في ولد بيهددني بصوري وخلاني اتصور صورة وحشة وبيهددني انو هيقولو لماما عشان معاه رقمها وامي عرفت اننا صحاب ومش راضية تنزلني الجامعه وهو عمال يهددني وانا خايفة ومش عارفة اروح ابلغ فيدوني بالله عليكو
أنا آسفة جداً إنك بتمري بكل ده، وأنا فاهمة إنك خايفة ومش عارفة تعملي إيه. الابتزاز جريمة خطيرة، وأهم حاجة دلوقتي إنك تحمي نفسك وتوقفي التهديد ده فوراً. أول خطوة عملية: مترديش على الولد ده خالص ، ومتديش له أي صور إضافية أو معلومات. احذفي أي محادثات لو قدرتي، لكن احتفظي بالصور أو الرسائل اللي فيها التهديد كدليل. بعد كده، احجبيه من كل التطبيقات والأرقام فوراً. ثانياً، لازم تبلغي الجهات المختصة. في مصر تقدري تروحي الإدارة العامة لمكافحة جرائم الحاسبات والمعلومات أو أقرب قسم شرطة وتقدمي بلاغ بالابتزاز الإلكتروني. هما بيتعاملوا مع الحالات دي بسرية ويقدر يساعدوكي. لو مش قادرة تروحي لوحدك، حاولي تاخدي حد من العيلة تثقي فيه، حتى لو مش ماما دلوقتي. البلاغ ده هيحميكي قانونياً وهيخلي الولد ده يتوقف. أنتِ مش مذنبة في اللي حصل، والخوف طبيعي، لكن الإبلاغ هو أفضل طريقة تحمي نفسك ومستقبلك. لو عايزة نصايح إضافية عن كيفية التعامل مع الضغط النفسي بعد كده، قوليلي. ولو لقيتي أسئلة مشابهة على فدني، ممكن تلاقي تجارب ناس تانية مفيدة. خدي خطوة دلوقتي وأنتِ مش لوحدك.
تم النشر الجمعة، ١٦ أكتوبر ٢٠٢٦
حضرتك متقلقيش لو عملتي فيه بلاغ في مباحث الإنترنت هيتجاب بسرعة قبل ما يفكر ينزل الصور
تم النشر السبت، ١٧ أكتوبر ٢٠٢٦
بلغي ودخلي حد كبير وانكري انها صورك وإتهميه إنها معمولة بالذكاء الاصطناعي وتوبي وبلاش تكلمي شباب تاني لأن مفيش حد متربي بيعمل اللي هو عمله ده....تحت أي مسمى البنت مينفعش تكلم ولد إلا زوجها .... حتى الخاطب مينفعش فضلاً عن ولد لا تربطه بيها اي صلة
تم النشر الجمعة، ١٦ أكتوبر ٢٠٢٦
هتتوجهى فوراً لمباحث الإنترنت غالباً موجودة في مديرية الأمن في محافظتك ، بأصل الشات اللى فيه التهديد والابتزاز مجرد اسكرينات ملهاش قيمة ، يفضل كل الأمور دى تتم من خلال محامى ليه إسمه وسمعته في محافظتك لأنه هيتولى الموضوع كله أمام النيابة والمحكمة ، والأحكام مغلظة جداً في المواضيع دي ، لكن بأكد تانى لازم كل الأمور دى تتم من خلال محامى لأن أقل غلطة في الإجراءات كفيلة تضيع حقك
تم النشر الأحد، ١٨ أكتوبر ٢٠٢٦
متخفيش مجرد تهديد من عيل، مش هيقدر يعملك أي حاجة المهم مفيش مخرج غير حاجة وحده بس ربك، أدعي كتير جدًا وعلاقتك بالله صلحيها، واتركي أي علاقة لأ ترضي الله عز وجل قربي من ربنا أكتر واستغفري كتير.
تم النشر السبت، ١٧ أكتوبر ٢٠٢٦
لعرض السؤال في فدني اضغط هنا