انا شاب عند 30 سنة متزوج من تلات سنين وعند طفلة عندها سنتين من وانا فى الاعدادى كنت دائما بشتغل فى الإجازة ودى الفلوس لأهلى وفضلت كده لعند تانية جامعة ولكن للحق فى الثانوى والجامعة كنت بديلهم وجزء واخد جزء ليا كمصاريف شخصية وكده بعد الما خلصت جامعة وجيش اشتغلت عالطول ودخلت فى جمعية عشان اشطب شقتى وقولت لاهلى أن أنا عاوز أخطب وبعدها اتجوز وكنت بحط مرتبى كله فى الجمعيات عشان الجواز وباخد جزء للمواصلات ومصروف بسيط والحمد لله اتجوزت وفضلت بعد الجواز برضو ادخل جمعيات وادى الفلوس لأهلى لأن على كلامهم أنهم كانوا مستلفين فى جوازى وفضلت فى الجمعيات دى لمدة سنتين بعد الجواز وبعد ما خلصت لقيت ابويا بيقولى لازم تدينا 2000 جنيه عشان كل شهر عشان تجوز اختك وبالفعل عملت كده رغم أن الموضوع دا كان مأثر جامد فى بيتى وكنت بستلف ساعات بس الحمد لله اختى اتجوزت والموضوع عدى الحمد لله لقيتهم برضو بيقولوا لازم تفضل تدفع لينا ال 2000 جنيه عشان نجوز اخوك مهمتهم انو معدش ينفع لأن أنا بقيت بستلف بسبب الموضوع دا وزوجتى بدأت تشتكى ليا بسبب كده قالولى رجعت زوجتك الشغل وخليها تساعدك قولتلهم أنا مش عايزها تشتغل عشان بغير عليها وهى لازم تراعى البيت افضل وحتى لو بتشتغل مينفعش اخد منها واديكو وانا لو معايا عمرى ما هحوش عنكوا حاجة ابويا قالى أنا بتلف وتدور علينا وكداب ومعاك فلوس ومش عاوز تدينا ومن ساعتها بقى ابويا مكشر فى وشى طول الوقت وقابل لامى تمنع عنى اى حاجة بتديهالى ومتخدش منى اى حاجة وكلام بقى من عينة أومال انت ماسك المصحف طول الوقت ليه وعامل لينا شيخ وللعلم ابويا ماشاء الله معاه اللى يكفيه وزيادة واخويا متوظف وشغال
أنا دلوقتى بين نارين ومش عارف اعمل ايه أدى ابويا الفلوس واقصر فى مسؤوليات بيتى ولا معملش كده وابقى عاق ويفضل هو يعاملني وحش
بس الصراحة والدتى بتعاملنى كويس بس برضو مفكرة أننا معايا فلوس ومانعها عنهم
أخي الكريم، أقدر تمامًا الضغط النفسي اللي بتمر بيه، وأنت شاب بتحاول توازن بين واجبك تجاه والديك وبين مسؤولياتك كزوج وأب. اللي عملته من أول الإعدادي لحد دلوقتي يُحسب لك، وده جهد كبير وتضحية مستمرة، لكن الوضع دلوقتي وصل لمرحلة بتأثر على بيتك وزوجتك وبنتك، وده مش هينفع يستمر. من الناحية الإسلامية، بر الوالدين واجب، لكنه مش مطلق إذا كان هيضر بحقوق الزوجة والأولاد. الزوجة لها حق في النفقة والاستقرار، وأنت مش مطالب تعطي ما لا تملك أو تستلف عشان ترضي الوالدين. الرسول ﷺ قال: «ابدأ بنفسك ثم بمن تعول»، فالأولوية لبيتك الأساسي. والدك بيتهمك بالكذب ومعاه ما يكفيه، وأخوك موظف، فالطلب ده مش عادل ومش منطقي. حاول تتكلم معاهم بهدوء واحترام، بدون ما تدافع أو تهاجم. اشرح لهم الوضع المالي بصراحة، وقول إنك مش قادر تستمر في الـ2000 جنيه لأنها بتأثر على بيتك، واقترح حلول بديلة زي إن أخوك يساهم أكتر أو يبحث عن طرق أخرى للجواز. لو الوالدة بتعاملك كويس، ركز معاها في الحوار ده. ولو استمر الضغط، حافظ على حدود واضحة عشان ما تخسرش زواجك. أنت مش عاق لو رفضت طلب غير منطقي، وده مش يعني إنك بتقلل من والديك. ابحث عن أسئلة مشابهة على فدني عشان تشوف تجارب ناس تانية وتاخد أفكار إضافية. ربنا ييسر أمرك ويصلح حالك مع أهلك.
تم النشر الجمعة، ١٢ يونيو ٢٠٢٦
يعني حضرتك بتقول والدك ما شاء الله معاه اللي يكفيه و زياده و اخوك كمان موظف و شغال طب هما لي بيضغطو عليك و هما عارفين مسؤولياتك هوا ممكن انهم اتعودو عليك انك بتديهم و كدا بس طبعا دا مش مبرر و حتي لو مخبي عنهم فلوس ف هما مش محتاجين يعني علي حسب كلامك..بس من وجهه نظري حاول علي قد م تقدر تعاملهم كويس و لكن حضرتك دلوقتي راجل مسؤول عن بيت و اسره ف طبيعي اصلا انك تبقي مش بتديهم كتير زي الاول. يعني اهتم بمصاريف بيتك و لكن اذا الدنيا اتعدلت معاك و بقت افضل ان شاء الله متستخسرش فيهم.
تم النشر الجمعة، ١٢ يونيو ٢٠٢٦
بص انت اكيد بتطلع صدقات ف انت طلعها ف بيتكم وبكدا هتبقى اخدت ثوابين ثواب الصدقه وثواب البر وصلة رحمك الموضوع بسيط
تم النشر الجمعة، ١٢ يونيو ٢٠٢٦
الصدقة اللى يطلعها أقل من ال 2000 جنيه بكتير وعموما والدى حالف على والدتى أنها متاخدش منى حاجة وللعلم أنا حاولت اعمل كده وكمان لما بكون بشترى اكل لبيتى بعزم على والدتى اشتريلها زى وبديلها اى حاجة تحتاجها
تم النشر الجمعة، ١٢ يونيو ٢٠٢٦
لعرض السؤال في فدني اضغط هنا