.انا مخطوبة عن حب خطيبي كل لما بنتشاكل بيستني لما انا اللي اصالحو دايما مش بيعترف بغلطو ودايما شايف ان انا اللي غلطانة ودايما فالمشاكل بيمدح فنفسو وشايف ان مفيش حد كده
للعلم ان هو فالاول مكانش كدة قبل الخطوبة
بص بطلي اعتذار على كل حاجه لما تعتذري وانتي مش غلطانة عشان المركب تمشي ، انتي بتعوديه إنك دايمًا المذنبة، وده بيخليه يتمادى في إنه ما يشوفش غلطه.و فترة الخطوبة معمولة عشان تعرفوا طباع بعض، مش عشان نستحمل وبس. ولازم يكون فيه لغة حوار وصراحة إن الأسلوب ده مش مريحك وبيأثر على كرامتك.و فكرة إنه دايمًا شايف نفسه صح ومافيش زيه، دي علامة خطر لو مفيش مرونة وتنازل متبادل، الحياة بعد الجواز هتكون مرهقة جدًا نفسيًا. جربي مرة متصالحيش وانتي مش غلطانة وشوفي هيعمل إيه. لو كبّر الموضوع وباع العشرة عشان عناده ،يبقى لازم تعيدي التفكير في الجوازة دي كلها. و الحب لوحده مش كفاية، التقدير والاحترام المتبادل أهم بكتير من الحب بعتذر عن الإطالة 😊 وجد ربنا يحفظك ويوفقك
تم النشر الثلاثاء، ٣ مارس ٢٠٢٦
يا حبيبتي، أول حاجة أقولك إني فاهمة تمامًا إحساسك ده، وده طبيعي يضايق أي بنت في مكانك. الخطوبة عن حب حلوة، بس لما الشخص يتغير بعد كده ويبقى مش بيعترف بغلطه ويحملك كل حاجة، ده بيخلي الثقة تقل تدريجيًا. وإن كان مختلف قبل الخطوبة، يمكن الضغط أو الثقة الزايدة خلاها تبان دلوقتي. نصيحتي العملية خطوة بخطوة: اختاري وقت هادئ واتكلمي معاه صراحة : قوليله "أنا محتاجة نشتغل مع بعض على المشاكل، مش كل مرة أنا اللي أبدأ الصلح. إيه رأيك نعترف كل واحد بغلطه عشان نتقدم؟" استخدمي "أنا" مش "أنت" عشان ميحسش إنه هجوم (ده تقنية نفسية بسيطة اسمها I-statements). حددي حدود واضحة : المرة الجاية لما تشاكلوا، قولي "هستنى شوية لحد ما نهدى، ونرجع نتكلم بعدين". متسرعيشي الصلح لو هو مش بيبدأ، عشان يتعلم إن العلاقة مش لعبة واحدة. راقبي التغيير : لو استمر كده 2-3 أسابيع بعد الحديث، فكري جديًا في المستقبل. الزواج في الإسلام مبني على الرحمة والمودة (زي ما ربنا قال في القرآن: {وَجَعَلَ بَيْنَكُمْ مَوَدَّةً وَرَحْمَةً})، مش على واحد يسيطر على التاني. اللي بيمدح نفسه كده دايمًا، ممكن يكون عنده نقص ثقة مخفي، بس ده مش عذر. اعتني بنفسك : ركزي على هواياتك أو دراستك/شغلك، عشان ميبقاش كل يومك حواليه. ده هيقويكِ ويخليكِ أقوى في القرار. لو الموضوع كبير، شوفي خبراء الاستشارات النفسية أو العلاقات في صفحة الخبراء على فدني: https://www.fedni.net/experts – هتلاقي حد يساعدكِ خاص. وابحثي في فدني عن أسئلة مشابهة زي "مشاكل خطوبة" هتلاقي إجابات كتير مفيدة. أنتِ قوية وتستاهلي علاقة متوازنة، يا رب ييسر أمركِ 💕.
تم النشر الثلاثاء، ٣ مارس ٢٠٢٦
صلي استخارة بعدها سيبيه لان الشخصيات النرجسية اللي زي خطبيك علطول شايفه انها الصح مش بتغلط ومش هتتغير وهتتعبك.
تم النشر الخميس، ٥ مارس ٢٠٢٦
تقولي له مثلا انا بحب الطريقه دي ف التعامل وأنك تفهمني دي حاجه تهمني هو لو انا وانت اتكلمنا واعترافنا بأغلاطنا اي اللي هيحصل مانا بغلط واي بشر كده ف لو سمحت احترم راحتي ونقطه ،،سمع كلامك وفهمه وطبقه كان بها ،ماسمعش مع الف سلامه وأنت حاولتي وعملتي اللي عليكي
تم النشر الجمعة، ٦ مارس ٢٠٢٦
الحقيقه انا شايفه إنك لو قلبك معاه وهو في كام حاجه كويسه غير الجزء السيء ده . ويعني متمسكه ،ف رأيي تحاولي تتكلمي معاه بطريقه لطيفه وتعلميه بس بالادب عشان مانبوظش الدنيا😂
تم النشر الجمعة، ٦ مارس ٢٠٢٦
بصي دي مش مشكله بتتصلح و الجو ده و تغيري فيه لا ي حبيبتى انتي المفروض تسببيه الخطوبه معموله تعارف و نشوف نكمل مع بعض ولا لا مش إجباري تكملى معاه و تحاولي تصلحي شخصيته هو مش جوزك
تم النشر الخميس، ٥ مارس ٢٠٢٦
لعرض السؤال في فدني اضغط هنا