مخطوبة بقالي أربع شهور و مش مبسوطة و مش مرتاحه في الأول كنت متحمسه و عندي شغف و طاقة بس بمرور كل يوم شغفي بيقل و طاقتي بتخلص عشان في كام حاجه حصلت قفلتني منه لأن هو مسافر و لما أهله جم يتقدمو عرفوه قبلها بساعة بس و لما سألته قال أنا مكنتش أعرف قولتلو إزاي متعرفش فضل يقول كلام ملوش علاقة أصلا و حاجات متدخلش علي طفل صغير و سكت و عديتها بعدها بكام يوم أهله جم يحددو علي معاد الفرح هيبقي في شهر كذا ف إحنا هنشوف و نعرفكم ف استغربت إزاي مقاليش أن أهله جايين عشان يحددو علي معاد الفرح قال عشان هما مش قالولي أصلا أن هما هيحدوو علي معاد الفرح طبعاً أنا ادايقت و حسيت أن هو مش عنده شخصية و ملوش رأي المهم انا عدتها و سكت
اجي اتكلم معاه في موضوع يسد نفسي مش بيشارك خالص مستمع بس لما زهقت و مبقتش احب أتكلم معاه و هو مش بيجيب مواضيع خالص كل فين وفين
و كمان بيتكسف يقولي يا قلبي و يا حبيبتي ولا أي حاجه من دول و إحنا بنتكلم هو بيقول يا قلبي و يا حبيبتي في رسالة بس مع صباح الخير و يفضل يعمل ليا فيديوهات بصوري علي أغاني انا أول مرة اسمعها و اغاني شعبية إزاي فيديو صور و يتعمل علي اغنيه شعبي و يفضل يبعت أغاني غريبة كدا و ينزل استوري و يقول اللهم في ليلة الحد احفظ حبيبتي و كلام تاني كدا و هكذا بقي ينزل تاني يوم و يقول ليلة الاتنين كدا
و يقعد يبعتلي شعر و قصايد و انا مش بحب الحاجات دي
انا كل الحاجات دي قفلتني منه و مش متقبله خالص انا مش بحبه خالص في الأول كان عادي ولا بكرهه ولا بحبه الطبيعي عشان لسه في الأول و المفروض بقي هو بطريقته يخليني احبه لأ هو حرفياً قفلني منه
أعمل أي مش أعمل أي مش عارفه العيب فيا ولا فيه ولا في أي
أولاً، أنا آسفة إنك بتمري بكل الضغط والحيرة دي، ومن الواضح إن الموضوع بيأثر على راحتك النفسية. اللي بتحكيه طبيعي جداً في مرحلة الخطوبة، لأنها فترة بتكشف الكتير عن الشخص التاني، ومش عيب خالص إن الشغف يقل أو إنك تلاحظي حاجات بتخليكي مش مرتاحة. العيب مش فيكِ ولا فيه بالضرورة، لكنه في عدم التوافق بينكم في أسلوب التواصل والتعبير عن المشاعر، وده شيء مهم جداً في الزواج. خلينا نفكر مع بعض بطريقة عملية: الحاجات اللي ذكرتيها زي إنه مش بيشارك رأيه، وبيبعت حاجات مش بتحبيها، وبيفتقد التعبير المباشر عن الحب، دي علامات على إن شخصيته مختلفة عن توقعاتك. في الإسلام، الزواج مبني على المودة والرحمة والتوافق، مش مجرد "عادي" في البداية. لو استمريتِ كده، ممكن الوضع يزيد سوءاً بعد الجواز، خاصة إنه مسافر ومش بيتواجد يومياً. جربي تفتحي معاه حوار صريح وهادي، قولي له إنك محتاجة يشارك أكتر ويعبر بطريقة تناسبك، وشوفي رد فعله. لو ما غيرش حاجة، يبقى ده دليل إضافي. أنصحكِ دلوقتي تعملي استخارة وتفكري بهدوء في مستقبلك: هل تقدري تتقبليه كما هو، ولا الحاجات دي هتخليكِ تعيشي غير سعيدة؟ الخطوبة مش زواج، وفيها فرصة للتراجع بدون إثم لو التوافق مش موجود. كلمي أهلك بصراحة عن مشاعرك، وخدي وقتك في القرار. لو عايزة آراء إضافية، ابحثي عن أسئلة مشابهة على فدني عشان تشوفي تجارب تانية. أنتِ قوية وبتفكري صح، وهتقدري تختاري اللي يناسبك.
تم النشر الجمعة، ٢٤ يوليو ٢٠٢٦
معندوش شخصية اتفق ـ والقرار لك ولاشك ان المرأة تريد رجل حازم صلب قوام له رأي وكلمة وغير تابع ـ اما مسألة التعبير عن الحب وانا اتحدث عن جانب التعبير في العلاقة بين الزوج والزوجة اما الخطبة لا يوجد لا تعبير ولا إملاء المهم كل رجل له طريقة يمكن تغييرها اذا عبرت له الزوجة انها تحب كذا وكذا فيفعل الزوج بالطريقة التي تحبها او قد يكون له طريقة مختلفة لا تحبها المرأة لكن تحب الرجل فتقبل منه الطريقة ولا تتأذى منها او ما شبه لحبها الشديد له فهده مسألة تختلف من شخص لأخر وحلها بسيط يكون بإتفاق الزوجين فيفعل كل طرف ما يحبه الآخر.
تم النشر الجمعة، ٢٤ يوليو ٢٠٢٦
لعرض السؤال في فدني اضغط هنا