مساء الخير
بحاول اشتري حاجات جملة و ابيعها اون لاين زي الساعات مثلا و محتاج ابلكيشن اعرف ابيع عليه فإيه افضل حاجة اقدر اعملها
السلام عليكم، إذا كنت لسه مبتدئ ومش فيه إمكانية تعمل متجر إلكتروني حاليا وتسوق ليه، فالخيارات هتكون: Facebook Marketplace انستجرام وممكن جوميا، فيه Dubizzle Egypt (دوبيزل مصر) اللي هو كان أوليكس قبل كده. بس لو هتستخدم حاجة من دول شوف فيديوهات شرح لهم وإزاي تبيع عليهم وتتجنب الأخطاء اللي ممكن تؤثر على البيع وإزاي كمان تسوق لنفسك. وشوف كمان ريفيوهات الناس اللي تعاملت معهم سواء بيع أو شراء. ****** ولو هتنضم لأي مكان، مهم جدا إنك تقرأ التعليمات والسياسة كويس عشان تتجنب أي مخالفات وتأمن نفسك كمان وتضمن حقوقك. ****** لو لسه هتبتدي فحاول متشتريش كميات كبيبرة أو تشتت نفسك بين موديلات كتير. جرب في كمية صغيرة وممكن تقتصر على موديلين أو تلاتة لو ساعات مثلا أو منتج واحد تركز عليه. وهيفيدك كمان تدرس السوق والمنافسين، شوف الناس اللي اشتغلت قبلك في نفس المجال على السوشيال ميديا وادرسهم كويس وحللهم، شوف بيتواصلوا مع العملاء إزاي وبينزلوا بوستات ازاي وكم مرة وبيتفاعلوا مع الأعضاء إزاي وكمان طريقة البوستات والتصوير. كل ده هيساعدك ويفرق معك. ***** إذا في يوم جربت تعمل متجر إلكتروني وتسوق لنفسك فأرشح لك قناة (سهل مهدي) وقناة (د. ثابت حجازي) على يوتيوب، هيفيدوك في مجال التجارة الإلكترونية وإزاي تنجح فيها وتنجح متجرك الإلكتروني لو عملت واحد. *** بالتوفيق إن شاء الله.
تم النشر الاثنين، ٧ سبتمبر ٢٠٢٦
مساء الخير يا صديقي، فكرتك في شراء الجملة وبيعها أونلاين زي الساعات فكرة عملية وممكن تنجح لو نفذتها بخطوات واضحة. أفضل طريقة حالياً هي الاعتماد على منصات التواصل الاجتماعي اللي بتسمح بالبيع المباشر بدون تعقيدات كبيرة، زي إنستجرام أو فيسبوك، لأنها بتوصل لجمهور واسع وبتخليك تتحكم في عرض المنتجات بسهولة. ابدأ بخطوات عملية: أولاً، اختار موردين موثوقين للجملة وتأكد إن المنتجات أصلية أو بجودة جيدة عشان تبني ثقة مع العملاء، وده مهم جداً من الناحية الأخلاقية والإسلامية عشان ما تكونش فيه غش. ثانياً، أنشئ صفحة أو حساب مخصص للبيع، صور المنتجات بجودة عالية، واكتب وصف واضح مع الأسعار والشحن. ثالثاً، استخدم إعلانات مدفوعة بميزانية بسيطة في البداية عشان توصل للناس المهتمين، وابدأ ببيع محلي عشان تقلل تكاليف الشحن. لو عايز تطور الموضوع أكتر، جرب تطبيقات محلية زي جوميا أو أوليكس لو متوفرة في منطقتك، لأنها بتوفر حماية للبائع والمشتري. خلي بالك من المنافسة، وركز على خدمة عملاء ممتازة ورد سريع. لو عندك أسئلة إضافية عن التسويق أو إدارة المخزون، قولي وأساعدك بخطوات أوضح. ولو حابب تشوف تجارب ناس تانية. بالتوفيق، وأنت قادر تنجح إن شاء الله!
تم النشر الاثنين، ٧ سبتمبر ٢٠٢٦
من رأيي توسعي صفحاتك عشان فرص حصولك على زباين تزيد يعني اعملي على الفيس و الانستغرام و ريلزات على التيك توك و اليوتيوب
تم النشر الثلاثاء، ٨ سبتمبر ٢٠٢٦
من الأفضل ان تعمل صفحة على انستكرام وتروج لها افضل لك بكتير وستحقق زوار وزبناء افضل
تم النشر الاثنين، ٧ سبتمبر ٢٠٢٦
لعرض السؤال في فدني اضغط هنا