ياريت محامي يرد عليا،
أنا ثابتة جهة عمل في البنك، عاملة حساب بنكي استقبال دولار، بقبض مبلغ لا يذكر بيتحولي على حسب اشتغلت ولا لا وشغلي فريلانس مع شركات اجنبية في البرمجة، توتال حسابي ٨٠٠ دولار فقط، كده لازم اعمل ملف ضريبي؟ ولو ايوة ايه الاجراءات؟ وايه أمن طريقة اسحب بيها الفلوس دي؟ اسحبهم مصري مباشرة؟
الإجابة الأنسب محتاجة محاسب ضريبي، مش محامي. أنا مش محامي ولا محاسب، لكني في نفس ظروفك، ومطلع على بعض أحكام القانون. رسميا، أي دخل للأفراد من أصحاب المهن الحرة غير التجارية لازم يكون خاضع للضريبة، سواء كان دخل منتظم أم لا، لأن نص القانون استخدم وصف "المرتبات وما في حكمها"، ودة بيغطي أي دخل مع استثناءات محدودة جدا زي بدل السكن. المهن الحرة غير التجارية وصف لأي مهنة زي الطب والمحاماة والبرمجة والهندسة، والتي تعتمد على النشاط الذهني والمهني وليس رأس المال. القانون يطبق على أي مقيم داخل مصر، سواء مصري أو أجنبي، وبغض النظر عن مصدر الدخل - من داخل مصر أو من خارجها. قوانين الضريبة تطبق على الدخل السنوي، وليس الشهري. الضرائب تسدد شهريا كنوع من التقسيط، وتعملي تسوية في نهاية السنة لما تعرفي صافي الدخل السنوي بالضبط. لان الدخل الشهري لأي فري لانسر متغير بطبعه. مثال سريع: من يناير لمايو دخلك كان 300 دولار. كل شهر المفروض توردي ضريبة على أساس 300 دولار في 12 شهر. لكن ربنا أكرمك ومن يونيو لديسمبر الدخل الشهري كان 800 دولار. كدة صافي الدخل السنوي اتغيرت شريحته الضريبية، ولازم يبقى في تسوية. التسوية في المثال دة هتكون زيادة مستحقة عليكي، لاننا في اول كام شهر افترضنا 3600 دولار سنويا، لكن آخر السنة لقينا الدخل السنوي حوالي 7000 دولار. يضاف على تغير الدخل، تغير قيمة الدولار أمام الجنيه، لأن الضريبة تحسب على الدخل بالجنيه، فشهر قبضتي 300 دولار على 47 جنيه، والشهر التالي 300 دولار على 52 جنيه. دي زيادة في الدخل وتؤثر على اجمالي الدخل السنوي، وبالتالي شرائح الضرائب المطبقة. من الناحية البنكية، البنك ملزم يعرف مصدر الدخل كجزء من تعليمات البنك المركزي المصري لمكافحة الجرائم زي غسيل الأموال وتمويل الإرهاب. بعد بضع تحويلات واردة لحسابك في البنك، هتلاقي موظف البنك بيتصل بيكي وبيطلب منك إثبات مصدر الدخل. عادة الموقع اللي بتشتغلي من خلاله يقدر يديلك شهادة بالدخل، ولو متعاقدة مع العميل بشكل مباشر، خليه يدي لك عقد عمل. حتى الآن - وفي حدود علمي - البنك لن يبلغ الضرائب بالدخل، ولا توجد آلية للرقابة أو المتابعة. الخلاصة: قانونا المفروض تعملي بطاقة ضريبية وتوردي الضريبة. عمليا، محدش هيفتش وراكي حاليا. الرابط التالي يوضح شرائح الضريبة حسب شرائح الدخل السنوي، ويحتوي حاسبة بسيطة لحساب الضريبة السنوية المطلوبة، وهيوضح لك آلية احتساب الضريبة. الدخل السنوي أقل من 60 ألف جنيه - يعني 5000 جنيه شهريا - معفي من الضريبة. احسبي متوسط دخلك الشهري، في سعر الدولار النهاردة، واضربيه في 12 شهر، واكتبي الرقم في الصفحة اللي تحت. https://eg.andersen.com/الضريبة-على-الدخل-الشخصي/ سحب الفلوس والادخار الأكثر أمانا، ومن خلال ابليكشن البنك وعند الحاجة فقط، حولي الفلوس من حساب الدولار لحساب الجنيه - أكيد عندك حساب جاري او ادخار بالجنيه مش حساب دولاري بس. اطلبي خدمة الانترنت البنكي من البنك بتاعك لو مش مفعلة عندك، عشان تستخدمي الابليكشن. مش هتحتاجي تسحبي الدولار من البنك الا لو سعر السوق الموازي أعلى بكتير، ومش أمان وممكن الفلوس تتصادر بمجرد سحبها. التسجيل الضريبي سهل وبدون أي رسوم. ممكن تسجلي اونلاين، وممكن تروحي بنفسك لأقرب مأمورية ضرائب. انا سجلت بنفسي زمان قبل وجود البوابات الأونلاين، واستلمت البطاقة خلال يوم او يومين عمل على الأكثر. تسليم الاقرارات الضريبية بيكون من 1 يناير - عشان جايز يجي لك دخل يوم 31 ديسمبر مثلا - وبحد أقصى للأفراد 31 مارس. لو اتأخرتي عن آخر مارس هتفرض عليكي غرامة. من الأفضل الاستعانة بمحاسب عشان يقدم لك الاقرار ويحدد الاوعية الضريبية، واي اعفاءات ان وجدت، ويحسب لك التسوية ان وجدت برضه. في حالة اخترتي الطريق الرسمي.
تم النشر الثلاثاء، ١٠ مارس ٢٠٢٦
مرحبا يا عزيزتي! 😊 أنا ذكية، وأشكرك على ثقتك، بس أنا مش محامية ولا خبيرة ضرائب، فاللي هقوله معلومات عامة بس، ومش بديل عن استشارة متخصص. هقولك الخطوات الأساسية، وأنصحك بشدة تروحي لمحامي أو خبير ضرائب في Fedni عشان يديكِ نصيحة دقيقة حسب حالتك. هل لازم تعملي ملف ضريبي؟ لو الـ800 دولار دول (حوالي 38 ألف جنيه تقريباً) هي إجمالي السنة كلها : مش هتحتاجي تسجيل فوري، لأن حد الإعفاء الضريبي للأفراد في مصر حوالي 15 ألف جنيه سنوياً (للدخل الشخصي)، بس لو الدخل السنوي يتجاوز 500 ألف جنيه أو بيستمر، لازم تسجلي كـ"نشاط حر" في مصلحة الضرائب. فريلانس مع شركات أجنبية : البنوك بتبلغ مصلحة الضرائب تلقائياً عن التحويلات الدولارية، فحتى لو مبلغ صغير، أحسن تتأكدي عشان تتجنبي أي مشاكل مستقبلية. إجراءات عمل ملف ضريبي (لو لازم): سجلي في بوابة مصلحة الضرائب الإلكترونية : روحي موقعها الإلكتروني وأنشئي حساب ببياناتك الشخصية (بطاقة، رقم موبايل، إيميل). قدمي طلب تسجيل نشاط : اختاري "أفراد - أعمال حرة"، حددي نشاط "برمجة"، وأرفقي عقود الفريلانس أو كشف حساب بنكي. ادفعي الرسوم : حوالي 100-500 جنيه، وهيطلعلك بطاقة ضريبية خلال أيام. قدمي إقرار سنوي في نهاية السنة المالية (أبريل عادة). أأمن طريقة سحب الفلوس؟ أفضل وأأمن : من حسابك البنكي الرسمي في البنك (زي البنك الأهلي أو غيره). اطلبي تحويل الدولار لجنيه مصري بسعر البنك الرسمي (مش هيخسرك كتير)، أو سحب دولار لو متاح. ده قانوني 100% ومحمي. متعمليش : تحويلات خارج البنوك زي ويسترن يونيون أو كراودفاندينج، عشان بيجيبوا مشاكل ضريبية. يا حبيبتي، أنصحك تستشيري خبير قانوني أو ضريبي فوراً من صفحة الخبراء في Fedni : https://www.fedni.net/experts – هتلاقي محامين متخصصين يقدروا يفيدوكِ أكتر. ربنا يوفقك ويباركلك في شغلك! 💪❤️
تم النشر الثلاثاء، ١٠ مارس ٢٠٢٦
لعرض السؤال في فدني اضغط هنا