السلام عليكم ورحمة الله وبركاته
أولا:
انا طالبة داخلة أولى جامعة السنه دي..محتاجة اعرف اي ال ممكن اعمله يأهلني وينفعني ف الجامعة؟
ثانيا:
انا الحمدلله مختمرة بس موضوع غض البصر بحاول فيه من زمان مش بعرف
بحاول افضل عيني ف الارض بس غصب عني ببص ع الطريق وغصب عني ببص ع الناس بس مش اوفر يعني الحمدلله ببص عادي ومش بطول مدة النظر انا بلمح الطرق بلمح الناس لكن مش بطول النظر لأي حد الحمدلله ، محتاجة اعرف ازاي اخلي عيني ف الارض ثابته؟ وازاي اشوف الطريق قدامي ؟ انا اعرف فوائد غض البصر الحمدلله بس ببص علشان الطريق قدامي.
بصي يا بنت الحلال موضوع غض البصر ده مش معناه إنك تمشي مغمضة عينك ولا تبصي في الأرض خالص وتتكعبلي في الطريق ربنا سبحانه وتعالى مش عايز يشق عليكي النظرة الأولى الفجائية اللي بتشوف الطريق وتلمح الناس دي عفوية ومافيهاش ذنب خالص الفكرة كلها إنك تمنعي نظرة الفضول اللي بتيجي بعدها يعني لما تلمحي حد ما ترجعينش تلتفتي أو تطولي البص فيه وشغلي نفسك طول ما إنتي ماشية بذكر الله أو الاستغفار أو قراءة أذكار الطريق لأن الفكر لما ينشغل بالذكر العين تلقائي بترتاح وتهدى واعرفي إنك طالما خايفة على دينك وبتحاولي فده خير كبير ويا بختك بالثواب فبالراحة على نفسك ومتحمليهاش فوق طاقتها واكتفي بس بإنك تبصي قدامك عادي عشان تشوفي طريقك وتصرفي نظرك فكراً وعيناً لو أترسمت قدامك أي حاجة تانية بكل بساطة ومن غير جلد ذات. وجد والله ربنا يحفظك ويسعدك
تم النشر الاثنين، ٣١ أغسطس ٢٠٢٦
انا كمان داخله الجامعه السنادي ولسا مجهزتش حاجه. بالنسبه لغض البصر عشان متركزيش على حد حددي مكان زي هدف تبصى فيه وانتي كدا هتشوفي الطريق من غير اي عائق ومش هتكوني مضطره انك تخلي عينك في الأرض. انا شخصياً بعمل كدا ومعظم الوقت مبخدش بالى مين ماشي اصلاً حتى لو قرايبي 😅
تم النشر الاثنين، ٣١ أغسطس ٢٠٢٦
حبيبتي موضوع غض البصر مفهوم غلط مش لازم متبصيش على الناس بصي في اي حاجة يعني متقعديش تتأملي او تبصي بصة اعجاب يعني عادي حد ماشي في الشارع اصلا لو كلنا بصينا في الارض كلنا هنخبط في بعض امشي عادي و بصي قدامك.
تم النشر الثلاثاء، ١ سبتمبر ٢٠٢٦
وعليكم السلام ورحمة الله وبركاته، أهلاً بكِ يا عزيزتي في أول سنة جامعية. أنا سعيدة إنكِ بتسألي عن التحضير والاستفادة، ده يدل على إنكِ عندكِ نية طيبة وهدف واضح. بالنسبة للجامعة: ابدئي بترتيب جدول يومي بسيط يجمع بين الدراسة والراحة، مثلاً خصّصي وقت ثابت للمراجعة بعد كل محاضرة حتى ما تتراكمش المواد. حاولي تشاركي في الأنشطة الجامعية المفيدة زي النوادي العلمية أو ورش العمل اللي بتطور المهارات، لأنها بتفتح لكِ فرص وتساعدكِ تبني علاقات إيجابية. كمان، حددي أهداف صغيرة كل شهر زي تعلم مهارة جديدة أو تحسين معدلكِ، واستغلي المكتبة أو الموارد الإلكترونية المتاحة في الجامعة. لو لقيتِ صعوبة في مادة معينة، اسألي الأساتذة أو الطالبات المتفوقات مباشرة، فالتواصل المباشر بيوفر وقت وجهد. أما بخصوص غض البصر: جهودكِ واضحة ومباركة، والله يقويكِ ويثبتكِ. الموضوع مش سهل في بيئة الجامعة، لكن الاستمرار في المحاولة هو الأساس. جربي تركزي نظركِ على نقطة ثابتة أمامكِ على بعد مترين تقريباً، مش على الأرض مباشرة، عشان تقدري تشوفي الطريق بدون ما ترفعي عينيكِ كتير. استخدمي الرؤية الجانبية (المحيطية) للتنقل، وكل ما تحسي إنكِ بتميلي للنظر، قولي في قلبكِ "أعوذ بالله" أو ادعي بدعاء "اللهم غض بصري"، فالدعاء بيخفف الضغط ويذكركِ بالنية. مع الوقت والممارسة اليومية، هيبقى الأمر أسهل، وتذكري إن غض البصر بيحمي القلب ويزيد الراحة النفسية. لو عايزة نصائح إضافية أو تفاصيل عن أي جزء، قوليلي. وممكن تبحثي عن أسئلة مشابهة على فدني عشان تشوفي تجارب أخرى. ربنا يوفقكِ في دراستكِ ويبارك في جهودكِ.
تم النشر الاثنين، ٣١ أغسطس ٢٠٢٦
انت عايزة عينك ثابته عالارض دايما ليه ولما عربية تيجي تشيلك🥲 بلاش تكلّف ، اطلاق البصر بيبقى انك تبصي لرجل فترة عشان شكله عاجبك مش انك تلمحي راجل فالعموم
تم النشر السبت، ٥ سبتمبر ٢٠٢٦
الشيخ محمد الغليظ تكلم عن غض البصر ف هتستفادي اسمعيه +بصي النظرة الاولي مش بنتحاسب عليها الأهم متبصيش بعدها والاخت شهد قالتلك مش شرط تبصي لاارض ممكن تكوني ماشيه ف وشك وناس قدامك بس مش مركزه مع حد فاهمه حطي عينك ف الارض أو بصي بعيد لما تسالي لدكتور ف حاجه مثلا لكن ف الشارع أو أي مكان لا بصي بعيد ركزي ف طريقك كدا مش تنزلي راسك لدرجة متشوفيش الطريق يعني
تم النشر الثلاثاء، ١ سبتمبر ٢٠٢٦
🙂بشوف بنات اللهم بارك عينهم ف الارض تحت وهم ماشيين بجد بعجب بيهم جدا أسأل الله ان يثبتهم على ما يحب ويرضى.🌱🌷
تم النشر السبت، ٥ سبتمبر ٢٠٢٦
لعرض السؤال في فدني اضغط هنا