السلام عليكم ..
انا شاب ١٩ سنه
في مشكله عندي والله هي أساس مشاكلي كلها ، ياريت بس بعد إذنكم تكملوا قراء للآخر..
أنا كنت من فتره كبيره بصلي و ملتزم و كنت اللهم بارك كل يوم قيام ليل ، و مبسوط و أنا بعمل ده ، و عندي يقين بالله تام إن كل مشاكلي هتتحل حتى لو مفيش ١% أمل ..
لحد ما جيت في يوم و اكتشفت إن بتنزل مني نقط بول صغيره كده بتقعد لمده ١٠ دقايق بعد التبول ، اتوترت جدا طبعا عشان الصلاه و كده ، لحد ما تقبلت الوضع و حاولت أتحفظ بشيء العشر دقايق دول و أصلي و الحمد لله إتسهلت ..
لحد ما جيت بعدها بفتره إكتشفت تاني إني النقط مش بتنزل بس بعد التبول .. لادي بتنزل كل يوم في أوقات متفرقه ، مقدرش أحدد نزولها بفعل معين أو كده ، هي من غير ما أحس
من ساعتها بقى و أنا فقدت الأمل ، فضلت اتحفظ من النقط دي اليوم كله و اعمل حمام قبل كل صلاه عشان أضمن إنه مينزلش حاجه بس بردو ساعات بيبقى فيه نقط
و سمعت لشيوخ كتير في الموضوع ده منهم اللي قال لابد تطهيرها و منهم اللي قال معفو عنها
بالاضافه اني مش عارف حالتي اي
، لا انا سليم و لا انا مريض بسلس ف اخد حكم مريض السلس و اتوضأ لكل صلاه و خلاص ، انا في النص
ده غير الوسواس اللي دخل عليا من كل جانب من جوانب الطهاره بسبب الموضوع ده
تعبت والله ، و كل يوم بنهار بسبب الموضوع ده ، و مش قادر اخد اجابه مفيده و في نفس الوقت خايف اخد برأي مُيسر ، اتفاجئ يوم القيامه ان صلواتي كلها مش مقبوله !!
ده كابوس بيراودني كل يوم اساسا
من ساعتها و أنا تعلقي بالصلاه بيقل واحده واحده .. بقيت بقلل صلاه كتير و بأخر الفروض و لو صليت بيبقى مفيش خشوع
أنا قاعد لحد الان سنه على الموضوع ده ، أنا إتغير فيا حاجات كتير بسبب ده و بقيت حاسس بإكتئاب و خايف طول الوقت و تعبت والله
آسف لو ضايقت حد بحاجه زي دي بس أنا فعلا تعبان جدا ، و حتى مش قادر اروح لدكتور بسبب حالتي الماديه يعني
السلام عليكم، أولا ربنا يعينك ويقويك ويصلح كل أحوالك. بالنسبة لمشكلة البول فالأول لازم تكشف عشان تتأكد إن مفيش مشكلة عضوية ممكن تكون هي السبب وإن شاء الله تكون حاجة بسيطة. لو تقصد مقدرتك المادية تمنعك حتى تروح لطبيب عضوي مش نفسي فالعيادات بالمستشفيات الحكومية أرخص أكيد ولو عندك تأمين برضه شوف كده. **** الوساوس لازم تتجاهلها، علاج الوسواس في تجاهله، متعيدش وضوء ولا طهارة ولا تسمع للوساوس لو قالت لك إن فيه مشكلة في طهارتك ولا إن صلاتك مش مقبولة. اعتبر الوساوس دي شخص زنان مزعج عمال يزن جنبك وتجاهله لحد ما يزهق ويمشي. ** ربنا بيحب إننا ناخد برخصه، مينفعش تقول لو أخدت رأي ميسر أو رخصة ممكن ألاقي صلواتي يوم القيامة مش مقبولة. احنا عامة بنعمل العبادة مع رجاء إنها تُقبل إن شاء الله، متسمحش بقى للشيطان يدخل لك من الباب ده ويشكك، توضأ وصلي وخد برخص ربنا وادعيه برجاء إنه يتقبل عبادتك. *** يا ريت ترجع تصلي قيام الليل عادي مهما الوساوس حاولت تمنعك. وأذكار الصباح والمساء وسورة البقرة اقرأها كل يوم عشان الحفظ ولو فيه احتمال تكون اتحسدت أو أنت حسدت نفسك لما لقيت إنك كنت بتصلي وملتزم (الالتزام بالعبادات ممكن يتحسد عادي وممكن احنا كمان نحسد نفسنا عليه) وكمان الشيطان لازم يتدخل، كل ما التزامك زاد كل ما لقيته بيحاول يحاربك حتى لو دخل لك من باب التشكيك في العبادة نفسها زي ما بيحصل معك. فاستعن بالله ولا تعجز وإن شاء الله يصلح لك الحال.
تم النشر الثلاثاء، ١ سبتمبر ٢٠٢٦
نفس المشكلة اللي عندي بس انا مع شوية حاجة تاني الشيوخ او اي حد هيقول لك حاجة هو اللي هتحاسب يعني اي كلام هيقوله الشيخ انت عليك تنفذ و لو في حاجة معلكش اثم و مفيش حد يقدر ينزل منه حاجة من غير إرداه منه غير لو هو نايم او مريض ممكن ده يكون تهيأ لو متأكد يبقي فعلا سلس بول لو عايز تأكيد اكتر اكشف و اتوضى لكل صلاة و صلي علطول و مش هيكون عليك حاجة "إن الله يحب أن تؤتى رخصه" و انت عندك رخصة و اتجاهل الواسوس علشان هيزيد و ممكن يوصل كمان لصلاة و الضوء لانها ده بيغزه
تم النشر الثلاثاء، ١ سبتمبر ٢٠٢٦
وعليكم السلام ورحمة الله وبركاته، يا أخي. أولاً، أشكرك على شجاعتك في مشاركة هذا الهم الثقيل، وأنا أشعر بمدى التعب والخوف اللي بتعيشه من أكتر من سنة. اللي بتمر بيه مش بس مشكلة صحية، ده كمان صراع نفسي وروحي عميق، وده طبيعي إن يأثر على تعلقك بالصلاة وعلى مزاجك كله. ربنا يفرجها عليك ويخفف عنك. من الناحية الشرعية، الدين يسر وليس عسر، والله سبحانه وتعالى يعلم نيتك وجهدك وتعبك. الوسواس اللي دخل عليك في الطهارة غالباً من الشيطان، وأفضل طريقة للتعامل معاه هي الاعتماد على اليقين وعدم الاستجابة للشكوك المتكررة. لو النقط بتنزل بدون إحساس، فده يشبه حالات السلس، وفي آراء فقهية كتير بتقول إن المعفو عنه في مثل هذه الحالات قليل، وإن الوضوء لكل صلاة يكفي مع التحفظ. خد برأي ميسر من عالم موثوق فيه، ومتخليش الخوف من يوم القيامة يسيطر عليك، لأن الله رحيم ويتقبل من المجتهد حتى لو وقع في خطأ بسبب الوسواس. ركز دلوقتي على إعادة بناء الخشوع تدريجياً، حتى لو بدأت بصلاة واحدة في وقتها بتركيز بسيط. أما من الناحية الصحية، فالأعراض اللي بتصفها (نقط بول بدون تحكم) تحتاج تقييم طبي من متخصص، لأنها ممكن تكون بسبب التهاب أو مشكلة في البروستاتا أو غيرها، ومش هتتحل لوحدها. بما إن الظروف المادية صعبة، حاول تبحث عن عيادات حكومية أو مستشفيات جامعية تقدم خدمات بأسعار رمزية أو مجانية في منطقتك، أو اسأل في صيدلية عن أقرب مكان مناسب. لحد ما تقدر، استمر في التحفظ والوضوء لكل صلاة كحل مؤقت، ومتخليش الموضوع يمنعك من الصلاة تماماً. أنت مش لوحدك في الشعور ده، وكتير شباب بيمرّوا بوساوس مشابهة بسبب مشاكل صحية. ابدأ بخطوات صغيرة زي قراءة آيات تطمئن القلب قبل الصلاة، وادعُ الله إنه يشفيك ويثبتك. لو عايز آراء إضافية، ابحث عن أسئلة مشابهة على فدني عشان تشوف تجارب الآخرين. ربنا يشفيك شفاءً تاماً ويعيد لك الطمأنينة في صلاتك.
تم النشر الثلاثاء، ١ سبتمبر ٢٠٢٦
انا نصيحتى ليك حاجتين .. الاولى تروح تكشف ف مستشفى عام ع ااقل واهو تبقى اخدت بالاسباب طالما الماديات مش مناسبه لكشف خاص .. التانى انك تقوم بالطهاره الطبيعيه ليك وتصلى عادى ومفيش اثم عليك ايا كان اللى هيحصل
تم النشر الثلاثاء، ١ سبتمبر ٢٠٢٦
لعرض السؤال في فدني اضغط هنا