انا بنت وكنت بشتغل في مكان معين وحصل معاهم سوء تفاهم وللاسف اتحدوا ضدي عشان يمشوني بسبب نفسنة منهم المهم بسبب قرب مكان سكني لشغلهم هما مش سايبني ف حالي وحرفيا بيشوهو سمعتي ف اي مكان بروحه و لو مثلا روحت جيم يروحوا يتكلموا عني ويلفقولي اي تهمه و يعملولي مشاكل مع إدارة المكان
و حاليا انا ف جيم و بيقولولهم ديه بتصور البنات و بتاع لأن في واحدة تبعهم وجهتلي الموبايل ف وشي اكنها بتصورني ف انا وجهت لها الموبايل برضه ف الكباتن ف نفس اليوم وجهوا الموبايل ف وشي بس انا معملتش رد فعل لاني لابسة كده كده وفضلوا خايفين مني لمدة أسبوع معملتش رد فعل ف انا وجهت لنفس الكابتنة اللي صورتني الكاميرا
ف وصلت بيهم البجاحة انهم يصوروني وانا ف الحمام بكاميرا من قدام الباب بس الحمد لله مظهرش حاجه و اخدت امي معايا تاني يوم تقولهم ظبطوا ابواب الحمامات ف طبعا الكلام وصل للكباتن ف مركزين معايا بزيادة و وشهم مقلوب و خايفين مني يعتبر و خلوا عاملة النضافة تفضل قاعده تراقب فيا ف الحمام و ف الرايحة و الجاية العين عليا
فإيه الحل ف المشكلة ديه ضروري وطبعا أصحاب الشغل القديم مبسوطين جدا أنهم قلبوا الناس عليا ف المفروض رد فعلي المنطقي يبقى ايه عشان اوقف المهزلة ديه و محدش يقولي سيبي الجيم وروحي لجيم تاني لأن ده تاني جيم اغيره وهما جم ورايا برضه مراقبني حرفيا ف عايزة حل ضروروي
أنا آسفة جداً إنك بتمري بكل ده، وأقدر إن الموقف ده بيأثر على نفسيتك ويخليكِ تحسي بالضغط والظلم. اللي بيحصل تشويه سمعة ومضايقات مستمرة، وده مش هين، لكن فيه خطوات عملية تقدري تاخديها عشان تحمي نفسك وتوقفي المهزلة دي بدون ما تهربي من مكان لمكان. أول حاجة، وثّقي كل حاجة: سجّلي التواريخ والأحداث والأشخاص اللي بيحصل معاهم المشاكل، ولو فيه شهود أو تسجيلات صوتية أو صور (بشكل قانوني ومناسب) احتفظي بيها. بعد كده روحي لإدارة الجيم بهدوء ووضحي لهم الصورة كاملة، وقولي إن فيه ناس بيحاولوا يشوهوا سمعتك ويسببوا مشاكل، واطلبي منهم يراجعوا الكاميرات أو يتدخلوا عشان يحموا خصوصيتك، خاصة في الحمامات. لو الإدارة ما اتخذتش إجراء، يبقى لازم تروحي للشرطة وتقدمي بلاغ رسمي عن التشهير والمضايقات، لأن القانون بيحمي من الإساءة للسمعة والتصوير بدون إذن. كمان، حاولي تقللي فرص الاحتكاك: غيّري أوقات التمرين لو ممكن، أو اختاري أماكن أقل ازدحاماً، وكوني دايماً محاطة بصحبات أو أفراد عائلتك في الأماكن العامة. وفي الجانب الروحي، استمري في الدعاء والاستخارة، وتذكري إن الله بيحب العدل وهييسر لكِ الأمور، وخليكِ صابرة وقوية بدون ما تردي بالمثل عشان ما تتعرضيش لمشاكل أكبر. لو الموضوع استمر، فكري في استشارة محامي متخصص في قضايا التشهير عشان يوجهكِ للخطوات القانونية المناسبة في بلدكِ. أنتِ مش لوحدكِ في المعاناة دي، وبالخطوات دي هتقدري تستعيدي سيطرتكِ على الموقف. لو عايزة تفاصيل أكتر عن أي خطوة، قوليلي.
تم النشر السبت، ١٢ سبتمبر ٢٠٢٦
كنت متجنباهم والله بيتمادوا اكتر السكوت معاهم مش حل
تم النشر الأحد، ١٣ سبتمبر ٢٠٢٦
تجنبي تجنبي اعملي نفسك مش واخده بالك كانهم مش موجودين انتي طالما ف حالك مش هلاقو طريق اساسا عندنا مثل صعيدي بقلك امشي جنب الحيط يحتار عدوك فيك انتي بقي طبقي المثل دا سيبيهم براحتهم يعملو زي ميعملو متديش اي رد فعل وحقيقي هزهقو هما لما يلاقوكي كدا دا غير الدعاء طبعا وعلاقتك بربنا والله ربنا مش بسبب حد خلي بالك ف اتركي امرك لله واعملي زي ماقلتلك
تم النشر الأحد، ١٣ سبتمبر ٢٠٢٦
لعرض السؤال في فدني اضغط هنا