السلام عليكم ورحمه الله وبركاته
عاملين ي اخواتي عساكم بخير
بصراحه المره دي جايه اشارك مشكله بنت خالتي معاكم و اخد رايكم
بنت خالتي مرتبطه ب واحد صعيدي و بتحبه و بيحبها
و ليهم سنتين مع بعض
و كان بيتقدملها عرسان و ترفض عشانه
المهم النهارده كلمته و قالتله أنه لو ماخدش خطوه هي هتوافق علي اللي بيتقدمولها لأن هي مبقتش صغيره في السن عندها 23 سنه
ف قالها أنه عاوز يتقدم بس اهله مش موافقين أنه يتجوز من برا بلدهم و قاله أنه هيجي لوحده يتقدم و يجيب معاه أصحابه بس اهله محدش هيجي
بصراحه انا قولتلها متوافقش لأن دا بعدين هيعملها مشاكل مع اهل جوزها و هيبهدلوها و مش هيحبوها خاصه انها هتعيش في بيت عيله
ف انتوا اي رايكم
وعليكم السلام ورحمة الله وبركاته، والله من رأيي علاقة محرمة وكمان معقدة فـ الأفضل تقطعها وبلاش تعلق نفسها بـ حد وفعلًا كلامك صح خاصةً في الصعيد لما الولد بيكون عارف البنت ويتزوجها بتكون النظرات ليها مش أفضل حاجة وكمان هو مش هيقدر يعملها حاجة أهله هيتحكموا فيه ودا واضح من البداية، لكن لو هو هيتزوجها وهتعيش في القاهرة ومش هتروح البلد خالص فـ خلاص تتزوج لكن الفكرة أهل البنت هيسألوا عن الولد إزاي عشان دا زواج ونسب؟ وكمان عائلة مع عائلة، والله بجد الحب مش هيعملها حاجة أصلًا وهتندم جدًا جدًا لو أخدت خطوة عشان هي بتحب الشخص لأزم هو يأخد الخطوات ويتحدى أي حاجة عشانها ولو هو عايش دور الضحية وأن اهله السبب ومش هينفع يزعلهم وكلام من دا بجد تهرب من العلاقة وتشوف حد مناسب وتبدأ تنسى العلاقة وتفكر في حياتها، والزواج مش بيكون مبني على حب بس وأعمال الصعيد شاقة عامة وبرضو على حسب المعيشة وكدا وهل هي هتتحمل وبعيدًا عن الأعمال وكدا الصعيد صعب جدًا والفرص هناك مش أفضل حاجة ولا العيشة 🙂
تم النشر الخميس، ١٨ يونيو ٢٠٢٦
وعليكم السلام ورحمة الله وبركاته، يا مرام. شكراً إنك شاركتي الموقف بصراحة كده، وأنا فاهمة إن الموضوع حساس وفيه مشاعر كتير متداخلة. الوضع ده فيه جانبين مهمين لازم بنت خالتك تفكر فيهم بهدوء. الجانب العاطفي: هما بيحبوا بعض من سنتين، وهي رفضت عرسان عشان هو، وده بيبين إن الموضوع مش سطحي. لكن الجانب العملي والاجتماعي أهم في الجواز، خاصة في بيوت الصعيد اللي بتعتمد على العيلة كلها. لو أهله مش موافقين دلوقتي، فالاحتمال كبير إن الرفض ده يتحول لمشاكل بعد الجواز، سواء في المعاملة أو في القرارات اليومية، وده هيأثر على راحتها النفسية واستقرارها، خصوصاً لو هتعيش في بيت عيلة. نصيحتي إنها متوافقش بسرعة قبل ما تاخد خطوات واضحة. أول حاجة، تخلي أهلها يتدخلوا ويتكلموا معاه أو مع أهله لو أمكن، عشان يشوفوا مدى جديته واستعداده يتحمل المسؤولية قدام العيلة. تاني حاجة، تعمل استخارة وتفكر في حياتها بعد 5-10 سنين: هل هتقدر تتعايش مع غياب دعم أهل جوزها؟ وهل هو مستعد يدافع عنها ويحميها لو حصل خلاف؟ لو هو فعلاً عايز يتقدم لوحده، يبقى لازم يكون عنده خطة واضحة للسكن والدعم المالي والعاطفي بعيد عن الضغوط العائلية. في النهاية، الجواز مش بس حب، ده شراكة فيها مسؤوليات كتير. خليها تسمع قلبها لكن كمان تسمع عقلها وتستشير حد موثوق من أهلها. لو عايزة تتكلمي أكتر عن تفاصيل معينة أو أفكار تساعدها تاخد قرار، أنا هنا. ربنا يوفقها للأفضل يا رب. ❤️
تم النشر الخميس، ١٨ يونيو ٢٠٢٦
أولا ما بني علي باطل غالبا لن تكون نهايته كويسة . علاقة من سنتين بدون ارتباط رسمي ده حرام فأفضل قرار تنصحيها بيه أنها تقطع علاقتها بيه مش علشان هو مجاش و لا جه و إنما علشان ده الصح و بكده تكون اختارت طريق ربنا و ربنا يقول سبحانه و تعالي : ﴿قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ﴾ [الزمر: ٥٣] فقرار التوبة و إذا شاء الله جعله من نصيبها و يسر لها الجواز و حياتها و علاقتها مع أهلها و أهل جوزها لأني كده كده لو مقدر يبقي جوزها مش هيجي بمزاجها و لا علشان هي بتفرض العرسان و إنما ده قدرها بس اللي هي تقدر تتحكم فيه هو اختيارها لو يجي يتقدملها و هي مع ربنا حياتها بعد كده متقلقش عليها طب مجاش هيبقي ربنا اختارلها الأحسن و بعد عنها زوج مش هتقدر تعيش عيشة سوية و هيبعتلها الزوج اللي يحبها في الله و يصونها. الخلاصة التوبة من هذه العلاقة حالا و الله أعلم ....... ربنا يغفر لها و يتوب عليها و ييسر لها الحال
تم النشر السبت، ٢٠ يونيو ٢٠٢٦
بصراحه من وجهه نظري تفكها منه كده مش هيفيدها كده هيضرها عمرها كلو من كذا ناحية بالذات من ناحية الاهل دي صعب جدا والصعايدية تقاليدهم غريبة اصلا وصعبه ف تفكها بجد منهم بلاش وجع دماغ وقلب لحد كده
تم النشر الجمعة، ١٩ يونيو ٢٠٢٦
خليه يجى ويتقدم ويقعد مع اهلها .. واهلها وهى معاهم طبعا هيشوفوا كلامه وعلى اساسه هيرفضو او يقبلو .. وبكدا الموضوع بقى رسمى سواء هيكملو او لا وكل واحد يشوف حياته بس ع الاقل عملو محاولة .. والله اعلم ممكن يبقى فيه حلول ان الموضوع يتم ولو مبقاش فيه ف كويس برضو انهم عرفو ان الموضوع يتقفل ..
تم النشر الخميس، ١٨ يونيو ٢٠٢٦
لعرض السؤال في فدني اضغط هنا