انا حاسة اني تايهة حاسة اني مش بعمل حاجه صح في حياتي ضيعت طفولتي في حجات مكنش لا وقتها ولا سني دخلت نفسي في دايرة الارتباط مكنتش عندي القدرة أفهم انه حرام وليه اصلا حرام
يمكن كان عندي نقص في حياتي فبحاول اعوضه كنت بتاذي نفسيا من اهلي حاولت اموت نفسي كذا مرة لغاية ما ادركت اني هخسر دنيا واخرة
كنت بقعد بالشهرين مشوفش الشارع ولا بقوم من سريري الا للضرورة من سنة اختمرت بس للاسف قلعته بعد 3 او 4 شهور بحاول انتظم في الصلاة مش عارفه
انا السنادي 3 ثانوي ومش عارفه اذاكر مش عارفه اعمل حاجه اهلي اكتر ناس مفروض يشجعوني اكتر ناس سبب اذيتي انا وصلت لدرجة بيني وبين نفسي مستحيل أسامحهم مستحيل لو بيني وبينهم الجنه على قهرتي ع نفسي والاحساس اللي بحسه بسببهم بجد
انا دلوقتي مرتبطة وهو متقدملي وحاول كتير بس والدي مش موافق بيقوله بعد 5 سنين انا اه صغيرة لسة هتم ال 19 بس انا محتاجة أبعد عنهم وابني حياتي وعيلة اعوض فيها اللي كان ناقصني بس انا حاسة بضغط دلوقتي من فكرة اني مش عايزة أبقى بغضب ربنا
ونفسي انتظم على الصلاة نفسي اجيب مجموع نفسي ابقي كويسة ومرتاحة انا بنام اليوم كله تقريبا بهرب من كل حاجه في حياتي مش عارفة اي الصح واي الغلط ولا أبدأ منين مش عارفه اشرح اصلا حاجه ولا اطلع اللي جوايا
يا حبيبتي، أنا ذكية، وقلبي معاكي دلوقتي. أنتِ مش تايهة، أنتِ بس محتاجة خطوة صغيرة أولى عشان ترجعي لطريقك. اللي حصل في الماضي خلاص، ربنا غفور رحيم، وتوبة واحدة صادقة تمحي كل حاجة. خلينا نبدأ مع بعض خطوة بخطوة، عملي وسهل، عشان تقومي قبل ما الوقت يضيع. 1. الصلاة أول حاجة (أولوية الروح) : حافظي على صلاتك وادعي دايما، هتاخدي قوتك منها، وهتحسي بالراحة اللي نفسك فيها. ربنا قال: "وَمَنْ يَتَّقِ اللَّهَ يَجْعَلْ لَهُ مَخْرَجًا". 2. قومي باكراً وروتين يومي بسيط (عشان متهربيش بالنوم) : اصحي الفجر وصلي، اشربي كوباية مية مع ليمون. امشي 10 دقايق في البيت أو الشارع (مش هتاخدي وقت). اكتبي 3 حاجات صغيرة هتعمليهم النهارده: صلاة، دراسة، أكل وجبة صحية. هتكسبي ثقة بنفسك كده. 3. الدراسة (3 ثانوي هي بوابتك للحياة الجديدة) : متفكريش في المجموع كله دلوقتي، ابدئي بـ25 دقيقة بس: اختاري مادة واحدة، اقريها بصوت عالي، واكتبي 3 نقاط رئيسية. خدي 5 دقايق راحة. كرري 3 مرات يومياً. هتجيبي مجموع لوحدك، وده هيفتحلك باب الاستقلال عن أهلك. 4. الأهل والغضب (سامحي عشان نفسك) : هما مش مثاليين، بس الغضب بيأذيكِ أنتِ أكتر. قولي في الصلاة: "رب اغفر لي ولِوَالِدَيَّ". حددي حدودك (متقوليش كل اللي جواكِ)، وركزي على هدفك: النجاح عشان تبعدي وتبني عيلتك. الجنة بينكِ وبينهم لو سامحتِ، بس أولاً سامحي نفسك. 5. الارتباط (صبر يا بنت الـ19) : حلو إنه متقدم، بس الضغط ده هيضيع وقتك. قولي له يصبر ويحترم كلام أبوكِ، الزواج الشرعي هو الطريق الوحيد اللي يريح ضميرك ويبني حياة مستقرة. متتسرعيش، ركزي على نفسك دلوقتي عشان تكوني جاهزة للعيلة اللي نفسك فيها. أنتِ مش غلطانة، أنتِ بس محتاجة تبدئي صغير عشان الكبير يجي. كل يوم هتحسي بفرق، وهترتاحي من الداخل. لو عايزة دعم أكتر، روحي على صفحة الخبراء في فدني https://www.fedni.net/experts وابحثي عن مدرب حياة أو استشاري نفسي. وابحثي أسئلة مشابهة في فدني، هتلاقي إجابات كتيرة هتساعدك. قومي دلوقتي، يا حلوة، ربنا معاكِ. أنا فخورة بيكِ إنكِ كتبتِ ده، ده أول خطوة! 💕 قوليلي بعد يومين إيه اللي عملتيه؟
تم النشر الثلاثاء، ٢٣ ديسمبر ٢٠٢٥
طيب بسيطه.... محتاجين بس وقفه أو قعده مع النفس مش هيفرق الوضع التشريحي يعني ولكن هنجيب ورقه وقلم ونسجل المشاكل بترتيب الاولويه وتحت كل مشكله أسبابها... مثلا الصلاة أسبابها: مش عارفه... كسل... فقدان للمعنى... الحل واحد بالمناسبه كده كده اني هبدأ اصلي وأحاول تاني وتالت وعاشر مفيش مانع... شويه شويه هنرجع نصلي ونلتزم ان شاء الله.... جلد الذات بلاش ياريت ده وضع طبيعي ان أحيانا البني آدم ميلاقيش دافع يكمل عشانه أو يحس بإرهاق ويقول كفايه كده... الكلام كتير الحقيقه بس لو هلخصه حل كل المشاكل التانيه هتبدأ بالصلاة عشان الدراسه والفهم رزق والإقبال عليها توفيق فلو صلحنا علاقتنا بربنا وبس كان عندنا نية نرجعله الطريق كله هيبقى سهل... مش هكتب مشكلة الدراسة عشان انا طالب زي زيك قد أكون بس أكبر منك ولكن مريت بحالتك كتير جدا وشايف إن اول مشكلة تتحل هو الي قولته بعده كده الباقي هيتحل فورا.... نقول تاني جلد الذات مفيش منه فايده بالعكس هيزود الضغط ويجبر عقلك يهرب من مسؤولياته... دمتي سالمه ❤️
تم النشر الأربعاء، ٢٤ ديسمبر ٢٠٢٥
بصلي فرض او اتنين واسيب الباقي فعلا معرفش لي بعمل كدا من جوايا انا مش راضية عن نفسي بس مش باخد خطوة ولو اخدت برجع عشرة المذاكرة بقعد علي المكتب بسرح و لما افوق لنفسي اقفل الكتاب واقوم انام غيرت مكان المكتب عملت كل حاجه ممكن تشجعني علي المذاكرة ومفيش فايدة
تم النشر الثلاثاء، ٢٣ ديسمبر ٢٠٢٥
نحلها واحده واحده.... ايه الي مانعك تنتظمي في الصلاة؟؟.... كسل ولا فقدان لمعنى الحياة ولا ايه بالظبط.... بالنسبة بردوا لكونك في تالته ثانوي ايه مشكلتك معاها؟.... عدم مذاكره؟ طب ايه الأسباب الي مش مخلياكي تذاكري ؟...... ممكن نناقش مشكلة مشكله عشان الكلام بشكل عام اوي كده وكله مع بعضه هيجيب توهان أكتر... بالمناسبة التوهان أحيانا بيكون أول طريق العوده فمفيش داعي للهلع 🙂
تم النشر الثلاثاء، ٢٣ ديسمبر ٢٠٢٥
لعرض السؤال في فدني اضغط هنا