السلام عليكم ورحمة الله وبركاته
انا نفسى يكون عندى صحاب اتاذيت اوى منهم، بيقعدو معايا ويطلعو يتكلمو عليا بالباطل ويضحكو عليا (عشان قصيره وبلبس خمار) كنت شطوره اوى وبطلع الاولى، لغاية 3 اعدادى بس جدو اتوفى نفسيتى تعبت وانتكست سبت الخمار والدراسه وصاحبت بنوته حلوه (العيون عليها عمتا) بس دى بدل متقولى الخمار حلو متقلعوش فننتلى ف الطرحه وقلعته،
اخدت جنب كدا لوحدها بعدها بفتره دخلى ولد من دفعتى وقاللى انه عاوز رقمها الجديد لانها بلكته(كانوا مرتبطين) وانا مكنتش اعرف رفضت اديه ليه وكله قاللى انها اللي ادته الرقم حتى هوا قالىى بلكته لما عرفته عشان بلكته طلع قال انى ارتبطت بيه والشباب مش بتسكت بس مفرقش ف شخصيتى بره واتعاملت عادى بس نفسيتى تعبانه،
وباقى صحابى بيبعتو لبعض ريكوردات عن قد اى انى تقيله عليهم وانهم تعبوا منى، واخر واحده كنت معاها عملتلى بلوك عشان داخله اصلح بينها وبين بنت صحبتى تانيه والله لسه بقول ف اى بس عملت بلوك يلا الحمد لله قررت انى هبدأ لوحدى وهأسس كيانى وذاتى
انا دلوقتي داخله 2 ثانوى وازهر نسيت كل اللي حفظاه من القرآن حرفيّا مش فاكره حاجه ونفسيتى تعبانه ومش عارفه ارجع تانى ولا اثق ف نفسى ممكن تفيدونى انا هبدأ دروس ف اول 7 (شرعى) ومش عارفه اعمل اى؟؟؟
أنا يعتبر في سنك حاليًا تمام ولكن يعتبر مجربة نفس التفاصيل دي بس باختلافات وعدت وتاب الله علي لأتوب بصي لن تُوَفقي طالما بعدتي عن طاعة الله.. ومن رحمة الله عليكِ ان الله يعني لم يجعلكِ تحسي الراحة والطمأنينة في الطريق دا لأنها كانت هتبقى مشكلة لو كنتِ مُنعمة مكنتيش هتحسي ان في حاجة غلط زي الجسم لو في خلل في الجسم هتحسي بألم وتكشفي لكن لو مافيش احساس لاقدر الله وفي مشكلة في الأعصاب مثلًا فمش هتفكري أصلًا وممكن فجأة تحصل مشاكل وتظهر أعراضها الخارجية لحد ما فجأة الجسم كله يفصل الناس الي الله أنعم عليهم وهم ازدادوا كفر وفرحوا أخذهم الله بغتة... فكل شيء احمدي ربنا عليه واحمدي ربنا ان دا حصل حتى لو في ظاهره سوء احمدي الله وعودي له ولن يردك ثانيًا جدك توفاه الله.. نسأل الله ان يرحمه ويعفو عنه ويسكنه الفردوس الأعلى من الجنة... وبعدها انتِ حزنتٍ وبعدها حزنت تاني.. وبعدها ربطتي انه الي حصل لك دا بسبب انه مات أو بعد ما مات، حرام عليه طب! أنا عارفة ممكن تقولي لي انك مش تقصدي ولكن معنى انك ربطتي بين دا ودا ان العلاقة الي قلتها موجودة... وأنا عشان بس مش تقولي مش مجربة أنا الجدين اللي شفتهم في حياتي كنت متعلقة بيهم تعلق كبير جدًا وكل أجدادي توفاهم الله ونسأل الله ان يرزقهم الفردوس الأعلى من الجنة... هنقعد نندب أو نخلي موتهم سبب هناخد احنا الذنب الله يغفر لنا ولكم ثالثًا أنا ما كانت مصيبتي بدأت إلا مع حدوث كورونا وتوقفت عن حفظ القرآن وما انتهت إلا مع قراءتي للقرآن ومش بهزر.. لولا اني كنت بزعل بقرأ سورة مريم لحبي لها لما كنت بنصحك أصلًا أنا بحفظ الحمد لله وبراجع في معهد أون لاين على النت فيه حاجات كتير جدًا جدًا حلوة وفيه أكاديمية برضو للمواد الدراسية لو حابة اسمه مصعب بن عمير جميل جميل💙 رابعًا انك يخيروكِ تقعدي لوحدك وما يكونش معاكِ حد إلا الله سبحانه وتعالى وبين تقعدي مع الناس دي لكان الخيار الأول كفى به ونعمة... دول مش بينفعوا وبيضروا كمان ليه هتروحي لهم؟ انت ماينفعش تبقي كده أي حاجة وخلاص كله عشان يبقى عندي أصحاب.. ما تتنازليش عن نفسك وفي الآخر تيجي مش في الدنيا بل في الآخرة تقولي " يا ويلى ليتني لم أتخذ فلانًا خليلًا لقد أضلني عن الذكر بعد إذ جاءني" عافانا الله وإياكم من هذا اليوم العصيب والله يرزقنا الجنة بلا حساب ولا سابقة عذاب خامسًا الصاحب ساحب وأصحابك دول مش هيسحبوكِ بل هيجروكِ... انتِ في الوضع الحالي محتاجة حد يكون خلاص كويس مش عايز اللي يخليه كويس سادسًا الولاد الولاد الولاد دول مش بنكلمهم وزي ما الولاد ماينفعش يكلموا بنات ولازم يغضوا بصرهم احنا كمان ما نكلمهمش ونغض بصرنا أي ولد يدخل يكلمك ماينفعش تكلميه ولا تردي عليه خاالص ولا قلب ولا لايك ولا وردة ولا بوكس لو حد سألك على pdf مثلًا أو حاجة مذاكرة دي تُعتبر حاجة خلاص ابعتي الpdf هيقول لكِ شكرًا أو بارك الله فيكِ أو جزاكِ الله خيرًا *مش هتبعتي بم.. الرد يبقى في قلبك والدعوة هتوصل منغير باقة نت ما تخلص لا تقلقي سابعًا بعد ما تظبطي الحاجات الي فاتت دي كلها وتظبطي حالك وزي الفل و١٠/١٠ ابدأي كَوِّني نفسك قبل ما تُكَوِّني أصحاب، ما تخليش نفسك محط الاستهزاء او السخرية ومش معنى كده انك تدي أي حد في وشه بوكس.. عادي في ناس هاديين جدًا جدًا بس عندهم شخصية، انت كمان عندك شخصية. ومش بقولك تفضلي تعلي صوتك وتسبي وتشتمي عشان حد يديكِ قيمة بالعكس لما تتعصبي هيعصبوكِ أكتر... مثلًا في ٣ أنواع ناس مديرين على نفس المجموعة من العمال واحد يدخل الصبح دا يعمل حاجة يتعصب تاني يعمل حاجة يزعق ويخبط ويرزع فيشتغلوا على انهم يستفزوه لحد ما يفقد أعصابه التاني يدخل الظهر حد يدايقه ما يعملش حاجة فحد تاني يدايقه مايعملش حاجة ويحبهم وممكن يزعق مرة وبعدها عامل خلاص مطنش هيفضلوا يدايقوه ويخربوا حياته التالت يدخل العصر حد يغلس عليه فيدي إنذار حد تاني يعمل حاجة ياخده يطلعه من المجموعة.. هاتك بقى يا ترزيع يا خبط من الي اتطرد دا المدير قال ونفذ لا تعب نفسه ولا أخد سيئات بل مَن على المجموعة بالي عمله في العامل دا.. ماشي بنظام منغير وجع دماغ الأول لو حد غلط فيه وزعق هو كدة كدة بيزعق فرق ايه التاني لو حد غلط فيه وزعق هو غلبان هو بيعمل كدة بس مش فارقة عادي لكن التالت لو زعق يبقى في كارثة حصلت ثامنًا كان في فيديو من الفيديوهات القصيرة لدكتور هو اسمه تقريبًا أحمد الغليظ... كان اتسأل ازاي أكون صحبة صالحة فقال روح مكان فيه ناس صالحين مثلًا مسجد أو دار علم أو دار تحفيظ واتعرف عليهم وشوف مين الناس اللي شبهك وقرب منهم وعينوا بعض على الطاعة وكدا واجتمعوا في دار العلم.. وكملوا الصحبة دي واعملوا حاجات خارج المكان دا.. يعني مش شرط عشان صالحين لازم أصاحبهم وكدة.. اتعرفي عليهم وهيعينوكِ وشوفي الناس الي شبهك وكدة كدة القلوب بتميل لبعضها فبإذن الله هتلاقي اللي شبهك يعني تاسعًا وأخيرًا مش هتم.وتي لو مكانش عندك أصحاب عادي هم مش أكسجين هم عاملين زي المواد الحافظة كدة في التفاعل التفاعل بيتعمل أسرع وبسهولة أكبر بوجوده لكن من غيره عادي هيشتغل بس ممكن صعوبة شوية... ومش شرط حد من سنك تكون صديقة لكِ... ممكن تشوفي اخواتك أو في أقاربك أو في حد من جيرانك أو ممكن يكون حتى مدرسين لكِ أصحابك عادي مافيش حرمانية ممكن الحد دا مايكونش بشر أصلًا *تخافيش مش هقول عو^^ ... ممكن حيوان زي أصحاب الكهف استأنسوا الكلب الأفضل هو سيدنا إبراهيم عليه السلام "واتخذ الله إبراهيم خليلًا" ربنا يهدينا ويهديكِ للخير معذرة انا لما بكتب بكتب كلام كتير عشان بحاول أشرح أنا عايزة ايه أو أقصد ايه وفي الآخر لازم نرجع لله سبحانه ونرجع لدينه ونستغفره ونتوب إليه ونسأله أن يتوب علينا لنتوب
تم النشر السبت، ١٣ يونيو ٢٠٢٦
بصي يا بنت الحلال سيبك من كل اللي فات ده كله وربنا غفور رحيم ومقَدّر الصدمة والتعب اللي شوفتيه بعد وفاة جدك والندم اللي جواكي ده دليل إن قلبك لسه نضيف وزي الفل والقرآن اللي نسيتيه مش ضاع ده بس عاوز مرجعة خفيفة وهتلاقيه جِري على لسانك تاني وابدئي من أول شهر سبعة مع الدروس صفحة جديدة مع ربنا ومع نفسك والحجاب والخمار دول عزتك وكرامتك وم تخليش كلام عيال م تسواش يهز شعرة منك والناس اللي طلعت من حياتك وعملتلك بلوك دول ربنا نجاكي منهم ودي نظافة لحياتك عشان تفوقي لمستقبلك وتعملي اللي عوزاه ركزي في ثانية ثانوي واقفلي ودانك عن أي كلام سلبي وقومي دلوقتي اتوضي وصلي ركعتين لله وقوليلو ربي أنا راجعالك وهو هيعينك ويقويكي وثقتك في نفسك هترجع أحسن من الأول كمان وجد والله ربنا يحفظك ويوفقك لما يحب ويرضى
تم النشر السبت، ١٣ يونيو ٢٠٢٦
اول حاجة لازم ترجعى للخمار لازم لازم تانى حاجة انتى فى مرحلة تكاد تكون أهم مرحلة فى حياتك وعموما الثانوية مش محتاجة صاحب اطلاقا محتاجة تركيز لان سنة هتتبنى عليها حياة عايزاهم يحبوكى ويتقربوا منك انجحى بجد والله ركزى على حياتك انتى واحنا فى الأزهر المواد كتير ومحتاجة اجتهاد يا بنتى ونصيحة متبدأيش فى شهر ٧ لا خليكى فى أول ٨ نصيحة من أخ مجرب العبى الشهر دا او اعملى اى حاجة المهم متبدأيش دراسة ومذاكرة فى شهر سبعة
تم النشر الجمعة، ١٢ يونيو ٢٠٢٦
وعليكم السلام ورحمة الله وبركاته. أولاً، أقدر تمامًا اللي مريتي بيه، والألم اللي حاسة بيه من خيانة الصحاب والضغوط النفسية اللي خلّتك تتراجعي عن حاجات كتير كانت مهمة ليكي. ده موقف صعب جدًا، وإنك دلوقتي قررتِ تبدئي من جديد وتبني كيانك وذاتك خطوة شجاعة ومستحقة التقدير. هساعدكِ بخطوات عملية تركز على بناء الثقة بنفسك أولاً، ثم تكوين صداقات صحية تتناسب مع قيمك الإسلامية. ابدئي بإعادة بناء نفسكِ من الداخل، لأن الصداقات الحقيقية بتيجي لما تكوني مرتاحة مع ذاتك. ركزي على دروسكِ في أول 7 شرعي، وحاولي ترجعي تحفظي القرآن تدريجيًا حتى لو صفحة واحدة يوميًا، ده هيملّكِ شعور بالإنجاز ويعيد الثقة. في المدرسة أو الدروس، ابحثي عن بنات يشاركنكِ الاهتمامات الإيجابية زي الدراسة أو حفظ القرآن، وابدئي بحوارات بسيطة عن الدروس أو المواضيع المشتركة. اختاري الصحاب اللي بيظهروا احترامًا لقيمكِ، وخدي وقتكِ في تقييم الشخص قبل ما تثقي فيه، عشان تتجنبي التجارب السابقة. لما تبدئي تكويني صداقات جديدة، ركزي على البيئات الإيجابية زي الأنشطة المدرسية أو الدروس الخصوصية، وكوني صادقة في تعاملكِ بدون ما تفرضي نفسكِ. لو لقيتِ صعوبة في الثقة، تذكري إن بناء العلاقات بيحتاج وقت وصبر، وابدئي بخطوات صغيرة زي مشاركة ملاحظات دراسية. هتكتشفي إن في ناس بتقدر الشخصية القوية اللي بتبنيها دلوقتي. لو عايزة آراء إضافية، ابحثي عن أسئلة مشابهة على فدني عشان تشوفي تجارب تانية. أنتِ قادرة على التقدم، وكل خطوة صغيرة هتوصلكِ لأفضل.
تم النشر الجمعة، ١٢ يونيو ٢٠٢٦
@.. .. ايوا
تم النشر السبت، ١٣ يونيو ٢٠٢٦
ان شاء الله هعمل كدا، الدنيا فانيه وانا مش هقدر عل العتاب ربنا لما هيسالنى عل كل وقتى اللى ضيعته من غير محقق طاعته انا متشكره ليكى اوى 🤍
تم النشر السبت، ١٣ يونيو ٢٠٢٦
المشكله انى مش عارفه اعمل كدا انا عارفه كل ده وواثقه ف ربنا انه هيعنى عل انى اكمل وابقى كويسه وبنصح البنات اللىى ف قناتى بكدا بس انا مش عارفه احقق ده ف زاتى، وكأنى انا المقصوده "أتامرون الناس بالبر وتنسون أنفسكم وانتم تتلون الكتٰب افلا تعقلون" صدقينى نفسى اعمل كدا ❤️🩹
تم النشر الجمعة، ١٢ يونيو ٢٠٢٦
وعليكم السلام ورحمة الله وبركاته، لما قولتي دخلي ولد من دفعتي أفتكرتك في كلية؟ بعدين قولتي 2 ثانوي أزهر!! بس عامةً الصحاب مش حاجة دايمه بمعنى صحاب الابتدائية غير الإعدادية غير الثانوية غير الكلية كل مرحلة ليها صحاب حتى ممكن السنة بمعنى أصحاب سنة أولى غير سنة تانية فـ أنتِ يا غالية لأزم ترسخي جواكِ أن التغير، دا ليكِ أنتِ ممكن يكون معاكِ صُحبة تعطلك ممكن صحبة تخليكِ تنتكسي ممكن صُحبة تعينك وتأخد بإيدك وتشد خطوات قدام!! الثبات لأزم يكون نابع منك دارسة العقيدة هتثبتك مش أي حد يهزك، الحاجة التانية مش معنى أننا مش معانا صُحبة نصاحب أي حد لا دا خطأ جدًا جدًا خليكِ صحبت نفسك وربنا هيرزقك بالصحبة الصالحة الـ تعينك، متصحبيش أي حد عشان المرءُ على دين خليله!!!!
تم النشر الجمعة، ١٢ يونيو ٢٠٢٦
بلاش أصحاب اون لاين
تم النشر السبت، ١٣ يونيو ٢٠٢٦
بلا
تم النشر السبت، ١٣ يونيو ٢٠٢٦
مقصد كلامي أي علاقة عمومًا *علاقة صداقة* ،،، فهماني
تم النشر السبت، ١٣ يونيو ٢٠٢٦
@.. .. الحمدلله ربنا يبعدنا عن اى حاجه زى كدا يارب🤍
تم النشر السبت، ١٣ يونيو ٢٠٢٦
جميل جدا انك إنسانة معطاءة بتهتمى بالآخرين...وعند قناة بتنصحي فيها بس محتاجه التوازن... بين 1️⃣ ربك 2️⃣ نفسك 3️⃣الآخرين انتى بتاخدى العلم وبتعلميه لغيرك ... ومافى تطبيق ربنا قال لبنى إسرائيل: "اتامرون الناس بالبر وتنسون أنفسكم". انتى مطبقة مشاركة الخير مع الآخرين... بس العدل مع نفسك ابدأ انتى كدا بتظلمى نفسك... رددى كل يوم دعاء " ربى انى ظلمت نفسي فاغفر لي". وشوفى ربنا بيكرمك كيف 💫وأبدأى بتطبيق النصائح على نفسك... نفسك تستاهل والله أكيد 👌 .
تم النشر السبت، ١٣ يونيو ٢٠٢٦
أي علاقة تؤذيكي وتستنزفك اقطعيها فورًا بلا تردد
تم النشر السبت، ١٣ يونيو ٢٠٢٦
الخطوة التانية من دالوقتي أعملي خطة وأحجزي مع معلمة القرآن وتبدأي مراجعة أو حفظ من أول وجديد والأفضل روحي دار تحفيظ هناك هتلاقي صُحبة تعينك وتأخد بإيدك وتشد خطوات قدام، بس الفكرة برضو لأزم تعملي خطة لـ نفسك وحياتك تكون مليانة أنشطة وبناء وشغل على نفسك عشان لما يحصل دروب في حياتك تكوني مشغولة، يعني أصحابك سبوكـي معاكِ، صلاتك منجأة ربك، معاكِ القرآن قوي علاقتك بأهلك معاكِ الدارسة الكتب العلم حاجات كتير جدًا تقدري تفرغي طاقتك فيها مش تمدري نفسك وتقفي!!
تم النشر الجمعة، ١٢ يونيو ٢٠٢٦
لعرض السؤال في فدني اضغط هنا