انا مش عايزة اشغل اغاني في الخطوبة والعريس مصمم على الاغاني بيقولي ناس هتيجي تقعد تعمل ايه رغم اني بقوله حرام بس هو بصراحة الحركة دي خليت صورته تتهز قدامي
أسفه ،بس مدام أنتوا أول حاجه مختلفين فيها مع إن كله عارف إن الأغاني حرام بعد كدا لما تقوليله علي حاجه حرام هيقولك كله بيعمل كدا..... مش قصدي اكرهك فيه ، لكن هو باين من الأول إيه إللي هيحصل في المستقبل بينكم ...
تم النشر الثلاثاء، ٢٣ يونيو ٢٠٢٦
أنا فاهمة شعورك تمامًا، ومش غريب إن الموضوع ده هز صورته قدامك. الخطوبة مرحلة مهمة جدًا عشان تتعرفي على الشخص اللي هتكملي معاه حياتك، واختلاف القيم الدينية بيبقى أمر كبير مش سهل التغاضي عنه. من الناحية الإسلامية، الغناء والموسيقى في المناسبات زي الخطوبة موضوع فيه خلاف بين العلماء، لكن كتير منهم بيحذروا منه خاصة لو فيه اختلاط أو كلام غير لائق. إنك تقولي له "حرام" وهو مصر على إرضاء الناس، ده بيظهر فرق في الأولويات. الزواج مش بس عن إرضاء الضيوف، ده عن بناء بيت على أساس مشترك، ولو هو شايف إن "الناس هتقعد تعمل إيه" أهم من رأيك في الحلال والحرام، فده إشارة تستاهل التفكير. نصيحتي لكِ دلوقتي: اتكلمي معاه بهدوء وبصراحة أكتر، مش بس تقولي "حرام"، لكن قولي له إن الموضوع ده بيأثر على ثقتك فيه وفي قدرته على احترام قيمك. شوفي رد فعله: لو حاول يفهمك ويتنازل أو يبحث عن حل وسط (زي أناشيد بدون موسيقى)، يبقى فيه أمل. أما لو استمر في الإصرار عشان "الناس"، فدي علامة إن التوافق الديني والفكري ممكن يكون ضعيف. خدي وقتك في الصلاة والاستخارة، وفكري في الصورة الكبيرة: هل ده الشخص اللي هتقدري تعتمدي عليه في تربية أولاد وفي بناء حياة بتخافي فيها ربنا؟ الخطوبة فرصة تكتشفي الحاجات دي قبل ما تتأخري. ربنا يوفقك للخير ويبعد عنك أي حاجة فيها مشقة.
تم النشر الثلاثاء، ٢٣ يونيو ٢٠٢٦
لو قبلتى مره ف حاجه حرام هتبقى مفتاح لحاجات كتير واكبر بعد كدا واقل شئ لو رفضتى هيقولك ما انتى قبلتى اننا نعمل كذا تعالى نعديها زى المره اللى فاتت .. نصيحة خليكى حازمة جدا ف الامور الدينيه عشان الانطباع ده يثبت عنده وخليكى مرنة فى الامور الحياتية الأخرى .. ربنا يقدملك الخير
تم النشر الأربعاء، ٢٤ يونيو ٢٠٢٦
المؤشرات تبين أن الشخص ليس مناسبًا .
تم النشر الثلاثاء، ٢٣ يونيو ٢٠٢٦
@Basmala Ayman ٩٩ فالمية من اغاني اليومين دول حرام
تم النشر الأربعاء، ٢٤ يونيو ٢٠٢٦
هو الاغاني عموما مش حرام ي روحي فيه اناشيد اسلاميه لطيفه ممكن تشغليها في الخطوبه ده غير انك لو تكلمتي معاه براحه و انك خايفه عليه و انك عايزاه يمشي في الطريق الصح و نصحتيه بطريقه لطيفه اكيد هيسمع بس وضحيله انك مش عايزه الخطوبه ساكت زي الميت لا هيكون لطيف لكن من غير ذنوب + انه ممكن بسبب البيئه و المجتمع تكون عنده فكر ان الافراح متنفعش من غير اغاني و انك لازم تنصحيه و وتهديه للطريق الصح بس بطريقه لطيفه يتقبلها
تم النشر الأربعاء، ٢٤ يونيو ٢٠٢٦
كونه مختلف معكِ على أمرٍ ديني وأنتي على حق فهنا هو *متساهل في بعض الأمور* وأنتي لا تتساهلي ويجب أن يكون زوجك الذي ترتضيه إما مبادئه نفس مبادئك أو أعلى ، أما الأقل لا يفضل . لإن القوامة للرجل ، نعم المتدين من وجهة نظر الناس هو الذي يصلي وحافظ قرآن وهذا لا بأس به ، ولكن المتدين عند العلماء هو الذي يفعل الحلال ويجاهد في ترك الحرام .
تم النشر الأربعاء، ٢٤ يونيو ٢٠٢٦
بس في حاجات تانية متفقين فيها كتير وبردو حاجات في دين متفقين عليها هو بس الاختلاف على الاغاني
تم النشر الأربعاء، ٢٤ يونيو ٢٠٢٦
هو انا شايف ان كل حاجه هتظهر وتبان من التعامل ف الخطوبه لكن اللى لازم يبقى قبل الخطوبة وتتكلمو فيه هى الدين زى الفروض والحرام والحلال والحدود دى حاجات أ ب .. ومن خلال كلامه هتعرفى بيعمل ايه ومقصر ف ايه .. وتحددى انتى ايه ممكن تقبليه او لا ..
تم النشر الثلاثاء، ٢٣ يونيو ٢٠٢٦
زي ايه طيب؟ عشان اكلمه فيها واعرف
تم النشر الثلاثاء، ٢٣ يونيو ٢٠٢٦
زى انك اتفاجئتى انه عايز اغانى وانتى لاء ف اكيد فيه حاجات زيها هو عنده تساهل فيها
تم النشر الثلاثاء، ٢٣ يونيو ٢٠٢٦
حاجات زي ايه
تم النشر الثلاثاء، ٢٣ يونيو ٢٠٢٦
ولسه الفرح والرقص وغيره .. المفروض انكم لسه بتتعرفو على بعض وواضح انكم عديتو حاجات كتير متكلمتوش فيها
تم النشر الثلاثاء، ٢٣ يونيو ٢٠٢٦
لعرض السؤال في فدني اضغط هنا