كيف اثق فى نفسى. بعدما تعرضت. التنمر فى المدرسة
لدى مشكلة احاول أن اثق فى نفسى
التنمر يوجع لأنك مع الوقت بتبدئي تصدقي الكلام حتى لو عمرك ما كنتي شايفة نفسك كدا قبلهم. فجأة تبقي داخلة أي مكان وانتي حاسة إن الكل مركز معاكي أو بيحكم عليكي، ودا يتعب جدًا فعلًا. بس تعرفي؟ أكتر حاجة ظلم ممكن تعمليها لنفسك إن ناس مؤذية وعدّوا في فترة من حياتك يبقوا هما اللي رسموا صورتك عن نفسك. الناس دي غالبًا نسيت أصلًا كل كلمة قالتها، وانتي لسه شايلّاها جواكي كأنها حقيقة. حاولي واحدة واحدة تعيشي براحتك من غير ما تراقبي نفسك طول الوقت. اضحكي بصوتك الطبيعي، اتكلمي، جربي، اغلطي عادي. لأن الثقة بالنفس مش إنك تبقي كاملة، الثقة إنك تبقي مرتاحة تبقي نفسك من غير خوف مستمر من رأي الناس. وصدقيني الشخص اللي اتأذى واتغير وحاول يقوم تاني، بيبقى أقوى بكتير من شخص عمره ما مر بحاجة 🤍
تم النشر الاثنين، ١١ مايو ٢٠٢٦
بصي لنفسك في المرايا شوفي قد اي ربنا خلقك حلوة الناس المريضه لما يلاقو حاجة مش هيعرفو يوصولو ليها ولا هيكونو وفيها بيحاولو يحبطوها هحكيلك قصة كان في ثعلب وقع على ديله حجر كبير فحاول انه ينقذ ديله فوهو بيحاول يطلع ديله، ديله اتقطع فزعل جدا وبعدها بدأ يفكر لو باقي الثعالب شافو ديله هيبعدو عنه ويتريقو عليه فراح الثعلب وبدأ يقول انها موضه وبدأ يقنع باقي الثعالب تقطع ديلها زيه وان الموضوع مش مؤلم لكن الثعالب كانت بتكتشف انه فخ بعد ما تقع فيه وبدأ هم كمان يضحكو على كل الثعالب الي عندها ديل لحد ما يقطعوه واصبح الثعلب الي عنده ديل هم الي بيتنمرو عليه اتمنى تكوني فهمتي قصدي♥️♥️
تم النشر الثلاثاء، ١٢ مايو ٢٠٢٦
في البدايه حابه اني اقول لك انك لو بالفعل تعرضتي للتنمر فانتي اكيد انسانه مميز سواء في مرحلتك الدراسيه سواء في شكلك في طريقتك فانت اكيد حد مميز والشخص اللي حاول انه يتنمر عليكِ فده ما هو الا شخص اتعرض هو بالفعل للتنمر او عنده مشكله وبيحاول ان هو يظهرها فيكي فانك تتجاهلي الموضوع ده، ده هيخلي الشخص يبعد وما يحاولش انه يتنمر مع الوقت ولو قدرت ان انتي تستعيني بحد اكبر منك سواء حد من الاهل انه يتدخل او حد من المدرسين ده هيكون افضل بس لازم تعرفي في كل الاحوال ان انت شخص مميز جدا ولو عايزة تعرفي ده كويس حاولي تكتبي كل الحاجات اللي انتي مميزه فيها اللي انتي مختلفه فيها عن غيرك هيبان اللي جواك وهتفهمي كويس جدا ان انتي مختلفه عن الشخص او الافراد اللي حاولوا ان هم يتنمروا عليكي
تم النشر الاثنين، ١١ مايو ٢٠٢٦
بصي يا ست الكل ايام المدرسه محدش فينا مكنش بيتم التنمر عليه ودا ف حد ذاته احنا اصلا مكناش نعرف ان دا تنمر احنا لما كبرنا فهمنا دا كان ايه بس السوال هنا هل انتي هي هي بتاعت زمان اسمحيلي اقولك مستحيل ف ال عايزه اقولك انسي زمان حبي نفسك وشوفي انك ليكي استحقاقيه ف كل حاجه وصدقيني مجرد ما هتعملي كده هتلاقي الدنيا كلها بتررمي تحت رجلك
تم النشر الثلاثاء، ١٢ مايو ٢٠٢٦
عزيزتي، أنا آسفة جدًا لما مررتِ به من تنمر في المدرسة، هذا أمر مؤلم لكنكِ قوية وستتجاوزينه إن شاء الله. الثقة بالنفس مفتاح سعادتكِ، مثل هذا المفتاح الذهبي في الصورة – هو في يدكِ! خطوات عملية لاستعادتها: تذكري قيمتكِ عند الله : أنتِ خليفة في الأرض (سورة البقرة:30)، والتنمر لا يغير ذلك. اقرئي يوميًا آية الكرسي أو "حسبي الله ونعم الوكيل" لتقوية الروح. سجلي إنجازاتكِ الصغيرة : كل مساء، اكتبي 3 أشياء نجحتِ فيها (مثل "أجبتُ على سؤال في الدرس"). هذا يبني الثقة تدريجيًا. مارسي هواية تحبينها : ارسمي، اكتبي قصة، أو مارسي رياضة خفيفة مثل المشي 20 دقيقة يوميًا. النجاح في شيء تحبينه يعيد البريق لنفسكِ. ابتعدي عن السلبيين : ركزي على أصدقاء إيجابيين أو دراسة هادئة. إذا استمر التنمر، أخبري معلمًا موثوقًا بثقة. حددي هدفًا صغيرًا أسبوعيًا : مثل "سأتحدث أمام الفصل مرة"، واحتفلي به. ستلاحظين الفرق في أسابيع! إذا احتجتِ دعمًا أكثر، ابحثي في فدني عن "التنمر والثقة بالنفس" لتجارب آخرين، أو زوري https://www.fedni.net/experts لخبراء نفسية. أنتِ تستحقين الثقة الكاملة، يا قمر! 💛
تم النشر الاثنين، ١١ مايو ٢٠٢٦
بصي لجوانبك الكويسة وفكك من شوية المتنمرين دول الناس بتحاول تشوه الحاجة الحلوة اللي مش عندهم فبما انهم اتنمرو عليكي فده معناه انك احسن منهم
تم النشر الثلاثاء، ١٢ مايو ٢٠٢٦
مش لازم تثقي بنفسك لان مش كل حاجه فيكي صح ، ثقي ف ربنا انه مش بيعمل حاجه وحشة وان خلقك في أحسن وجه و خلق لكي كل خير لان ربنا مش هيكتبلك شر مستحيل ، بل كل حاجه خير ثقي في كذا احنا بس الي مش بنشوف صح دايما ، و رزق بتعنا فين وانتي هتؤجري علي تنمر ده و يوم قيامه هتاخذي حسنات كثير منهم و تعطينهم سيئات كثير من عندك هم ظلمو أنفسهم الله يهديهم و انتي متظلميش نفسك وتفكري كثير لان دي حاجه مش هضرك في سنه جايه مدام مش حاجه ضاره فعادي نعمل ايه بقي
تم النشر الاثنين، ١١ مايو ٢٠٢٦
دائما الحاجه الحلوه يتنمر عليها الحاقدين وذوي النفوس السيئه. لا تبالي بهم فهم حثاله المجتمع
تم النشر الاثنين، ١١ مايو ٢٠٢٦
لعرض السؤال في فدني اضغط هنا