dr Nada Samir

نيجي للشق الثاني اللي هو نظرتك انت لنفسك عايزاك تبقي متاكده لازم تكوني فخوره بنفسك انت عارفه انت عارفه انت مدركه ان انت وقعت في غلط او واقعه غلط وعارفه كويس ان انت بتعملي غلط ده في حد ذاته حلينا نص المشكله ان في ناس بتتمادى وفي ناس بتعمل نفسها مش واخده بالها وفي ناس بتستحلى الموضوع فبتكبر دماغها بتسوف فانت ما بتعملي فيك جواكي بذر طيبه بس انت مش عارفه السكه منين؟ فاااا. ربنا قال وسارعوا الى مغفره من ربكم معناها انه ربنا عارف ان احنا مش هنمشي على خط واحد فاول ما تلاقي نفسنا حضنه عن الخط نرجع نستغفر ربنا ونرجع نمشي على الخط تاني وهكذا. اا. ثالث شوك انا عايزه اقول لك ان ربنا احنا في دار ابتلاء وكلنا ربنا مبتلينا كل واحد بشكل وكل واحد بصوره وفي موضوع بس خلينا نتفق ان ربنا لا يكلف الله نفسا الا وسعها عارف كويس لما يحط فلان في الابتلاء ده هو عارف كويس ان هو قدها ويقدر يعديها. فلانه لما يحطها في الابتلاء ده فهو عارف كويس ان انت قدها ان هي قدها وتقدر تطلع منها فانا بقول لك ان انت في ابتلاء وربنا عارف كويس ان انت قادره جدا ان انت تجاهدي نفسك عشان تراضيه وتبقي حد كويس وتبقي عايشه بشكل يرضيكي لنفسيا ويرضي ربنا ده ثالث حاجه انا حابه اقولهالك يعني. طيب احنا دلوقتي هنتكلم في عمليا بقى احنا محتاجين نعمل ايه علشان نضبط الدنيا انت عندك في جانبين مهمين جدا اييي او الجانب عندك الجانب الروحاني. مش هقول لك بعد عن ربنا ممكن تكوني بتصلي وممكن تكوني بتصومي وبتقضي كل حاجه تمام بس انا بتكلم على روحه وانيات الروحانيات دي اللي هي الحاجات اللي جوه اللي هو صلابه القلب او جحود القلب او اليونت القلب محتاجه تحسي معنى كلمه الحلال والحرام. السلام عليكم ازيك عامله ايه بصي انا هختصر سريعا عشان البويسز انا كذا مره اجرب والفوي ما تكملش معايا. السلام عليكم بصي انا حابه اقول لك على حاجتين اول حاجه ان انت عايزاه تبصي للامر اللي انت بتشتكي منه ان هو ابتلاء وان انت بتجهزي نفسك ان انت تنجي نفسك منه. اللي هو من باب ان احنا ااا من باب ان احنا مثلا احنا بني ادمين وربنا خلقنا بني ادمين واحنا استحاله هنمشي على خط مستقيم في حياتنا كلها وطبيعي جدا ان احنا نحيد عن الخط المستقيم مش بقول ان احنا نستاهين بالذنب بس انا اقصد اقول ان انت حطي نفسك بنفسك فكره انه انت مبتليه وان انت حد وقعتي غلط وبتحاولي تصلحي دنيتك زي اللي كان بيصلي وبقى فجاه ما بيصليش زي اللي كان محجب وفجاه شال الحجاب زي اللي كان ملتزم وما بقاش ملتزم وهكذا فهو هو هو انا اقصده ان انت تحطي في بالك ان هو امر مش كويس انت استجدتي عليه مش طبيعتك وحابه ان انت تصلحي الموضوع خلاص ده اول حاجه تاني حاجه فكره ان انت تعترفي ان في حاجه غلط بتحصل فديحه كويسه جدا وعايزه اقول. ده نص العلاج كان في ناس كثيره بتعيش وتموت في الذنوب وهي مش فاهمه او فاهمه وبتسوف بتاجل بتكبر دماغها فانت ما عملتيش كده فدي حاجه كويسه جدا خلاص في دافع جواكي بيقول ان انا عايزه فوق من اللي انا فيه ده خلاص. هنيجي بقى احنا هنصلح الامور دي ازاي عندك الجانب الروحاني ده محتاج ان انت تشتغلي على نفسك من باب ان انت تخلي قلبك يستشعر معنى كلمه الحلال والحرام محتاجه ان انت تتدبري كتاب ربنا كلام ايات الكتاب بالله محتاجه ان انت تستشعريها محتاجه ان انت تحسي بيها محتاجه تعيطي اييي ان انت عملتي حاجه مش كويسه فبتعيطي ندمانه ان انت عملتيها. ده كله هيجي ان انت تشتغلي على نفسك من الجانب الروحاني مش بقول لك كده اللي هو ان انت تصومي وتقراي قران وتصلي ولا لا خالص انا عايزه كل ده يحصل باستشعار يعني قلبك يحس باللي انت بتعمليه. عندي مثلا مقترح ان انت مثلا تقضي يوم في الجامع لطيف كده تقضي يوم كامل مثلا وليكن يوم الجمعه تصلي كلها في الجامع ولو في مقراه فتحت وانت قاعده مثلا تشتركي معاهم في تدبر لكم ايه من ايات ربنا مثلا ايات كتاب الله مثلا ممكن تقعدي تشتركي معاهم تسمعيها وتستشعريها انت محتاجه تشتغلي عن نفسك من الجانب الروحاني شويه عشان تصحي الدنيا جوه خلاص ده بالنسبه للجانب الروحاني اما بالنسبه للجانب العملي اعتقد انت محتاجه لهدف قصير المدى اييي؟ ااا تكوني حاطاه درجه قدامك وليكن مثلا كمان شهر انت هتقدمي في وظيفه محتاجه مثلا فيها تجيبي سكور 80% مثلا في اختبارات اللغه مثلا مثلا فانت في الشهر ده انت هتاكلي اللغه اكل هتعملي ايه بقى هتسلقي نفسك تسمعي بودكاست هتلاقي نفسك بتذاكريه هتلاقي نفسك بتعملي تست لنفسك وتشوفي جبت 80% ولا لا لا ده 60% هتقعدي تشتغلي ثاني على نفسك ههه هتنامي وهتحط لي هتحطي جدوله كده للوقت بتاعي انا من الساعه كذا للساعه كذا مثلا هشتغل على نفسي ترانسليشن مثلا من الساعه كذا للساعه كذا مثلا هاشتغل احسن ان الاكسنت بتاعتي مثلا من الساعه كذا للساعه كذا هحفظ لي كم كلمه مثلا في الموضوع الفلاني انت هتقعدي تعملي كده خلال الشهر ده عشان تخشي تقدمي في الوظيفه اللي بعد شهر دي ااا تكوني مؤهله ان انت تخشي الاختبارات بتاعها وانت واثقه من نفسك والدنيا تمام انت محتاجه تحطي لنفسك هدف قصير قصير المدى مدته قصيره تشتغلي على نفسك فيها عشان تحققي الهدف ده طيب الهدف ده حققناه ننقل على الهدف اللي بعده نعمل الهدف ثاني برده بتارجه قريب مش بعيد اييي انا محتاجه مثلا انمي نفسي في كورسات مثلا عن الاي اي علشان انا عايزه اقدم في الحته الفلانيه. عشان خاطر هم محتاجين المجال ده هتلاقي نفسك في الشهر ده بتاكلي بتاكلي الموضوع اكل بتنزلي الفيديوهات الخاصه بالموضوع بتخشي على الابليكيشنز الخاصه بالموضوع وتقعدي تجربي عشان تكشفي العالم ده ايه نظامه ودنيته عامله ايه عشان تبقي مؤهله ان انت تقدمي في الشركه دي كمان شهر وهكذا فانت محتاجه دماغك تبقى مشدوده مش مجرد تنشغلي يعني مش مجرد ان انت تشغليها وخلاص محتاجه تكون مشغوله بحاجه انت حباها وقريبه يعني حاجه يعني قدامها مثلا كم اسبوع وهتقدمي فيها وهتعمليها فانت لازم تستعدي للموضوع ده.

بصى.... انتى اتكلمتى من اللى انتى شايفاه... حقيقى انتى متعرفيش هى بتشوف ايه فى الحياه او حاجبه عنك ايه.... بس اكيد هى ام وقبل كده هى انسانه ... انا لما بكون مضغوطه نفسيا ممكن اطلع ردود افعال على اولادى غير مبررة وبعدين ابقى كويسه فالعيال يبقو كويسين الكبير ممكن ميروحش وييجى معايا فبين وبينه ممكن اقوله متزعلش منى كنت مضغوطه امبارح ... اللى اقصده انك عدددى .... متقفيش على حاجه ... اكيد فيها حاجه انتى متعرفيهاش ..... بحكم السن انتى لسه فى مقتبل العمر ... يعنى لسه بيوووور هى اكيد شافت كتير... سامحى وتسامحى فى الاخر والله والله كل لحظه هتعدى دلوقت معاها مش كويسين مش هتعرفى تعوضيها بعد كده ... انا قولت كده لنفسى يوم ما امى ماتت الله يرحمها كانت تقولنا دايما اشبعو منى قبل ما اموت عشان هوحشكو ومش هتطولونى بعد كده... ربنا يهدى الحال يارب ... ويباركلك فى عمرها ويخليكو لبعض❣️

بصى .... اهالينا لما بيكبرو بيكونو دماغهم مش زى فى شبابهم وحرفيا بيكونو مستنين الاهتمام من ولادهم بكل صوره سواء مكالمه ... زيارة ... مفاجئه... هديه .... فلوس .... خروجه حلوة .... عزومة فى مطعم... لبس جديد.... وهكذا ..... مفيش حاجه فرض خالص علينا كابناء ... بس واجب علينا مراضتهم ... وعشان تعرفى والله وعن تجربه اللى هتديه ليهم بنيه الارضاء ... ربنا هيبارك فى رزقك ويرزقك اكتر واكتر والله زى ما بقولك .... ماما الله يرحمها كانت استاذة فى شراء حاجات وتيجى تقولى ممكن تاخديها ؟؟ كنت باخدها حتى لو مش ذوقى او مش مناسبه ليا فى المقاس او اى حاجه واسالها عاوزة كام فيها تقولى كذا 😅...وخدى بالك اللى هتعمليه ولادك هيعملوه معاكى وقت ما تكونى كبيرة .... خدى الامور بشكل فيه مراضاه لربنا وهتلاقيه والله يوسعها عليكى .... وانتهزى فرصه ان مامتك موجوده ربنا يديها الصحه وراضى ربنا من خلالها ♥️♥️

اعتقد ان التكنولوجيا والزمن اللى عايشين فيه سبب التشتت والتوهان اللى انت فيه... انت فى سن ابنى بحسك هو وانت بتتكلم والله ممكن يكون مشكله جيل بس هقولك زى ما بقول ليه ... اولا علاقتك بربنا ده خط احمر استعذ بالله وارجله تانى وده حالنا كبنى ادمين تشت عن الطريق ونرجع ونشت وهكذا .... بالنسبه لدنيتك بقى انت محتاج تحط ايدك على حاجه انت بتحب تعملها ممم مثلا بتحب اللغه يبقى تركز فيه .. اسمع بودكاست كتير ونمى نفسك وركز عشان تدخل كليه فى نفس مجال شغفك فهتلاقى نفسك بتشوف شروط دخول الكليه ايه ...فهتركز انك تتخطاها عشان حلمك انتو مشكلتكو انكو مش بتكونو محددين هدف ركز فى حاجه بتحبها وشغوف بها وشوف مسارها ايه هشان توصله

بيلعب .... وبيستنزف مشاعرك حرام عليكى نفسك والله وفرى مشاعرك للى يقدرها بجد ... اليكى الخطوات اولا البلوك الجميل ... وادعى ربنا انه يصرفك عن التفكير فيه واشغلى نفسك باى حاجه او بالعبادات هتعرفى تكونى قوى وتقفى تقولى لا... افتكرى كويس مشاعرك انتى اللى بتبهدليها مش حد تانى ... ونفسك محدش ياخد باله عليها غير انتى ♥️

سؤال صغنن.... هو احنا شاغلين نفسنا باللى حولينا ليه خلى اللى يبص يبص انتى ركزى فى اللى بتعمليه كنت زيك زمان وكانت النظرات بتضايقنى وبعدين لما كان حد بيبصلى ابصله واقول فى حاجه على هدومى ؟؟ كان يرتبك ويقول لا ابدا او مثلا يقولى الالوان حلوة او اى سبب غير مقنع ... ارد بشكرا وخلاص وبعدين بطلت خالص اصلا يشغلنى الناس ركزى مع نفسك هتلاقى نفسك بطلتى رد فعلك ده 💓💓

انتى اولا محتاجه تتعلمى تتعاملى مع الشخصية النرجسيه اعتقد زوجك كده بيكون له صفات محدده ومش كل الطبيعى بيرضيه عشان متتعبيش نفسك على الفاضى ثانيا ... للاسف قانون الاحوال الشخصيه كله زى الزفت ومش بيلزم الاب بالتكفل بابناءه هتتبهدلى بيهم اعتقد فى حالتك محتاجه تركزى فى المقام الاول على ولادك االا لو انتى بنشتغلى وتقدرى تسدى على اولادك وده انتى اللى تحدديه ثالثا .... عارفه ان الكلام اللى فوق ده مش هينصفك خالص وم هيريحك بس محدش بياخد كل حاجه على فكرة انا انفصلت من ١٣ سنه وفاهمه جدا انا بكلمك عن ايه بس هقولك اعملى زى ما انا عملت امسكى ورقه وقلم واكتبى مزاياه بالنسبالك كزوجه ومزاياه لاولاده وشوفى فى حاجه تخليكى تستحملى اللى انتى فيه ولا لا ده هيسهل عليكى كتير انك تعرفى تفكرى. خدى بالك مش شرط حياتك تكون حلوة فى كل حاجه كلنا كده لازم هتلاقى فى حته كده مش عجباكى فانتى اما ترضى وتعيشى وتتعلمى تتعاملى معاه واما تطلقى بس بجد خطوة الطلاق كبيرة ومسئوليه مضعفه على الام لان السيناريو معروف ايه اللى بيحصل بعد الطلاق ربنا يهديلك حالك يارب ويرشدك الى الصواب

بصى انتى من الشخصيات الهاديه .... بس بتحبى تعملى علاقات جدا وبتعرفي تعملى ده انتى فى حاله زهق..... حاجه معينه مضايقاكى ..... او فترة هتعدى زى ما هتعدى .... فى العموم انتى طبعتك مش بتحبى تسيبى نفسك توصلى للدرجه ديه من الكآبه انتى بتزهقى بسرعه ... جاهدى نفسك بس❤️❤️ ربنا يسعد قلبك

فى تفكير سيئ جواكى.... شعور بالتشاؤم مثلا .... فى حاجه حصلت خلتك كده.... عاما ... والله اعلم طبعا ده وسواس بحاجه وحشه ممكن تكونى بعيده شويه من ربنا فكده محتاجين نقرب... محتجين نقرأ القرآن بتدبر ... غيرى نظرتك للحياه ... تفائلي بالخير تجديه.... رب الخير لا يأتى الا بالخير .... لما يجيلك الهاجس ده رددى جواكى بجمله مثلا لا انا متأكده ان ربنا معايا ... محتاجه يكون فى ايمان جوة قلبك يخليكى فعلا تقابلى أشكال وألوان من الهواجس وانتى متأكده ومتيقنه من جواكى ان ربنا معايا اسفه لو اجبتى غير مرتبه .... اسمعى د احمد عمارة فى فيديو بعنوان قوة النيه وسيكولوجية الذكر وهتلاقى فيديوهات كتير تقدرى تشوفى فيديو يلمسك من جوة.. انتى محتاجه حاجه تشيل شويه تراب من على قلبك ... ربنا يقويكى💪

كتر العلاقات الغير صحيه اللى بنسمح لها تدخل حياتنا ديه صدقينى بتكسر جوانا حجات كتير... بتهلكنا وتخلينا مش قادرين نستوعب الناس الصح فى حياتنا... انا بتكلم عن تجربه.... الفرااااااااغ .... اشغلى فكرك بحجات تانيه... كل ما بنركز على الحجات اللى مش موجوده فى حياتنا.... بتبقى مشكله لازم نحلها عن طريق انك توفرى الحاجه ديه.... الانفصال حاجه مش سهله... نفسيا.... بنخرج منها عاوزين نعوض اللى يعالج القصه ديه واحنا مش بناخد بالنا إننا كده بناذى نفسنا اكتر... متسمحيش لأى علا قه غريبه تدخل حياتك وقلبك.... احنا نستاهل نتعامل مع نفسنا بطريقه أجمل.... قدرى نفسك صح وشوفى بعد كده التقدير فى عيون اللى حوليك.... كل ما شوفتى نفسك جوهرة... قلبك دهب... مش اى حد يدخله هتلاقى انعكاسات النظرة ديه فى تعاملات وعيون اللى حوليك والله والله عن تجربه اللى بقولهولك قدرى نفسك صح.... هتلاقى اللى يقدرك خالى على نفسك .... هتلاقى اللى يخاف عليكى شوفى نفسك حاجه غاليه وتستاهل كل حاجه حلوة... والله هتلاقى ده فى حد معين شاف ده فيكى بنكون خارجين من تجربه الانفصال مستنفذين نفسيا.... نرحم نفسنا شويه اى علاقه حساها مش عجباكى... مزوده همك ... عملتلك مشكله ... اى كانت... فوراااااا اطرديها من حياتك وصونى قلبك من فضلك لأننا بقينا بنتعامل مع ناس والله والله مرضى نفسيين بياذونا اكتر ما يبسطونا جاهدى نفسك انك متسمحيش لحد يعاملك بطريقه متعجبكيش فى حياتك.... لو دراعى واجعنى واذينى صدقينى هقطعه

اى حاجه بنركز فيها اوى ... بتشتغل فكرنا اوى... هى بتبقى محور حياتنا سواء حاجه حلوة او وحشه عشان كده ركزى فى نفسك وفى حياتك ... فكرة انك تعيش وحدك وكده فكرة مش مقبوله فى مجتمعنا كمجتمع شرقى فاهمه.... كام واحد فينا اتولد لقى حجات كتير مش مبسوط بيها ومفروض عليه.... كلنا كده ركزى فى اللى يشغل دماغك... مذاكرة او شغل او رياضه... كونى صداقات جديده.... بس صدقينى فكرة انك تبعدي وتوابع القصه ديه بعيد عن قصه الحرام والحلال .... مش هتقدرى عليها وبعدين انا هقولك حاجه... مفكرتيش ان ممكن تكون المشكله فى نظرتك انتى للناس حواليكى؟؟؟. قد تكون المشكله جواكى انتى ...؟؟ جايز وله برضه أسبابه حبى نفسك وركزى فيها..... ومتبصيش لأى حاجه مضايقاكى حوليك...الحياه محتاجه مننا كثير من التجاهل عشان نعرف نعيش تجاهل فى البيت... تجاهل فى الشغل... تجاهل فى تعاملات... كل حاجه للاسف اشتغلى على نفسك.....

اعتقد اى حاجه ايا كانت..... مجرد ما بتكون محور تركيزى وتفكيرى .... بيكون فى شغف للحاجه ديه لو موجوده هتلاقى الانسان يكتر منها.... ولو محروم منها بيكون الانسان ساخط على حياته.... وعلى وضعه وانه دايما مش راضى... بالتالى هيكون الانسان بيفكر كتير عشان يشوف ازاى يسد احتياجه ويشبع نفسه من الحاجه ديه اعتقد هنا الحاجه اللى بتحرك هو الفكر.... نقدر نشغل الوقت بحجات تانيه اولها اقرى كتير واسمع كتير عن مدى حرمانيتها ومدى ضررها.... كل ما الانسان هيقرى اكتر ويسمع اكتر الطبيعى النفس هتشيل من الحاجه ديه نتيجه ان فى شعور بالرهبه من حرمانيه الحاجه ديه.... نتيجه الخوف من إدمان الحاجه ديه... الخوف من عواقبها.. وهكذا مش كلام اشعارات بس هنا لازم الواحد يقرب من ربنا اكتر بيكون فى جهاد نفس رهيب.... اصعب انواع الجهاد ..... بالاضافه إننا محتاجين نشغل وقتنا وفكرنا بحجات تانيه دراسه فى مجال انا بحبه.... اشتغل.... العب رياضه بحبها... أمارس هوايه المهم انى اركز تفكيرى فى اى حاجه تانيه بعيد عن القصه ديه...

محدش يعرف ولا يقدر يساعدك غير نفسك عشان كده اى نصيحه او اى علاج للوضع ده هيبقى لازم من جواكى ... نفسك هى المفتاح عشان كده انا هقولك إللى انا عملته لما كنت فى حالتك ... حبيت نفسى... شوفتها بتنبسط بايه وكنت بعملهولها... كنت بحب اتمشى وانا حاطه السماعات... بحب أجواء الكلاس فى الجيم .. اشتركت فى جيم وبقيت بحضر كلاس عشان اضحك وانبسط وأخرج طاقه سلبيه جوايا... اى مصدر لأى طاقه سلبيه حوليكى ابتدى عنه لان الطاقه السلبيه بتتنقل.. وخدى بالك محدش هيشوفك غريبه اطوار الا لما انتى تغيرى نظرتك لنفسك..... ده كده قله ثقه بالنفس.... محدش هيبصلك بصورة افضل من صورة نفسك فى عنيكى.... بمعنى حبى نفسك وبصلها بصه انها فعلا حاجه كويسه صدقينى هتلاقى ده فى عيون اللى حوليكى..... ابتدى بنفسك صدقينى وعن تجربه حياتك هتتغير حرفيا

انا رايي اننا نتجنب العلاقات المجهدة طالما الدنيا مش ماشيه بردودك وطبيعتك العاديه ... ممكن يكون اشارة انك متكمليش ... خدى بالك "وعسى أن تحبوا شيئًا وهو شر لكم" ... ربنا يصلح لك الحال

جدا ... انا مش متخصصه بس قاريه شويه وبحس بنفسى لما الاقى انى قدمت تعليق على اى مشكله او استفسار والتعليق ده يعجب حد ... احساس ممتع 🙂

ربنا قال وسارعو الى مغفرة من ربكم ... يعنى ربما عارف نفسنا كبشر ... مش هنفضل ماشيين على خط مستقيم طول الحياه ... ده اولا... بالنسبالك بقى ربنا بيدينا عظه كل يوم والتانى من حالات الوفاه حولينا واكثرهم الصغيرين لو ركزتى انك ممكن فى اى لحظه تكونى منهم هتلاقى نفسك خايفه يجرالك حاجه وانتى مش بتصلى... انا جربت حاجه ... ثبتى ورد كل يوم فى وقت معين من معانى الكلام ... ربنا بيجعل فى قلوبنا اللين والاحساس... حاولى متستسلميش عادى جدا اللى بيحصل بس جاهدى نفسك باذن الله هترجع بسرعة♥️

اعتقد محتاج ترتب اولوياتك ... كتير بنقعد نحمل نفسنا فوق طاقتنا والمحصله ان ولا حاجه يتم انجازها ... طبعا انا بقول رايي من باب انى اكبر سنا ومن باب خبرتى ... شهادتك رقم واحد وهى اللى ليها الاولويه اكتر من اى حاجه تانيه هى اللى هترسم مستقبلك اللى جاى ... ونحط فى المرتبه التانيه او الاول مكرر شغلك بما انه هو مثلا اللى بيخليك تصرف على دراستك ... ممكن بطريقه وديه تفهم خطيبتك الدنيا وهى لو فعلا هتحب الخير ليك هتشجعك على انك ترتب اولوياتك بالشكل ده ... وطبعا صلى استخاره ومتنساش الدعاء... ربنا يوفقك يارب ان شاء الله انت قدها 💪

كملى على كده🥰🥰

تحت امرك 🙏😌

ربنا يقويك يارب 💪

حاساك محتاج تتكلم مع حد يسمعك .. ممكن تشوف دكاترة لايف كوتشنج هيساعدووووك.. عشان منكونش ناس معقده بصورة تاثر على علاقاتنا اللى جايه ... وزى ما قولتلك سواء بنفسك او بمساعده دكتور انت مش هتعرف تنسى ... انت محتاج تتعلم تتخطى عشان تعرف تكمل ... ولو شايف ان نقل المكان هيساعدك اعمل ده ... بس تكون عارف ومتاكد انك مش هتنسى ... انت لو سمعت حد بيزعق بصوت يشبه بباك هتفتكر... لو شوفت كرسى شبه كرسى مامتك الله يرحمها هتفتكر .... متربطش انك تكون كويس بانك تغير المكان ده رايي ...

لو شايف انها خطوة ... وهتريحك اعمل كده ... لو شايف انك لما تبتدى من جديد فى مكان جديد ده هيساعدك اعمل كده بس خد بالك انك تركز على اللى برة وتنسى اللى جواك .... مش هتعرف تنسى اصلا ... انت محتاج تعرف تتخطى

بصى ... كانك معملتيش حاجه ... والله زى ما بقولك ... كتر التفكير فى الافكار السلبيه هتخليها تنجذب ليكى ... وده علم الطاقه .... كانك معملتيش حاجه وقربى من والدك اكتر ومتبصيش لعمتك تانى الا للضرورة واتعملى كان لم يكن

مش محتاج حد يساعدك انت بارادتك هتساعد نفسك والفرصه مش هتجيلك وحدها محتاجه منك سعى

خد بالك فكرة انك هتموت ده كده كده الواحد عارف ان هييجى الدور عليه فى وقت ربنا محدده .... المهم تموت على طاعه وانك مش مذنب ويارب يحسن ختامنا جميعا .... اما بالنسبه انك مش عارف عاوز تخرج من اللى انت فيه او لا ... انت اكيد عاوز تخرج من اللى انت فيه .... بدليل انك كتبت هنا ... اللى انا اقصده ان اللى انت عاوزه من جواك تقدر تحققه وتوصله بس ده مش بالنيه بس ... محتاج منك تشتغل على ده ... لو صحاب قريبين بتكون مبسوط معاهم ... رياضه بتنسى فيها الدنيا وبتخليك مبسوط ... انا كنت ساعات اسافر اسكندريه ابص على البحر شويه وأرجع تانى فى نفس اليوم .... امسك فى اى حاجه ممكن تساعدك.... واللى انت واصله مش قليل بس انت قدها ان شاء الله 💪... وخد بالك لسه فى كتير مستنيك حلو ووحش لازم تكون مستعد ... واتاكد ان ربنا لو مش شايف انك تقدر تتحمل وتتخطى مكنش حطك فى الاختبار ده ... لا يكلف الله نفسا الا وسعها 🙏.. ربنا يقويك وشد حيلك 💪

طبعا مهما انت حكيت محدش هيفهم شعورك بالظبط ايه ... بس خلينا نقول حاجه ... انت ليه شاغل نفسك بالقديم ... الله يرحمهم يارب بس خلاص ده عمرهم ..... ركز انت فى دنيتك ومستقبلك وحاول تخرج نفسك من الدوامه ديه ومحدش هيعرف يساعدك لازم انت اللى تساعد نفسك

طبعا بعد صلاه الاستخارة .... وبعد ما الواحد شاف كتير .... اقعدى معاه وشوفى تعبيراته وهو بيتكلم طريقته ... اسلوبه كل ده بيضفى على الشكل العام ليه الصورة مش مقياس خااااالص... زى البنت الجميله اوى فى الصورة ولكن ممكن تكون دمها تقيل او لسانها مش حلو طريقه كلامها مش كويسه .. صوتها عالى وهكذا ... اقعدى معاه الاول قبل الحكم عليه وشوفى نسبه القبول وصلت لفين

هقول من واقع الفرق بين فنون جميله وفنون تطبيقيه الكيمياء الحيويه ... هى الدراسه النظريه كالتفاعلات الكيميائية بين الخلايا ..... اما التطبيقى منها ... الجانب العملى فى واقع الحياه ككيفيه تطبيق العلاقه الكيميائية ما فى مجال الطب او الزراعة او التهجين او ايا كان

اعتقد النفس الضعيفه ... بطبيعه الحال النفس بتحب اللى جاى على هواها ومش بتحب حد يقف فى طريق سعادتها ... التغيير بيكون من جوة انك تبقى مؤمن ان ده مؤذى ليك سواء علاقه سامه ... سواء عاده مضرة ... سواء وضع غلط ... يبقى عندك اصرار انك تكون صح وتعمل الصح لنفسك ...

انت قلقان بس ... واللى انت فيه ده طبيعى ... غير جو اعمل حاجه مختلفه اخرج اتفسح اعمل شئ مختلف ... هتلاقى نفسك شغفك رجع تانى ... ربنا يوفقك يارب

الاثنين بياثرو طبعا..... طبع الانسان والبيئة اللى عايش فيها

ماشاء الله تبارك الله... ربنا يثبتك خطوة جميله محتاجه قوة اراده ... اتعاملى معاها بالحسنى وواحده واحده هترجع كويسه وخليكى صبورة عليها ❤️💪

طبعا وضع مؤسف اعانك الله .... بس انت محتاج تعمل وقفه مع نفسك اولا وقبل اى شئ انتظم فى الصلا وابتدى رتب اولوياتك مثلا اول خطوة ادور على شغل ... جهز cv بتوضح فيه مهاراتك وانزل ودور اى شغل يساعد ... اللى عاوزة اقولهولك انك ابواب الرزق هتتفتح طول ما انت بتسعى وبلاش يأس قول يارب وكل حاجه هتكون كويسه ان شاء الله ربنا يرزقك من حيث لا تحتسب ويسعد قلبك ويزيل عنك الهم يارب ...

ربنا يقويك ويرزقك من حيث لا تحتسب ... اسعى بس.... ربنا هيجبر بخاطرك باذن الله ...

اعتقد هى حاسه بالرفض وعدم القبول منكو .... حاساها محتاجه تتصاحب.... يعنى تكون صحبتك وتديها شويه ثقه ... هى متعصبه عشان هى عارفه انها مش عجباكو او هى علطول محل انتقاد ... انا مش خبيرة بس انا حطيت نفسى مكانها بحاول اخمن شعورها ... اما موضوع الصداع هى محتاجه استرخاء بس تهدى ... طبعا بعد منتاكد ان مفيش حاجه عضويه

اعتقد المسؤل عن فيدنى بيقرا وبيعرف الناس بتفكر ازاى من المشاركات... ممكن حضرتك تشارك بحل المشاكل المعروضه هنا ديه الخطوة اللى المفروض تعملها

لسه صغنن يا صغنن 🥰... بكرة هتفتكري الكلام ده وهتقولى ازاى كنت بفكر كده وبرافو عليكى انك بعدتى ... ومتدوريش على حد هتلاقى نصيبك جاى لحد عندك

مفيش حاجه كده .... السؤال ليكى انتى بتحبى ايه .. فى ناس بتحب التفصيل وتصميم الازياء ... فى ناس بيحبو مجال الاكسسوارات ... شغل الهاند ميد الجلد ... تطريز .... رسم اللوحات ... الحلى وتصميماته .... خيوط المكرميه بيتعمل بيها شنط وتصميمات بقى وعياشه او حاجات بتتحط على حوائط البيت ... الصلصال الحرارى ... حجات كتير اوى ... شوفى انتى ميولك ايه ودووووسى... وكل اللى قولته صحباتى اشتغلو وبرعو فيه وبقى ليهم براند خاص ... ربنا يوفقك

هاتى قطه .... 😁 بجد مش هزار هيقطعو رجليهم خالص من البيت

عشان احنا للاسف ممكن نكون كبرنا على مبدا التضحيه وان لازم كل اللى حوليا يكونو كويسين ومش مهم انا ... هتلاقى بس انك متعودتيش على كده بس فوقتى وبقيتى بتعمل الصح ... حبى نفسك عشان هى تستاهل احسن حاجه فى الدنيا

فى شركات انترناشونال جديده بتاخد المتميزين فى اللغه بيشتغلو فى مجالات كتير زى التسويق ... انت اشتغل على نفسك كويس وباذن الله ربنا مش هيضيع تعبك ... تبتدى ازاى ... بالبودكاست .... جميلة جدا هتلاقيها على اليوتيوب ... ربنا يوفقك

اولا الله يرحمه يارب ويرحم امى ويرحم امواتنا جميعا ... ثانيا مش هتعرف تنسى .... ثالثا محتاج تجتهد عشان تقدر تمشى الدنيا وتمارس حياتك تانى وهنا الحالات مختلفه من اللى انا شوفته حوليا ... بس كل اللى اقدر اقوله لو مش قادر روح دكتور نفسى ... او دكتور لايف كوتشنج انا عملت كده وساعدتنى كتير انى اتخطى

انا رايي ... وسع دايرة معارفك ... بمعنى تانى طور نفسك فى مجال مختلف ... ده هيخلى الخيارات اللى قدامك كتير ... تقدر تختار تشتغل فى حاجه تكون ميال ليها مثلا التصميم.. تحليل البيانات ...

صعب... انتى عايشه فى وسط مجتمع كل واحد فيه عالم جواه فاهمه قصدى .... ممكن يكون فى مشكله فى مسئله الثقه بالنفس عندك ... بصى فى المرايا وحددى فيه مشكله من عدمها وطالما انتى شايفه انك زى الفل قبل ما تخرجى من البيت متفكريش فى حاجه بعد كده 💓💓

هو قفله... انتى تروحى تفتحيه ازاى.... حرام تبهدلى مشاعرك كده والله ... وخدى بااك الحمد لله انها جت من عنده ما بنى على باطل فهو باطل

اولا... ربنا يوفقك.... ثانيا كليه جميله انا كنت بتمنى ادخل هندسه جت فنون تطبيقيه وبرضو كنت مستغربه زيك كده.... انا وصلت لحد درجه وظيفيه مكنتش احلم بيها.... شوف ميولك ايه عشان تكون بتعمل حاجه بتحبها... وخلي نظرتك للكليه انه مسار ربنا حطك عليه توسم خييير واتكل على الله وصدقني الكليات اللي من النوع ده جميله لان عدد خريجنها قليل اوي وده بيديهم فرصه كبيره في سوق العمل

علاقه سامه..... كويس انها جت منه انت لسه ع البر وده سلوكه اومال لما تتجوزو سلوكه هيكون ايه... اتخلصي منه... اعتبريه مرض وبتتعالجي منه

ربنا يوفقك يارب ويكتبلك الفلاح والنجاح فى كل خطوة بتخليها يارب

معاااكى جدا.. الرؤيه للى بيحصل بقالنا كام سنه فى الثانويه العامه شئ مقلق وده مفيش فيه شك... بس هتهدى اول ما تفتكر وتؤمن بأن الله بيده الخير كله ... سواء عجبك او مش عجبك ... الرضا والإيمان بقدرة الله وعظمته .. ادعى بتيسير الحاله واستكينى "لو اجتمعوا على أن يضروك بشئ لن يضروك بشئ الا بشئ قد كتبه الله لك" اجتهدى واعملى اللى عليكى ده بس اللى تفكرى فيه بكرة ده مش بتاع حد ولا انتى شخصيا

ممم اعتقد... دكتور نفسى ده بيتعامل مع الاضطرابات النفسيه ... مع مرضى وأغلبهم بيتعامل مع الادوية ....لكن مدرب حياه ... لايف كوتش.... وغيره من المصطلحات اعتقد الهدف منه الارشاد الى فن التعامل مع مواقف الحياه بصورة عامه.... ازاى تعرف تركز ... تفكر .. تواجه... توصل للسلام النفسى..

لو ركزت على نهايات السلوكيات ديه من المسلسلات او واقع الحياه ... هتخافى على نفسك... عادى بتمنى بمرحله فيها عدم اتزان وديه طبيعيه المهم متفضليش فيها .... شوفى النهايات اللى بقولك عليها وفكري بيها نفسك على طول هتلاقى نفسك بتبعدى

فترة وهتعدى..... بإذن الله... انتى مواليد شهر كام😁

بص حواليك .. شوف نماذج ناجحه واخرى مش ناجحه... انا جيالك من المستقبل والموضوع مش كلام وخلاص والله.... هتجتهد وتتعب دلوقت هترتااااااح بإذن الله ومستقبلك هيكون واضح ومرسوم.... ديه شغلتك دلوقت اللى جاى هيكون نتيجه تعبك اللى فى المراحل الأولى من حياتك.... اجتهد واتعب نفسك عشان تجنى ثمار تعبك وانت مرتاح ومبسوط باللى وصلتله

شئ جميل من وجه نظرى

بس انا هتكلم من واقع خبرتى... اولا النيه الصادقه من القلب .... ثانيا ابعد عن اى حاجه ليها علاقه بالطريق اللى انت عاوز متمشيش فيه ... ثالثا.... اشغل وقتك ويومك بحجات انت بتحبها وزاحم حياتك بالناس اللى تتمنى انك تكون شبههم....رابعا ... فى لحظه انك حاسس بالانجذاب للطريق اللى مش عاوز تسلكه افتكر ربنا والموت وانك ممكن تموت على الفعل اللى مش حلو وتبعث وانت بتعمله.. بإذن الله بإذن الله كل حاجه هتتصلح ربنا يثبتك يارب ويقويك لان أصعب حاجه فى الدنيا جهاد النفس

اليوم اللى بيعدي من عمرك مش سعيده فيه مش هيرجع ومحدش هيعوضك عنه انتى اللى بتدفع التمن ... النوع ده من العلاقات والشكل ده غلط... وميرضيش ربنا.... حرام عليكى نفسك محدش يستاهل والله ....انك تضيعى حياتك عشانه والصورة المهينة ديه.... متقبليش... متكمليش.... ربنا يصلح ليكى حالك ويقويكى وبإذن الله تشوفى كل الخير والسعاده بعد ما تسيبيه

انا حطيت نفسى مكانك .... حسيت بكلامك جدا..... انا هصنع عالم لنفسى.... هصنع حياه فيها كل اللى انا بحبه .... اكسر روتين..... غير الناس اللى بتتعامل معاها.... اعمل كل حاجه بحبها وشغوفه بيها... محدش مسئول عن سعادتى .... ومش موقفها على حد

وصدقني الادويه ما هى الا مسكنات ....قرب من أخ... من أب... من ام.... الناس ديه اكتر حد فى الدنيا بتخاف علينا وبتحبنا ربنا يريح بالك ويسعد قلبك

احنا مش عايشين وحدنا.... بنتاثر دايما باللى حولينا .... يعنى لو فى حياتك حد ناجح مثلا وأنا عندى دافع نفسى انى أنجح هتاثر بيه......مصاحب واحد ملتزم فى الصلاه هبقى انا كمان ملتزم..... ليه قافل على نفسك انت صغير خالص على الحاله ديه .... دور على السعاده حوليك ممكن تكون فى صحبه... .... فى مكان .... فى تصرف مثلا زى انك تطلع صدقه..... دايما الإنسان فى حاله حرب مع نفسه زى الصح والغلط..... جاهد نفسك انك تبعد عن الحاله اللى مسيطرة عليك ديه

بصى والله أعلم طبعا... بس أللى اعرفه إن ربنا يوم القيامه هيقتص مننا حقوق الناس أللى جينا عليهم فى الدنيا وإن ربنا بيسامح فى حقه لكن مش بيسامح فى حق البشر..... هرجع أقول إن كنت صغيرة وقت الاذى ده اعتقد إن مفهاش حرمانية.... المشكله فى أللى عرفو فأنت عندك حل من الإثنين... يا تواجههى وتقولى للى اذتيه إن أنا عملت كذا بس كنت صغيرة ومش فاهمه وحبيت اقولك عشان تسامحنى.... أو تعمل زى ما إنت عامل تسكت وتحاول تهدى وتستعد لا رد فعل لو الكلام وصل.... بس أنا عن نفسى مش بحب أبقى فى حاله انتظار أنا لو مكانك أروح وأقول أنا عملت كذا وإللى يحصل يحصل... وطبعا الكلام ممكن يطلع حلول تانيه بس للأسف المشكله نفسها مش موصحاها... عاما سلميها لله وهتعدى بس متقفيش تفكيرك ع النقطة ديه

أولا م ضوع العجل جميل جدا ممكن كل ويك أند مش هيضر ساعتين أو تلاته يضيعو فى حاجه حلوة بنحبها.. العفو يا جميله مفيش حاجه إسمها مشكله تافهه لأن المشاكل إحنا كبشر بنستقبلها بدرجات متفاوته.... وأنا مبسوطه آوى إن كلامى فرق معاكى وبإذن الله هتبقى كويسه ربنا يسعدك يا حبيبتى 😍😍😍

بصى قريت كل التعليقات وبصراحه مفيش حاجه تتقال بعده بس هقولك حاجه أنا عندى صديقات كأنو بردو والدهم زى والدك كدا من أيام الكليه... دلوقت أللى توفاهم الله وبناتهم حطين صورهم على بروفيل وبيترحمو عليهم على طول... وإللى جاله الزهايمر وصحبتى مفتكروش مساوئهم... دول عايشين تحت رجلهم... هى ديه الفطرة... بلاش عشان متندميش بعدين

هو بالنسبه لقصه الهدوء والطيبه... الحياه أكبر مدرسه مش هتفضلى كده كتير بحكم المواقف والناس أللى بتتعامل معاهم واحدة وآحده هتتغيرى فديه متقلقيش منها.. قصه الانفعال ده بقى أللى محتاجين نشتغل عليه شويه أنا برضو عصبيه آوى ودمى حامى بس كنت بضيع حقى بده.. اتعلمت انى أهدى واحاول أخد الامور بشكل مختلف جايز بكون لسه من جوايا مش هادى بس كل حاجه بتيجى واحدة واحده