبل م تتاذى اكتر بعدين فى مشاعرك الى لسه بتتبنى وتتكون عشان تفهمى حياتك ومسؤلياتك بعدين انتى كل الى عليكى اهتمى بمذاكرتك عشان بعد كدا تلاقى الحد فعلا الى يستاهلك مش اى حد وخلاص تلاقييه بيكلم ولا ميت بنت فى اليوم عشان يسلى نفسه والكلام دا انتى قربى من ربنا اعرفيه ابعدى عن الدنيا ومشاعرك والفتره الزباله دى بجد هى اكتر فترة لو الواحد معرفش يتحكم فيها صح هيتوه ويضيع اتحكمى انك ملتزمه انك عندك التزام انتى مش موجوده هنا عشان تعيشى وتحسى بمشاعرك وتشغلك دنيتك وكدا لا ي حبيبتي اقسك بالله خديها جواكى بجد ومتستهتريش انتى هنا لسبب معين فى كل الى انتى بتعمليه دا طيعى ربنا لاحظى انه باصص عليكى شايفك شايف افكارك شايف مشاعرك وهى بتبعد عن ربنا وتروح لمجرد ولد بس فى الفتره دى ومش يستاهل ولا هيفرق معاه عشان هو عنده منك وزيك كتير بمشاعرهم والكلام دا وهو بيتسلى وشكرا يقضى وقته مع دى ومع دى شويه ومش هيفرق معاه انتى هتكملى ولا هتمشى في انتى تخصصى وقتك وافكارك ومشاعرك الى المفروض تكون لربنا عشان تفوزى بيها وتشيليهم فى حصالتك عشان لما تقابليه ويقولك عملتى ايه فى الفتره الى الى كل الناس فيها بعدت عنى وجريت ورا حياتها ومشاعرها وملاذات الدنيا عملتى ايه انتى معاهم كنتى تخوضى مع الخاضئين ولا خصصتى وقتك ومشاعرك وتفكيرك عشان ترضينى هتقولى ايه بجدحطى نفسك قدام ربنا بجلالته كلها عز وجل اعتبرى نفسك قدامك دلوقتي قوليلى هتعملى ايه مش هتلاقى هتروحى تفكرى فيه ولا حتى هتفكرى انتى كنتى هتعملى ايه شويه كدا لا دماغك هتكون مع ربنا خايفه منه داهم حاجه عايزاه عشان تنجى من الى انتى فيه تنحى بنفسك بحياتك بدنيتك وقتها هتفكرى فى دا هتفكرر انك كدا او هتفكرى انك خايفه من مامتك لتعرف والى ربنا شايفك وعارف خبايا نفسك وشخصيتك من جوه مش خايفه منه ولا سايبه نفسك وبتقولى بعدين هتوب وهيسامحنى وسايبه دا كله عليه وكان افكارك دى او إلى جواكى ربنا قابله ومش هيحاسبك عليه ي حبيبي انتى دلوقتي فى فتره الى بتبنى نفسك فيها لسه فى الاول 15سنه ابدا بربنا ابعدى ابعدى اقسك بالله ابعدى عن اى حاجه حتى لو اى حاجه ممكن تخليكى تفكرى حتى مجرد تفكير فى حاجه هتاذيكى قدام ربنا بعدين متسبيش نفسك وانتى فى اولها عندك صحاب ابعدى عنهم لو هتتفرجى على ريلزات او قرف بيخليكى تفتكرى ابعدى اغانى ابعدى عشان متفكريش فيه او اى صلة تخليكى تحسى انك عايزه تكونى كدا او حتى تكلمى ويقمر انتى لسه فى البدايه عرفتى ازاى كل الولاد او الرجاله كدا ليه تخطى نفسك من دلوقتي فى حاجات زى كدا خليكى مختلفه نظرتك تكون تقيلة قربى من ربنا اشغلى نفسك بحياتك خليكى فى صراع انك تفوزى ذاكرى صلى قربى من ربنا اعرفيه اتفرجى على بودكاست شيوخ افهمى ربنا خلى حياتك مميزه عشان بعد كدا لما تلتفتى ل حاجه وقتها تبصى لحاجه تستهالك مش تبصى كمان لاى حاجه لا مش اى حد ومش اى حاجه تقبليها از تبصى عليها بعدين يجيلك الى يستهالك و خليكى قويه تقيلة مش اى حاجه تلفتك ولا مشاعر حب دلوقتي في سن صغير ولا غيره خلى الحاجه الى تكون على مقاسك تجيلك الحاجه الى ربنا يبعتهالك والى لما تكونى ملتزمه وبتعملى لنفسك هتحسى بجد ان اهم حاجه رضا ربنا وبعدها شوفى بقا ربنا هيعملك ايه فى حياتك دى فى ناس كتير هنا فى الابليكشن وغيره سابو نفسهم متحكموش في نفسهم فى الفتره دى وبعدو عن ربنا ودلوقتي تايهين وضايعين ومش عارفين يلاقو نفسهم عشان بس هما متحكموش فى نفسهم وعرفو انهم هنا ملزمين بحاجه مش يسيبو نفسهم لهواهم ونفس الامارة بالسوء والله لو حكمتى نفسك في حاجه من غير ما تفكرى هتلاقيها خلتك فى مكان الغلط اقسم بالله بجد اتمنى ي حبيبتى انك توعى كلامى وتفهم كل حاجه من دلوقتي ومن وقتك دا ومضيعيش نفسك بجد بعد كدا هتنتدمى انك بعدتى عنه وضيعتى نفسك وبقيتى قدام دا او غيره انك عادى تكلمى حتى لو بتحبيه الناس او هو هيقول عليك كدا خليكى غاليه مفيش حاجه تلفتك غير طاعه ربنا
تم النشر الثلاثاء، ٣ نوفمبر ٢٠٢٦
يا منيي، أول حاجة أحب أقولك إني فاهمة إنك كنتِ مخنوقة جدًا ومحتاجة تتكلمي، وده طبيعي في سنك. اللي حصل معاكِ تجربة مؤلمة، وشعورك بالخذلان طبيعي جدًا، خاصة إن الولد غيّر موقفه بسرعة لما لقى الموضوع فيه مشكلة. من منظور إسلامي، العلاقات دي قبل الزواج مش بتكون فيها بركة، وغالباً بتسبب ألم زي اللي أنتِ بتحسي بيه دلوقتي. الولد اللي بيقول كلام حلو وبعدين يبعد في ثانية، ده بيوضح إن مشاعره كانت سطحية. المهم دلوقتي إنكِ تركزي على نفسكِ. نصيحتي العملية: ركزي على دراستكِ وهواياتكِ، ده هيساعدكِ تبني ثقتكِ بنفسكِ وتشغلي بالكِ. لو الموضوع لسه بيوجعكِ، اكتبي مشاعركِ في مذكرات أو صلي استخارة وادعي ربنا يريح قلبكِ. في المستقبل، لو حصل إعجاب، خليه يمر من خلال الأهل بشكل شرعي، عشان ما تتعرضيش للألم ده تاني. أنتِ قوية وهتعدي الفترة دي، وهتتعلمي منها. لو عايزة تتكلمي أكتر أو تسألي عن حاجة تانية، أنا هنا. وممكن تبحثي عن أسئلة مشابهة على فدني عشان تشوفي تجارب بنات تانيين.
تم النشر الثلاثاء، ٣ نوفمبر ٢٠٢٦
انسيه زي منسيكي وبصي لمستقبلك ودا مكانش نصيبك الحلو اللي ربنا كاتبهولك وان شاء الله ربنا هيكرمك باللي احسن منه بمليون مرة ومتسمعيش من حد يقولك اعملي كذا و اعملي كذا نصيحة بلاش واقفلي الموضوع ده وانسيه واتعاملي عادي اكنك متعرفهوش خالص لو شوفتيه وبلوكات من اي حاجة تخليه يوصلك والله العظيم هو اللي هيرجع يدور عليكي تاني ونصيحة برضو ساعتها بلاش ترجعيلو عشان رجوعه هيكون فيه اذئ ليكي
تم النشر الثلاثاء، ٣ نوفمبر ٢٠٢٦
لعرض السؤال في فدني اضغط هنا