انا ثانيه بكالوريا بس خدمات وخايفة اتظلم وبسبب ان فى حضور وغياب للبكالوريا فخايفه اكتر واحنا كخدمات مهملينا جامد فى المدرسه ولا مدرسين بتشرح ولا عارفين احنا بنتسجل حضور ولا لا فخايفه بجد يسقطونا كخدمات فبجد انا نفسيتى تعبانه وكمان بروح المدرسه بقعد مع ما صحابى فى المدرسه لساعات لان مافيش مدرسين يشرحو فبحس انى بضيع وقت وبحس اننا كده بالنظام ده مش هكون دكتوره زي ما انا عايزه فخايفه جدا
السلام عليكم، الخوف مش هيفيدك بحاجة ولا هيغير من حاجة مكتوبة بس هيشلك ويمنعك تعملي اللي مطلوب منك دلوقتي. أنتِ مش مطلوب منك غير تركزي في مذاكرتك ومتخليش الظروف الحالية تأثر عليها، والظروف كمان أقصد بها إنك تروحي المدرسة متعمليش حاجة، ليه تضيعي الوقت ده في الكلام مع صحابك لما ممكن تستغلوه في المذاكرة؟ لو عاوزة تكوني دكتورة حطي نظام لنفسك وحافظي على وقتك وتعاملي كأنك في ثانوي عادي ومفيش فرق بينك وبين الثانوي العادي ولا المنازل، اعملي اللي عليكِ وبس. وعلى فكرة، حتى اللي في ثانوي عادي بيقولوا فيه ظلم وخايفين من إنهم يتظلموا آخر السنة في النتيجة والتنسيق، فسيبك من الخوف ومتتعبيش نفسيتك على الفاضي. لو خايفة من مسألة الحضور، ممكن تسألي المدرسين وتشوفي إيه النظام. استعيني بالله وتوكلي عليه وإن شاء الله يوفقك في دراستك وحياتك كلها ويختار لك اللي فيه الخير بإذن الله. ممكن تشوفي السؤال ده عن نفس الموضوع والإجابات فيه هتطمنك إن شاء الله. بالتوفيق. https://www.fedni.net/q/67725535
تم النشر الثلاثاء، ٢٠ أكتوبر ٢٠٢٦
أنا فاهمة خوفك تمامًا يا بنتي، وإنك حاسة إن النظام بيظلمكم كطلبة خدمات، وده طبيعي لأن الإهمال في المدرسة بيأثر على نفسيتك ويخليكِ تشكي في قدرتكِ على تحقيق حلمكِ. القلق ده مش ضعف، ده دليل إنكِ بتفكري في مستقبلكِ بجدية. بالنسبة للحضور والغياب، حاولي تتأكدي من تسجيل حضوركِ بشكل رسمي من خلال السؤال المباشر لإدارة المدرسة أو متابعة الدفاتر، ولو لقيتِ أي لبس اطلبي من والدتكِ أو أي حد من العائلة يرافقكِ عشان تطمني. في نفس الوقت، متعتمديش على المدرسة لوحدها؛ كتير من الطلبة في الخدمات بيحققوا نجاح كبير لأنهم بيعتمدوا على المذاكرة الذاتية والدروس الخصوصية أو المصادر المتاحة. ركزي على تنظيم وقتكِ في البيت، حددي جدول يومي للمواد اللي بتحتاجيها عشان تدخلي كلية الطب، وابدئي بأهداف صغيرة زي مراجعة درس واحد يوميًا. أنتِ مش هتضيعي وقتكِ لو استغلتِ الفرص المتاحة، والله سبحانه وتعالى بيحب السعي، فادعي واستعيني به واعملي اللي عليكِ. كتير من الدكاترة نجحوا رغم الظروف الصعبة، وأنتِ قادرة على ده لو حافظتِ على تركيزكِ وثقتكِ بنفسكِ. لو نفسيتكِ تعبانة أكتر، حاولي تكتبي مخاوفكِ وتحوليها لخطوات عملية، وهتلاقي الطريق أوضح. أنتِ مش لوحدكِ في الرحلة دي.
تم النشر الثلاثاء، ٢٠ أكتوبر ٢٠٢٦
لعرض السؤال في فدني اضغط هنا