مش عارفة عرفه اقول اي بس عايزه اطلع اللي جوايه
ليه مثلا بتعامل بطريقه وحشه من ناحيه ناس مقربين ليا او اشخاص انا بحبها وليه بتعامل وحش بحس دايما اني عايزه اعيط وبالفعل انا بعيط من اي موقف حتى لو من اي حاجه بسيطه حد اتكلم معيه بطريقه وحشه او حد على نبرة صوته عليا
وليه بردو صحابي البنات وحشين كده حرفيا ليه عشان انتي وحده جميله مش حكايه شكليا بس من كلام اي حد اتعرف عليه في وقته بيقول اني مش شكليا بس اني عسوله وروحك حلوه بجد بيكونو كيوت وانا كمان بحب امدح اي بنوته واقولها انها حلوه بس حتى ليه مثلا وحده تقولي انتي عسوله اوي وفيكي قبول والكلام ده بيتكرر قدام صحابي كثير يقولي على فكره بتبالغو وخلاص بقى يا بنات مش للدرجه دي مدح ويفضلو يبصولي بقرف مش طبيعي دي او يحاولو يغيرو الموضوع انا مش عايزه اظلمهم بس هم بيعملو ليه كده
السلام عليكم، متخلكيش حساسة تجاه كل كلمة ونظرة، واعرفي إن مش أي بنات مشيتِ معاها واتصاحبتم على بعض إنكم كده بقيتم أصدقاء وأنتِ عندهم بنفس الغلاوة والمعزة. الصداقة مرتبة ومكانة كبيرة مش كل الناس اللي هتقابليها في حياتك هتوصل لها ففرقي بين الأصدقاء اللي بيحبوا الشخص ويعتزوا به ويخافوا عليه من أي كلمة وتصرف وبين زمايل عاديين أو رفاق طريق. **** ممكن اللي أنتِ ماشية معهم حاليا بيحسوا بغيرة لما حد بيمدحك أو بيضايقوا إنك ظاهرة عنهم وبتلفتي انتباه الناس اللي بتقابلكم فبيوجهوا الانتقادات والنظرات دي. من كلامك حاسة إن سنكم صغير، فروقي كده واعرفي إنك لسه هتقابلي ناس كتير ونوعيات مختلفة من البشر وخليكِ مرنة أكتر عشان الحساسية الزائدة هتتعبك، واتعلمي تضعي حدود للناس في تعاملهم معك، أي حد يتخطى الحدود دي ويجرحك بكلمة أو ينتقص منك بكلمة أو نظرة ابعدي عنه واحفظي كرامتك وحدودك وإن شاء الله في طريقك بالحياة تقابلي ناس تقدرك وتحبك وتستحق صداقتك. ** لو كل أصحابك والبنات اللي بتمشي معهم دايما بيتعاملوا بنفس الطريقة فيبقى أنتِ محتاجة تراجعي أفكارك وطريقة اختيارك للأصحاب لأن ممكن فيه حاجة بتخليكِ تنجذبي لنوعية معينة من الأصحاب بيكونوا كلهم نسخة واحدة وبيعاملوكِ بنفس الأسلوب. تأني في اختيار أصحابك والناس اللي بتقضي معهم وقتك واختاري صحبة صالحة تعينك وابعدي عن أي حد يتعب نفسيتك أو يتجاوز حدوده أو حتى ممكن يكون صحبة سيئة بتبعدك عن طريق ربنا بأي تصرفات غلط. وربنا يوفقك ويرزقك الصحبة الصالحة إن شاء الله.💚💚
تم النشر السبت، ٣١ أكتوبر ٢٠٢٦
أنا فاهمة تمامًا اللي بتمرّي بيه، ومشاعرك طبيعية جدًا. اللي بتحسّي بيه من البكاء السريع والحساسية الزائدة ده غالبًا بيجي من تراكم مشاعر مكبوتة، وإنك بتحاولي تكوني لطيفة مع الجميع، لكن في المقابل بتتعرضي لسلوكيات جارحة من ناس قريبين. ده بيخلّي القلب يتألم أكتر، خاصة لما يكونوا أصحاب أو أشخاص بتحبيهم. بالنسبة لصحابك البنات اللي بيقلّلوا من مدح الآخرين ليكِ أو بيبصولك بنظرة قرف، ده غالبًا بيحصل بسبب الغيرة أو عدم الثقة بالنفس عندهم. لما يشوفوا إن فيه حد بيمدحك بصدق (سواء شكلك أو روحك الحلوة)، بيحسّوا إن ده بيقلّل من قيمتهم، فيحاولوا يغيّروا الموضوع أو يقلّلوا منه عشان يحموا أنفسهم. ده مش عيب فيكِ، ولا يعني إنك مبالغة زي ما بيقولوا. بالعكس، المديح اللي بتسمعه ده دليل على إن روحك فعلاً جذابة ولطيفة، وده شيء إيجابي. نصيحتي لكِ: حاولي تتكلمي معاهم بهدوء في وقت مناسب، وقولي لهم إن المديح ده بيسعدك ومش بيقلل من أي حد. لو استمروا في السلوك ده، فكّري في تقليل الاعتماد عليهم عاطفيًا، وابحثي عن صداقات جديدة بتقدّرك زي ما أنتِ. كمان، ركّزي على تقدير نفسك بنفسك، واعرفي إن قيمتك مش مرتبطة برد فعل الآخرين. لو حابة تطلّعي اللي جواكِ أكتر، أنا هنا أسمعك وأساعدك تفهمي مشاعرك خطوة بخطوة. أنتِ قوية، وهتعدّي الفترة دي بإذن الله.
تم النشر السبت، ٣١ أكتوبر ٢٠٢٦
و دي مسمهاش انك بتظلمي حد ده غل و باين اوي
تم النشر الأحد، ١ نوفمبر ٢٠٢٦
يبقا وقتها الحدود بتتحط لما واخدع اقولك ماتبلغيش قوليليها لي انتي شايفه عكس كده
تم النشر الأحد، ١ نوفمبر ٢٠٢٦
ممكن عشان مش بتحطي حدود حتي مع الناس اللي بتحبيهم لازم الحدود تتحط لازم زعلك بتاخد ليه موقف مش اي موضوع زعلتي فيه تتخطيه عشان اللي قدامك ميتجرحش
تم النشر الأحد، ١ نوفمبر ٢٠٢٦
قصدك غل من حكايه اي يروحي او ازاي
تم النشر الأحد، ١ نوفمبر ٢٠٢٦
لا بلعكس انا بحط حدود علطول عشان لو حد حاول يتعدي حدودو اعرفه شغله بس المشكله مبقدرس اتحكم فزعلي ده وحته لو اتخطيت بفتكر ثاني واكون مضايقه
تم النشر الأحد، ١ نوفمبر ٢٠٢٦
لعرض السؤال في فدني اضغط هنا