انا اكتر واحده بتظهر انها قويه و كويسه و بتضحك و حياتها تمام بس ممكن تكون حياتى عكس كده بس حياتى فيها حلو و وحش اكيد زى اى حاجه من فتره مثلا من سنه بظبط حصل فى حياتى حوارات كتير خذلان من صحاب و شخص حبنى و جرى ورايا فى الاخر خذلنى 😂 و انا استقبلت كل ده قدام الناس بضحك و هزار و لعب و كل حاجه مع ان نفسيتى كانت زى ال زفت و عياط مستمر لحد ما عديت و اتعافيت و الناس الخذلونى رجعو و اعتذرولى و انا تقبلت اعتذارهم و بس مرجعناش و حاليا انا فى دوامه ال تفكير فى الشخص ال حبيتو
انا كمان مبعرفش اعاتب يعنى مش بعرف اقول لحد انت ليه بتعمل كده انت ليه بتبعد انت ليه عملت فيا كده مبعرفش بحس ان كل الكلام ده هيقل من كرامتى و بحس ان كرامتى دى اهم حاجه انا رد فعل ل فعل ال قدامى يعنى لو القدامى مبعتش مش ببعت لو اتكلم بتكلم و بيحبنى بحبو لو بيكرهنى بتظاهر انى كمان بكرهو و بعمل انى كويسه و جامده و ان لو حد ادانى قلم برد القلم اتنين و ال عايز يبعد يغور فى داهيه و انا قويه و تمام و مفيش حاجه فرقالى و مفيش حاجه مأثره فيا مع ان كل حاجه مأثره فيا و بقعد افكر و احلم كتير بس انا بحاول احمي نفسى انا مقدرش استحمل حد يهينى ادخل مثلا اعاتب حد الاقيه بيقلل منى او من زعلى فبفضل انى اسكت و اتعايش و انسى و كل ده بيحرقنى من جوايا
نعم، اللي بتحكيه طبيعي جدًا، وكتير من الستات بيحسوا بنفس الشعور ده. إنك تظهري قوية ومبسوطة قدام الناس وأنتِ جواكِ بتتعذبي ده مش ضعف، ده طريقة دفاعية بتحمي بيها نفسك من الإحباط والخذلان المتكرر. الدماغ بيختار أحيانًا يلبس "قناع" عشان يقدر يستمر في الحياة اليومية، وده شيء شائع جدًا عند الناس اللي بيحطوا كرامتهم في المقام الأول. المشكلة اللي بتواجهيها دلوقتي إن القناع ده بقى ثقيل شوية، وبتفضلي تفكري في الشخص اللي خذلك وفي اللي حصل، وده طبيعي لأنك ما عبرتيش عن زعلك وقتها. لما بنكبت المشاعر عشان "نحافظ على كرامتنا"، المشاعر دي بتفضل جوه وبتحرقنا زي ما قلتِ. كرامتك فعلاً مهمة، بس في الإسلام كمان فيه توازن بين حفظ النفس وبين التعبير عن الحقوق بدون إذلال. مش لازم تعاتبي بطريقة درامية، ممكن تكوني صريحة بهدوء لو حابة، أو تكتفي بإنك تكتبي اللي جواكِ في مذكرة عشان تطلعي الضغط ده بره. جربي دلوقتي تعملي خطوة صغيرة: حددي إيه اللي بيخليكِ تفكري فيه كتير، واكتبيه، وبعدين اسألي نفسك "هل ده اللي أستاهله فعلاً؟" و"إيه اللي أقدر أعمله عشان أحمي نفسي أكتر؟". لو حسيتِ إنك محتاجة تتكلمي مع حد متخصص في الموضوع ده، فيه ناس كتير على فدني بتشارك تجارب مشابهة، ممكن تلاقي فيها راحة. أنتِ قوية فعلاً، بس القوة الحقيقية كمان في إنك تسمحي لنفسك تشفي براحتك بدون ما تخبي كل حاجة.
تم النشر الجمعة، ٢٣ أكتوبر ٢٠٢٦
بتقولي الشخص اللي بتحبيه بتفكري فيه؟
تم النشر السبت، ٢٤ أكتوبر ٢٠٢٦
بصي هو العتاب مش وحش ولا غلط لو مع ناس غاليه عندك أو ناس تتمناك الخير يعني مفيهاش حاجه بل العكس انتي لما تعاتبي حد غالي عندك دا بدل انك عاوزاه وباقيه عليه انما لو ناس مش قريبه منك لا مش تعاتبي عادي يعني الفكرة مكانت الناس عندك ازي الناس دي علاقة سطحيه ولا في تعامل وانتي غ الأساس دا بتتعامل ي يعني ناس مقربة منك عادي للعتاب ناس هي طبيعتها بتزعل مثلا من العتاب أو ميستحقوش هتعاتبيهم ليه فاهمه؟؟ ف انتي رد فعلك حسب شخصيتهم وحسب تعاملهم لكي وانا بفضل ليكي أتعاملي ب الأحسن دائما النبي مش كان برد الإساءة ب إساءة ف احنا نحاول نعمل دا عشان دا الأحسن وربنا هكرمك مش يقلك تيجي ع نفسك بس انتي مش معني فلانه عملت فيا وحش ف انا اروح ارد نفس الوحش دا اي حد يعمل معاكي وحش سيبي مع نفس. وبس أتعاملي ب اللي يرضي ربنا وبس
تم النشر السبت، ٢٤ أكتوبر ٢٠٢٦
لعرض السؤال في فدني اضغط هنا