انا بكتب الكلام ده مش عشان عايز حل قد ما انا عايز اتكلم عن الي جوايا لان انا جربت كل الحلول الممكنه بس ربنا لسه مأذنش بالشفاء
انا من اول ما وعيت على الدنيا وانا بعاني من اول ما ابتديت افهم ان دا بابا ودي ماما كنت بعاني يوميا من وانا طفل ولسه حتى الآن بعاني يوميا بردو انا الضحك بيتعبني لما بضحك بتعب حتى. الضحك مش بعرف اضحك ولا بعرف افرح بعاني وانا فيﻻبيتي بعاني وانا في الشارع بعاني وانا مع صحابي بعاني وانا مع اهلي
انا امنيتي الاولى والاخيره اني ابقا انسان طبيعي افرح وازعل زي بقيت الناس انا عارف ان في ناس حالهم اصعب من حالي بس انا تعبت انا نفسي ارتاح نفسي اخرج من الدايره الي انا فيها بقالي سنين
انا بقالي سنين بروح لدكاتره وجلسات وحتى رحت لشيخ اتحسنت بس لسه بعاني من كتر ما انا اتظلمت بقيت احس دايما اني مش كفايه اني قليل اني مش طبيعي او غريب من كتر الألم والعذاب الي مريت بيه كان دايما بيبقا اعصابي مشدوده فا وشي بيبقا مكشر شويه ودا خلى الناس تبعد عني وتتريق عليا وهما ميعرفوش انا جويا اي وحتى مبحكيش لحد لان عارف ان الكلام هيجبلي وجع دماغ مش اكتر
ابتديت احس اني عمري ما هبقا كفايه ليا او لاي حد لو اتجوزت مثلا عمري ما هبقا زوج مثالي حاسس اني لو اتجوزت وخلفت هظلم مراتي وعيالي معايا ولو خلقت طفل وورث مني المرض ده انا مش هسامح نفسي انا مفيش يوم بيعدي الا بمعاناه من نفس الموضوع ويا ريتها معاناه ضغط شغل او دراسه زي اي انسان طبيعي
انا بتمنى ده انما انا بمر بده وفوقه مليون معاناه تانيه انا مهما وصفت واتكلمت مش هقدر اوصف واعد الاذى الي انا بتعرضله كل يوم وبقالي سنين مش عارف انا بكتب الكلام ده اي لان كلامي مش هيغير حاجه انا حتى بقى عندي يقين اني جيت الدنيا دي عشان اتعذب فيها وهتعوض في الاخره إن شاء الله
بقيت آجي على نفسي وازود في العباده عشان بقيت متأكد ان الدنيا دي مش هاخد منها غير عذاب انا اوقات كتير وانا ماشي في الشارع بقيت بقول ياريت عربيه تخبطني واموت واخلص من الدنيا دي بقيت بتمنى الموت اكتر ما بتمني اعيش انا مش طالب مواساه من حد او نصايح انا بس كنت حابب اتكلم واخرج الي جوايا
عن أبي سعيد الخدري وأبي هريرة -رضي الله عنهما- عن النبي ﷺ قال:"ما يصيب المسلم من نَصَب، ولا وَصَب، ولا هم، ولا حزن، ولا أذى، ولا غم، حتى الشوكة يشاكها، إلا كفر الله بها من خطاياه" كل اللي انت فيه هو ف الآخر ثواب كبير عند ربنا ده أولاً ثانياً ف نقطة هظلم مراتي في المستقبل وانا قليل والكلام ده ..دي حاجه مش بإيدك ف طول م مش بإيدي اغير الحاجه دي يبقى ده مش عيب فيا ولا حاجه تقلل مني ده ابتلاء وكل واحد فينا لازم يحترم ابتلاء غيره ومحدش كامل ومحدش مثالي ..في فرق بين حد طموح بيحاول رغم تعبه وحد خد التعب حجة .. ولو على احساس أن يمكن حد من اولادي يورث المرض واظلمهم ف سؤالي هنا هل انت تعلم بالقدر ؟ هل تعرف في ايه ف المستقبل!! مش يمكن ربنا يشفيك مش يمكن اولادك يكونو بصحة وعافية ويحبوك وميحسوش ابدأ بالظلم ويحمدو ربنا على وجودك؟ مش يمكن انت تكون حلم لحد؟ في حاجه انا مؤمنة بيها جدا "عيوبك ممكن تكون مميزات لغيرك وكذلك مميزاتك ممكن تكون عيوب لغيرك" ف فكرة حد يتقبلني دي ففي كتير اكيد هيتقبلوك في كتير هيشوف اللي انت شايفة عيب ميزة ..كتير بتشوف واحده مثلا شايفة إن حنية زوجها ميزة وواحدة تانية شيفاها عيب ف العيوب متفاوتة بجد بين شخص وشخص تقبل نفسك زي م انت مش مطلوب منك ابدا تبقى تنين مجنح علشان تعجب حد ولا حد يتقبلك
تم النشر الخميس، ٢٩ أكتوبر ٢٠٢٦
بما إنك مش طالب لا نصيحة ولا حد يواسيك، فأنا هبادر بالدعاء، لعل وعسى يريح قلبك. بسم الله على قلبك حتى يهدأ ويطمئن، بسم الله على روحك من كل تعب أثقلها، وعلى نفسك من كل ما أنهكها وأرهقها. اللهم هوّن عليه ما استصعب، وخفف عنه ما أثقل قلبه، وأرح عقله من كثرة التفكير، وأبدل تعبه راحة، وحزنه سكينة، وضيق صدره انشراحًا. اللهم إنه قد عانى من صغره ما لا يعلمه إلا أنت، وأنت أعلم بما مرّ به وما يمرّ به كل يوم، اللهم لا تحمّله من الأوجاع ما لا طاقة له به، ولا تتركه فريسة لتعبه، وكن معه في كل لحظة ضعف لا يستطيع فيها أن يشرح ما به لأحد. اللهم اشفه شفاءً لا يغادر سقمًا، وخفف عنه آلامه، وهوّن عليه مرضه، وألبسه ثوب العافية، وارزقه من القوة ما يعينه على أيامه، ومن الصبر ما يهوّن عليه ابتلاءه، ومن الطمأنينة ما يسكن به قلبه. اللهم إن ضاقت به نفسه فأنت سعتها، وإن أثقله التعب فأنت راحته، وإن عجز عن التعبير عما بداخله فأنت تعلم ما في صدره دون أن ينطق. اللهم لا تجعله يهون على نفسه من كثرة ما تحمّل، ولا تجعله يعتاد الألم حتى ينسى أن له حقًا في الراحة، وارزقه أيامًا هادئة، وأخبارًا تسرّ قلبه، وأسبابًا تجعله يحمدك من أعماق قلبه على جبرك. اللهم عوّضه عن كل لحظة تعب عاشها، وعن كل وجع كتمه، وعن كل مرة اضطر فيها أن يكون قويًا وهو في أشدّ حاجته إلى الراحة. اللهم اجبر خاطره جبرًا يليق بكرمك، جبرًا ينسِيه مرارة ما مضى، ويطمئن به قلبه لما هو آتٍ. اللهم إني أستودعك قلبه وصحته وعافيته وأيامه القادمة، فاحفظه بعينك التي لا تنام، واكتب له من الخير ما لم يتوقعه، ومن الفرج ما لم يحتسبه، ومن الراحة ما يستحقها قلبه. اللهم إن كان لا يستطيع أن يطلب الراحة، فارزقه إياها، وإن كان لا يحسن الشكوى، فخفف عنه ما لا يعلمه سواك، وإن كان قد طال عليه البلاء، فبشّره بقرب الفرج، ولا تدعه يواجه أوجاعه وحيدًا، وكن له عونًا وسندًا في كل ما يمر به. **اللهم أرح قلبه، واهدأ روحه، وسكّن ألمه، واشفه وعافه، وارزقه من لذة العافية ما ينسيه مرارة المرض، ومن جبرك ما يجعله يدرك أن وراء كل هذا التعب رحمةً ولطفًا لم يغب عنهما يومًا.** اللهم آمين يا رب العالمين. ♥
تم النشر الخميس، ٢٩ أكتوبر ٢٠٢٦
أسمعك جيدًا، وأقدر تمامًا إنك مش طالب حلول أو نصائح دلوقتي، بس عايز تخرج اللي جواك. اللي بتصفه ده ألم عميق ومستمر من الطفولة لحد دلوقتي، وده شيء ثقيل جدًا على أي إنسان. إحساسك إن الضحك بيتعبك، وإن الفرح مش بيوصلك زي الناس، وإنك بتحس دايمًا إنك مش كفاية أو غريب... كل ده بيخلّي اليوم اليومي يبقى معركة، وده مش حاجة سهلة أبدًا. أنت مش لوحدك في الشعور ده، وإنك قدرت تكتب كل ده دلوقتي خطوة شجاعة في حد ذاتها. من منظور إسلامي، الابتلاءات دي اختبارات ربنا بيبتلي بيها عباده، وأنت ذكرت إنك بتزود في العبادة عشان الدنيا دي مش هتاخد منها غير العذاب، وده تفكير فيه صبر ويقين. ربنا قال "وَلَنَبْلُوَنَّكُمْ بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ"، والصبر مش معناه إنك متألمش، لكنه معناه إنك مستمر رغم الألم. أنت بتتمنى الموت أحيانًا عشان تخلّص، وده شعور صعب، لكن تذكّر إن الآخرة فيها تعويض كبير للي صبروا، وإن ربنا شايف كل لحظة بتمر بيها. أنت مش مطالب تكون "مثالي" أو "طبيعي" زي ما بتتخيل، لأن كل إنسان له ظروفه ومعاناته، وإنك بتفكر في الآخرين (زي مراتك وعيالك لو اتجوزت) ده دليل على قلبك الطيب. استمر في التعبير عن اللي جواك زي ما عملت دلوقتي، ده بيخفف الضغط شوية. لو حابب تتكلم أكتر أو تخرج حاجة تانية، أنا هنا أسمعك بدون حكم. يمكنك البحث عن أسئلة مشابهة على فدني للحصول على المزيد من الآراء.
تم النشر الأربعاء، ٢٨ أكتوبر ٢٠٢٦
لعرض السؤال في فدني اضغط هنا