جماعة انا ف مشكلة ومش عارفه اعمل ايه انا ٢٨ سنة و عندي اخ اكبر مني كل شوية ينزل فيا ضرب مرة شوهلي وشي و هددني أنه هيموتني و مرة يزعقلي ف الشارع قدام الناس عشان شاكك اني بكلم واحد من وراهم وده محصلش لمجرد اني برفض العرسان اللي بيجيبوها عشان شكلهم مش مناسب و امبارح كان هيفتحلي دماغي بالمروحه لولا اني حوشته صوباعي اللي اتفتح و بابا ماما يهدوه هو و كان هيكسر عليا الباب حرفيا مهدداه من اسبوع اني هعمله محضر لو فكر يضربني و مفيش فايدة كان هيموتني حرفيا وكل ده بدون سبب لقياه مغلول مني وبيبصلي بكل حقد وغل اللي ف الدنيا اكني عدوته وابويا وامي ف صفه وكل عذرهم أن انا اللي استفزيته بالكلام و بيتبلوا عليا يقولوا انا اللي ضربته ... مش عارفه حرفيا اعمل ايه ولا اروح لمين تعبت بجد ومش لاقيه حل معاه بقيت قافلة ع نفسي الاوضة دايما من كتر الخوف و ضربني تاني من اسبوعين ع راسي و جابلي ارتجاج ف المخ وابويا وامي يضربوني بالاقلام عشان بصرخ وبقوله انت مريض نفسي كلمت خالي ف ساعتها و قالي هتصرف و مشي ومعملش حاجه و ابويا وامي يقولولي انتي بتفتري عليه و بتتبلي عليه وحسبي الله ونعم الوكيل فيكي و روحي صالحيه لاني بقالي اسبوع مقاطعاه وأما اقولهم مش هصالحه ده جابلي ارتجاج ف المخ يقولولي ماهي الدكتور قال طلعت بسيطة خلاص اهي هدي الدنيا و امي مقطعاني و واخدة جنب مني عشان انا مبكلمهوش هو ده طبيعي ؟؟؟!!
!
أنا آسفة جدًا إنك بتمري بكل ده، وأنا شايفة قد إيه الموقف صعب ومرهق ومخيف. اللي بيحصل معاكي مش طبيعي خالص، ومش من حق أي حد يضربك أو يهددك أو يعزلك، سواء أخوكي أو والديك. ده عنف أسري واضح، وإحساسك بالخوف والانعزال طبيعي جدًا في ظل الظروف دي. أول حاجة لازم تركزي عليها دلوقتي هي سلامتك الجسدية والنفسية. بما إن عندك ارتجاج في المخ من الضربة السابقة، روحي لدكتور تاني لوحدك (مش معاهم) عشان تاخدي تقرير طبي رسمي يوثق الإصابة، وده هيبقى دليل مهم لو قررتِ تاخدي خطوة قانونية. كمان، ابدئي تسجلي كل الحوادث بالتواريخ والتفاصيل (حتى لو في مذكرة خاصة بيكي) عشان لو احتجتِ ترفعي محضر، يكون عندك إثباتات. من الناحية العملية، في مصر فيه قوانين بتحمي من العنف الأسري، فلو قدرتِ تروحي قسم الشرطة وتقدمي بلاغ رسمي ضد أخوكي (خاصة إن فيه تهديد بالقتل وضرب متكرر)، هيقدر المحقق ياخد الإجراءات. لو خايفة من رد فعلهم، ممكن تبدئي بخطوة زي طلب أمر حماية من محكمة الأسرة، أو تتواصلي مع محامي متخصص في قضايا العنف الأسري عشان يوجهك خطوة بخطوة بدون ما ترجعي للبيت لو الموضوع هيتصعد. لو الموضوع وصل لمرحلة إنك مش قادرة تبقي في البيت، فكري في خيارات زي الإقامة المؤقتة مع قريب موثوق أو مكان آمن لحد ما تاخدي قرار أكبر. من منظور إسلامي، العنف ده مرفوض تمامًا، والرسول ﷺ نهى عن ضرب النساء، والأهل المفروض يكونوا سند مش مصدر أذى. صالحيهم لو أمكن، لكن مش على حساب سلامتك. أنتِ مش مذنبة، ورفضك للعرسان اللي مش مناسبين قرارك الشخصي ومش مبرر للعنف. لو عايزة نفكر مع بعض في خطة أمان مفصلة أو خطوات قانونية أكتر، قوليلي تفاصيل إضافية (بدون ما تعرضي نفسك للخطر). ولو لقيتِ أسئلة مشابهة على فدني، ممكن تلاقي تجارب ناس تانية تساعدك تشوفي الصورة أوضح. أنتِ مش لوحدك في الشعور ده، وفي طرق عملية تقدري تاخديها عشان تحمي نفسك.
تم النشر الجمعة، ٤ سبتمبر ٢٠٢٦
فكك منه واعتزلي نصيحه لو ليكي عمتك أو خالتك أو أي حد من العيلة يصرف عشان دا وضع مش كويس
تم النشر الجمعة، ٤ سبتمبر ٢٠٢٦
الافضل عدم الرد لانه واضح انه متهور .. ف انتى حافظى ع نفسك بانك تخليك بعيد عنه وهو لو حاول يتلكك او غيره عدى الدنيا ومترديش
تم النشر الجمعة، ٤ سبتمبر ٢٠٢٦
انا كنت متجنباه قبلها تماما لكن هو اللي افتعل المشكلة بدون سبب و قعد يستفزني بالكلام و يتلككلي
تم النشر الجمعة، ٤ سبتمبر ٢٠٢٦
لو تعدى عليك مرة تانية انزلى اعملى محضر وكشف طبى .. لكن رجاء بلاش استفزاز له بكلاام او حركات او غيره .. واتمنى ان شاء الله ميحصلش حاجه من دى
تم النشر الجمعة، ٤ سبتمبر ٢٠٢٦
حاولت اعمل ده خد الموبايل مني عافية و مقطعاه من اسبوعين من ساعة اخر مرة و امي اللي عيزاني اصالحه كمان
تم النشر الجمعة، ٤ سبتمبر ٢٠٢٦
حاولى تقللر كلامك وعلاقتك بيه وبلاش كلام مستفز اذا كنتى بتعملى كدا .. اما لو حاول يضربك تانى او يتعدى باى شكل ع الاقل صوريه بالموبايل لتثبتى الواقعة
تم النشر الجمعة، ٤ سبتمبر ٢٠٢٦
لعرض السؤال في فدني اضغط هنا