انا طالبه ف تانيه ثانوي وعن قريب هدخل تالته ثانوي ونا دايما كنت بجيب الأولي علي دفعتي الحمد لله وكنت متأكده أن انا بمجهودي وبالتزامي اقدر اجيب كليه الطب اللي نفسي فيها بس السنه دي بيقولو ان في ظلم كبير ف ثانويه عامه كمان السوشيال ميديا كلها بتأكد الكلام ونا م النوع اللي بتابع ف جالي احباط كبير حتي بقيت خايفه احاول وتعبي يروح ع الفاضي وحرفياا جالي احباط ف انا حابه لو حد ف ثانوي هنا خاصة تالته ثانوي أو حد يعرف شخص ف تالته ثانوي وبقي ف جامعه يقولنا تجربته بالنسبه الحوار ده وهل هو كان مستواه كويس واتظلم ولا كل ده كلام ف الفاضي وكل واحد خد اللي يستحقه .
أنا خلصت ثانوية عامة الحمدلله من سنتين تقريبا مش عاوز أحبطك بس فعلا فيه ظلم في الثانوية العامة واسمعي كلامي للآخر، هو أيوه في ظلم وبتاع بس بنسبة تكاد لا تصل لواحد في المية أصلا فاتوكلي على الله وكملي عادي ومتخوفيش نفسك بس سؤال ليكي، لو مدخلتيش ثانوية عامة هتروحي فين؟ أنا مش عاوز إجابة منك فكري بس في السؤال، هتسيبي التعليم خالص؟ يبقى برده مش هتخشي كلية الطب، متعمليش زي اللي خاف إنه يسقط في الامتحان فمراحش يمتحن، وبعدين اللي عندك ده لو سيبتيه هيعملك مشكلة كبيرة وهتخش في حالات نفسية وإكتئاب وغيرها توكلي على الله وكملي وحاجة مهمة: حاجة حلوة إنك عاوزة تخشي طب وحطاه هدف ليكي، بس مش عاوزك تتعلقي بالهدف زيادة عن اللزوم عشان لا قدر الله لو مجالكيش طب متتعبيش نفسيا، أنا مش بحبطك بس اعملي خطة احتياطية، كملي في هدفك بس حطي خطة باء من دلوقتي عشان في ناس كتيرة كانت بتحلم بكليات وربنا كان كاتبلهم حاجة تانية، وإسأليهم بعد ما اتخرجوا يختاروا الكلية اللي كانوا عاوزينها ولا اللي دخلوها، أغلبهم هيقول اللي دخلوها أنا مثال أهوه كنت عاوز أخش حاسبات وكنت واقف على 2 في المية تقريبا ومدخلتش، فدخلت كلية علوم فيها قسم تبع الكمبيوتر وكده ومن سنة أولى بقول الحمدلله إني دخلت علوم ومدخلتش حاسبات
تم النشر الخميس، ٨ أكتوبر ٢٠٢٦
أختي العزيزة، أفهم تمامًا الإحباط اللي بيجي لك دلوقتي، خاصة إنك كنتِ دايمًا الأولى على دفعتك وبتبذلي مجهود كبير عشان توصلي لهدفك في كلية الطب. الشائعات عن الظلم في الثانوية العامة منتشرة فعلاً على السوشيال ميديا، وده بيخلي أي حد يحس بالقلق والخوف من إن تعبه يضيع. لكن خليني أقولك إن الواقع غالبًا ما يكون أقل حدة مما يُصوَّر، وكتير من الطالبات اللي كانوا في وضعك وصلوا لكلياتهم المرغوبة لما ركزوا على اللي يقدروا يتحكموا فيه. من تجارب كتير من الطالبات اللي دخلوا الثانوية العامة ونجحوا، اللي بيحصل إن اللي بيذاكر بجد ويفهم المواد كويس بيحصل على درجاته المناسبة، حتى لو فيه بعض الحالات الاستثنائية اللي بتثير الجدل. الظلم مش قاعدة عامة، وغالباً النتيجة بتعكس المجهود مع شوية توفيق. أهم حاجة دلوقتي إنك ما تخليش الخوف يسيطر عليكِ، لأن الإحباط ده ممكن يأثر على تركيزك في الدراسة. حاولي تقللي متابعتك للمنشورات السلبية دي، وركزي على خطة دراسية منظمة تبدئي بيها من دلوقتي عشان تدخلي تالتة وأنتِ مستعدة. تذكري إن ربنا بيقدر المجهود، و"إن الله لا يضيع أجر من أحسن عملاً". استمري في سعيكِ بثقة، وادعي ربنا يوفقك وييسر لكِ الطريق. لو عايزة نصائح عملية أكتر عن تنظيم الوقت أو التعامل مع الضغط، قوليلي. ولو حابة تشوفي تجارب مشابهة، ابحثي عن أسئلة مشابهة على فدني عشان تلاقي وجهات نظر إضافية. أنتِ قادرة، وهتوصلي إن شاء الله.
تم النشر الخميس، ٨ أكتوبر ٢٠٢٦
الاستعانة بالله هي سبب التوفيق. وتقديرات الله دائماً خير .......لما نخرج من حولنا وقوتنا المحدودين ونستعين بحول الله وقوته المستحيل بيتحول لسهل....واعلم أن الناس لو اجتمعوا على أن يضروك بشئ، لن يضروك إلا بشئ قد كتبه الله عليك، رفعت الأقلام وجفت الصحف
تم النشر السبت، ١٠ أكتوبر ٢٠٢٦
الناس الفاشله بس هي اللي بتعلق فشلها ع الدولة والظلم اه في ظلم بيحصل بس انتي ذاكري لدرجه ان الامتحان اللي هيجي يكون سهل بالنسبه ليكي سيبك من كلامهم اللي نجحوا كتير والغش هيبقى اقل من السنين اللي فاتت ف عندك فرصه كبيره
تم النشر الجمعة، ٩ أكتوبر ٢٠٢٦
متشكره جدا لحضرتك
تم النشر الجمعة، ٩ أكتوبر ٢٠٢٦
متفهم خوفك، هو فعلا لما الواحد يسمع كلام اللي بيتقال و يعرف هو داخل على إى، لازم يترعب مش بس يخاف. بس خليني اضيف اضافة بسيطة على كلام اللي قاله رفيقنا محمد.. بعد الامتحان أنتي مش بتبقي فاكرة كل إجاباتك نهائي و الأسئلة اللي رجعتيها مع زميلتك هما 10 من اصل 50، فحتى لو طلعت النتيجة مش هتقدري تتيقني من الصح غير لما تشوفني ورقتك و الوزير ينزل بقاموس الإجابة... طيب خليني برضوا اضفلك لو فعلا الظلم كان كبير و مفيش ضمير في تصحيح الورق، ليه دائماً و أبدأ اللي بيطلع من الاوائل بيكون من المتفوقين و المجتهدين؟!!! شوفتي ربنا مش بسيب مجهود حد يضيع هباء فتوكلي على الله و ربنا كفيل بيكي، و إن شاء الله تكوني أنتي الاولى بدون منازع كالعادة. بالتوفيق إن شاء الله
تم النشر الخميس، ٨ أكتوبر ٢٠٢٦
لعرض السؤال في فدني اضغط هنا