السلام عليكم
انا ابنى عنده ٥ سنين فى مدرسه ناشيونال معروفة بأكتوبر من اول الترم والاخصائيه بتتواصل معايا أن الولد مش عارفين يسيطروا عليه وأنه بيغضب فى الكلاس جدا وبيكون عاوز يخرج
بعدها بشهرين قالولى لازم يتعرض على دكتور تعديل سلوك واجيب إقرار أن الولد سليم وديته لدكتور وقالى أن الولد سليم تماما وان المدرسه هما اللى مش عارفين يتعاملوا معاه بعدها المدرسه طلبت منى أن الولد يقعد فى البيت مدة أسبوع
روحت المدرسه وقولتلهم ده غير قانونى ومرفوض تماما وسلمتهم التقرير قالولى ده مش معتد بيه لازم الدكتور بنفسه يتابع معانا قولتلهم طب انقلوا الولد كلاس تانى ممكن يكون فى حد مضايقه فى الكلاس ده ومش عارف يعبر بعدها محدش تواصل معايا
كلمت المشرفه مردتش عليا بعت للجروب اللى المديره عليه لقيت المشرفه بترد وبتقولى الولد اتنقل كلاس كذا kg1 و دخلتنى الجروب بتاعه وقالتلى المديره وفرتله شادو تيتشر رغم أن انا مطلبتش ده ومن وقتها انا حاسه ان فيه حاجه غلط بس مش متاكده
بالصدفه امبارح لقيت جروب الماميز بيتكلموا على ابنى ولادهم شويه بيقولوا انه اتنقل prekg وشويه بيقولوا اتنقل kg2 بعدها اتأكدت أن الولد فعلا فى كلاس ف kg2 والكتب اللى بياخدها kg1 وحاطنى على جروب kg1 والمشرفه مصره على الكدب
ولما بعتلهم تانى مش بيردوا ويتواصل معاهم بدون جدوى
انا المفروض اتصرف مع المدرسه ازاى مع العلم أن الأب مسافر وانا لوحدي تماما ولما روحت لهم المدرسه قبل كده معرفتش أسلك معاهم اطلاقا آسفه على الإطاله
شكرآ
إن أمكنك نقله من المدرسة فهو أفضل لإن طالما هم تعاملهم معاكي لمطالبة بحق ابنك كدة فمستحيل يدوا لابنك حقه و يتعاملوا معاه بالطريقة السليمة و لو تسألى على المدارس اللي بتدي الجانب الديني بجانب الجانب العلمي يبقى افضل ليه بكتير، و إن شاء الله تكون افضل والله المستعان
تم النشر الأربعاء، ٣١ ديسمبر ٢٠٢٥
وعليكم السلام ورحمة الله وبركاته، أختي العزيزة. أشعر بإحباطك تمامًا، وأنتِ أم قوية ومسؤولة جدًا، خاصة وأنتِ لوحدك مع ابنك الغالي. الله يعينك ويثبتك، وابنك سليم بإذن الله، والمشكلة في إدارة المدرسة مش فيه. هنا خطة عملية خطوة بخطوة لتتعاملي معاهم بثقة وقوة: سجلي كل شيء : اكتبي تواريخ كل تواصل (رسائل، مكالمات، زيارات)، واحتفظي بصور الشاشة والتقارير الطبية. ده دليل قوي لو احتجتِ تشتكي رسميًا. تواصلي كتابيًا فقط : ابعتي إيميل رسمي أو رسالة واتساب للمديرة والمشرفة (مع نسخة للجروب الرسمي)، قولي: "أطلب اجتماعًا فوريًا مع الإدارة العليا لمناقشة وضع ابني، مع التقرير الطبي المرفق. أرفض أي تغيير في الكلاس دون موافقتي الكتابية، وأطلب توضيحًا فوريًا عن الشادو تيتشر والكتب." كوني هادئة ومحترفة، مش عاطفية. اطلبي اجتماعًا : لو مردوش خلال 24 ساعة، روحي المدرسة مع شخص موثوق (صديقة أو قريبة) واطلبي مقابلة المدير العام. لو رفضوا، صوري الزيارة وادعي شهود. لو مفيش تقدم : قدمي شكوى رسمية لـ: مكتب شكاوى الإدارة التعليمية في أكتوبر. الجهاز الإداري للمراقبة الإدارية (شكاوى المدارس الخاصة). ده قانوني 100%، ومدارس زي ناشيونال بتخاف من الشكاوى الرسمية. فكري في بدائل : لو استمروا في الكذب، ابحثي عن مدرسة أفضل تناسب ابنك (مثل مدارس دولية أخرى في أكتوبر). ابنك 5 سنين، وقته يتعلم في بيئة إيجابية. استعيني بالله، أنتِ مش لوحدك، وده اختبار ربنا لكِ عشان تطلعي أقوى. لو عايزة نصيحة إضافية أو دعم نفسي، قوليلي. ولو محتاجة استشارة قانونية أو تربوية، شوفي الخبراء على https://www.fedni.net/experts، أو ابحثي أسئلة مشابهة في فدني لتجارب أمهات تانيين. الله يفرج همك ويصلح حال ابنك ❤️
تم النشر الاثنين، ٢٩ ديسمبر ٢٠٢٥
اسحبي الملف وقدمي في مدرسه تاتي
تم النشر الاثنين، ٢٩ ديسمبر ٢٠٢٥
متعمليش حاجه غير انك تسحبى ملف ابنك من هناك طالما مفيش صدق من البدايه مينفعش تامنى على ابنك هانك اصلا وكلامك ده اكبر دليل ان الطفل مش مستفيد بحاجه وكمان مفيش متابعه ولا تعليم انقلي ابنك بدون تفوض عشان مش هتعرفى تاخدى حق ولا باطل وكمان عشان جوزك مسفر وكده
تم النشر الاثنين، ٢٩ ديسمبر ٢٠٢٥
كان عندي نفس المشكله ابني هو الصح والناس اللي عندك غلط الواد عايش طفولته واللي مش مقدر سبيله المدرسه ويروح مدرسه تاني
تم النشر الجمعة، ٢ يناير ٢٠٢٦
انقليه من المدرسة فورا الحاجة الوحيدة إلى كويسة أنها وفوروله شادو تيتشر بس ابنك يمكن محتاج يفرغ طاقته خليه يلعب رياضة معينة زى كاراتيه أو تيكندو
تم النشر الخميس، ١ يناير ٢٠٢٦
قدمي شكوى في الوزاره باللي حضرتك قولتيه و في المدير و غصب عنهم هتفهمي اي الي بيحصل، بس عشان تكوني حضرتك عارفه ان اي سلوك لو للطفل او اي حد بيكون لازم يتكرر و بما انه في المدرسه في دا سلوك عارض يعني فعلا في مشكله اتكلمي مع ابنك و خليه يحكيلك على كل حاجه ممكن توصلي لحاجه و زي ما قلت اعملي شكوى و خدي حقك بس
تم النشر الثلاثاء، ٣٠ ديسمبر ٢٠٢٥
لعرض السؤال في فدني اضغط هنا