السلام عليكم ورحمه الله وبركاته بنت عندي 18 سنه مخطوبه بقالي سنه عارفه خطيبي بقالي ثلاث سنين، منهم سنه خطوبه يعني
خطيبك كان قبل الخطوبه شخص كويس جدا كنا مرتاحين جدا مع بعض في السنتين الارتباطنا فيهم من اول ما جيه خطبني والدنيا بدات تتلخبط شويه نسيت اقول ان بابايا ومامتي منفصلين وفي الفتره اللي عرفته فيها دي كنت انا عند مامتي دلوقتي انا جيت عند بابايا وهو لما خطبني خطبني من عند بابا فالمهم يعني وقعدت مع بابا فدلوقتي انا وهو 3/4 خلافاتنا في الاول ان انا و خطيبي بابا بيبقى قاعد معنا وقت ما خطيبي بييجي ودي حاجه بتخليني مش عارفين نتكلم احنا مش قصدين ان احنا نتكلم في كلام وحش او عيب احنا هنتكلم كلام عادي بس خطيبي بيتكسف جدا وانا نفس الكلام ده باباياا ولازم هيتكسف منه المهم هنعدي الموضوع دوت وندخل على الموضوع اللي هو الخلاف اللي بيني وبين خطيبي خطيبي في الاول كان شخص حنين جدا فجاه بقى انسان تاني خالص في الاول لو كان لقاني بعيط كان يزعل ويقلب الدنيا دلوقتي بقى عادي اعيط وازعل عادي يكلمني بالساعات دلوقتي بقينا بنتكلم دقائق كده معدوده دول عايزني انا اللي اتكلم وهو يفضل بيشتغل و سامع بس بحجه شغله وان ناس حواليه ماشي ما عنديش مشكله بس كمان لما بتكلم كلامي ما بيعجبهوش هو بيشك فيها وبيغير جدا عليا وانا بشك فيه وبغير جدا عليه بالذات ان هو خاني قبل كده كذا مره كل حاجه بطلبها منه بيقول لي لا وكذا حاجه اتخانق انا وهو بسببها كذا مره يذلني بفلوس بيديهاني هو كويس وغلبان بيذلني غير قصده دي شهاده حق لازم اقولها المهم جيت في مره بقول له ان انا عايزه اعمل ليزر لان اقرب فرحنا قدامنا مثلا ثمن شهور ولازم اعمله بدري شويه عشان سمعت ان لو في حمل هيبقى غلط على الجنين وان المفروض ان انا اعمله قبل الجواز اريح المهم اتخانق معايا وانت عايزه 5000 جنيه بس تعملي ليزا وما اعرفش ايه وانت ازاي ما تتكسفيش انك تروحي لواحده انت ما بتتكسفيش ما تقوليش الكلام ده لمامتي واختي عشان هيبصوا لك بوسه وحشه يعني ايه بصي لي بصه وحشه يعني البنات كلها ما بتروح تعمل حمام مغربي وسويت وواحده اللي بتعمل لهم انا الوحيد اللي هتختلف يعني ولا ايه مش فاهمه دلوقتي احنا عملنا ديدلاين لمده ثلاث شهور والمفروض ان لو ما تغيرناش نسيب بعض انصحوني طيب اتعامل معايا ازاي او اعمل ايه عشان انا عمري ما هقبل ان انا اتجوز واتطلق لان انا مريت ب دا ومش هخلي العيال يمر بيه تاني
وعليكم السلام ورحمة الله وبركاته يا بنتي، أول حاجة أحب أقولها لك: إنك واعية كده وبتحكي التفاصيل بصراحة ده شيء كويس جدًا، وإنك خايفة تكرري تجربة الطلاق اللي عاشتها أسرتك ده دليل على نضجك وحرصك على مستقبلك وعلى أولادك لو ربنا كتب لك. خلينا نتكلم بصراحة وواقعية. اللي بيحصل معاكي مش مجرد "خلافات عادية"، ده تغيّر جذري في شخصية خطيبك بعد الخطوبة، وده نمط شائع جدًا. الشخص اللي كان حنين ومهتم بكىك بقى بارد ومش بيسمع ومش بيحترم رغباتك وكمان بيخونك ويذلك بفلوسه ويمنعك من حاجة بسيطة زي الليزر قبل الجواز ويحولها لموضوع عيب وإحراج… كل ده علامات واضحة على علاقة سامة. الغيرة المفرطة + الخيانة + الرفض المستمر + التقليل من شأنك = مش هيتحسنوا لوحدهم، وغالباً هيزيدوا بعد الجواز. أنتِ عملتوا ديدلاين 3 شهور، وده قرار ناضج. استخدمي الفترة دي بذكاء: راقبي الأفعال مش الكلام. لو رجع يعاملك بنفس الطريقة (قصير في الكلام، بيشتغل ويسمع بس، بيرفض طلباتك، بيغير ويخون) يبقى التغيير مش حقيقي. كلمي أبوكِ أو حد كبير في العائلة تثقي فيه عن اللي بيحصل، خصوصًا إن أبوكِ موجود في الصورة دلوقتي. الخطوبة مش سر، والأهل ليهم حق يعرفوا لو في مشاكل جوهرية. لو حسيتِ إنك بتتنازلي عن كرامتك عشان "بحبه"، وقفي وقولي لنفسك: الحب الحقيقي ما بيذلش ولا بيخون ولا بيمنع اللي فيه مصلحة. في الإسلام الزواج سكن ومودة ورحمة، مش تعب وشك وإذلال. لو الشخص ده مش قادر يديكِ الأمان والاحترام دلوقتي، فهو مش هيقدر يديكِ إياهم بعد الجواز. أنتِ عندك 18 سنة، ولسه قدامك فرص كتير تختاري فيها شريك يستاهلك ويحترمك ويخاف ربنا فيكِ. لو الـ3 شهور خلصت وما حصلش تغيير حقيقي وملموس، خلّصي الأمر بهدوء واحترام واستغفري ربنا إنك نجوتِ من علاقة كانت هتتعبك أكتر. ابحثي على فدني عن تجارب مشابهة عشان تشوفي وجهات نظر تانية، وخدي قرارك وأنتِ مرتاحة إنك بتحمي نفسك ومستقبلك. ربنا يهديكِ للأفضل ويبعد عنك كل اللي فيه أذى. لو عايزة تتكلمي أكتر أنا هنا. ❤️
تم النشر السبت، ١٣ يونيو ٢٠٢٦
السلام عليكم ورحمه الله وبركاته. شوفي يا ست البنات فتره الخطوبه هي معموله عشان كده وعشان كده هي بتختلف من الوقت اللي احنا بنسميه فيه احنا مرتبطين لان احنا مرتبطين ما فيش التزام لكن احنا مخطوبين لا هنا في التزام التزام قدام الاهل في التزام قدام المتطلبات الماديه اللي لها علاقه بالخطوبه وبالجواز فهنا انا بقدر اقيس قياس حقيقي فتره الخطوبه فيها قياس حقيقي للشخص طيب فدلوقتي خطيبك اكيد ااا هو دلوقتي في وضع المسؤوليه طيب هو ده بقى الشخص اللي قدامك في وضع المسؤوليه هتقدري تستحملي. ان المسؤوليه بتاعته بتنتج ان هو يجي في اوقات وللاسف يتعامل بشكل مش لطيف انه ما يبقاش مقدر زعلك زي الاول او ما يبقاش عنده الطاقه اللي هو في وقتها يطبطب عليك ويقول لك ما تزعلي حالك كثير هي دي شكل المسؤوليه واثرها على الشخص اللي معاكي فهنا هيكون قرارك. هل هتقدري تتحملي ده على المدى الطويل ولا لا؟ هل الشخص مدرك ومتفهم انه دي حاجه مش لطيفه والاحسن انها تبقى مش موجوده ولا شايف انه عادي على فكره وانا لما اقول لك كلام يحسسك ان انا بذلك او بعايرك بالفلوس اللي انا بصرفها فانت مش المفروض تزعلي اصلا ولا هو يشوف ان دي حاجه مش كويسه ومفروض يوقفها لكن غصب عنه ويعتذر لك دي تفرق عندي كثير شوفي الشخص اللي قدامك هو طبيعته ايه وطبيعته فيها الهام بدايه من فتره الخطوبه انت بقى الفتره الاولانيه دي خالص اللي كنتوا تعرف فيها بعض اللي كانت بلا مسئوليه وخليكي في الفتره دي وهي دي اللي انت محتاجه تشوفيها خلينا هنا نقول على نقطه مهمه جدا جدا جدا وهي ان مفيش شخص يخلو من العيوب وما فيش علاقه هتخلو من المشاكل والسقطات اللي احنا بنعديها مع بعض اللي احنا بنقف عندها وبنحاول نصلحها اللي احنا بندور مع بعضينا ازاي نعيش حياه افضل اا لازم تكوني حاطين في بالك كويس جدا وانت بتبصي على علاقتك بخطيبك علشان ما تتامليش انك لما تتخلصي من العلاقه دي مثلا لو شفتي ان هي ثقيله عليك انك اا هتبقي بتدوري على علاقه ثانيه ما فيهاش اي ازمات او ما فيهاش اي عيوب. ما فيش مشكله مستني الوقت اللي انتم حاطينه واهم حاجه قبل الوقت ده ان انتوا الاثنين تكونوا شايفين كل واحد شايف العيوب فين شايف المشكلات فين وبنحاول نحلها مع بعض ولا اصلا في طرف مش معترف بالمشكله فين او بيقاوح هيبقى في هنا طرف بيحاول والثاني لا دي نقطه مهمه جدا وخلي بالك منها اتمنى تكون سعادتك على قدر خبرتي وان شاء الله كل امورك تكون بخير.
تم النشر السبت، ١٣ يونيو ٢٠٢٦
حافظي على ضوابط الخطبة
تم النشر السبت، ١٣ يونيو ٢٠٢٦
📍ركزي برضو في رد ذكيـة جاوبت إجابة تفصيلية
تم النشر السبت، ١٣ يونيو ٢٠٢٦
وعليكم السلام ورحمة الله وبركاته، بصي هو أولًا مينفعش تدخلي علاقة سنتين وبعدين تتخطبي سنة؟ وكمان أنتِ عامله كل حاجة من غير ضوابط شرعية، هعدي دول ماشي، الـ فهمته أن خطيبك لما عرف العائلة وكدا مش عاجبه بس مش عارف يجيبها ليكِ إزاي فـ عايز الإنفصال يكون منك أنتِ مش منه هو!! واحتمال كبير جدًا دي نتجية أنك كنتِ علاقة محرمة سنتين وبعد ما تخطبني متوبتيش لأزم تتوبي وتستغفري ربنا عشان دا ذنب حتى لو تزوجتي خطيبك، وصراحةً في حاجات تمنعك من إنك تكملي لأن واضح جدًا الشخص غير ناضج فـ إحتمال تكرري خطأ أهلك ونفس الوجع، أنا بفهمك الأول قبل ما تتزوجي الأخ ويكون الموضوع أصعب!!
تم النشر السبت، ١٣ يونيو ٢٠٢٦
لعرض السؤال في فدني اضغط هنا