أنا عرفت شخص علي النت بقالي اعرفه ٣ اسابيع ف البدايه هو كان بيدخل صفحتي كتير اوي لدرجه ملفته وبعدين طلب متابعه وعملي فولو كلامنا عادي جدا مجرد بس بنتعرف لا في كلام حب ولا غيره فضلنا كده فتره يجي اسبوع ونص اسبوعين كان هو الي بيبادر ويبعت يسأل مش كل يوم بس يوم ويوم ومش بنقعد طول اليوم نتكلم وكان باين من كلامه أنه مستلطفني وبيحب يتكلم معايا بس مقالهاش صريحه لمح بيها بعد اسبوعين ف وسط الكلام لمح أنه عايز يرتبط بيا أنا ساعتها ضحكت فرجع بعت تاني وقالي فين ردك قولتله احنا صحاب بس فمعلقش وكملنا كلام عادي وبعديها حاول يقول كلمه حب ليا بس بردو وقفته عند حده وقالي خلاص هاخد بالي واليوم ده قفلنا كلام بعدها كلامه معايا بقي متغير يعني مثلا بس يدخل يعلق ع بوست ليا أو مثلا يدخل يبعت عامله اي من غير ميفتح مواضيع كتير وهكذا طبعا من ساعت معرفته كان هو الي علطول يبادر حتي من بعد لما فتح موضوع الارتباط ده ومفروض بيبعت ليا يوم ويوم عادي فجيت أنا قلت ابعت مره اساله فقعد يقولي نا كويس.ف الشغل مفيش غيره وانتي اخبارك اي وبتاع وبعدين قعدت اسال عن شغله فضل يقولي تفاصيل كتير اوي مره يحكيها واد اي هو مشغول ١٠ ساعات شغل والباقي راحه ومش بيلاقي وقت دلوقتي عايزه اعرف حاجه هل هو كده بيبعد مثلا ؟ ولو كده ليه هو الي بيبادر ؟ لو فعلا عايز يبعد؟ ولي حساه اتغير بعد موضوع الارتباط ده محتاجه افهم عشان اعرف اتصرف ازاي مع الشخص ده
السلام عليكم، هو عامة مفيش صداقة بين ولد وبنت، وبلاش علاقات الإنترنت دي حتى لو كلامك معه محترم، أولا مش بيجي منها غير مشاكل ووجع قلب، ثانيا، أنتِ مش عارفة امتى المشاعر هتتحرك ولا امتى الشيطان هيدخل في النص عشان ياخد الكلام لمجرى تاني مش لطيف. فخلينا في الأمان أحسن ونلتزم بالحدود اللي ربنا وضعها لنا كحماية. *** بالنسبة لتصرفاته فهو، إما بيحاول يبعد بعد ما لقى مفيش فائدة من الكلام معك ومحاولة جرك لعلاقة هو عاوزها أيا كان بقى نيته، بيتسلى شوية ولا بيملأ فراغ عاطفي ولا بيحاول يجرك لطريق مش كويس. فمش هيضيع وقت كتير معك ويروح أفضل يدور على صيد أسهل وبنت تفتح له الطريق ببساطة. أو، دي طريقة تلاعب نفسية عشان يعلقك به ويخليكِ حيرانة وبتفكري وبتحللي يا ترى بيعمل كده ليه (زي ما بتعملي دلوقتي) فيفضل شاغل بالك وتتعلقي به أكتر وبعد ما كان هو اللي بيقنعك بالارتباط أنتِ اللي ترجعي تسألي عليه وتقربي عشان يفضل موجود وفي الآخر تحققي له اللي كان عاوزه من البداية. ** فأيا كان الاحتمال أنتِ في غنى عن كل ده وأنتِ أغلى من إن حد يقرب منك بنية ارتباط أو تسلية أو استغلال. يا ريت متكرريش سؤال ولا تبعتي له والأفضل من كل ده تعملي بلوك لو عاوزة مصلحتك. تحياتي.
تم النشر الأربعاء، ١١ نوفمبر ٢٠٢٦
طيب مترد منا عارفه أنه مفيش ارتباط بس لو حضرتك مش هتفيدني علقتلي ليه؟
تم النشر الأربعاء، ١١ نوفمبر ٢٠٢٦
معذرة إن الكومنت مكانش فيه فائدة بالنسبة لحضرتك، و لكن تاني حضرتك تنهي كل ده بانك تمشي بالمبدأ ده " مفيش صداقة بين ولد وبنت و الارتباط خطوبة و جواز فقط" و بالتالي هتعرفي تخرجية من حياتك و تعيشي مرتاحة
تم النشر الأربعاء، ١١ نوفمبر ٢٠٢٦
يعني هاين عليا ارد عليك بكل تفصيلة و اشرحلك كل حركة هو عملها، و لكن هكتفي بأني أقولك مفيش حاجة اسمها صداقة بين ولد و بنت و الارتباط يا بيكون خطوبة يا جواز فقط
تم النشر الأربعاء، ١١ نوفمبر ٢٠٢٦
لعرض السؤال في فدني اضغط هنا