سلام عليكم
خطيبي دخلين ف سنه مع بعض من أسبوع قالي ان بعد الخطوبه بشهر كان بيتكلم مع بنات مع ان قلت له قبل كدا لو عرفت انك بتخوني هسيبك لاه الخيانه مع ذلك قالي ان كان بيتكلم مع بنات تخانقت معاه وقالي يعني هتسبيني مع ان مذكرتش ف المكالمه اني هسيبوا قالي طول ما صارحتك خلاص عدي الموضوع
المفروض هنتكب الكتاب الشهر جاي هوا بيتعامل عادي اتصل بيه وبعتلي رساله وتساب مردتش انا متأكده ان هوا معملش كدا ولا خاني بس حابب يعرف رد فعلي عشان هوا الفتره ال قال عليها كان كل شويه يكلمني مكنتش يعدي ربع ساعه يرن ويقفل غير بالليل كان نتكلم الفجر وساعات صباح يعني مفيش وقت يخوني فيه بس انا مش عارفه اعمل اي بيتعمل عادي وبيتكلم مع القريبين مني عادي اعمل اي التصرف معاه إزاي
وعليكم السلام، يعني هو كان بيكلم بنات بعد الخطوبة؟ وهو قالك من غير ما تسألي ولا أنتِ سألتي عشان شاكة؟ أنا بفكر معاكِ ، هو ينفع تتكلموا للفجر والصبح وأغلب الأوقات وتبقي مش عارفـة طبيعة وعقلية الشخص الـ هتكوني زوجة ليه كمان شهر؟ يعني سبحان الله الخطوبة مفيش فيها أي ضوابط ورغم دا كله مع أول مشكلة مش عارفـة تتصرفي إزاي؟ لو أخصائي هيقولك طيب أنتِ طول الوقت دا بتتكلمي في أي مفيد؟ أنا مش هقولك حاجة فات وقتها بس لو خطيبك بيهزر فـ الموضوع خط أحمر بيهزر قبل كتب الكتاب بشهر مينفعش! الحاجة الأخيرة من كلامك إنك متعلقة بيه يعني أنتِ هتعدي الموضوع عشان هتلاقي مليون عذر! بس أنا وقفت عند جزئية بعد الخطوبة وكان بيكلم بنات دي مينفعش تعديها لو قبل الخطوبة هقولك شاب وأخطأ وأغلب الشباب عادي! لكن بعد الخطوبة لأ مفيش عُذر أصلًا إن هو يكلم بنات! عشان هو ممكن يعملها عادي بعد الزواج وعشان حبك طبعًا أنتِ هتعدي الموضوع بس صدقيني الموضوع محتاج منك تفكير حتى لو هتنهي الخطوبة عادي الهم تكون زواجة صح مش مع حد خاين! اسألي خطيبك أنت بتهزر؟ وليه تقولي أنتِ هتسيبني هل واثق إني مش هسيبك؟ وضامن وبرضو ركزي على جزئية إن هو كلم حد وأنتم مخطوبين وهو أعترف بنفسه!! وبعد كدا كله القرار في إيدك
تم النشر الثلاثاء، ٢٨ يوليو ٢٠٢٦
وعليكم السلام ورحمة الله. أول حاجة، أنا فاهمة إنكِ دلوقتي في حالة من الارتباك والقلق، وده طبيعي جدًا لما بتكتشفي حاجة زي كده في بداية الخطوبة. خلينا نفكر مع بعض بهدوء وبطريقة عملية. اللي حصل إن خطيبك اعترف إنه كان بيتكلم مع بنات في فترة بعد الخطوبة، وده مخالف للحدود اللي أنتِ وضعتيها من الأول. حتى لو هو بيقول إنه "صريح"، المهم مش الاعتراف بس، المهم إن الثقة اتأثرت. إنكِ متأكدة إنه مكنش عنده وقت يخون فعليًا ده حاجة كويسة، لكن "الكلام مع بنات" نفسه يُعتبر خيانة للثقة في نظرك، وده اللي لازم يتفهم. نصيحتي العملية دلوقتي: ردي على رسالته بهدوء ووضوح ، مش بالتجاهل. قولي له إنكِ محتاجة تتكلمي معاه وجهًا لوجه عشان توضحي مشاعرك. مثلاً: "أنا مش مرتاحة ومحتاجة أفهم ليه عملت كده وإزاي هنبني ثقة قبل ما نكتب الكتاب". راقبي رد فعله في الحوار ده . لو حاول يقلل من الموضوع أو يقول "عادي" أو يحول الكلام لـ"أنتِ بتفكري كتير"، ده إشارة إن الموضوع مش مهم عنده. أما لو أظهر ندم حقيقي واستعداده يغير سلوكه (مثل إنه يفتح تليفونه أو يوضح الحدود)، يبقى فيه أمل. قرري بناءً على الثقة مش على الوقت . الخطوبة فترة اختبار، مش مجرد انتظار للكتاب. لو الثقة اتزعزعت في أول شهر، لازم تشوفي إذا كان فيه استعداد حقيقي يصلح الأمر قبل الجواز. ادعي ربنا يهديكِ ويبين لكِ الحق، وخدي وقتك في التفكير بدون ضغط. لو حابة تحكي تفاصيل أكتر أو توضحي رد فعله بعد ما تتكلمي معاه، أنا هنا أساعدكِ.
تم النشر الاثنين، ٢٧ يوليو ٢٠٢٦
لعرض السؤال في فدني اضغط هنا