السلام عليكم
انا شخص عندى ٢٢ سنة طالب طب انا بجد ببدأ كلامى وانا م عارف هقول اى وازاى بس بجد مرهق جدا وطاقتى خلصت وتعبت من حاجات كتير جداً ويتمنى بجد بجد حد يفيدنى
انا حبيت بعد تالتة ثانوى عطلول وارتبطت ببنت وانا من بعدها بحاول علشانها وعلشان اخطبها وهى بجد واخدة كل قلبى وعلطول بفكر فيها ولحد دلوقتى مرينا بمشاكل كتير ف علاقتنا ونسيب بعض ونرجع ونسيب ونرجع ولحد دلوقتى مكملين
بقالنا كدة ٥ سنين وفى الوقت ده كله كل المشاكل اللى اتحطينا فيها غيرت من شخصيتى جداً وغيرتها هى أكتر وحاسس انى مبقتش أفهمها وحاسس العلاقة أصبحت باهتة جدا وانا بحاول بكل الطرق علشان اخطبها بس الظروف كل شوية بتحكمنى
بالمناسبة انا داخل جامعة خاصة وهى برضوا في جامعة خاصة
الظروف بتحكمنى من جهة ظروف البيت وانا بشتغل وم عارف أوفق بين الشغل ومذاكرتى وم عارف ارجع لنفسي حاسس انى بقيت تايه ومن كتر المشاكل اللى حصلتلى ف حياتى بسبب ابويا والعقد النفسية اللى انا اتحطيت فيها بقيت بجد شخص مختلف خالص انا توهت عن نفسي وتوهت عن طريقى
بقيت حاسس انى باهت وم عارف انا فين وبعمل اى وليه لسه مكمل ف طريقى
وتاعبنى برضوا موضوع تانى ومن وانا في أولى ثانوى تقريباً اتجريت غصب عنى للإباحية والعادة السرية ومن وقتها وانا بحاول ابطل م عارف وم عارف بجد الموضوع ليه علاقة باللى انا فيه ولا لا
فقدت الثقة في نفسي وفي الناس اللى حواليا وعاوز ابعد عن كل الناس وكل حاجة وابعد عن السوشيال ميديا وكل حاجة
عاوز ارجع نضيف من الاول وعاوز اخطبها وارتاح وأشوف مستقبلى
انا توهت عن نفسي ومحتاج حد يدلني ربنا يجازيكم كل خير
السلام عليكم، مشكلة العلاقات دي إنها بتستنزف المشاعر وبتعيشكم كل اللي المفروض يحصل بعد الزواج سواء تفاهم ولحظات حلوة أو خلافات ومطبات حياتية بتعدوها سوا مع تمسككم بالرابط بينكم ورغبتكم في الحفاظ على بيتكم، لكن في علاقة غير رسمية التمسك بيكون أضعف والعلاقة هشة مش مبنية على أساس حقيقي فالخلافات المتكررة والبعد بينخر فيها أكتر. فيُعتبر في الخمس سنين أنتم استنزفتم نفسكم ومشاعركم فطبيعي تحس بكده وتلاقي صعوبة في خطوة الخطبة والزواج. دلوقتي أنتم قدام أمر واقع، بلاش تضغطوا على نفسكم تكملوا لأن المسار اللي ماشيين فيه مش هيؤدي إلا لفشل العلاقة سواء كملت لخطوبة أو لو قدرتم تتزوجوا وأنتم محملين بكل الأعباء النفسية الحالية والاستنزاف العاطفي، فرأيي تبعدوا لحد ما ربنا يسهل وتشوفوا الوضع مستقبلا عامل إزاي، لو البعد ساعد على التعافي ولقيتم إنكم لسه عاوزين تكونوا مع بعض وكانت الظروف ساعتها اتحسنت فتقدمها لها وربنا يكتب لكم اللي فيه الخير، لو مع البعد ارتحتم ولقيتم إن إنهاء العلاقة كان الأفضل ومش هتقدروا تكونوا سوا فخلاص يبقى ده الأصح لكم، مش كل علاقات الحب بتكمل للزواج ومش نهاية العالم لو ده حصل. *** المفروض دلوقتي، تركز على إنك تلاقي نفسك من تاني وتتعافى من تراكمات الفترة السابقة عشان تقدر تهتم بدراستك وشغلك وتأسيس نفسك عشان حياة ومستقبل أفضل سواء بعد كده تزوجت منها أو من غيرها. *** لو مش هتقدر تتجاوز التراكمات دي وحدك استعن بمختص نفسي يساعدك بخطة عملية ومتابعة وإن شاء الله تتعافى وتلاقي نفسك وشغفك من تاني. ** استعن بالله وخد القرار الصعب وتكلم معها بصراحة وفهمها إن البعد حاليا هو أصلح قرار بالنسبة لكم والأمل الأخير، وإنك مش بتتخلى عن وعودك لها لكن البعد ده عشان ربنا في الأول، وعشان تلاقوا نفسكم من جديد وتقرروا إذا كنتم هتقدروا تكملوا سوا وإن كنتم بعد فترة البعد لسه متمسكين ببعض أو لأ. خذ بالأسباب وابدأ وإن شاء الله ربنا يعينك ويوفقك للي فيه الخير. بالتوفيق.
تم النشر الاثنين، ٢ نوفمبر ٢٠٢٦
وعليكم السلام ورحمة الله وبركاته. أخي الكريم، أشعر بثقل كلامك وأنت تكتب وأنت في الثانية والعشرين، طالب طب، وتحمل كل هذه الأعباء منذ سنوات. ما تمر به طبيعي بعد رحلة طويلة مليئة بالضغوط العائلية والعاطفية والدراسية، وفقدان الثقة بالنفس والشعور بالضياع أمر يحدث عندما تتراكم المشاكل دون فرصة للراحة أو إعادة التوازن. أنت لست وحيداً في هذا، وكثيرون مروا بمراحل مشابهة واستطاعوا العودة خطوة بخطوة. ابدأ بإعادة الاتصال بنفسك من خلال الرجوع إلى الله، فالصلاة والقرآن يعيدان الطمأنينة ويوضحان الطريق. خصص وقتاً يومياً قصيراً لقراءة آيات تذكرك بقيمتك كإنسان، واجعلها بداية يومك. أما بالنسبة للعلاقة التي استمرت خمس سنوات، فهي أخذت الكثير من طاقتك وغيرت شخصيتك، لذا فكر في جعلها حلالاً بأسرع وقت ممكن من خلال إشراك الأهل بشكل رسمي، أو إعادة تقييم ما إذا كانت هذه العلاقة لا تزال تدعم أهدافك المستقبلية. ركز على دراستك وعملك بجدول زمني بسيط يقسم اليوم إلى مهام صغيرة، مثل ساعة مذاكرة ثم راحة قصيرة، حتى تستعيد السيطرة تدريجياً. بالنسبة للعادة التي بدأت منذ الثانوية، فهي مرتبطة بالضغوط النفسية، ويمكن التغلب عليها باستبدالها بعادات إيجابية مثل الرياضة الخفيفة أو تعلم مهارة جديدة، مع الاستغفار والدعاء بالثبات. ابتعد عن وسائل التواصل مؤقتاً إذا كانت تزيد الضغط، وابدأ بيوميات صغيرة تكتب فيها ما تشعر به وما تريد تحقيقه، فهذا يساعد على استعادة الوعي بالذات. أنت قادر على العودة نظيفاً ومطمئناً، فالطريق يبدأ بخطوة واحدة اليوم، مثل التركيز على صلاة الفجر أو إنجاز مهمة دراسية صغيرة. ابحث عن أسئلة مشابهة على فدني لترى تجارب الآخرين، وربنا ييسر أمرك ويعيد لك طاقتك وثقتك بنفسك.
تم النشر الاثنين، ٢ نوفمبر ٢٠٢٦
@. . طيب عايز اسأل سؤال شخصي لو مفيش مشاكل مفيش تجاوز حدود اه كلام حلو شويه بس بهزار ضحك و خلاص و مش دايم بنتكلم يمكن ف السنه شهر و بنبعد بس النيه جواز هل وجودنا ممكن ينهي العلاقه اللي بينا و يخلينا نزهق من بعض و نمل من العلاقه دي يعني لما بنحس بكدا ان محتاجين نعم بنبعد فتره طويله شهور حاليا رابع سنين مع بعض للاسف و الطرف التاني زي ما انا عايز وانا بحاول علشانه بس مش عارف ابعد عنه بس حاليا الموضوع ف دماغي عايز ابعد لحد ما ربنا يجمعنا بالحلال بس زهقت كل شويه ارجعله بعد ما اقول هبعد عايزه كلامك يربيني بجد + ساعات بحس ان اختياري غلط او مش فاهم الشخص ده
تم النشر الاثنين، ٢ نوفمبر ٢٠٢٦
عليكم السلام ورحمة الله وبركاته ، حبيبنا هكلمك بشكل صريح وواضح ، علاقتك بيها لن تكتمل بأي شكل اصلا غالبا هي وصلت لذروة الفتور بس مكملين لأنكم مش عندكم الطاقة الكافية لتغيير الاحلام الوردية وتغيير الافكار ومحاولة الكتابه في صفحة بيضاء ، فالخيار الأسهل بيكون الاعتذار ثم العودة لكن العلاقة بتنهار بسرعة ومن اتفه حاجة لأنها انهارت اصلا طيب ناهيك ان العلاقة محرمة وانها لو كملت حسابات دنيويا انت هالك ودينيا انت خسران ، انت هتتألم لما تنهي العلاقة بنفسك وهتتألم بشدة هتحس انك بتقتلع جزء من جلدك لكن هتتداوي وبعد فترة حياتك هتشرق بشكل مبهر وهتلوم نفسك بس بشكل عقلاني انك ازاي كنت هناك ازاي كنت غرقان كدا غير انك كمان محتاج تركز علي عباداتك ثم تدريجيا تحط نظام لحياتك من العبادة لحد المذاكرة وتعيد صياغة علاقاتك عموما حتي لو هتبقي وحيد لان ساعتها غالبا مش هتكون مهتم غير بذاتك وتدريجيا برضه هتبطل كل شيء سيء مواقع التواصل وغير ، انا محبتش اخوض فموضوع الخطوبة لأنك لو حاولت تخطبها هتفشل دلوقت ولو حاولت بعدين صدقني هتندم إلا لو فضلت عايش في الوهم.
تم النشر الاثنين، ٢ نوفمبر ٢٠٢٦
لعرض السؤال في فدني اضغط هنا