محتاجة نصيحتكم ضروري بالله عليكم. أنا مرتبطة بشخص منذ سنتين ونصف، وخلال هذه الفترة خانني ثلاث مرات، بالإضافة إلى معاملته السيئة وشتائمه المستمرة لي. كلما حاولنا الابتعاد، يلقي باللوم علي ويتهمني بأنني السبب، رغم أن الجميع يشهد بلطفي وحسن معاملتي معه لدرجة أنني تنازلت عن كرامتي كثيراً. بعد خيانته الثالثة، ابتعدنا لفترة وعاد يطلب الرجوع ويلومني مجدداً. أنا محتارة وتعبت جداً، فماذا أفعل؟
بصي يا بنت الناس من الآخر كدة ومن غير لف ودوران فكري بعقلك ثانية واحدة وسيبك من عواطفك دي خالص واحد خانك تلات مرات وبيشتمك ويهينك ولما بتيجوا تبعدوا بيحط الحق عليكي ويطلعك أنتي اللي غلطانة ده مش حب ده كدة اسمه بهدلة وقلة قيمة وهو أصلاً كان مستني ليكي أي لقطة تافهة عشان يقلب التربيزة عليكي ويداري على بلاويه وخياناته ويخليكي تجري وراه وتعتذري عن حاجة إنتي معملتيهاش وحوار إنه يفبرك صور ليكي ده كارت احمر كبير أوي يخليكي تقفلي الباب ده ومن غير تفكير لأن الشخص ده مش أمان خالص وممكن يستغل الحوار ده ويهددك بيه بعدين فوقي لنفسك ومتقوليش بحبه وواحشني عشان اللي بيحب حد بجد بيصونه ويحترمه ويخاف عليه مش بيقوله مش هتلاقي حد في جزمتي ويهينه بالمنظر ده اقطعي معاه خالص واعملي بلوك من كل حتة ومتحاوليش تبرري له أي حاجة لأن هو عارف إنك مغلطتيش بس عاجبه يشوفك ضعيفة ومكسورة ارمي العلاقة دي ورا ضهرك واشتري كرامتك وبكرة ربنا يعوضك بابن حلال يصونك بجد ويقدر قيمتك ..و كمان لازم تواجهي نفسك بالحقيقة إنتي غلطتي في حق نفسك غلطة كبيرة أوي لما قبلتي على كرامتك كل ده وصبرتي على واحد خانك تلات مرات وكان بيشتمك ويهينك من أول مرة المفروض كنتي تسبيه وتديله ضهرك لأن صبرك عليه وتغاضيك عن قلة أدبه وخيانته هو اللي طمّعه فيكي وخلاه يشوف إن مالكيش كبير ومفيش حد هيحاسبه فبقى يدوس عليكي أكتر وهو مطمن إنك كدة كدة هترجعي وتسامحي ف سكوتك ده كان دليل بالنسبة له إنك قابلة بالوضع وقابلة بالإهانة وفبركة الصور دي هي النتيجة الطبيعية لشخص إنتي اللي عودتيه إنه يغلط وميتحاسبش فوقي لنفسك واعرفي إن اللي بيفرط في حقه أول مرة بيفضل يتنازل طول العمر... وجد والله ربنا يحفظك ويسعدك 🌷
تم النشر الأحد، ١٤ يونيو ٢٠٢٦
لو عايزه نصيحة يقلبي لو كنتي مسلمة ، فحابه اقلك ان كل حاجه غلط من الأول للأخر ربنا خلقك غاليه واللي عايزك يكلم وليّك وبس لأن مبدئيا دي علاقة محرمة شرعا لأنك أهو شفتو النتيجه ... تعلق بلا أي أساس وحزن وهم واستنزاف لمشاعرك فموضع خطأ تماما ، لما تكلمي حد صاحبه فالمفروض تخافي من ربنا مش منه لأن ببساطة لا صداقه بين ولد وبنت ولو بيصحيكي للفجر حتى . التعامل يا غاليتي بين الرجل والمرأة في ديننا عند الحاجة وبقدر الحاجة فقط يعني للضرورة بس . بل كمان مش بيعاملك كويس وبيهينك مع العلم لو بيعاملك كملكة حرام برضو ولكن انتي ربنا خلقك عزيزة بلاش تذلي نفسك وإلا دينك أولا ثم كرامتك واللي بالمناسبة هتبقى عندك وقتما تراعي ربنا في أقوالك وأفعالك . فتوبي لربنا واستغفري وربنا يكرمك بحد يصونك ويقدر قيمتك في الحلال ، ومعلومة حتى لو مخطوبين حرام الشات وكلام الحب وكدا لأنه يعتبر خلوه إلا إذا كان في ضرورة وتتكلمي بقدرها وبس ، وابحثي عن كل كلامي بإذن اللّه هتفهمي أكتر 🤍 سامحيني لو كلامي فيه حده بس من خوفي عليكي كأخت ليا في اللّه .
تم النشر الأحد، ١٤ يونيو ٢٠٢٦
أختي العزيزة، أول حاجة أقولها لكِ بصراحة ومحبة: اللي بيحصل ده مش حب، ده تعلق مؤلم ودورة من الإيذاء المتكرر. الخيانة ثلاث مرات مش غلطة عابرة، دي نمط واضح، والشتائم واللوم المستمر والتلاعب بالحقائق (زي فبركة الصور) كلها علامات على علاقة سامة بتدمر كرامتكِ وصحتكِ النفسية. حتى لو هو قال إنه بيحبكِ، الحب الحقيقي ما بيخونش وما بيذلش وما بيحملش الطرف التاني كل الذنب. أنتِ اعترفتِ إنكِ غلطانة في إنكِ صاحبتِ الصديق ده وكذبتِ، وده اعتراف ناضج ومهم، لكن ده ما يبررش الخيانات السابقة ولا المعاملة السيئة. الخوف اللي عندكِ دلوقتي من إنه يعايركِ أو يدوس على كرامتكِ أكتر هو دليل قوي إن العلاقة دي مش آمنة ولا صحية. لو رجعتِ، الاحتمال الأكبر إن الدورة هتتكرر، لأن مفيش تغيير حقيقي حصل من ناحيته. نصيحتي العملية: خدي وقت لوحدكِ دلوقتي عشان تفكري بهدوء في قيمتكِ وفي اللي تستحقيه. اكتبي على ورقة كل المرات اللي اتأذيتِ فيها وكل المرات اللي حاولتِ ترجعي فيها، وشوفي النمط. ركزي على بناء احترامكِ لذاتكِ من خلال أنشطة يومية بسيطة زي الرياضة أو القراءة أو تطوير مهاراتكِ، عشان تقدري تقرري قراراتكِ من مكان قوة مش من مكان خوف أو حاجة. أنتِ تستحقي علاقة فيها احترام وصدق وأمان، مش خوف وخيانة ولوم. ربنا يقويكِ ويبعد عنكِ كل اللي بيوجعكِ، ولو عايزة تتكلمي أكتر عن خطوات عملية للتعامل مع الشعور ده، أنا هنا.
تم النشر السبت، ١٣ يونيو ٢٠٢٦
للاسف مش هينفع انصحك بحاجه غلط .. لو هنصحك بحاجه ف هو انه كويس انها جت منه وانهى الموضوع من غير مشاكل كبيرة تحطك ف وضع مش لطيف .. الافضل تشوفى حياتك وتكملى وبلاش العلاقات الغير جاده دى
تم النشر السبت، ١٣ يونيو ٢٠٢٦
فاهماكي اوي كمان والله بس انا اعرف واحده قريبتي معاها نفس المشكله وبتتطرد برا البيت بعد جوازها منه بسبب الموضوع دا وهو مخليها خدامته ومطلع عينها، بدافع عنها دايما واقولها تواجهه وانا كمان بواجهه وازعقله وهو اكبر مني اصلا بس انا مش شايفه فيه النضج اللي يخليني اعمله حساب، هددها بالقتل تلات مرات قدامي وهي بقت مخلفه منه ومش عايزه تنفصل عنه عشان ميقولوش علي عيالها ان امهم مطلقه ومبقاش ليها قرار انها ترجع تاني، هي مش بتعرف تواجهه بس انا لما اقعد معاهم ولقيته بيشتمها مثلا قدامي بزعقله بجرأه وانتي ممكن متلاقيش اللي يحميكي من اذي زيه وهو خانك تلات مرات في الحالات دي المفروض تنسي العاطفه وتفكري بجديه وبمصلحتك لأن زي ما بيقولو الحب اعمي وهيخيلك انه مش هيخون تاني، مقولتش تبعدي عنه لو عايزاه اوي كدا بس عرفيه علي الاقل بقيمتك وعرفيه حدوده بدل ما يتجرأ ويدخل عليكي بواحده تانيه ويطردك من البيت (بعد الشر) لما تتجوزو ودا حصل حقيقي لواحده تانيه بردو جارتنا
تم النشر الأحد، ١٤ يونيو ٢٠٢٦
المشكلة دلوقتي هو مطلعني انا غلطانه ومستني مني الاعتذار ع حاجه أصلا مش محسوبه غلطه ليا ونا لو اعتذرت هبقا جنيت ع نفسي احسن حل البعد بس انا مش قادره اتقبل غيرو ف حياتي لما بيتقدملي حد برفض رفض تام وبزعل لانه عيزاه هو فهماني؟
تم النشر الأحد، ١٤ يونيو ٢٠٢٦
لو انا منك هبعد واريح دماغي لأنه خانك تلات مرات وعايز يرجع كمان!! طالما عملها مره هيعملها تلاتلاف مره لانه هيحسبها انك كدا كدا مسامحه ف هيكررها وهو ضامن انك مش هتيضيعي منه اما لو ربتيه وحسستيه بقيمتك عمره ما هيعملها، مترجعيش ليه وفي رجاله تانيه كدا كدا واحسن منه، الدنيا مش علي واحد يعني (دا رأيي) او لو حابه ترجعيله فممكن تربيه شويه يعني تطلبي حاجات زي شروط عشان يرجعلك، هاتلي وهاتلي وهاتلي وهاتلي هيخليه يتربي وكل ما يفكر يخونك تاني هيفتكر انك طلعتي عينه ف مش هيكررها ولو كررها يبقي سيبيه خالص بقا
تم النشر الأحد، ١٤ يونيو ٢٠٢٦
القناة دي رائعة والأخت المسؤولة عنها بتنزل حاجات عن الوعي في فترة الخطوبة وهي مختصة, أنصحك تدخلي وكمان تقرأي المنشورات عشان تعرفي عواقب الأمر وتعرفي تاخدي قرارك الصح
تم النشر الأحد، ١٤ يونيو ٢٠٢٦
صدقيني مش عارفه انا عايزه اي مرتاحه ف بعاده وكل المؤشرات قدامي بتقول ان البعد احسن وخصوصا اني مش خايفه اهلي يعرفو حاجه وقبل منهم ربنا انا لما بطلع من البيت بكون خايفه اموت ونا عامله الذنب دا بس ف نفس الوقت نفسي يكون معايا ونرجع
تم النشر الأحد، ١٤ يونيو ٢٠٢٦
شكراً جدا ليك انت فعلا وضحتلي الحقيقه الي مكنتش شيفاها شكراً
تم النشر السبت، ١٣ يونيو ٢٠٢٦
انا قلتلك نصيحتى بناء على اللى جاى ابداى على نضيف ايا كان اللى عدى .. لكن لو هنتكلم ع اللى فات ف هو بيخون ودى حاجه مش لطيفه ومعرفش كملتى بعد كدا ازاى وبرصو انك غلطانه انك كلمتى حد تانى .. انت. قبلتى تتخانى وهو مقبلش يكون حتى فيه مجرد كلام بينك وبين حد .. ايا كان شايفك ازاى او لاء دى مش هتفرق كتير ف عشان كدا بصى للى جاى .. وربنا يقدر لك الخير أيا كان
تم النشر السبت، ١٣ يونيو ٢٠٢٦
انا متفهمه كلامك ودا اول ارتباط ليا وكنا متفقين ان خلاص سنه وهيتقدم بس انا مخنوقة من انه بعد عني وهو شايفني بالصوره دي وصعب عليا البعد بعد السنتين والي مصعبها اكتر انو شايفني كدا ونا مش كدا
تم النشر السبت، ١٣ يونيو ٢٠٢٦
لعرض السؤال في فدني اضغط هنا