انا مخطوبه من 7 شهور ومش بحبه وهو عرف ولما قولت لأهلي اني مش عايزه اكمل عشان مش بحبه ومش حاسه بحاجه ناحيته قالوا ان عيب اقول كده ورفضوا اني أسيبه والفرح بعد شهر وانا مش عايزاه
اسئلى نفسك شويه اسئله ليه اهلك عايزينه اوى كده هو عامه الحب مش مهم خالص اهم حاجه انه يبقي عاجبك وعلى خلق . المهم لو ما اقتنعتيش حاولى تكلميه غالبا لو كمل فهيبقي عشان مش عايز يخسر فلوس وتمن القاعه وكدهاو تحاولى تطمنينيه انك هتديلوا حاجته
تم النشر الثلاثاء، ٢٨ يوليو ٢٠٢٦
السلام عليكم، هو طبعا مينفعش زواج بالإجبار وشرعا لازم الزواج يكون برضا البنت. لكن خليني أسألك، هل مفيش أي قبول تجاه خطيبك؟ أنتِ نافرة منه أو كارهاه؟ بالنسبة لتقييمك له، هل عيوبه تغلب مزاياه وأنتِ مش قادرة تتقبليه كشخص ومش شايفة إنه ينفع يكون شريك حياتك؟ ** لأن خدي بالك، ممكن تكوني متأثرة بفكرة معينة للحب ومتخيلة طالما مش حاسة بالمشاعر دي يبقى مينفعش تكملي. الحب ممكن عادي ميحصلش من أول لقاء ولا خلال الخطوبة، ممكن ينبت بعد الزواج ويكبر مع العشرة والتعامل والتعرف أكتر على شريك الحياة. والحب اللي بيتولد وبيقوى مع العشرة والتعامل بيكون أقوى ويستمر. ** فيه قصص كتير لناس تزوجوا عن حب وانفصلوا بعد الزواج بعد ما فورة المشاعر والعاطفة المؤقتة تبخرت أمام ظروف الحياة أو بعد اختفاء التجمل وظهور عيوب كل طرف، وفيه ناس تانية كملت مع العشرة وغياب الحب (مش كل البيوت بتتبني على الحب) وناس تانية حبها اتولد وقوي بعد الزواج. *** أنتِ صلي استخارة، وراجعي مشاعرك ونظرتك للشخص ده بعيدا عن المشاعر السلبية بسبب ضغط العائلة وقرب الزواج، أعيدي تقييمه ولو لقيتِ عندك رفض لشخصيته أو عدم تقبل ونفور منه أو مفيش أي تفاهم أو قبول بينكم، ومش شايفاه يصلح كشريك حياة فخلاص خدي قرار حاسم، اتكلمي مع أهلك وصممي على رأيك أو دوري على حد عاقل من العائلة أو الجيران يتدخل وينهي الموضوع. وربنا يوفقك للي فيه الخير.💚
تم النشر الاثنين، ٢٧ يوليو ٢٠٢٦
أنا آسفة إنك بتمري بضغط كبير زي ده، وأقدر إنك حاسة بالخوف والحيرة والرغبة في الخروج من الموقف ده. مشاعرك طبيعية تمامًا، ومن حقك كإنسانة إنك تختاري شريك حياتك بناءً على شعور حقيقي، مش مجرد ضغط أو عيب اجتماعي. من الناحية الإسلامية، الزواج يحتاج موافقة كاملة من الطرفين، وخصوصًا الفتاة. الإكراه على الزواج مش مقبول، والرسول ﷺ أكد على أهمية رضا المرأة. لو مش حاسة بحاجة ناحية خطيبك بعد سبع شهور، فده إشارة واضحة إن الاستمرار هيسبب تعاسة لكِ وليه على المدى الطويل. الفرح بعد شهر مش سبب كافي للاستمرار في شيء مش مقتنعة بيه. حاولي تتكلمي مع أهلك مرة تانية بهدوء ووضوح، ركزي على إنك مش عايزة تظلمي نفسك أو الشاب ده، وإن الزواج قرار مصيري مش مجرد مناسبة. لو رفضوا، فكري في الاستعانة بشخص موثوق من العائلة أو إمام مسجد يقدر يوضح لهم الجانب الشرعي بلطف. جهزي نفسك نفسيًا للخطوة دي، وتذكري إن تأجيل أو إلغاء الفرح أفضل بكتير من الدخول في زواج غير سعيد. لو عايزة تاخدي آراء إضافية، ابحثي عن أسئلة مشابهة على فدني عشان تشوفي تجارب تانية. أنتِ قوية، وهتقدري تتجاوزي الموقف ده بخطوات مدروسة. لو حابة تتكلمي أكتر عن شعورك، أنا هنا.
تم النشر الأحد، ٢٦ يوليو ٢٠٢٦
الزواج مش إجبار، وما ينفعش تبني بيت على عدم قبول. حاولي تتكلمي مع حد عاقل ومؤثر في العائلة (عم، خال، أو كبیر العيلة) يتكلم مع أهلك ويفهمهم إن القبول شرط أساسي، وإرضاء الناس مش هيكون أهم من راحتك وحياتك. وكمان لازم تكوني صريحة مع خطيبك بأدب وبدون تجريح، لأن حرام يكمل في علاقة طرف فيها مش عايزه. القرار مش سهل، بس أصعب بكثير لو كملتي."
تم النشر الاثنين، ٢٧ يوليو ٢٠٢٦
مافي اي عيب بالموضوع بالعكس اذا مافي حب وانسجام منذ البداية وتفاهم الافضل الانفصال اطلبي من عنده هو الي يفسخ الخطبه
تم النشر الثلاثاء، ٢٨ يوليو ٢٠٢٦
ده تأثير الأفلام والمسلسلات للأسف .. بقا الزواج كأنه رحلة للملاهي لازم يكون فيها مشاعر صاخبة وفوران الحب .. ده مش الهدف من الزواج ولكن الهدف هو أن تعفي نفسك وتعيشي حياة طيبة ترضي الله مع شخص عنده ضمير .... مع ذلك لك الحق في الرفض وده اختيارك
تم النشر الثلاثاء، ٢٨ يوليو ٢٠٢٦
انا مع كلام الاخت مافيش مشكله ،بس انصحك نصيحه لوجه الله لو خطيبك ده يعرف ربنا وخلقو حسن وعندو رجوله يقدر يحافظ عليكي كملي هتحسي كل الاحاسيس الي ترضيكي بعد الزواج.
تم النشر الثلاثاء، ٢٨ يوليو ٢٠٢٦
لعرض السؤال في فدني اضغط هنا