السلام عليكم، أنا شاب عمري 20 سنة، طالب جامعي في الفرقة الثانية بكلية الحقوق. أكتب هذه الاستشارة لأنني أعيش حالة من القلق والتوتر الشديد (Anxiety) والخوف من المستقبل، لدرجة أنني عندما يشتد عليّ الضغط النفسي، أشعر بزهق وخنقة ورغبة شديدة في النوم كنوع من الهروب، مع إرهاق جسدي مستمر وتشتت عن مذاكرتي.
سبب زيادة هذه الأعراض حالياً هو تقدم عريس لخطبة شقيقتي، وأنا أعيش في ضغط رهيب ووساوس مستمرة تتعلق بـ (الشكل الاجتماعي)؛ حيث إنني أعيش في قرية بالأنحاء الريفية، وكل عائلات القرية لها وضعها وثقلها الاجتماعي الكبير، بينما نحن نعيش كـ (بيت واحد منفرد) في البلد دون عزوة مباشرة حولنا، نظراً لأن والدنا رجل يفضل العزلة والهدوء وليس لديه علاقات اجتماعية واسعة في قريتنا، رغم أننا ننتمي لجذور وعائلات وقبائل عريقة جداً في أماكن ومراكز أخرى لكن لا يوجد تواصل مستمر معهم.
هذا الخوف من (قلة العدد، أو ظهورنا بمفردنا في المناسبات كالشبكة والزفاف، أو الخذلان الاجتماعي) جعلني أقارن نفسي بأصدقائي الذين ينتمون لعائلات كبيرة ومترابطة في نفس البلد، وأصبحت أخشى نظرات الشماتة أو التقليل من شأننا، مما يمنعني من الفرح لأختي ويؤثر بشدة على أعصابي وتركيزي في امتحاناتي الجامعية الحالية.
بدأت أفكر بشكل جدي في زيارة طبيب نفسي أو بدء جلسات علاج معرفي سلوكي (CBT)، فما هو التوجيه الأنسب لحالتي؟ وكيف أتعامل مع هذه الوساوس والمخاوف بشكل عاجل؟ وشكراً لكم.
السلام عليكم ورحمه الله وبركاته جاوب الاول على السؤال اللي انت ذكرته في نهايه الموضوع الخاص بيك وهل انت حاليا محتاج تتوجه لطبيب نفسي ولا لاخصائي بس تعامل بطريقه السي بي تي ده بيتوقف على اجابه السؤال اللي انا هساله هل المشكله الخاصه بك موقفه لك حياتك تماما يعني انت مش قادر تروح تشوف جامعتك ولا قادر تقعد تذاكر ولا قادر تتابع امورك في الحياتيه وروتينك الطبيعي بسبب النقطه دي في حياتك متوقفه بالنسبه كبيره يعني مش لازم تكون 0% ولكن حصل توقف روتينك بسبب الازمه دي ولا انت لا ماشي وشايف روتينك كله عادي ودراستك وكل حاجه ولكن الازمه دي بتؤرقك لدرجه ان هي مقصره على الناتج بتاعك فمخليك مش بتذاكر بنفس التركيز مش عارف تتواصل مع اصحابك وتتبسط زي ما كنت بتتبسط وهكذا لو الاجابه هي الاجابه الاولى من حياتك متوقفه بشكل كبير وبنسبه كبيره فهنا احنا هنحتاج طبيب نفسي لكن لو النسبه ان احنا بس الموضوع ماثر علينا وعلى جوده حياتنا فاحنا نروح عادي نتبع طريقه السي بي تي. ان شاء الله هتكون فعاله وخليني اقول لك جزء من طريقه هنا واحنا بنتكلم احنا هنا بنشتغل على ايه بنشتغل على ان احنا يكون عندنا معرفه بالحاجه اللي احنا بنتعامل معاها فانا الانيكسايتي دي بتيجي من ايه تيجي بسبب ان انا بركز على حاجه قوي قوي فبيبدا يفرض من جوايا شعور القلق شعور القلق ده بينتج عنه هرمونات وبينتج عنه يعني ردود فعل من جسمي هي دي اللي بتخليني يظهر علي اعراض التوتر والقلق الجسم فخلينا نشوف احنا ليه باصين على الموضوع كده المعاني اللي جوانا لفكره العزوه هي اللي ماثره علينا يعني انا ممكن يكون عندي صحاب كتير وناس كثير هيجوا يملوا لي الدنيا ويبقوا عاملين جو عائلي أحسن من العائلات اللي بتكون موجوده ظاهريا وخلاص ولكن انا بسبب ان انا موقف المعنى جوايا على فكره انه لازم تكون العزوه دي من العيله من القرايب فده اللي بيخليني افضل في حاله الانكسايتي وحاله القلق المستمر دي لان خلاص انا بدور على المعنى اللي جوايا فقط لا غير دي حاجه الحاجه الثانيه هي فكره انه انا بنسى اللحظه الحاليه وبركز مع المستقبل اللي هو لسه ما جاش اللي هو انا معرفش الظروف هتكون فيه ايه اصلا؟ لانه خلينا كده نبص مع بعضينا هو مش وارد جدا انه يكون الشخص اللي هيتقدم لاخته واللي هيكون في نصيب ومعي يكونوا برضه هم كمان عيله صغيره فتكونوا انتوا متناسبين مع بعض عيله صغيره مع عيله صغيره مش بتحبوا الأعداد الكبيره ولا الدوشه الكتيره وتبقوا متفقين انتوا الاثنين على انه الدنيا تكون بسيطه من غير دوشه كتير ومن غير ما نعزم ناس كتير ده وارد جدا ومش وارد جدا اكتر أختك تختار ان هي بس تعمل كتب كتاب وان ده يبقى اتفاق جماعي وانه مش لازم نعمل الفرح نعمل هيصه كبيره ونوفر الفلوس دي ويا ريت جدا طبعا احنا هنا واحنا مركزين على حاجه واحده بس بننسى بقى كل الاحتمالات دي اللي في المستقبل عشان كده احنا بنحتاج نرجع خطوات كثيره كده لوراء ونقول لا انا عايز ابدا ادرب نفسي اعيش اللحظه الحاليه واسيب اللحظه بتاعه المستقبل لما تبقى تيجي اشوف ظروفها ايه وابدا اتعامل معاه. دي كده نبذه عن الطريقه اللي بتعامل بيها بالسي بي تي، أتمنى ان انا اكون افدتك احاول تجرب اللي انا ذكرته لك ده واتمنى ان هو يجيب نتيجه كويسه معاك اتمنى ان اكون قدرت افيدك شويه وان شاء الله كل امورك تكون طيبه.
تم النشر الخميس، ١٨ يونيو ٢٠٢٦
احييك جداً علي شجاعتك في تشخيص ما تمر به، ما تشعر به من قلق وتوتر، ورغبة ف النوم كنوع من الهروب هو رد فعل طبيعي جداً لما نتيجة للضغط النفسي Overwhelm. قيمة عائلتك لا تحددها اللمه في المناسبات والدك رجل يفضل الهدوء والعزلة وهذا خيار شخصي محترم ولا يعيبك فيه شيء العزوة الحقيقية ليست بالعدد الذي يحضر المناسبة بل بالمعدن والاصل، وفكرة الناس منشغلون بأنفسهم والخوف من الشماتة او الخذلان الاجتماعي هو وهم يصنعه القلق في الحقيقة كل عائلة لديها مشاكلها وتفاصيلها الخاصة والناس بالمناسبات ينشغلون بالفرحة والمجاملات اكثر مما يركزون علي عدد الحاضرين من طرفكم، اوقف المقارنات لأن مقارنة عائلتك بعائلات اصدقائك الكبيرة هي مقارنة غير عادلة وتظلم بها نفسك وعائلتك لكل بيت طبيعته ونظامه الذي يريحه، افصل قيمتك بالعدد واللمه. وخطوة زيارة اخصائي نفسي هي ممتازة لأنه يركز علي تفكيك الأفكار التلقائية والسلبية.
تم النشر الأربعاء، ١٧ يونيو ٢٠٢٦
وعليكم السلام ورحمة الله، شكراً لمشاركتك تجربتك بهذه الصراحة والشجاعة. ما تمر به طبيعي تماماً في سياق ريفي يركز على المظهر الاجتماعي والعلاقات العائلية، خاصة مع حدث كبير مثل خطوبة أختك، حيث يختلط القلق الشخصي بالضغط الجماعي. أنت شاب في العشرينيات، طالب جامعي، وهذا التوتر يؤثر على تركيزك وطاقتك، وهو أمر يستحق التعامل معه بجدية دون إدانة لنفسك. التوجيه الأنسب لحالتك هو البدء بزيارة طبيب نفسي متخصص في العلاج المعرفي السلوكي (CBT) كما فكرت، فهذا النوع من العلاج يساعد في تفكيك الوساوس المتعلقة بالصورة الاجتماعية وتحويلها إلى أفكار أكثر واقعية ومرونة. لا تتأخر في ذلك، فالأعراض الجسدية مثل الإرهاق والرغبة في النوم هي إشارات واضحة على الحاجة لدعم مهني، وهو خطوة إيجابية تعكس وعيك بنفسك. في الوقت نفسه، يمكنك تطبيق خطوات عملية فورية: اكتب مخاوفك يومياً في ورقة، ثم قسمها إلى "ما يمكن التحكم فيه" مثل التركيز على دراستك، و"ما لا يمكن" مثل ردود فعل الآخرين، مما يقلل من تأثيرها تدريجياً. ركز على إنجازاتك الشخصية كطالب حقوق، واستغل وقت الامتحانات لتحديد جلسات مذاكرة قصيرة ومنتظمة تعيد لك الشعور بالسيطرة. من منظور إسلامي، تذكر أن القيمة الحقيقية للإنسان في أخلاقه وتقواه، لا في عدد العلاقات الاجتماعية، وأن التوكل على الله مع الأخذ بالأسباب يخفف الوساوس. صلِّ وادعُ الله أن ييسر أمر أختك ويبعد عنك الهم، فهذا يعزز الطمأنينة الداخلية. حاول أيضاً التحدث مع والدك أو أختك بطريقة هادئة عن مشاعرك إن أمكن، فقد يخفف ذلك من الشعور بالعزلة. أنت قادر على تجاوز هذه المرحلة، والبحث عن أسئلة مشابهة على فدني قد يعطيك منظورات إضافية من تجارب الآخرين. أنت لست وحدك في هذا، وكل خطوة صغيرة تقوم بها الآن تبني قوتك المستقبلية.
تم النشر الأحد، ١٤ يونيو ٢٠٢٦
لازم تعمل علاج نفسي مع متخصص نفسي يكون فاهم الحاله صح
تم النشر الثلاثاء، ١٦ يونيو ٢٠٢٦
ركز في الأهم ،،، إنت مركز في قشور أشياء ، والأهم بالنسبالك إن أختك تتزوج من زوج يكون سند ليها بعد ربنا ويحافظ عليها . أما موضوع الشكل العام والعدد والحاجات دي ما تركزش في نظرة الناس ليك ، نظرة الناس حرفيًا تحت رجليك ولا تفرق معاك ،، الأهم نظرة ربنا ليك ، هتكون سعيد بجد لما تبقا عملت اللي يرضي ربنا ومنعت أي حاجه حرام في الزواج ده ،، عن طريق وجودك كمحرم لما خطيب أختك ييجي علشان تحاول تخليهم يحافظوا على ضوابط الخطبه ، في الفرح تفصلوا الرجال عن النساء وبلاش الأغاني الحرام ،، دي فعلًا الحاجات اللي هتفرق معاك بجد ، أما نظرة الناس في داهيه. اللي ييجي يحترم أهل الفرح ولو هيتكلم كلمة مش حلوة في حقكم فده يدل على جهله هو مش مشكلة فيكم
تم النشر الأحد، ١٤ يونيو ٢٠٢٦
انا مش شايف فيها مشكله لكن لو الموضوع مسببلك ازعاج كبير الافضل تروح لدكتور
تم النشر الأحد، ١٤ يونيو ٢٠٢٦
لعرض السؤال في فدني اضغط هنا