جماعه انا بحب ابن خالتي بقالي 5سنين وهو كذلك وكان الموضوع رسمي والاهل عارفين بس حصل مشاكل بين خالتي وامي وخالتو قالت لو كملت ولا انت ابني ولا اعرفك هو كمل ولا فرق معاه كلام خالتي بس امي موافقتش بسبب انها مش عاوزاه يخسر مامتو قالها انتي كده بتظلمينا وفعلا حصل وبعدنا بسبب الاهل دلوقتي بقا هو معاه فلوس واتقدم كذا مره للسفاره واترفض فعاند مع خالتي بعد الحوار بتاعنا وسافر هجره غير شرعيه دلوقتي منعرفش عنو حاجة بقالنا 7شهور احنا شاكين انو مخطوف علشان خالتي اصلا عارفه الي طلعو دلوقتي الامور كلها اتصلحت وخالتي مستنيااه يرجع ونتجوز وندمت اوي لانهااا عارفه اننا بنحب بعض اوي وكل عيلتنا كانت عارفه اننا بنحب بعض اوي للعلم سافر هو واخوه مش لوحدو
جمااعه انا تعبانه اوي نفسيتي مدمره وربنا يعلم بحالي وبيااا ومش عارفه اعمل اي
انا عندي استعداد استناه عمري كلو بجد لاني معرفش غيرو وهو اول حد ف حياتي بجد مفيش مشاعر لاي حد خالص هو هو بس بجد.
حبيبتيييي ربنا يعينك اوي اوي بجد ويحميه ويرجعهولك سالم باذن الله 😭.. لو تقدري ابقي ابعتيله كل شويه حتي لو مردش او موصلتش اصلا، دنك وراه وابقي ادعيله في صلواتك " بارب انا عملت بالاسباب وعملت كل حاجه عشان اوصله ف حلها من عندك يارب " ومتقلقيش يعني وثقي في ربنا وابقي طمنينا لما يرجع باذن الله.. جربتو تبلغو؟ لو كان مشي من غير ما ياخد هدومه ولا حاجه تثبت انه قرر يسيب البيت نهائي يبقي بلغو لان دا دليل انه كان في لحظه غضب وبيخطط يرجع تاني اما لو مشي بهدومه وكل حاجه بتاعته ف بلغو بردو بس هتبقي الموضوع صعب شويه لأن ممكن يتعمد علي انه مشي بمزاجه بس بردو هيدورو عليه ويحاولو يوصلوله بأي طريقه وان شاء الله ربنا معاكو ويصبرك بجد والله قلبي معاكي وليكي عليا يا ستي هدعيله في كل صلاه وبتكلم جد والله مش بجامل انا حلفت و وعدتك بس اهم حاجه مترهقيش طاقتك بزعلك واستغليها انك تحاولي توصليله والدعاء يغير القدر ف متقلقيش 😔🫶🫶🫶🫶
تم النشر السبت، ١٣ يونيو ٢٠٢٦
السلام عليكم ورحمه الله وبركاته. اعانكم الله كعيله كلكم مش انت بس وامه اكثر منك على القلق والانتظار انه ده حاجه صعبه جدا جدا ان شاء الله ربنا يطمنكم عليه ان شاء الله تعرفوا هو وصل لفين وان شاء الله اموركم طيبه كتير من الاسف بيتبعوا الطريق ده ممكن يكونوا موجودين في مكان مش قادرين انهم يتواصلوا مع حد موجودين في مكان لسه امورهم ما بقتش كويسه فما وصلوش لاي فلوس تخليهم يتواصلوا مع حد من اهلهم بتعدي الايام سبع شهور كثير اكيد مش قليلين ولكن بيكونوا لسه ما قدروش يوصلوا لحاجه فان شاء الله ان شاء الله ربنا يطمنكم عليه. انت هنا عارفه ان وضعك صعب لكن ده قرارك انت وانت طالما مقرره بناء على مشاعركم تجاه بعض ان انتوا ان انت تبقي منتظراه فخليكي. منتظره ولكن منتظره بامل وثقه في ربنا منتظره بدون اي ندم امم انك منتظره كتير هيلوموكي فانت عارفه انك مختاره اللي بالنسبه لك انسب فخليكي مع اختيارك ولكن راعي انك هتقابلي صعوبات راعي انك هتقابلي مقاومه من اهلك انت شخصيا في القصه دي انك خلاص بقى ما تستنيش اكتر من كده لازم تكوني مستعده للكلام ده كله ان شاء الله تطمنوا عليه تعرفوا اخباره وتعرفوا مكانه. وحاولوا كل الطرق إن انتوا توصلوا حتى لو محتاجين كمان ان انتوا تبلغوا. لو تمش يعني البلاغ من خلال اداره الداخليه فلازم تبلغوا طبعا علشان تحاولوا توصلوا لمكانه ويكون في بحث بشكل مناسب ربنا يطمنكو عليه وربنا يقويكي لان دي هتكون فتره صعبه جدا جدا وكل من وقت يطول لو لا قدر الله وما قدرتوش لسه توصلوا لحاجه ده هيكون صعب وهتكوني التحديات اكبر وهتكون الصعوبات اللي هتقابلك اكتر مستعده لها دايما كده خلي عندك نفسيه قويه وسليمه وتمسكي بقرارك لأنك أكتر واحدة عارفة أنت اللي جواك قوته فقادرة تتمسكي به ولا لأ
تم النشر السبت، ١٣ يونيو ٢٠٢٦
أختي العزيزة، أفهم تمامًا مدى الألم والقلق الذي تعيشينه، فالانتظار في مثل هذه الظروف يشبه الغرق في بحر من الشكوك والخوف، خاصة مع غياب أي خبر لسبعة أشهر. حبك له واستعدادك للانتظار يعكس عمق مشاعرك الصادقة، وهذا أمر طبيعي بعد خمس سنوات من الارتباط الرسمي، لكن القلق المستمر يؤثر على صحتك النفسية والجسدية، ويحتاج إلى خطوات عملية للتعامل معه دون أن يسيطر على حياتك. من منظور إسلامي، التوكل على الله والصبر هما أساس التعامل مع مثل هذه المحن، فادعي له بالسلامة والعودة الآمنة، واقرئي القرآن واستمعي إلى الآيات التي تطمئن القلب مثل "ألا بذكر الله تطمئن القلوب". في الوقت نفسه، ركزي على تمكين نفسك: حددي روتينًا يوميًا يشمل أنشطة مفيدة مثل تعلم مهارة جديدة أو ممارسة هواية تحبينها، أو حتى العمل على تطوير ذاتك مهنيًا أو تعليميًا، فهذا يساعد في تقليل التركيز المفرط على الانتظار ويمنحك شعورًا بالسيطرة. إذا شعرتِ بأن القلق يتفاقم، فكري في استشارة متخصص نفسي للحصول على أدوات عملية لإدارة التوتر، مثل تقنيات التأمل الإيجابي أو إعادة صياغة الأفكار السلبية. تذكري أن الحياة لا تتوقف، وأنتِ تستحقين السلام الداخلي بغض النظر عن النتيجة. ابحثي عن أسئلة مشابهة على فدني للحصول على وجهات نظر إضافية من النساء اللواتي مررن بتجارب مشابهة، فقد تجدين فيها دعمًا إضافيًا. أنتِ قوية، ومع الوقت والإيمان ستجدين الطريق للتوازن بين الأمل والعيش بسلام.
تم النشر السبت، ١٣ يونيو ٢٠٢٦
يا رب يا رب والله العظيم بموت بس يقيني بالله كبير وعندي ثقه انو هيعوض صبري برجعو
تم النشر السبت، ١٣ يونيو ٢٠٢٦
ادعي ربنا كتير يردهولك سالم طلعي ذكاه وصلي قيام ليلل وادعي كتير ان يرجعلك ق اقرب وقت محدش هيحس بقلقك دا غير ربنا قربي اوي اوي منه وان شاءلله هيتردلك سالم وتتجوزو وتعيشو احسن حياه
تم النشر السبت، ١٣ يونيو ٢٠٢٦
ربنا يرده سالم بإذن الله
تم النشر السبت، ١٣ يونيو ٢٠٢٦
لعرض السؤال في فدني اضغط هنا