من فتره اتخطبت لطبيب أسنان قبل ما أوافق عليه عملت تلات مرات صلاه استخاره وحلمت احلام كويسه لكن بيعمل تصرفات غريبه غيور جدا وشكاك اووي زياده عن اللزوم وبيمنعني من حاجات كتير اووي هو شديد جدا وصعب في المعامله انا شخصيتي قويه لكن بخاف اتكلم معاه انا زهقت ومش فاهمه هل ده اوڤر وتحكم زي ما ناس كتير بتقول ولا طبيعي عند اي بنت عشان مبقاش بظلمو؟!
السلام عليكم، الاستخارة ملهاش علاقة بالأحلام فمتربطيش ده بنتيجة الاستخارة. الأحلام مش بيتبني عليها حاجة. ** ممكن حد يشوف رؤيا مبشرة بعد الاستخارة يستبشر بها لكن مش يعتمد عليها ويقول إن دي نتيجة الاستخارة وإن فيه خير في الموضوع، وفيه فرق أصلا بين الأحلام الكويسة والرؤى. *** نتيجة الاستخارة بتبقى بتيسيير الأمر اللي صليتِ عشانه، لو خير ربنا هييسر حصوله ويزيل أي عقبات في الطريق إليه ولو كان فيه شر هيحصل تعسر. هتلاقي عقبات ومشاكل بتمنع إتمام الأمر، وممكن يكون منها اللي أنتِ حاساه دلوقتي، إنك تكتشفي عيوب في الشخص أو تبدئي تتخنقي من معاملته وسلوكه وشخصيته وتشكي في إنه الشخص المناسب لك. *** وخدي بالك، اللي بتشوفيه في الخطوبة بيكون عينة بسيطة من اللي هيقابلك بعد الزواج فشوفي هتقدري تتحملي الشخصية والطباع دي بعد الزواج ولا لأ، ممكن تصلي استخارة مرة تانية وتوكلي على الله، لا تنتظري أحلام واقعدي مع نفسك بعد الاستخارة وراجعي كل حاجة عرفتِها عنه واللي كونتِه عن شخصيته ودينه وأخلاقه الفترة اللي فاتت وبعدين قرري إذا هتكملي أو تنهي الخطوبة. فكري كويس وقرري الأصلح لك. وإن شاء الله ربنا يكتب لك اللي فيه الخير. بالتوفيق.💚💚 https://www.islamweb.net/ar/fatwa/101562/هل-هناك-علاقة-بين-الأحلام-والاستخارة
تم النشر الأربعاء، ١٦ سبتمبر ٢٠٢٦
نصيحتي لكِ يا عزيزتي في فترة الخطوبة أن تكوني صادقة مع نفسكِ أولاً، لأن هذه الفترة مصممة أصلاً عشان تكتشفي الشخص اللي قدامكِ قبل الارتباط الرسمي. اللي بتصفيه من غيرة زائدة وشك مفرط ومنع لأمور كتير وصرامة في التعامل مش سلوك طبيعي أو "عادي عند أي بنت"، ده غالباً علامة على تحكم وقلة ثقة، وده ممكن يتفاقم بعد الجواز ويأثر على راحتكِ النفسية وحريتكِ في حياتكِ اليومية. صلاة الاستخارة اللي عملتيها حاجة جميلة، لكن الاستخارة مش بتلغي الملاحظة والتفكير العقلاني. في الإسلام، الخطوبة فرصة للتواصل والتفاهم، مش للخوف أو الكبت. شخصيتكِ القوية اللي بتخافي تتكلمي بيها معاه دليل إن فيه خلل في التوازن، وده مش هيحل لوحده. جربي تفتحي معاه حوار هادئ ومباشر عن مشاعركِ، قولي له إن الغيرة الزائدة بتخليكِ تشعري بالضغط، وشوفي رد فعله: لو غضب أو رفض النقاش أو حاول يبرر التحكم، فده مؤشر واضح إن الأمر مش هيتغير بسهولة. خدي وقتكِ في التفكير واستشيري أهلكِ أو شخص موثوق في العائلة عشان يساعدوكِ تقيمي الوضع بموضوعية، ولو حسيتِ إن التعب مستمر والخوف بيزيد، فكري في إمكانية إعادة النظر في الخطوبة قبل ما تتقدمي خطوة أكبر. أنتِ مش بتظلميه لو وقفتِ عند حدود راحتكِ، العكس ده بيحميكِ ويحميه من علاقة غير متوازنة. لو عايزة آراء إضافية، ابحثي عن أسئلة مشابهة على فدني عشان تشوفي تجارب بنات تانيين. ربنا يوفقكِ ويبعد عنكِ أي ضغط.
تم النشر الثلاثاء، ١٥ سبتمبر ٢٠٢٦
بصي عامة فتره الخطوبه علشان تتعرفوا ع بعض وهتشوفوا هتعرفوا تكملوا حياتكم سوا ولا مش الحب والكلام ده أنتي بتقولي بتحبيه وعلشان كده اكيد بتعدي اللي بيحصل بس الحب مش كل حاجه وأنا كنت مكانك وعديت حاجات كتير علشان بحبه وفي الآخر متغيرش وطلعت خسرانه بعدين لأني كنت كملت الجواز أنتي لسه ع البر وهو ملوش أي حقوق عليكي حكمي عقلك وشوف تصرفاته وشوفي هتعرفي تعيشي وتستحملي ولا و ربنا يوفقك
تم النشر الأربعاء، ١٦ سبتمبر ٢٠٢٦
انا قلتلك فوق قلبك تقفلي عليه عشان الحب مش بأكل عيش +اي راجل شرقي يشك ف بنت الناس! اي. راجل شرقي ميلتزمش بااضوابط لالا دا فاهم الموضوع غلط ي اختي + بصي حطي حدود مينفعش يبت الناس كلام واتس وغيرو انتو مخطوبين ممكن ف اي وقت تتركو بعض لو لقيتي مش مناسب ف معلش أتعامل ي بحدود دا فاهم الخطوبة غلط تقريبا
تم النشر الأربعاء، ١٦ سبتمبر ٢٠٢٦
انا عارفه انو مش من حقه حجات كتير وعلي طول اقولو وبابا كمان بيقولو ويحطلو حدود هو سعات بيكون كويس وسعات لا وع طول يقولي اي راجل شرقي بيعمل كده واكتر مني كمان وبعمل انا مش بعرف اخد قرار لوحدي وبعمل استخاره وببقي مرتاحه لاكن بتضايق من تصرفاته يعني في تناقض كده ف الموضوع مش عارفه اعمل اي وكمان احنا بنحب بعض ف مش عارفه
تم النشر الأربعاء، ١٦ سبتمبر ٢٠٢٦
بصي يبت الناس اولا مفروض انكم مخطوبين يعني في حدود يعني اللي بحصل دا مش من حقه اصلا مفيش حاجه اصل شكاك اصل معرفش اي اصلا استأذنه قبل م اخرج اصل خطيبي كل الكلام دا مفيش منه دا واحد غريب تعاملك معاه رسمي وف الحدود تعرفي شخصيته وعيوبه ومميزاته في إطار الشرع غير كدا لا هتندمي ف نصيحه قوليلو نلتزم بالضوابط احترم دا اهلا وسهلا محترمتش دا ربنا يعوضك ويعوضه+ الحاجه تانيه البني ادم الشكاك دي اوحش صفه ومش هتتغير حتى بعد الزواج في شباب كتير بتبقى مثلا كلمت بنات يجي يخطب ببقى عنده وسواس ان البنت دي ممكن تبقى زيهم مع العلم ممكن ميبقاش في منه دا بس هو تفكيره كدا فيفضل يشك ويطلع عينك و..! حاجات كتير فنصيحه ليكي من النهارده تبلغيه ان احنا في بينا ضوابط لازم نلتزم بيها غيرتك دي وفرها بعد الجواز أو بعد كتب الكتاب انت واحد غريب زيك زي اي حد بس بينا حبل وصال عشان نعرف هنكمل مع بعض ولالا إنما يغير اصل بيحبني اوعي اوعي اوعي لان العاطفه ف فترة الخطوبه هتغطي ع عيوبه وهتتصدمي بعدها لما تشوفي عيوبه ف انتي من الاول كدا حطي حدود نفع معاه تمام منفعش خلاص واياكي تيجي ع نفسك فكري بعقلك في عيوب مينفعش تعديها مينفعش هتتعبي بعدين لما يبقى معاكي اطفال وغيرو فاهمه
تم النشر الأربعاء، ١٦ سبتمبر ٢٠٢٦
وليكي بالمثل ياروحي ربنا يسعدك ويوفقك
تم النشر الأربعاء، ١٦ سبتمبر ٢٠٢٦
شكراً جدا ع النصيحة جزاك الله خيرا 🤍
تم النشر الأربعاء، ١٦ سبتمبر ٢٠٢٦
طب ما الخطوبه اصلا عشان تتعرفو ع بعض ولو مناسبين بتكملو جواز لو مش مناسبين تفترقو. بالمعروف
تم النشر الأربعاء، ١٦ سبتمبر ٢٠٢٦
لعرض السؤال في فدني اضغط هنا