جماعة أنا عايزة ابطل اشرب قهوة لأني بقيت بتعب منها بس عايزة مشروب بديل اشرب إيه؟ والقهوة أنا ليا 5 سنوات بشرب وخايفة تكون سببت ضرر بذات كان نوعها مش الأصلي
السلام عليكم، تقصدي إيه بتتعبك؟ يعني فيه أعراض زي خفقان شديد أو اضطراب في نبضات القلب أو توتر زائد أو مشاكل بالمعدة؟ لو فيه أعراض من دي يبقى الأفضل تكشفي باطنة وتطمئني الأول. القهوة في حد ذاتها مش ضارة، لها فوائد لكن الإفراط فيها له أضراره، فلو استهلاكك لها معتدل ومش بتسبب لك الأعراض اللي ذكرتها فممكن متوقفيهاش تماما ولو مش متأكدة من نوع البن شوفي الماركات الكويسة في السوق. *** لو استهلاكك لها أكثر من ٣ اكواب أو فنجاين يوميا وبقالك خمس سنوات زي ما قلتِ يبقى غلط لو وقفتِها فجأة، هيعملك صداع شديد وتعب وصعوبة في التركيز لحد ما الجسم يتعود. فالأفضل تتدرجي في تقليلها حسب الكمية اللي بتشربيها، خفضي عدد الفناجين أو حجمها تدريجيا على مدى أسبوعين أو ثلاثة، كده بتعودي الجسم واحدة واحدة لحد ما بتقدري توقفيها تماما إذا عاوزة تعملي ده. *** لو عاوزة بدائل فشوفي المشروبات اللي بتحبيها عامة، أعشاب أو هوت شوكليت، وممكن الكاكاو يبقى حلو لوحده أو باللبن. ** لو بتسألي عن بدائل منبهة زي القهوة فعندك، شاي الماتشا بيزود التركيز، واالشاي الأخضر عموما بينبه ويزود التركيز من دون ما يسبب نفس التوتر اللي بتعمله القهوة. الكاكاو الخام. وفيه قهوة منزوعة الكافيين. ** ممكن تشوفي المقال ده فيه معلومات أكتر https://proteinak.com/ar-jo/blogs/blogs/natural-stimulant-alternatives-10-healthy-caffeine-free-options-instead-of-coffee?srsltid=AU7gw4XmW9koU6YQwRBJ0uttOuHjkMXpbntBcSm49AzQ1tAz7LdKijl6 وبالتوفيق.💚
تم النشر الخميس، ١٥ أكتوبر ٢٠٢٦
أنا فاهمة تمامًا إحساسك، خاصة إنك بتشربي القهوة من 5 سنين وبتحسي إنها بقت بتتعبك. القلق من الضرر طبيعي، لكن الجسم بيقدر يتعافى لما بنقلل أو بنبطل، و5 سنين مش بالضرورة بتسبب ضرر دائم لو الكمية كانت معتدلة، بس لو التعب مستمر يفضل تتابعي مع طبيب عشان تطمني. عشان تبطلي تدريجيًا بدون صداع أو تعب زيادة، ابدئي بتقليل كوب واحد كل أسبوع، واستبدليه بمشروب دافئ يشبع الرغبة. جربي الكركديه أو النعناع المغلي أو الزنجبيل مع القرفة، دول بيدوا طعم قوي ومنعش بدون كافيين، وممكن تضيفي لهم شوية عسل لو حابة حلاوة خفيفة. اشربيهم في نفس الأوقات اللي كنتِ بتشربي فيها القهوة عشان الروتين يفضل ثابت. هتكتشفي إن الطاقة هترجع لكِ تدريجيًا بعد أسبوعين أو ثلاثة، ولو عايزة أفكار إضافية ابحثي عن أسئلة مشابهة على فدني عشان تشوفي تجارب تانية. أنتِ قادرة، وخطوة بخطوة هتوصلي. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ١٥ أكتوبر ٢٠٢٦
القهوة عادة مش ادمان واستبدالها بأي مشروب مع الوقت مش هيكون صعب.... شهرين او تلاته بالكتير....الشاي الأخضر بديل ممتاز
تم النشر الخميس، ١٥ أكتوبر ٢٠٢٦
انا مدمن قهوة من اعدادي لغاية انهاردة في الكلية مينفعش يومي يبدأ من غيرها
تم النشر السبت، ١٧ أكتوبر ٢٠٢٦
بس لو عايزه تبدليها بحاجه ممكن تبدلى القهوه بالكاكاو هو برضو حلو زيها
تم النشر الجمعة، ١٦ أكتوبر ٢٠٢٦
ايه الضرر الى تسببه القهوه
تم النشر الجمعة، ١٦ أكتوبر ٢٠٢٦
حاضر شكرا
تم النشر الجمعة، ١٦ أكتوبر ٢٠٢٦
لعرض السؤال في فدني اضغط هنا