عايزة أتعلم انجلش عشان يكون معايا B1 اكتبها فالCV عشان اقدر ألاقي شغل بسرعه بس مش عارفه ابدأ ازاي
ياريت يكون حاجه اونلاين
أنا كمان بحاول أتعلم انجليزي، هقولك مصادر بناءً على ترشيحات اليوتيوبرز اللي بيعلموا اللغة، شوفي هتتعلمي أي لهجة وليكن الأمريكية US شوفي قناة listening time وهتلاقي قائمة تشغيل لكل المستويات، اختاري مستواكي وكرري الكلام وراه بصوت عالي ودي حاجة اسمها شادونج قناة the fable cottage هي قصص كرتون باللغة الانجليزية فيه كمان صفحات على فيسبوك بيجيبوا الكرتون الجملة فيه مصري وانجليزي زي صفحة the english lounge فيه كمان معلمين للغة على فيسبوك زي صفحة masterpiece english وصفحة mariem gaballah وفيه كمان تطبيق memrise للنطق وحفظ الكلمات والأهم لازم يكون معاكي كشكول وتكتبي الكلمات المكررة وتحطيها في جملة وممكن تستعيني بالذكاء الاصطناعي يدربك على النطق وحاولي كل يوم تتعلمي جملة جديدة ومتفوتيش
تم النشر الثلاثاء، ٨ سبتمبر ٢٠٢٦
وعليكم السلام ورحمة الله وبركاته في برنامج اسمو طليق تحفة جدا لابراهيم عادي والله فعلاً هيفرق معاكي هما تقريبا 109 فيديو حرفيا هتطلعي وانتي معاكي ل B1 وبتكملي بعدها بقية الكورس تحفة اوي انا متابعه معاه الفيديو لا يتعدي ال11دقيقه وده اطول فيديو فيهم كمان وفي تطبيق عملي وواجب وشرح عملي ومراجع دايمه معاه
تم النشر الجمعة، ١١ سبتمبر ٢٠٢٦
يا حبيبتي، فكرة إنك تتعلمي الإنجليزي عشان توصلي لمستوى B1 وتضيفيه للسيرة الذاتية فكرة ممتازة وهتفتحلك أبواب شغل كتير بسرعة، وأنا فخورة بيكي إنك بتاخدي خطوة عملية زي دي. ابدئي بتقييم مستواك الحالي عشان تعرفي منين تبدئي، وده ممكن تعمليه من خلال اختبارات مجانية بسيطة على الإنترنت زي اللي بتقدمها مواقع تعليمية معروفة. للدراسة أونلاين، ركزي على تطبيقات زي Duolingo أو Memrise عشان تبني المفردات والقواعد الأساسية بشكل يومي، وكمليها بقنوات يوتيوب متخصصة في تعليم الإنجليزي للمبتدئين والمتوسطين زي BBC Learning English أو EnglishClass101، حيث تقدري تتابعي دروس قصيرة يومية عن الاستماع والمحادثة. خصصي 30-45 دقيقة يوميًا: 15 دقيقة للقواعد والمفردات، 15 دقيقة للاستماع، و10 دقائق للممارسة بالكلام مع نفسك أو مع شريك لغة عبر تطبيقات التبادل اللغوي. بعد شهرين أو ثلاثة من الالتزام، جربي اختبار تقييم B1 زي Cambridge English أو اختبارات مجانية مشابهة عشان تتأكدي من وصولك للمستوى وتضيفيه بثقة في الـCV. لو عايزة نصائح إضافية أو خطة مفصلة أكتر، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة، وهتوصلي بإذن الله!
تم النشر الاثنين، ٧ سبتمبر ٢٠٢٦
@رحيق الجنه دا بيفتح معايا اول حلقتين بعد كدا الباقي ب اشتراك ١٣ الف جنيه
تم النشر الجمعة، ١١ سبتمبر ٢٠٢٦
تابعي مع تطبيق زي أمريكان انجلش
تم النشر الجمعة، ١١ سبتمبر ٢٠٢٦
حاولي تكتبي بالانجلش ، و جيبي جمل عربي و ترجميها دا هيساعدك بشكل كبير فى اكتساب الجمل مع التكرار شوفي على اليوتيوب بيبقى فيه اجانب كثير بيعلمو هتسمعي منهم و هتكتسبي الاكسنت الصحيحة ، بيبقى فيه اختبارات على جوجل لتحديد المستوي ابحثي عنها و اختبري نفسك و شوفي اذا كان فيه شهادات معتمدة تقدري تخديها بشكل مجاني على جوجل و اليوتيوب بيبقى فيه كثير
تم النشر الجمعة، ١١ سبتمبر ٢٠٢٦
ذاكري و احفظي جُمل كتير دا هيسهل عليكي اكتر من الكلمات و اللي تتعلمي اتكلمي بيه مع نفسك مع أهلك المهم تتعاملي بيه عشان يفضل فى دماغك
تم النشر الجمعة، ١١ سبتمبر ٢٠٢٦
اتعلمي انجلش من الأجانب على اليوتيوب ، و انصحك الموضوع بيحتاج صبر مش بسرعة
تم النشر الثلاثاء، ٨ سبتمبر ٢٠٢٦
لعرض السؤال في فدني اضغط هنا