Amaal Elmaky

شكرا لحضرتك علي المشاركة انتي ماشاءالله عليكي شاطرة ومتفوقه وذكية والدليل انك لحد الاعدادي جايبة ٩٩🥰 لو ركزتي علي هدف وسعيتي لتحقيقه هتقدري توصلي بكل سهولة ان شاءالله الزواج دا ليه وقت ربنا كاتبه عنده والأفضل ان البنت تتجهز علميا ومنهجيا للمرحلة دي ان اراد الله الزواج كان وان لم يرد دا رزق عشان تقدري تحسني الاختيار لازم تكوني حاطة معايير لهذا الاختيار والتعليم طريق من الطرق اللي ممكن تفتح منظورك للحياة وتوسع مداركك اراء كتير بنقرأها ولكن بنأخد منها مايلقي في قلوبنا صدي ممكن اراجع نفسي هل في مرجع لهذا الكلام الكلام دا إيجابياته ايه وسلبياته ايه علي نفسي علي المدي القريب والمدي البعيد ولو احتاجتي اي مساعده فالتفكير أنا معاكي

شكرا لحضرتك علي المشاركة بعد اي تجربة مؤذية لنفسنا بنحتاج ناخد هدنه ودا بالفعل انتي عملتيه ولكن عشان الهدنة تجيب نتيجة لازم احميها بسور من الحدود الشخصيه تحميني من الاذي في مرحلة التعافي الحدود دي بتحافظ عليا وبتخلي في مسافه بيني وبين الناس عشان محسش بالاذي منهم حتي لو اقرب الناس ليا دا حق طبيعي لكل انسان انه يضع حدود لنفسه ويحاول يحافظ عليها بعدم الاختراق لانها زي الدرع للانسان اعرفي حدودك وحافظي عليها هيساعدك كتير🌷

شكرا لحضرتك علي المشاركة واضح من كلامك وردودك ان الوضع صعب عليكي ودا طبيعي انه يحسسك بعدم الثقة فالنفس او الخوف من ردة فعل اللي قدامك او التوتر بشكل عام انتي شايفة ممكن نساعدك ازاي ؟

شكرا لحضرتك على المشاركة🌷 حاسه بيكي جدا وحقك انك تزعلي وانك تطالبي زوجك بإحتياجاتك منه بتختلف لغة الحب من شخص للتاني يعني ممكن يكون دي اللغه اللي بيعرف يعبر عن حبه ليكي بيها طيب أنا دلوقتي محتاجة لغه تانيه اعمل إيه افهم لغته وأقدرها واثني عليه فيها وافهم هوا بيقبل اي لغه اقدر أوصله اللي جوايا تخيلي كده واحد بيتكلم ياباني مثلا وانتي محتاجة توصليله اللي جواكي هتعملي ايه ؟ وأظن ان الجانب من ردة فعل زوجك انه عنده استعداد للاستقبال بدليل كلامك انه امًا بتواجهيه بيعيط فمش قادر يعبر عن اللي جواه بكلام وانتي بتقولي برده انه بيتعب فشغله فأكيد محتاجك جنبه فممكن تتعبي شويه انك تفهمي لغه للتواصل بينكم وتعلميهاله بوحمه منك للوصل كل امًا كانت نيتك طيبة وصالحة هتوصل

شكرا ليكي على مشاركتك 🌷 احساس الفراغ النفسي الداخلي دا شعور مميت بيساعد الانسان انه يدخل في مود اوحش وانه ملوش لازمه فالحياة حتي التعامل الطيب من اقرب الناس ليه بيضغطه دا بيجي من ايه ؟ بيحصل مع عدم التعبير عن اللي أنا حاساه دلوقتي فمع كبت المشاعر بيحصل جهل بيها وانكار ليها فأنا موجوعه من جوايا بس مش عارفه ليه ولا قادره اعرف فبالتالي مش قادره اعيش الحياه بحلوها ومرها من اهم المهارات اللي المفروض تكون ميسره للكل هي التعبير عن المشاعر وفهمها لان ربنا باعتها لينا برساله فأما اقفل الإرسال خالص بكده هاقفل استقبال فهمنا التواصل زي الموبايل من غير شحن كهربا ولا خط هيكون ايه لازمته ففكري معايا كده ممكن نشحن ازاي ؟ بإيه ؟

شكرا لحضرتك على المشاركة معاناة حقيقية بدأت بمشكلة بسيطة وعدم التعامل معها ادي الي تسلسل عدة من مشاكل مختلفة الذهاب لدكتور نفسي خطوة مش سهلة علي اي بني آدم انه يتخذها ويصل اليها بعد معاناته الشديدة مع نفسه ولكن بعد اتخاذها من الضروري مناقشة الدكتور فالعلاج ان كان تاعبني او مريحني بتحسسني بشعور جديد مضايقني بينيمني بيأثر علي آدائي فأي نشاط ممكن الدكتور يغير العلاج او يغير الجرعه او يغير معاد تناول العلاج ودا بيأثر جدا علي المتعالج والوضوح بيكون علاقة علاجيه بين المعالج والمتعالج ومن الافضل مع العلاج الدوائي يكون في علاج نفسي مع اخصائي او معالج نفسي ودا بيساعد المتعالج انه يشوف هوا وقع فالمشكلة ليه ويقدر يطلع نفسه منها ازاي بتعلم مهارات وتكتيكات علاجية ومتابعة دورية لادراة المشاعر ورصد الأفكار ودا بيخلي المتعالج متحكم اكتر فأسلوبه وانفعالاته واما أوصل لده هعرف اتعامل مع اي مشكله مع نفسي او مع الأخرين وتكون ردة فعلي علي المواقف مختلفه مع التعمق فالجلسات وحاليا متاح العلاج فمنصات مختلفة مجانيه وبأجور رمزيه بس الاهم الالتزام والاستمرار

شكرا ليكي علي المشاركة تحبي من كل قلبك دا دليل علي فطرتك السليمه النقيه ولكن تعرضك في كل علاقاتك الي الخذلان ممكن يكون قله تواصل او عدم علمك بمهارات تساعدك علي التعامل مع الناس او مع مواقف مختلفه ممكن تحكيلي اكتر يعني ايه خذلان بالنسبه ليكي ؟وموقف حصلك حسيتي فيه بالخذلان ؟

شكرا علي مشاركتك عندك حق جدا ان تتألمي من احساس الرفض فهو احساس مؤلم حقا ولكن كل امر ربنا بيسوقه لينا بسبب قد اكون غير جاهز نفسيا فكريا لاقامه حياة مستقله او ان الله يبعدني عن ضرر لا أراه الآن بنظرتي البشرية المحدودة كل موقف بيحصل في حياتنا بيكون جاي برساله لينا تفتكري ايه الرساله اللي ربنا بعتها ليكي من الموقف ده ؟

وعليكم السلام ورحمة الله وبركاته شكرا علي مشاركتك الاستغراق فالقصص و الروايات قد يفصلنا تماما عن الواقع ودي موهبه قد تستغل صح ممكن تفكر تستغلها ازاي ؟ وقد تكبت واكون مش قابل بيها فبتتخزن جوايا فبالتالي بتأثر عليا بالسلب سؤالك هوا ده عرض ولا مرض ؟ هوا عرض لعدم تفريغ الطاقة دي من جواك ممكن تفرغها بالكتابه وتعدد المجالات وتبدع فيه ميكون المجال العاطفي فقط وممكن تنشر القصص الخياليه دي ولو لقت استحسان تجمعها في كتيب او مجموعه قصصيه وبدل من ان الموهبة دي تكون معطلة ليك قد تستغلها لصالحك واتمني لك التوفيق

شكرا لحضرتك علي المشاركة كن رحيم بنفسك وحافظ علي الطفل اللي جواك بإنك تشوف احتياجاته النفسية وتراعيه استقبال الصدمة بتختلف من شخص لآخر ومن هول الصدمة وزيادة الخوف والرعب بتوصل احساس الانسان للخدر وهوا أنا مش حاسس باللي حواليا ودا اللي حصل مع والدتك محاولات الانتحار ومحاولات اذي النفس دي من تراكم الاذي علي مر سنين بدون رد فعل من جواك احساس بالعجز عدم القدرة علي التصدي وطبعا مفيش مقاومة فالفكر نفسه بيتطور فالأذي ودا اللي وصلك لافكار قتل متوجهه لعناصر كنت تأمل منهم الحماية زي والدتك لابد من الذهاب لطبيب نفسي لإعطاء العلاج المناسب لتقليل الأفكار المؤذية للنفس والآخرين والمتابعه مع معالج ذو خلق لتعلم مهارات حياتية تساعد بيها نفسك وتساعدك علي التعامل مع الأخرين المشوار للتعافي موجود ومتاح مجاني وبفلوس بس القرار قرارك ووجودك هنا دا دليل علي نيتك علي التخلص من كل هذا ووصولك لكم الاذي والألم النفسي اللي انت فيه خليه حافز ليك لانتشالك منه وتعافيك بأمر الله ربنا يوفقك ويرشدك للصالح

شكرا علي شجاعتك علي المشاركة 🌷 في مقياس بسيط للتأكد من الحالة دي وصلت للإدمان ولا سلوك متكرر ولو كان ادمان بنطبق مع بعض خطة علاجية للتعافي والأفضل تتابعي مع نفس جنسك ولو احتاجتي مساعده أنا معاكي

شكرا لحضرتك علي المشاركة كلامك لمسني جدا وحاسه باللي بتمري بيه تماما وعن تجربة شخصيه اختاري نفسك مع مراعاة حقوق العباد انتي حاطه المشكلة بتاعتك قدام عينيكي ومركزه فيها ومبروزاها فمش شايفه غير ها شوفي ايه متاح تعمليه من البيت يسعدك ويساعدك بدون غضب زوجك بيع اونلاين تعلم كورسات تعلم مهارات تعلم تربيه لبنتك وازاي تنمي مهاراتها تسمعي كتب مقروءة وانتي بتعملي شغل البيت تركزي مع نفسك اكتر وايه هيا احتياجاتك وإزاي تقدري تسدي هذه الاحتياجات وماشاء الحاجات دي متاحة للجميع وأغلبها مجاني ادخل الأنشطة اليومية اللي تدخل السرور علي نفسي وبتكون بسيطة ومتاحة واما تكون احسن نفسيا هتقدري تجعلي بيتك مستقر اكتر وتكوني سبب في سعادة أسرتك الصغيرة ولو احتاجتي مساعدة أنا معاكي وربنا يرشدك للي فيه الخير ليكي ولبيتك 🌷

شكرا لحضرتك علي المشاركة المود الحالي للأغلبية هو الحزن والألم لمايحدث فالعالم وعجزنا عن مد يد العون فضلا عن ذلك مايحدث من ضغوطات يوميه اجتماعية او مادية فمنا من يستسلم ويترك نفسه ويزداد حزنا علي نفسه ومنا من ينجو بنفسه ويسعي ويحاول علي قدر استطاعته كل منا يختار ألمه الم الحزن ام ألم السعي والمحاولات اعتبري نفسك فاتحة الGPS لحياتك حددي نقطة الوصول واسألي نفسك كيف اقدر اوصل ؟ بحيث قدامي امكانياتي اقدر اعمل ايه حاليا مين ممكن يساعدني اول خطوة اعملها ايه ايه اللي يخليني مستمر وتفندي الحاجات دي في نقاط علي ورق وخطة عمل وفي سؤال مشابه لده هبعتلك ردي ممكن يساعدك👇🏼

شكرا لحضرتك علي المشاركة شكرا ليكي علي اهتمامك بشئون صاحبتك وحرصك علي مساعدتها الحياة الزوجية حياة خاصه بالطرفين مهما حد تدخل بتكون الصورة ناقصه لانه استحاله تكوني عارفه كل تفاصيل الطرفين وايه حصل بالظبط وهيا لجأت للقضاء لحل مشاكلها مع زوجها انتي دورك معاها الدعم والمسانده وتوعيتها بالاهتمام بصحتها النفسية والجسدية والاهتمام بتربية طفلتها اوقات كتير من صدمة المشكلة الشخص بينغمس فيها بدون ادراك منه لنفسه وحياته وأدواره ايه وايه ممكن يخليه احسن دور الصاحب هنا يرجعه لدنيته تاني يكون مصدر امان بالنسبالي بدون ماندخل فتفاصيل كتير حصلت ونعيد ونزيد فالماضي بدون فايده غير اجترار الألم والوجع النفسي وربنا يعينك ع الدور ده ويجعله في ميزان حسناتك 🌷

شكرا علي مشاركتك 🌷 بعض مسميات الامور جوانا بتكون غير الحقيقة الواقعية يعني كل مفهوم جوانا بيختلف من شخص للتاني والأصل ان احنا نرجع للعلم او الكتب او حد متخصص مين شخصك بالرهاب الاجتماعي ؟ (مابعرف كيف اعتمد علي حالي او احل مشاكلي ) دا بيكون نقص مهارات ناتجة عن حاجات كتير بيكون فيها تأثير قوي انها تكون موجوده منها الاهل التربية اللوم والنقد نقص الثقة فالنفس الحل بيكون بتعلم مهارات حياتية تساعدك بتارجت مشكلة واحدة واتعلم مهارة تساعدي وأطبقها واستمر شويه عليها نكتسبها بكل سهولة ان شاءالله والثقة بتبني واحدة واحدة فهتلاقي المشاكل بتزول واحدة واحدة ممكن تبدأي مع نفسك وممكن تتابعي مع حد للمتابعة واختصار الوقت والطريق عليكي ولو احتاجتي اي كتب تساعدك أنا معاكي

شكرا علي مشاركتك 🌷 التفكير الزايد او المفرط بيسبب مشاكل كتير منها القلق والتوتر والأرق لوفصصنا التفكير كده بيكون فالماضي ولا المستقبل بيكون خيالات ولا حاجات واقعيه موضوع واحد ولا مواضيع مختلفه كتيره

شكرا علي مشاركتك لينا🌷 كونك مدركة معني ان جواكي خوف من ربنا دي لبنة لأساس طيب جواكي حاولي ابني عليه بإنك تزودي الجانب الروحي عندك بممارسة العبادة بمختلف اشكالها وتحسين العلاقة بالله دا هينقل عقلك بوعي مختلف كمان ممكن احدد أنا بيحصلي كده امتي ؟ واتعامل مع امتي دي ألغيها احلها ابعد عنها أتقبلها واتعامل معاها اكون متواجده مع ناس ساعتها وهكذا كاني بدرب نفسي تكون رده فعلي مختلفة فبالتالي النتيجة (السلوك )هيكون مختلف احاول ادور أنا هنا ليه ربنا خلقني فظروف دي ليه ؟

شكرا لحضرتك علي المشاركة 🌷 مين شخص حضرتك ان عندك اضطرابات طعام ؟ من اسهل الأشياء علي النفس إلقاء اللوم علي الآخرين طيب هنا في مشكلة قايمه وهي زياده الوزن مثلا لازم تفاصيل دقيقة لمتابعة الحالة طيب لو تخيلنا حد قدامك ومحتاج نصيحة منك فنفس مشكلتك وعنده نفس ظروفك فكري ممكن تنصحيه بإيه ؟ مين يقدر يساعدك؟ ايه ابسط خطوة تقدري تعمليها لوحدك

شكرا لحضرتك علي المشاركة 🌷 لغات الحب بتختلف من شخص لاخر ممكن بالعطاء بالكلام بالمواقف بالكتابه وفي كمان بس أنا شايفة الموضوع انك مش محدده بالظبط احتياجك فالعلاقة الطبيعي ان بيكون في انجذاب من طرفين مع وجود الحياء او الكسوف بس بيكون موجود فدوري جواكي فالنقطة دي هوا موجود اصلا وانا مش قادرة اصرح بيه ولا مش عايزة ولا متحفظة عشان المرحلة ولا مش موجود؟ محتاجة توسعي معرفتك بالقراءة او سماع بودكاست عن العلاقات السوية وازاي اختار شريك حياة مناسب ازاي اقدر اخد قرار ازاي اقدر احدد احتياجي وهكذا

شكرا لحضرتك علي المشاركة🌷 انتي محتاجة تدوري ورا احساس الذنب اللي جواكي ؟ ولا محتاجة تتعاملي مع مخاوفك ؟ كل اما احدد بالظبط اشتغل علي ايه هيكون سهل عليا الاقي نتيجة مرضيه حددي وانا معاكي

شكرا ليكي علي المشاركة🌷 حياتنا كلها بمافيها عامله زي رسم القلب زي الزجزاج كده طالع ونازل فساعات كتير بيطلع الرسم لفوق وبعدها هبوط جامد ولكن مايطمئننا انه بعد الهبوط له صعود مره أخري الشغف ده الزقة الاولي انك تنجزي امر معين ولكن الاستمرار فيه بيتطلب إلزام والتزام اني الزم نفسي بهدف محدد وزي ماذكرتي مثلا دخل زيادة وشهرة علي نطاق أوسع والالتزام بأداء مايوصلني للهدف ده حتي ولو امر بسيط ولكن باستمرار ولكن من اهم الحاجات اللي بتحفز ع الاستمرار هوا أخذ هدنة استراحة محارب او اجازه افضل خالص بيها واعمل فيها حاجة بحبها لنفسي بعيدا عن الشغل خالص عشان ما نوصل لحالة من الاحتراق النفسي زي ماحصل كده

شكرا علي مشاركتك 🌷 اني اقبل الشعور دا بيسمح للشعور انه يمر بسلام إنكاري للشعور بيقيم جوايا عاركة قايمه ليل نهار جوه دماغي وشعور بالغضب والحزن الزيادة الذي يؤدي للاكتئاب احيانا وبيأثر علي حياتي وأداء أدواري فالحياة بالسلب بالظبط زي الموجه ناخد نفس ونغطس لحد ماتعدي من فوق راسنا ونكمل استمتاع بعدها انما لو صدناها هنوقع فالميه وممكن نتأذي انتي اخدتي قرار بالانفصال واكيد مش من فراغ احترمي قرارك للآخر من جواكي كمان ومش عشان انتي اللي طالبه الانفصال مش هتكوني مضايقة الطبيعي انك هتضايقي فمتنكريش ده علي نفسك كلام اهلك قدامك بس انك تتعاملي معاه بالرفض انك تبلغيهم انك مش عايزه تتكلمي فالموضوع ده بكل هدوء وإصرارك علي ده مره علي مره ده هيبني جواكي حاجز ضد الكلام نفسه فمش هيأثر عليكي راجعي أدوارك فالحياة وحاولي تقومي بيها علي قدر استطاعتك كونك تعدي يوم واحد بإنجاز واحد فده فحد ذاته انجاز متقارنيش نفسك بقبل كده قارني نفسك باليوم اللي قبله وحسنيه علي قدر استطاعتك ركزي مع نفسك واحتياجاتك

شكرا ليكي علي مشاركتك لينا 🌷 وصلتي احساس كل كلمة كتبتيها ومدي الالم والأدب النفسي الواقع عليكي اوقات كتير الضغوط بتبدلنا حرفيا واحنا نفسنا بنتفاجئ بردود افعالنا بتقولي من سنتين ؟ هل حصل موقف ليكي او لافراد اسرتك حسيتي بعدها بالتغيير؟ وأوقات رعب الثانوية العامة بيكون معطل فحد ذاته الاهم من اللي حصل ماينتج عنه يعني انتي الحمدلله تعاملتي مع الموقف وأجلتي علي قد ماتقدري ودخلتي حتي لو مش راضية تمام الرضا عن أدائك بس كفاية قووي انك واجهتي خوفك ودخلتي الاختبارات النتيجة دي علي ربنا وان شاء ربنا هيقدرلك الخير اينما كان قد يكون ابتلاء وبعده فرج ان شاءالله هوني علي نفسك الرقيقة وكوني رحيمة بنفسك وتعاملي معها كطفل صغير محتاج اليكي تخيلي كده ممكن تطمنيه ازاي ؟

شكرا لحضرتك على المشاركة اللي مريتي بيه مؤلم جدا ان فيوم فرحتك يحصل كده وانك تلاقي ردة الفعل دي من اهله الزواج لايقوم علي شخص فقط او شعور واحد فقط يعني ايه يعني الارتباط بيكون ارتباط وتوافق عائلة بأخري وتقدير عائلة بأخري واحترام الطرفين ومراعاة ظروفهم ولايقوم علي شعور الحب فقط فالحب نفسه متغير ودا لاينفي أهميه الحب فأي علاقة وإنما احتياجات المرأة للاهتمام والتقدير والحضور والعطاء مهم جدا ممكن احول الموقف كله لدرس اطلع بإيه من اللي حصل انتبه لاحتياجاتي عشان أفهم أنا عايزة ايه الاذي الواقع عليا أعالجه ازاي ؟

شكرا لحضرتك علي المشاركة هل من الطبيعي اني اتكلم مع نفسي اه جدا مع اختلاف المسميات بقي الضمير او العقل الباطن او أنا ونفسي ممكن تكون افكار باخد وادي مع نفسي فيها وهكذا امتي اقلق ان تكون معطلاني عن ممارسة حياتي والأدوار اللي بأديها علاقتي بربنا وبنفسي وبأسرتي والدوائر الأبعد او تكون كلها سلبية وهدامة لنفسي او تكون مؤذية لنفسي او لغيري طيب لو كانت حاجة من دول خلاص كده اكيد لأ كده المفروض استشير معالج اوأخصائي واتابع ولو لزم الامر يوجّهك لطبيب نفسي اما النسيان فله اسباب كثيرة جدا منها الضغوطات التغذية الغير صحية عدم انتظام النوم مواقف مؤلمة مرت عرض لأمور اخري عدم تركيز كثرة مشتتات فممكن نعمل استبعاد للامور دي ونشوف مع نفسنا ايه اقدر اعمله مع نفسي

شكرا ليكي علي المشاركة من اوحش واقسي التجارب ع النفس ان تكون العائلة هي مصدر الوجع النفسي اول خطوة واهم خطوة هيا فهمك لنفسك واحتياجاتك تاني حاجة وضع حدود واضحة لنفسك داخل الاسرة وخارجها وبكده هتحمي نفسك ومش من يوم وليله هيحصل ده ولتغيير نظرة الاهل جوانا بنحط نفسنا مكانهم عشان نفهم هما اتصرفوا كده من منطق ايه هل كان لمصلحتي ؟ولاهربت منهم؟ ولا كان قصدهم يئذوني ؟ ساعات بنكون شايفين الموقف بنظارة معتمه شويه وعلي اساسها بنبني باقي التفكير

شكرا لحضرتك على المشاركة دكتور عماد رشاد له تسجيلات ع الساوند كلاود واليوتيوب خاصة بهذا الجزء من السلوكيات او الإدمانات ومتاح جروبات مغلقة لمجموعة مدمني الجنس المجهولين للتعافي وتطبيق مدرسة ال١٢خطوة مع مشرفين متعافين ودا بيدعم جدا وبالذات وقت الانتكاسات ويفضل المتابعة مع نفس جنسك

شكرا ليكي علي المشاركة 🌷 أعاني من شخصية حدية!؟ مين اللي قام بتشخيصك ؟ من امتي؟

شكرا لحضرتك على المشاركة بقالك اكتر من سنة في هلع وخوف وقلق ايه المواقف اللي بيزيد عندك فيها؟ وبتتعامل ازاي؟

شكرا لحضرتك على المشاركة لقد أرشدنا الرسول ‏ﷺ إلى حسن اختيار الزوج بقوله ‏ﷺ: "إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير". وعند النظر للحديث، فإنه واضح وصريح في حسن الاختيار، حيث ارتكز على صلاح الدين وصلاح الأخلاق، فعند توفر ذلك، يقينا سيكون زوجا صالحا. ودا الأصل فالاختيار مع اعتبار التكافؤ وقد شرعت فترة الخطبة فرصة للطرفين لمعرفة البعض عن قرب مع الالتزام بالضوابط اما الحب هوا مهم طبعا ولكن بالأفعال والمواقف ودا بيتعرف مع مرور مواقف حياتيه مختلفة ورد الفعل عليها والالتزام بالمسؤلياات استوقفتني نقطة مهمة لسردك وهي كلمة أنا مطلقة ووراها علامات استفهام الأفضل تكوني واضحة فيهم مع نفسك هل تخطيتي جرح الطلاق نفسه؟ ازاي شايفه نفسك دلوقتي ؟ اخدتي وقتك للتعافي ؟

شكرا ليكي علي المشاركة🌷 مرحلة المراهقة مرحلة مرهقة للشخص نفسه افكار كتير متلغبطة مشاعر فياضه غير موجهة سلوكيات غير مفهومة ودا يخلينا نحاول نفهم عنها اكتر ونعلم نفسنا المشاعر عموما بتيجي برسالة لينا فكري كده ممكن تعلقك بالمدرس يكون بيشد احتياج ايه عندك ساعات بيكون عندنا نقص فاحتياجات أساسيه واول باب بنقابله بنحس ان ده هوا اللي احنا محتاجينه بالظبط ممكن تشاركيني حاسه المشاعر دي ايه الرسالة بتاعتها؟

شكرا لحضرتك علي المشاركة لكل داء دواء لو عرفنا السبب هنعرف نتعامل معاه من امتي ؟ ايه السبب؟

شكرا ليكي علي المشاركة انتي ماشاءالله اشتغلتي علي نفسك وبعد ماكنتي ضعيفة دراسيا بسبب التنمر اجتهدتي وذاكرتي وبقيتي من الأوائل كملي علي ده بلاش نخلي عقبة واحده بتقابلنا توقفنا عن بناء الشخصية بتاعنا اللي هتساعدنا بعض الشخصيات اما تكون في وضع مسئولية بيكون عندها مفهوم انها اما تكسر اللي قدامها هيجتهد ويجيب احسن ماعنده ولكن للاسف المفهوم ده ساعات كتير بيؤدي أكثر ماينفع ركزي علي شغلك انتي واجتهدي فيه علي قد ماتقدري خلي شغلك اللي يتكلم عنك والتعامل عموما بيحتاج بعض المهارات الحياتية اللي تساعدك فالتعامل مع مختلف العلاقات وفي كتاب لدكتور أوسم وصفي اتمني يفيدك

شكرا لحضرتك علي المشاركة متاح الآن برنامج واعي علي اغلب المنصات ودا فريق بيساعد علي علاج ادمان العادة السرية والاباحية ببرنامج هادف وناجح بإذن الله مع التطبيق والاستمرار ومتاح ليهم ايضا ابلكيشن للمتابعه علي الموبايل وكتب توعية

شكرا ليكي ع المشاركة🌷 هذه قضية مهمة جدا ينساق تحتها الكثير من النساء وينقسمن بعد ذلك الي فئتين احداهما ان تصدق هذه الفرضية وتنسي نفسها وتحترق نفسيا وجسديا واجتماعيا في سبيل ارضاء من حولها والتانية ان تفعل كل ماتفعله الاولي ولكن لاتنسي نفسها وتحاول ان توازن وتسدد بين الامور وبالتأكيد هتواجه الانتقادات وعلي المرأة أن تختار اي الصراعات ستواجهها الاحتراق ام المواجهه ولكن في أمر لو المرأة وضعته أمامها وحاولت فيه هيتغير احساس الغصه بداخلها ١٨٠درجه إلا وهو تغيير البوصلة هل أنا كأم بوصلتي فالحياة مركزية الله أم مركزية النفس ؟ ربنا خلقني كده بالظروف دي فالمحيط ده أنا دوري ايه اللي يرضي ربنا مش يرضي نفسي فقط ولا يرضي الناس فقط المفهوم هيتبدل حرفيا هتحتاج ندور جوانا شويه ونصحح الاتجاه حتي لو تعثرنا ودا الطبيعي هنكون عارفين صحها فين ربنا يعين كل شخص مكلف علي حمله ويرشده للصالح والأصلح دوما

شكرا ليكي علي المشاركة بقالك ٦شهور بتعاني من القلق والخوف وبيزيد لما اي عرض يقعد فتره طويلة وأفقد السيطرة عليه او التحكم فيه يبقي كده العرض ده هوا اللي سايق حياتي وهوا اللي آخد التحكم فيا وفأفكاري وشعوري وبالتالي علي سلوكي وتصرفاتي هنا وجبت الاستشارة لمتخصص لعمل الاختبارات اللازمة للقلق وقياس درجته والتعامل معه

شكرا ليكي علي المشاركة شعورهم ايه مش بتاعتك مش مسؤليتك انتي بقا شعورك ايه هوا ده اللي تركزي عليه والشعور ده ادي لأفكار ايه وسلوك ايه طيب اقدر اغير ده ولا لأ تعافيكي مسؤليتك انتي غير مسؤلية عن ماحدث بالأمس تماما ولكن انتي مسؤلية عن نفسك اليوم وماتقدميه لمساعدة نفسك في تخطي ماحدث والتعلم منه قدر المستطاع مع الاحساس ببشرية الاب والأم وأنهم يصيبوا ويخطئوا واكون رحيمة بهم للتعامل معهم بالرحمة

شكرا ليكي ع المشاركة كلامك وصلني وحاسة بيكي جدا بس احنا عايزين مخرج دلوقتي وهوا ان احنا نركز علي اللي نقدر نغيره ونحاول نغيره اكتبي كده فورقة الحاجات اللي مضيقاكي وقسميهم حاجات اقدر اتحكم فيها وحاجات مقدرش اتحكم فيها واجيب الحاجات اللي اقدر اتحكم فيها واشوف ايه ممكن أغيره لو مشكلة ادورلها علي حل أنا اقدر اعمل ايه مين ممكن يساعدني فيها وهكذا والجانب الآخر انك تركزي فنفسك فحياتك فمستقبلك ناويه علي ايه الايام الجايه تقدري تعمليه حسب إمكانياتك هتبني نفسك ازاي ايه ممكن تعمليه وتكوني راضيه عن نفسك تقدري تزودي ايه يحسن من مودك ومن حالتك النفسية ومن جودة علاقاتك وحياتك

وعليكم السلام ورحمة الله وبركاته الكبت النفسي بيحتاج تفريغ للمشاعر النفسية السلبية عن النفس او عن الآخرين وفي خطوات بسيطة وفعالة جدا مع الاستمرار ١-اعرف المشاعر ٢-افهم فايدة الشعور ليا (رسالته ليا) ٣-اعبر عنها بحريه (ممكن عن طريق الكتابة او الرسم او الحكي) ٤-ألاحظ الأفكار قبل وبعد الشعور ٥-أقيم هذه الأفكار ٦-أدوّن الافكار ٧-ألاحظ السلوك الحاصل بعد الافكار (ردة فعل) ٧-افكر فالسلوك الحاصل هل هوا مع او ضد قيمي ٨-احدد قيمي وهل أفعالي مؤيدة ليها ولا ضدها ودي بداية الرحلة مع النفس واهم امر هوا التراحم مع النفس افهم محدوديتي وأقدر بشريتي وإني أصيب وأخطئ

شكرا لك على المشاركة في فرق بين الحزن او الهم والاكتئاب اقدر افرق بينهم ازاي او اعرف امتي اني محتاج زيارة او استشارة متخصص -انه يزيد علي ٦شهور -انه يكون معطل عن اداء المهام اليومية المعتاد أدائها -انخفاض فالوزن ملحوظ او زيادة ملحوظة بدون سبب طبي زي العلاج مثلا -صعوبة التركيز والنسيان علي غير العادة -اضطراب فالنوم لفترة طويلة سواء أرق او نوم كتير -عدم انجاز المهام المطلوبة وكان الطبيعي انه بينجزها -صعوبة تغيير المود العام لليوم -الانعزال والوحدة -سيطرة ألأفكار المؤذية للنفس وانعدام الرغبة فالحياة لفترات طويلة دي أهم الأعراض ولكن لكل عنصر تقدير لشدة العرض نفسه ومدة وجوده الأفضل مساعدة متخصص للتشخيص من وجود اكتئاب او عدم وجوده او لقياس شدة المرض نفسه

شكرا لحضرتك على المشاركة حضرتك اتشخصتي ان اللي ذكرتيه اعراض اكتئاب من دكتور تخصص ايه ؟

شكرا ليكي ع المشاركة جميل ان الانسان يخرج اللي جواه فكلام ويطلع أفكاره علي الورق قدامه دا بيخفف زحمة الافكار شويه جوه الدماغ أنا بس محتاجة اعرف منك أنا ممكن اساعدك ازاي ؟ تحبي تتكلمي فإيه اكتر؟

شكرا ليكي علي المشاركة في موضوع مهم هيفيدك قووي وهو أخطاء التفكير علماء النفس جمعوا اخطاء التفكير في كذا نقطة ومع فهمها وملاحظة المواقف اللي فحياتي عليها ودرجة وعيي بيها بتتغير فبالتالي بتلاقي انك بتصححي مفاهيمك ومعتقداتك وبعدها أفكارك هتكون افضل بكتير بيفضل انك تطبقيها مع متخصص وبالتوفيق

شكرا ليكي علي مشاركتك 🌷 وحاولي امسكي جامد فالجزء اللي بيقاوم جواكي وهيكبر أكيد حابه تفتكري البداية امتي حسيتي ده ؟ ونتناقش سوا

شكرا ليكي علي المشاركة 🌷 هاخد من كلامك الفتاة اللتي تمنيتها عكس ماتكون عليه الآن اوصفيهالي ؟؟

شكرا لمشاركة هذا معنا هاخد من كلامك بتجيلي حالة هلع ممكن توصفيلي بمعني ايه؟احكيلي اكتر؟ حضرتك ذكرتي انك فكلية يعني ماشاء الله كبيره ومسؤلة عن تصرفاتك تقدري تقرأي اكتر وتفهمي اكتر وتحاولي تركزي علي تغييرك للافضل

شكرا لحضرتك على المشاركة انتشرت كلمة النرجسية انتشار واسع جدا علي اي سلوك قد يتراأي للبعض انه سلوك اناني او عدم تقدير او صمت النرجسية اضطراب للشخصية وله مقاييس ولابد من الكشف من طبيب متخصص او اخصائي من جهة الشخص نفسه لمعرفة ذلك في نقطة مهمة حابة حضرتك تاخدي بالك منها إلا وهي التعافي من العلاقة السابقة طريقة سرد حضرتك فبداية الكلام دليل علي انك مازلتي متألمة من العلاقة السابقة فالأفضل قبل الدخول رسميا في علاقة اخري هوا التعافي تماما من العلاقة وتحضير نفسك لعلاقة جديدة وده بيكون بإنك تعرفي ايه مواطن القوة اللي عندك وتقويها زيادة وتفعليها لمساعدتك وتعرفي مواطن الضعف لشخصيتك وتتعاملي معاها وتعلم بعض المهارات الحياتية اللي هتقوي شخصيتك وتساعدك زي مهارة توكيد الحقوق ومهارة حل المشكلات ربنا يرشدك للصالح ويوفقك

شكرا لحضرتك علي المشاركة العادات كثيرة في منها مايفيد ومنها مايضر ع المدي البعيد قضم الأظافر العادي دليل ع القلق والتوتر الزائد بس انه يصل لمرحلة انه يؤلم بهذا الشكل وبعدها تشعر بالراحة فبقي سلوك مطمئن بالنسبالك ولكنه مؤذي جسديا فمحتاجة تشتغلي علاج معرفي سلوكي مع متخصصة لرصد الأفكار والتعامل معها ان شاء الله

شكرا لحضرتك علي المشاركة ممكن تسألي عن تكمله الدراسة بعد الدبلوم الفني الصناعي بدخول معهد سنتين وعمل دبلومة ودا يؤهلك لدخول كليات محددة لكل تخصص انتي حاليا عدت سنة او اكتر عليكي فمجال انتي اخترتيه كملي للآخر وكأنه هوا الاختيار الوحيد المتاح بالنسبة ليكي عشان متتشتتيش بزيادة وركزي وتفوقي فيه علي قدر استطاعتك وإمكانياتك اسعي وهاتي أخرك وهتلاقي ربنا بيفتح السكك قدامك وينور بصيرتك بالأفضل ليكي بالتوفيق🌷

شكرا لحضرتك علي المشاركة ٩شهور تبطيل دا انجاز امسك فيه وحافظ عليه يارب كل العمر وانت متعافي خروجك من المصحة دا بداية لتعافيك لازم تكمل عليه بالمتابعة مع مشرف ليك ومتابعة خطوات لو اتعالجت بال١٢خطوة وحضور اجتماعات Na قراءة مطويات وكتب المجموعة وكل ده مجاني وبيساعد جدا فالاستمرار فالتعافي وتقليل حصول اي انتكاسات خد خطوة وابدأ حضور اجتماع قريب من منطقتك او اونلاين والمشرف ليك هيساعدك كتيير وبيوجعك تتعامل مع الصعوبات اللي بتقابلك اللي منها عدم التأقلم مع نفس دائرتك يارب العمر كله تعافي ليك

ان شاء الله خلي عندك نية الوصل مع كل نقاش وكوني رحيمة بنفسك وبيه وربنا يصلح مابينكم 🌷

اول مؤسسة خيرية للدعم و العلاج النفسي . متاح جميع الاختبارات النفسية . تواصل معنا على واتس اب 01555121622 تداوى مساحة أمان للجميع.

- مستشفى العباسية للصحة النفسية، وهي متاحة طوال أيام الأسبوع عدا الجمعة من الساعة 2 إلى 5، ويوم الثلاثاء يكون مخصص للسيدات فقط. - في مستشفى مصر الجديدة للصحة النفسية «المطار». - في مستشفى حلوان للصحة النفسية، ويمكن الكشف فيها يومي السبت والأحد، من الساعة 1 إلى الساعة 4. - في مركز «العزيمة» لعلاج ومكافحة الإدمان مجانا بالغردقة. - داخل مستشفى قصر العيني في الجيزة، أيام الأحد والثلاثاء والأربعاء من كل أسبوع. - داخل مستشفى القوات المسلحة بالمعادي، يومي الإثنين والأربعاء للرجال، ويوم الثلاثاء للسيدات. - في مركز الطب النفسي بالدمرداش. - في مستشفى الحسين الجامعي. - في واحة الأمل كاريتاس بمحافظة الجيزة. - في مستشفى بورسعيد للصحة النفسية، يومي الأحد والخميس من الساعة الثانية مساء إلى الخامسة مساء. - في مستشفى العزازي بالشرقية. في مستشفى المعمورة للطب النفسي بالإسكندرية. - في مستشفى أسيوط للصحة النفسية بـ4 شارع الملك فيصل بجوار مستشفى الصدر. في مستشفى طنطا للصحة النفسية، ويقدم خدماته أيام الإثنين والثلاثاء والخميس من الساعة 2 إلى الساعة 5. - في مستشفى شبرا قاص بالغربية. - في مستشفى شبين الكوم للصحة النفسية بمحافظة المنوفية بمجمع المستشفيات ميت خلف شبين الكوم مدخل برج الحمام.

وزارة الصحة والسكان مستشفيات الصحة النفسية تقدم خدمة استشارات الصحة النفسية المجانية عبر خدمة الخط الساخن على مدار الـ 24 ساعة يوميًا، من خلال الرقمين "08008880700، 0220816831"

للأسف الحشيش هيزود الاعراض وبيدخلك فأعراض ازيد ومتاح العلاج مجاني في مستشفيات العزيمه في اغلب المحافظات في مصر واونلاين مؤسسة تداوي والخط الساخن

طبعا اتفضلي ابعتيلي خاص

اتمنالك التوفيق وان ربنا يرزقك الهدوء والسكينة وحسن التصرف🌷

حلو قوي أنا مقصدي من أعمل العكس انك تعملي عكس خوفك انه يتقدم لو أتقدم فعلا وكان انسان كويس معاكي كل مخاوفك دي هتزول وحتي لو طلع عكس توقعاتك هتكوني عرفتي ساعتها الحقيقة وهتقدري تحطي حد لمخاوفك

مدام مواضيع واقعيه ومختلفه هنكتبهم علي ورقه قدامنا وبعدين نقسمهم ايه اقدر اتحكم فيه وايه مش بإمكاني اتحكم فيه

وممكن العكس يكون ايه كمان

وانا معاكي فأي وقت

لو فكرتي انك تعملي العكس تماما هيكون ايه؟

في مهاره اسمها اعمل العكس ودي بتساعد قوي لما تكون مشاعري مسيطرة عليا ومش قادرة اتحكم فيها زي الخوف اللي جواكي بيمشيكي ناحيه انك تفضلي محيرة نفسك وعماله تفكري وبس

ايه ممكن يحسسك بالذنب كمان غير الموقف ده

وايه كمان دوري جواكي

طب ممكن تعملي ايه ؟اسمحي لنفسك وللشعور انه يمر بسلام اعترف بيني وبين نفسي بالأمر ده وأشغل نفسي بامور تنفعني نفسيا وصحيا دينيا ودنيويا اهتم بنفسي من بره ومن جوه ودا كله اسمه باشتغل علي نفسي واني احسن من جوده حياتي للافضل

طول ماانتي حاطة فدماغك فكره ايا كانت بتجاهدي نفسك عشان تطلعيها من دماغك او تنسيها فمجهودك ده هيثبتها اكتر

انما الخوف فالعموم فبيكون اما خوف وهمي ودا بكون خايف من حاجة متخيلها وملهاش إثبات او خوف فعلي ودا واقعي له إثبات ودليل ودا يمكن التعامل معاه

لو الرعشة انت فقط اللي حاسس بيها بتكون اثر شدة الاعصاب او زيادة العصبية وممكن هنا نتعامل مع الغضب الواقع وازاي اديره

لو الرعشة ملحوظة جامد ومأثرة عليك لازم مراجعة طبيب اعصاب

شايفه ممكن تعملي ده ازاي؟

ايه المواقف اللي بيزيد فيها؟

الاحساس اللي عندك طبيعي جدا بس ممكن مسمياه جواكي غلط انك متعلقه بيه كشخص مش كمدرس ودا عشان انتي لسه قايله أنا متعلقات بحد غير عيلتي يعني لسه مفيش خبره فالعلاقات ومسمياتها جواكي حاجة جديدة عليكي وانتي لسه قايله بردوا ان صاحبتك مصاحبة يعني بيكون عندك فضول تحسي نفس المشاعر وتجربيها حتي من طرفك انتي

انتي اكتر حد تعرفي عن حياتك فتدوري جواكي ايه بيبسطك ايه بيحسسك بالإنجاز اي بيشعرك بالقيمه

حلو انك عارفة احساس الامان بالنسبة ليكي ايه دا يخليكي تحاولي تفهمي نفسك زيادة اقري عن الاحتياجات وهل هيا ملباه ولا لأ وتقدري تلبيها ازاي بطرق آمنة سليمة

انتي مش قادرة تواجهيها وهيا متغيرتش دورك انتي معاكي ايه ايه اللي ممكن تقدري تغيريه فيخليكي احسن

ممكن تستشيريه فالتشخيص ليكي بالتحديد او تستشيري طبيب آخر ليكي

معاكي طبعا ممكن تتواصلي معايا خاص

افهم الشعور جاي ليه كل شعور ليه رسالة

اشوف نقط القوة الموجودة هنا ودلوقتي فحياتي وأمسك فيها وأقويها كمان واكون واعية بيها

ممكن يكون اللي انتي واصله ليه دلوقتي من اثر الانتقاد الزائد اللي تعرضتيله فنعود نشتغل علي الصورة الذاتية لنفسك

من ضمن كلامك احد الحلول لعلاج مشاعرك الملغبطةوهو انك تقولي لنفسك كلام حلو واقعي مش تضحكي على نفسك لغة الإنسان لنفسه بتفرق جدا في رفع معنوياته ورفع مستوي الثقة بالنفس

اوصفيلي الفتاة التي تتمني ان تكون أنتِ🌷

ولو عملت الخطوات دي ومعرفتش ممكن تحتاج مساعدة ان متخصص يمشي معاك خطوات فعليه

اي مهارة جديدة وبالذات اما تكون هتاخد مسار تغيير فالأفكار بتكون صعبة فالاول بتعوز أتعلمها وأطبقها واستمر عليها فتره وهتلاقي النتيجة ان شاء الله

مدام في دكتور كتب علاج يبقي حالتك محتاجة ده ممكن ترجعي تناقشي الدكتور فالأعراض والمخاوف اللي عندك

https://www.facebook.com/share/r/aA1gdMFZxdGHig9P/?mibextid=8O0DfK

تمام أنا فاهمه حضرتك بس حضرتك بتقول حاولت اشغل نفسي بحاجة تانيه عن التفكير فالأولي الأفضل ندّي نفسنا فرصه نهدي من جوانا شويه نعرف محتاجين ايه وكل ده اما يكون تحت مظلة المسؤلية وأخذ خطوات جدية بيكون افضل وربنا يوفقك فالاختيارواخذ القرار الافضل والمناسب ليك

ولو احتاجتي اي دعم أنا موجودة للمسانده🌷

حبيبتي 🩵تحت امرك فأي وقت

اللي يحدد وجود مرض معين من عدمه اللجوء لدكتور متخصص فالمجال نفسه وحتي الاصابه باي اضطراب او مرض له درجات مش وجود سمه أوعده سمات عندي دليل علي اني عندي هذا الاضطراب

مستنية النتيجة اللي تليق بيكي 🩵

أنا معاكي فأي استفسار لو كان بإمكاني 🌷

بالتوفيق يارب 🌷

ربنا يبصرك بالحق وانا تحت أمرك فأي وقت🌷

في تمارين للاسترخاء العضلي بتساعد كثيرا وساعدتني شخصيا ممكن تلاقيها يوتيوب هتفرق معاكي بإذن الله

معاكي جدا انه اسهل بس مع الاستمرار فالتطبيق والاستعانه بالله والدعاء ربنا هييسرلك الصعب لهدف انتي محتاجة توصليله وهوا السكينة

ايه معطلك توصلي ؟

حلو قووي 🌷

تخيلي نفسك الآن في حياتك والسكينه تلازمك اوصفيلي هتكون ازاي ؟