بالله عليكم من غير تجريح انا انسانه حقيرة و عارفه انى استاهل اكتر من اللى انا فيه انا كنت اعرف واحد بقالى سنتين للاسف غلطت معاه و صورنى و انا معاه صور فى اوضاع صعبه و الله العظيم تبت و بعدت عنه اقسم بالله تبت و ندمت و قفلت الصفحه دى و ربنا كرمنى و اتجوزت شخص كويس بس الإنسان اللى غلطت معاه مش عاوز يسيبنى فى حالى
عملتله بلوك على كل حاجه وبرضو بيحاول يوصلى كان بيهددنى بالصور و بيهددنى بأخواته انه ليهم علاقات و محدش يقدر يعمله حاجه انا منهاره والله انا والله العظيم عايزة اعمل اى حاجه علشان يبعد عنى بس انا مش عارفه اعمل ايه تانى عايزة ارتاح
هددنى بالقتل لو عرف انى ارتبطت و هو ميعرفش انى اتجوزت و هددنى بالصور بدعى لو الموت هيريحينى من اللى انا فيه اموت وانا مستورة بالله عليكم اللى عنده حل يدلنى مع العلم انى مسحت كل حاجه تخصه برسايل التهدديد بكل حاجه
انا عاملاله بلوك من كل حاجه بس بيجيلى اشعارات على التروكولر انه حاول يتصل انا خايفه انا مأذتهوش فى حاجه اقسم بالله بس هو اذانى
قومى لله فى الليل وادعى ربنا يبعده عنك ويثبتك ويزيدك هدى ويبارك لك فى زوجك ويرزقك اولاد صالحين ويبارك لك فيهم.. الدعاء بيغير كل حاجه.. استحضرى ذنوبك الاول وبعدين ادعى باللى انتى عايزه واستغفرى كتيير بنية الفرج وربنا يبعده عنك وعن طريقك ويهديه
تم النشر الثلاثاء، ١٠ فبراير ٢٠٢٦
حاولي تغيري كل وسائل اتصالك سواء خط فون او حسابات وسائل التواصل ولو حصل وعرف يتواصل معاكي فلابد من الاحتفاظ برسائل التهديد وتجميع أكبر قدر منها والتوجه إلى مباحث الانترنت داخل مدرية الأمن التابع لمحافظتك وهيتم عمل محضر واتخاذ اجراءات تحميك ومن الافضل ان يكون معك شخصية مقربة من أهلك حتى يكون محفز لك وشاهد على سعيك لحماية بيتك من أي تطفل خارجي يريد إفساد حياتك الزوجية ويارب يحفظك ويبعك عنك مكر الخبثاء ويسعدك مع زوجك
تم النشر الاثنين، ٩ فبراير ٢٠٢٦
السلام عليكم تذكرى قول الله تعالى )ومن يتق الله يجعل له مخرجا ( ألحي على الله بالدعاء واكثرى من صلاة الحاجة لا تضعى نفسك فى وضع التأهب للمصيبة هذا الشخص كل ما يريده ان يهددك ليجعلك ضعيفة امام اى طلب يطلبه لن يهمه اى شىء اخر اغلقى الاشعارات الخاصه ببرنامج التروكولر اذا وصل إليك باى طريقة اخرى واستخدام ارقام اخرى فعليك الابلاغ الإلكتروني فورا من خلال مباحث الانترنت
تم النشر الاثنين، ٩ فبراير ٢٠٢٦
أختي العزيزة، أنا ذكية، وأشعر بألمك وانهيارك تمامًا، وأنتِ مش حقيرة خالص، بالعكس، توبتك دي دليل قوة وإيمان، وربنا غفور رحيم كرّمك بالزوج الطيب ده رغم كل شيء. أنتِ مش تستاهلي اللي بيحصل، وهو اللي مذنب بتهديداته اللي جريمة قانونًا. متفكريش في الموت، ده مش حل، أنتِ تستاهلي الراحة والأمان، وهنلاقي طريقة. خطوات عملية فورية علشان تحمي نفسك: بلغي الشرطة حالا : التهديد بالصور والقتل جريمة ابتزاز إلكتروني. روحي وحدة مكافحة جرائم الإنترنت (الأمن السيبراني) أو أي قسم شرطة، خدي معاكِ إشعارات التروكولر وأي دليل باقي (حتى لو مسحتِ الرسائل، الإشعارات دليل). هما هيحققوا ويحميكِ، وممكن يمنعوه من الاقتراب. اتصلي برقم الطوارئ 122 أو الخط الساخن لحقوق المرأة 15115 لو خايفة تروحي لوحدك. احفظي كل دليل جديد : لو حاول يتصل تاني، خدي سكرين شوت للإشعارات أو التسجيلات، متمسحيش حاجة، وغيّري رقمك أو استخدمي فلاتر بلوك متقدمة في التروكولر/التليفون. مترديش عليه أبدًا : البلوك كويس، بس لو وصل، متفتحيش ولا تردي، ده بيزوّد التهديد. أنتِ قوية وهتتجاوزي ده إن شاء الله، ادعي ربنا يفرج همّك ويسترك، وقولي "حسبي الله ونعم الوكيل". لو عايزة استشارة قانونية أو نفسية متخصصة، روحي صفحة الخبراء في فدني: https://www.fedni.net/experts – فيه محامين ومستشارين هيساعدوكِ مجانًا أو بتكلفة بسيطة. ابحثي كمان عن أسئلة مشابهة في فدني علشان تشوفي تجارب ناس تانية. أنا معاكِ قلبًا وقالبًا، ردي عليّ لو احتجتِ أي حاجة تانية. ربنا يريّح بالك يا رب 💕
تم النشر الاثنين، ٩ فبراير ٢٠٢٦
يا اختي اطلعي علي مباحث الإنترنت وقوليلهم بيبتزني الكتروني واول ما يبعتلك صورك وحاجاتك اطلعي علي النيابه
تم النشر الاثنين، ٩ فبراير ٢٠٢٦
بصي هو الكويس انك عايزه تحافظي علي جوزك وبيت ،ومن الواضح انك توبتي الحمد الله ،يبقي كسري الخط دا وتختفي من قدامه خالص ،وعايز افهمك حاجه ،قسما بالله ولا هيقدر يعمل حاجه دي بتكون اشكال تعر ولا تخاف أنها تعمل حوار زي دا
تم النشر الثلاثاء، ١٠ فبراير ٢٠٢٦
اطلبي الشرطه
تم النشر الثلاثاء، ١٠ فبراير ٢٠٢٦
الابتزاز الالكتروني عقوبه بيجازي بيتا القانون متسكتيش غلطتي معاه توبتي خلاص وانتي متزوجه حاليا يعني مسأوله من زوجك لو عرف اي حاجه لقدر الله ممكن توصل ل مشاكل اتحركي فورا وكلمي اي حد من معارفك يعرف يساعدك ولا اقاربك بس يكون امين ومتسكتيش طالما هددك بالقتل كنت خدتي الاسكرينات وطلعتي علي اقرب مركز شرطه وقوليلهم الشخص دا بيعمل كذا وكذا واديلهم كل بياناته
تم النشر الاثنين، ٩ فبراير ٢٠٢٦
مسحت كل حاجه و دلوقتي عمالاه بلوك فبيجيلى اشعارات انه حاول يتصل
تم النشر الاثنين، ٩ فبراير ٢٠٢٦
خدي اسكرينات للتهديدات وبلغي الامن الوطني والشرطه ودخلي الشرطه في الموضوع ده
تم النشر الاثنين، ٩ فبراير ٢٠٢٦
لعرض السؤال في فدني اضغط هنا