السلام عليكم
انا بنت في ثانوي ،انا كنت بروح مع اصحابي ل كوفي معين فا المهم كان دايما بيجيلي مع طلبي شكولاته زياده او ورده هديه مكنتش بهتم المهم بعدها في مره طلبت أوردر جالي غلط لقيت اللي بيعمل الاوردارات بعتلي انه بيعتذر انه عمله غلط معرفش جاب رقمي منين بعدها قعدت الفتره دي مش بروح بسبب مذاكرتي
لقيت الولد دا بيبعتلي عن سبب عدم مجيئ الكافيه قولت اني عندي مذاكره فا بعدها هو فضل يقولي تعالي فيه خصومات و بتاع و انا اتجاهلت، بعدها انا كنت منزله صورتي علي الاستوري نسيت أعمال ازاله ليه وهو شاف الاستوري و رد فا انا عملتله بلوك كلمني من رقم تاني و قالي انه هيفضل يبعت انا قولتله ملكش دعوه بيا انت عاوز اي،
قالي انا بحبك من زمان وانا اللي كنت ببعتلك الشكولاته و الورد، قولتله وانا مش برتبط حرام، قالي غصب عنك هاتكمليني انا عملت بلوك ليه كلمني من رقم تاني وقالي افضلي اعملي بلوك وبرضو هبعتلك من رقم جديد وانا اعرف عنك كل حاجه و بعتلي عنوان بيتي و مدرستي وهددني انه ممكن يضايقني في المدرسه أو بيتي لو مكلمتوش
وعرفت انه عرف الكلام دا من واحدة صاحبتي كانت بتروح معايا الكافيه وهيا بتكلم صاحبه او حاجه فا انا قطعت علاقتي ب صاحبتي عملتله بلوك تاني راح ران عليا تلات مرات وعشان رقم غريب رديت لقيته عمال يزعقلي و راح بعتلي بعدها انه آسف وانا بجد خايفه ومعنديش حد كبير يقدر يوقفه و هو عارف اني معنديش حد. كبير وماما لو عرفت هتلومني انا وهيحصلي مشاكل في البيت وانا مش عاوزه ارتبط اعمل اي ؟
تبلغي أحد ممن تثقين بهم فوراً للتدخل و إن كان الأهل لن يتمكنوا من استيعاب الموضوع بحكمة تنظري من في أسرتك الممتدة أو حتى في احد معارفكم أو والد صديقة لك ممن تثقين في حكمتهم و تطلبي منه المساعدة ليضع حداً له و و إن لزم الأمر يتم إبلاغ أهله و إن لزم الأمر تصعدي الأمر للشرطة ولا بد أن نضع في الاعتبار أنه قد يكون لديه مشكلة نفسية فإن استشعر من لجأتي إليه للتدخل ذلك عند مقابلته و محاولة ردعه عن فعله فلابد من تبليغ أهله وأولي الأمر عنه و إبلاغ الشرطة ليقوموا بحمايتك.
تم النشر الأربعاء، ١٨ نوفمبر ٢٠٢٦
السلام عليكم، الأشخاص اللي من النوع ده بيعتمدوا على خوف البنت وإنها هتترعب تعرف أهلها باللي بتتعرض له عشان ميلوموهاش أو يعاقبوها هي وكل ما هتباني ضعيفة وخايفة قدامه هيزيد في تهديداته ويسوء فيها، فأهم حاجة إنك متخافيش وكلمي مامتك بهدوء. هل مامتك بس اللي معك حاليا؟ مفيش أي حد من أهل باباك أو مامتك تعرفيه لو خايفة من المشاكل مع مامتك؟ وعموما لو مفيش حد خالص من الأهل بلغي الشرطة أو مباحث الإنترنت وهم هيتعاملوا معه. وكرري كتير (حسبي الله ونعم الوكيل) وربنا إن شاء الله يكفيك شره وشر اللي شبهه.
تم النشر الأربعاء، ١٨ نوفمبر ٢٠٢٦
وعليكم السلام ورحمة الله. أولاً، أنا آسفة جداً إنك بتمري بتجربة مخيفة زي دي، وأنا فاهمة خوفك وقلقك، وإنك بنت في الثانوي ومش عايزة تضيفي مشاكل في البيت. اللي بيحصل ده مش غلطك خالص، وهو سلوك مرفوض تماماً ومخالف للقيم الإسلامية اللي بتحمي خصوصية البنات وتحرم الإيذاء أو التهديد. أنتِ مش مضطرة تكملي معاه أو تردي عليه، وده حقك الشرعي والقانوني. خليني أقولك خطوات عملية وآمنة تقدري تعمليها دلوقتي عشان تحمي نفسك: استمري في البلوك فوراً ومترديش على أي رقم جديد، حتى لو زعق أو اعتذر. أي رد بيخليه يحس إنه قادر يسيطر، فالصمت والتجاهل أقوى سلاح. سجلي كل الرسائل والمكالمات والتهديدات (صور شاشة أو تسجيلات) بدون ما تفتحي حوار، عشان لو احتجتِ دليل في المستقبل. لو التهديدات مستمرة وهو عارف عنوانك ومدرستك، لازم تاخدي خطوة أكبر: روحي لمدرسة أو مستشارة في المدرسة (حتى لو مش بتحكي التفاصيل كلها) وقولي إن في حد بيضايقك ويهددك، واطلبي مساعدتهم في الإبلاغ. المدرسة عندها طرق تحمي الطالبات بدون ما يوصل الأمر للأهل فوراً. لو الأمر زاد وخفتِ على سلامتك، روحي لأقرب مركز شرطة مع أي حد كبير موثوق (حتى لو جارة أو قريبة بعيدة) وقدمي بلاغ عن التحرش والتهديد. ده مش هيسبب لك مشاكل، بالعكس هيحميكِ، والقانون بيحمي البنات في مثل هذه الحالات. أنتِ قوية إنك قطعتِ علاقتك بصاحبتك اللي سربت معلوماتك، وده قرار صح. لو ماما هتزعل، حاولي تتكلمي معاها بهدوء لما تهدي، أو ابحثي عن طريقة تحمي نفسك بدون ما تكشفي كل التفاصيل. لو عايزة تتكلمي أكتر أو تحتاجي نصيحة إضافية، أنا هنا. ولو لقيتِ أسئلة مشابهة على فدني، ممكن تلاقي تجارب مفيدة. خدي بالك من نفسك، وربنا يحميكِ ويبعد عنك كل سوء.
تم النشر الثلاثاء، ١٧ نوفمبر ٢٠٢٦
عرفي اهلك اولا مش شرط كلهم يعرفوا بس حد انتي بتثقي فيه وفي رد فعله يتكلم مع الشاب ده ويعرف هو عايز ايه بس ماتحوليش تخبي الموضوع
تم النشر الأربعاء، ١٨ نوفمبر ٢٠٢٦
قولي لأهلك يتصرفو بلاش انت تعملي حاجه من دماغك و مترتبطيش و خلي بالك عواقب انك تقولي لأهلك أقل بكتير من عواقب انو الموضوع دا يستمر بأي شكل
تم النشر الأربعاء، ١٨ نوفمبر ٢٠٢٦
اتصلى بالخط الساخن ١٠٨ لمباحث الإنترنت وبلغيهم التفاصيل وشوفي هيقولوا لك إيه
تم النشر الأربعاء، ١٨ نوفمبر ٢٠٢٦
لعرض السؤال في فدني اضغط هنا