طيب انا هقولك حاجه ونفكر بالعقل مع بعض... اللى فهمته من كلامك انك وحدك ومحدش بيدعمك ولا حد بينشغل بيكى وكله سايبك.... ده ادعى انك لازم تكونى قويه ...قويه بشهادتك وشغلك .... قويه انك متحتجيش لحد وتقدرى تطبطبى على نفسك ... فكرى كده لو ركزتى فى مذكرتك انها طوق النجاه ليكى عشان تتعلمى صح وتلاقى شغل يخليكى مستقله ومش محتاجه حد .... اسرحى مع نفسك كده .... لو انتى تعبنى واجتهدتى ودخلتى كليه تقدر توفرلك فرصه شغل حلوة ... وساعتها يجيلك حد يتقدملك يكون باصص ليكى بنظرة مش واحده محتجانى اصرف عليها او انها عاوزة تبعد من اهلها لا ... هتلاقيه بيقول لنفسه ان انتى لو هتقبلى بيه عشان هو مناسب ليكى او لا مش عشان انتى محتجاله لا ده هو اللى هيكون محتاج واحده زيك .... نفس الفكرة الصلا ربنا هيحاسب كل واحد على صلاته محدش ينفعك ساعتها استهدى بالله ونقطه ومن اول السطر تانى ولو وقعتى ارجعى اقفى تانى ربنا بيحب التوابين اللى بيغلطو غصب عنهم وبيجاهدو نفسهم وبيتوبو بيتهيالى كده لو قريتى كلامى انا كده ابقى وافيت كل جوانب اللى انتى عرضتيها ... حبيبتى ربنا يسعد قلبك ويسعد ايامك انت لسه صغنن ولسه ايام حلوة مستنياكى ... ونجاحات مستنياكى ... ومستقبل حلو باذن الله ....اللى جاى احلى باذن الله... ثقى فى ربنا وبلاش نظرة تشاؤميه♥️🌹
مبسوطه انى قدرت افيدك ... 🌹🌹
تم النشر الثلاثاء، ٦ يناير ٢٠٢٦
عندك حق وانا ابتديت اعمل كدا فعلا وبحاول اظبط علاقتي مع ربنا كفاية اني اول محاولت اعمل جزءمن ال عليا ربنا رضاني بحاجة طمنتني ف الحمدلله ع كل حال لازم اكون قوية لان محدش هينفعني فعلا شكرا لحضرتك جدا
تم النشر الثلاثاء، ٦ يناير ٢٠٢٦
لعرض الإجابة في فدني اضغط هنا