انا مخطوبه من ست شهور وانا خطيبي بنحب بعض جدا وخطيبي محترم قوي يعني قوي بجد وفي الحقيقه جدا يمكن ما بيمسكش ايدي حتى. بس في الشات. بيفضل يتكلم كلام مش كويس يعني شبه بيعمل علاقه معايا في الشات. بيقول لي عشان ما اتفرجش على حاجات مش كويسه. وغصب عني وربنا يعلم وكده وعشان ناخد على بعض وانا بتضايق جدا وكلمته في الموضوع ده. اعمل ايه؟ وقالي مش هتكلم في كده تاني وبالفعل متكلمش بس جي امبارح وفضل يقولي غصب عني وكده والله منا كان ممكن اتفرج ع حاجه من غير ما تعرفي بس انا جيت وقولتك @Yasmine Tawfik
السلام عليكم الاحترام الظاهرى شىء واحترام الاوقات الخاصة شىء تانى ده كده مثال صغير على عيوب خطيبك ...انه ممكن يظهر منه نقاط ضعف تأذيكى بشكل ما هنا هتسألى نفسك لو فضل الوضع على كده فى الحياه كلها هتقدرى تتعايشى ولا لا
تم النشر الثلاثاء، ٢٣ يونيو ٢٠٢٦
مشكلة قاتلة في رأيي. أقترح إن حضرتك تفهميه إن السلوك ده ومعاه أي سلوك جنسي آخر هو متعود عليه ومش قادر يقاومه هيكون عبارة عن شروخ والتهابات وأمراض تحطم العلاقة الطبيعية ما بينكم، لأن جميع أنواع العادات شيء والعلاقة الزوجية الطبيعية شيء آخر تماما. الإنسان قبل الزواج بيكون متصور إن العادات دي تعينه على الصبر، بينما اللي بيحصل فعليا إن العادات دي بتبني لنفسها كيان مستقل جوا كل حد اتعود عليها، ثم بعد الزواج يكتشف أن العلاقة الزوجية الطبيعية شيء مختلف أصلا مش بيشبع الاحتياج اللي عود نفسه عليه قبل كده وبالتالي يرجع يمارس عاداته تاني. ولا يخفى على حد إن ممارسة العادات دي غير إنها خطيئة أخلاقية إلا إنها بتؤثر سلبا على التواصل الحقيقي وممكن تحطمه تماما. والمشكلة دي في رأيي مش متعلقة فقط بالعادات الجنسية عند الرجال، وإنما نساء كتيرة بتدمن مثلا الشات والعلاقات العابرة أونلاين ولو بمجرد الكلام بدون جنس، وبرضو بتحصل لهم نفس الظاهرة ويرجعوا يحتاجوا يمارسوا نفس الشيء بعد الزواج، وده قطعا بيحطم العلاقة الحقيقية أو يضرها ضرر كبير. أقترح حضرتك تفهميه عمق خطورة الأمر ده وتطلبي منه يعتبر فترة الخطوبة إعادة تأهيل ليه عشان يلتزم السلوك القويم بما إن ربنا رزقه الزواج والعفة خلال أجل قريب، مفروض ده يكون داعم ليه للصبر والتغيير والانخلاع من الإدمان وإلا هيكون ده معناه إن الأمور هتسوء جدا بعد الزواج.
تم النشر الثلاثاء، ٢٣ يونيو ٢٠٢٦
لعرض السؤال في فدني اضغط هنا