أنا الخوف والقلق والتوتر والتفكير الزياده مسيطرين علي حياتي اوي الفترة دي بسبب موضوع كل ما باجي أنساه او أتلاشاه ألاقيه قدامي او أمي تكلمني عنه وأرجع تاني أفكر ف أخاف لده يحصل ف أتوتر ف أقلق ف مش بكون عارفه أروح من نفسي فين أعمل ايه وايه الحل والموضوع متعلق ببيتنا ومشاكل أخرى مع العلم اني اوقات من كتر الخوف بكون عايزه أأذي نفسي وطلبت من أهلي كتير اني أروح ل طبيب نفسي بتقابل اما بالرفض اما بالتجاهل التام وانا مش بعرف أتكلم مع حد عن مشاكل علشان يساعدني علشان بخاف أحكي خصوصياتي وكان عندي مشكلة ضيق تنفس وكشفت عند دكتور معده وقالي ان عندي قولون عصبي وهو السبب وانا أصلا عندي زيادة في نشاط الجهاز العصبي بجد تعبت ومش عارفه أروح من نفسي فين
الخوف والقلق المستمر والتفكير الزائد اللي مسيطرين على حياتك، والخوف من اقتحام أحداث الماضي والمواقف المؤلمة بيعمل ضغط عَصبي وبدني شديد بيظهر في أعراض جسدية زي ضيق التنفس والقولون العصبي المرتبط بنشاط الجهاز العصبي. المشكلة هنا بتكمن في دخولك في دايرة مفرغة: ضغوط ومشاكل أسرية وموضوعات بتفرض نفسها عليكي إلى جانب ذكريات الماضي اللي بيتعامل معاها عقلك وكأنها خطر حقيقي حاضر، فبيفعل آليات الدفاع والخوف، ومع كل محاولة لنسيانها أو الهروب منها بتزيد بإلحاح وببفضل الخوف من تكرارها ومحاولة التخلص منها موجودبن، وده بيترجمو الجسم لأعراض جسدية واضحة (زي القولون وضيق التنفس)، ومع رفض الأهل للعلاج النفسي وغياب المساحة الآمنة للفضفضة، بتحسي بالعجز التام وإنك مش عارفة تروحي من نفسك فين. عشان تقدري تتعاملي مع الأزمة دي وتخففي حدة الضغط واقتحام الماضي بالتدريج، تقدري تتبعي الخطوات العملية دي: تطبيق تقنية التأريض (Grounding) وممكن تشوفي فيديو بيشرحها إزاي. أول ما تحسي إن الماضي أو الأفكار الملحة اقتحمت تفكيرك، ركزي في 5 حاجات شايفاها حواليكِ، 4 حاجات لمساها، 3 أصوات سامعاها، لقطع حبل السرحان وإرجاعك للحاضر. كتابة الأحداث، الذكريات، أو المشاعر المرتبطة بالماضي في ورقة بشكل تفصيلي ثم التخلص منها، عشان تخرجي الشحنة الشعورية من دماغك للورق بدل ما تلف جوه عقلك. تقبل فكرة أن الذكريات ممكن تظهر أحياناً، وعدم الدخول في معركة شرسة لمقاومتها، بل ملاحظتها كصور عابرة ومحاولة توجيه الانتباه لمهمة واقعية حالية. استخدام تمارين التنفس العميق والتحكم العصبي (مثل التنفس بطنياً ببطء) لتهدئة الجهاز العصبي وتقليل أعراض ضيق التنفس والقولون العصبي فور حدوثها. البحث عن بدائل سرية وآمنة للحصول على الدعم النفسي عبر خطوط الإرشاد النفسي المجانية أو التطبيقات الموثوقة التي تقدم استشارات أسرية ونفسية دون الحاجة للخروج أو مواجهة الأهل مبدئياً. وفي النهاية، لمعالجة جذور القلق الحاد وصدمات الماضي والتعامل مع الأفكار المؤذية وأعراض الجهاز العصبي المتراكمة، يُفضل بشدة الاستمرار في محاولة إقناع الأهل أو اللجوء إلى مختصة عبر استشارات أونلاين بطريقة آمنة لتقديم الدعم اللازم لكِ خطوة بخطوة.
تم النشر الخميس، ٢٢ أكتوبر ٢٠٢٦
لعرض السؤال في فدني اضغط هنا