السلام عليكم ورحمه الله
انا لما بتوتر جدا او اتعب بيجي ليا ضيق تنفس وضربات القلب بتكون سريعه جدا ازاي اتخلص من دا
السلام عليكم، لو في العادة مش بتعاني الأعراض دي ولما بتكوني هادئة مفيش أي مشاكل من ضيق تنفس وغيره يبقى تمام، دي أعراض طبيعية مع التوتر الشديد والضغوط النفسية وممكن تحتاجي ساعتها لعمل تمارين تنفس والأفضل لو متكررة تتابعي مع مختصة نفسية عشان تعرفي تتعامل مع التوتر والأزمات وتقللي الأعراض اللي بتحصل. لو في الأوقات العادية ممكن تحسي بضيق تنفس وضربات قلب سريعة يبقى الأفضل تتابعي مع طبيب باطنة وتتأكدي إن مفيش أسباب عضوية لا قدر الله هي السبب. بالتوفيق.💚
تم النشر السبت، ٢٤ أكتوبر ٢٠٢٦
ده شئ طبيعى وعادى اننا نتعرض لحاجات زى دى وهدفك هنا مش ازاى تتخلصى من التوتر لا انتى هتتعاملى مع التوتر هو كده كده موجود خلاص يبقى هنشوف حلول نتعامل معاه و وحده وحده ممكن مع كتر التعود على المواقف الموترة الموضوع يقل اول ما تلاقى نفسك اتوترى وبتفكرى كتير وضربات قلبك عاليه افقى ثوانى ما نفسك اهدى اتنفسى براحة خدى شهيق وانتى بتعدى ل ٤ وبعدها عدى ٢ وخرجى زفير فى ٨ عدات وكررى الموضوع كذا مرة وده مع انك تقولى لنفسك مش هفكر مش هتوترى عادى الموقف هيعدى وهكذا لو متاح انك تتكلمى مع اى شخص وقت التوتر يبقى كويس لما بتتكلمى دماغى بتبطل تفكير وتحسى ان دماغى هديت شويه والتوتر قل حاجة كمان ودى اهم حاجة زى ما ربنا قال ﴿ أَلَا بِذِكْرِ ٱللَّهِ تَطْمَئِنُّ ٱلْقُلُوبُ ﴾ اذكرى الله دايما خليكى واثقة كده ان طول ما بذكر ربنا ربنا ينزل السكينه على قلبى ومش هتوتر ممكن الموضوع يطول معاكى عادى مفيش حاجة بتيجى من اول مرة بس جاهدى نفسك دايما انك تتغلبى على ده اما بقى لو الموضوع صعب يعنى او مثلا بتحسى بحاجة فى قلبك بعد الشر وقت التوتر فكده ممكن تروحى لمختص افضل .
تم النشر الجمعة، ٢٣ أكتوبر ٢٠٢٦
وعليكم السلام ورحمة الله، يا أختي. أول حاجة مهمة جدًا: الأعراض دي (ضيق تنفس + ضربات قلب سريعة لما تتوتري أو تتعبي) ممكن تكون مرتبطة بأسباب طبية زي مشاكل في القلب أو الغدة الدرقية أو فقر الدم أو حتى التوتر المزمن، فمش هقدر أديكي نصيحة علاجية مباشرة. لازم تروحي لدكتور قلب أو باطنة عشان تعملي فحوصات بسيطة زي رسم قلب وتحاليل دم، وده أهم خطوة عشان تطمني وتعرفي السبب الحقيقي. في الوقت نفسه، حاولي تراقبي الأعراض وتسجليها: متى بتحصل بالضبط؟ هل بعد مجهود معين أو أكل معين أو قلة نوم؟ ده هيساعد الدكتور يشخص بسرعة. كمان ركزي على تنظيم يومك عشان تقللي الإرهاق: نامي ساعات كافية، كلي وجبات متوازنة فيها حديد وفيتامينات، وقللي الكافيين لو بتشربيه كتير. لو الموضوع بيأثر على حياتك اليومية، استشيري الدكتور في أدوية أو خطة علاجية تناسب حالتك. أنتِ قادرة تتغلبي على ده بخطوات عملية ومتابعة طبية منتظمة، ولو عايزة تسألي أسئلة مشابهة على فدني هتلاقي تجارب ناس تانية ممكن تفيدك. خدي بالك من نفسك ومتأخريش في زيارة الدكتور. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ٢١ أكتوبر ٢٠٢٦
حاولى تستمرى على تمارين التنفس فى الوقت ده ولكن الأفضل التواصل مع متخصص جايز يكون قلق ومحتاج تكنيكات علاجيه معينه فتواصلى مع مختص للاطمئنان
تم النشر الخميس، ٢٢ أكتوبر ٢٠٢٦
ماشي
تم النشر الخميس، ٢٢ أكتوبر ٢٠٢٦
اكتبى على جوجل موقع الامانة العامة للصحة النفسية وهتلاقى اللينك واحجزى ولو احتاجتى مساعده ابعتيلى اوضحلك الخطوات بالتفصيل
تم النشر الخميس، ٢٢ أكتوبر ٢٠٢٦
فين معلش
تم النشر الخميس، ٢٢ أكتوبر ٢٠٢٦
ومتاح جلسات مجانا على موقع الامانه العامه
تم النشر الخميس، ٢٢ أكتوبر ٢٠٢٦
ماشي حاضر شكرا
تم النشر الخميس، ٢٢ أكتوبر ٢٠٢٦
لعرض السؤال في فدني اضغط هنا